歷代志下 第 13 章 - 台語漢字羅馬本

1

耶羅波安王十八年，亞比雅坐位做猶大王，

2

佇耶路撒冷做王三年久。伊的老母名叫米該亞，是基比亞人烏列的查某子。亞比雅及耶羅波安交戰。

3

亞比雅用一陣過揀的兵四十萬來排陣，攏是好膽的戰士；耶羅波安也用過揀的大勇士八十萬，來對伊排陣。

4

亞比雅徛佇以法蓮山地的洗瑪臉山，講：「耶羅波安及以色列眾人啊，著聽我！

5

耶和華──以色列的上帝將以色列國永遠互大衛，就是設立鹽的約，賞賜伊及伊子孫，恁豈呣著知嗎？

6

總是大衛的子所羅門的人臣、尼八的子耶羅波安起來背叛伊的主人。

7

有許個無下落的匪類聚集隨伊，家己強猛來攻擊所羅門的子羅波安；彼時羅波安猶少年軟茈會抵當。

8

「今恁有意思欲抵敵大衛的子孫所治理耶和華的國，恁的人額真多，閣有金牛仔及恁佇就是耶羅波安所給恁造做上帝的。

9

恁豈呣是趕逐耶和華的祭司就是亞倫的子孫及利未人，照外國人的規例家己設立祭司嗎？甚至無論甚麼人牽一隻牛仔及七隻綿羊來分別家己，就通做無影跡的上帝的祭司。

10

論到阮，耶和華是阮的上帝，阮無棄拺伊。阮有祭司服事耶和華，就是亞倫的子孫，閣有利未人逐個盡伊的職，

11

逐早起逐下昏獻燒祭燒芳香互耶和華，閣有排列的餅佇聖潔的桌；也有金燈台及燈盞，逐下昏通點伊，因為阮守耶和華──阮上帝的命令；獨獨恁棄拺伊。

12

看啊，上帝及阮佇做阮的頭，伊的祭司也及阮佇，提響亮的號頭大聲歕攻擊恁。以色列人啊，呣通及耶和華──恁列祖的上帝交戰，因為恁會亨通。」

13

總是耶羅波安埋伏兵佇的後面。對按呢，以色列人佇猶大的頭前，埋伏的兵佇的後面。

14

猶大人越頭看，看前後攏有對敵的兵，就求叫耶和華，祭司也歕號頭。

15

猶大人就喉叫；猶大人喉叫的時，上帝就拍贏耶羅波安及以色列眾人佇亞比雅及猶大人的面前。

16

以色列人佇猶大人的面前逃走，上帝交佇猶大人的手。

17

亞比雅及伊的百姓大大死，以色列人倒來死的有五十萬過揀的人。

18

彼時，以色列人就降服，猶大人得著卡贏，因為倚靠耶和華──列祖的上帝的緣故。

19

亞比雅追耶羅波安，取伊幾若個城，就是伯特利及伊的鄉社，耶沙拿及伊的鄉社，以法蓮及伊的鄉社。

20

當亞比雅活的日，耶羅波安會閣強盛；耶和華拍伊，伊就死。

21

亞比雅漸漸強盛，娶某十四個，生子二十二個，查某子十六個。

22

亞比雅其餘的事及伊的言行，攏記佇先知易多的註解。