撒母耳記上 第 30 章 - 台語漢字羅馬本

1

第三日，大衛及隨伊的人到洗革拉。亞瑪力人已經侵犯南方及洗革拉，也拍洗革拉，用火燒伊，

2

掠城內的婦女無論大細，無死一個，干單掠伊去。

3

大衛及隨伊的人到彼個城，看見城已經互火燒去，的某子查某子攏互伊掠去。

4

大衛及隨伊的人就開聲哮，哮到無力通哮。

5

大衛二個某──耶斯列人亞希暖及曾做迦密人拿八的某亞比該，也互伊掠去。

6

大衛真著急，因為百姓講：「著用石頭擲伊。」是百姓人人為著的子查某子真煩惱，總是大衛倚靠耶和華──伊的上帝，家己堅固。

7

大衛給亞希米勒的子祭司亞比亞他講：「請你給我帶以弗得來。」亞比亞他就帶以弗得到大衛遐。

8

大衛問耶和華講：「我此個軍隊，會著抑？」耶和華講：「你著伊，因為穩當著，也穩當救攏倒來。」

9

大衛就及隨伊的六百人來到比梭的溪；留的人歇佇遐。

10

總是大衛及四百人去追，有二百人厭倦，會過比梭的溪，就留佇遐。

11

佇田野抵著一個埃及人，就帶伊到大衛遐；用餅互伊，伊就食，用水互伊飲，

12

閣互伊一塊無花果餅，二葩葡萄干。伊食了，精神復倒；因為伊三日三暝無食餅，無飲水。

13

大衛問伊講：「你屬是誰？對叨落來？」伊應講：「我是埃及的少年人，是亞瑪力人的奴僕；因為我三日前破病，我的主人就放拺我。

14

阮侵犯基利提的南勢及屬猶大的地，及迦勒地的南勢，閣用火燒洗革拉。」

15

大衛問伊講：「你會導我到彼個軍隊遐抑？」伊應講：「你著給我指上帝來咒誓，無死我，也無將我交佇我的主人的手，我就欲導你落去到彼個軍隊遐。」

16

伊導伊落去的時，看見四散佇遍地，飲食跳舞，因為對非利士地及猶大地所搶的物真多。

17

大衛拍對黃昏暗到隔日下昏，只有四百個騎駱駝的少年人走去，以外無一人走離。

18

亞瑪力人所搶去的財物，大衛攏救倒轉，大衛也救伊二個某倒來。

19

見若亞瑪力人所搶去的，無論大細、子、查某子、財物，大衛攏帶倒轉，無失落一個。

20

大衛閣搶所有的羊群牛群，趕伊佇精牲的頭前，講：「這是大衛所取來的。」

21

大衛到許個厭倦會跟隨大衛去，留佇比梭溪的二百人遐。出來迎接大衛及隨伊的百姓。大衛進前到百姓遐請安。

22

及大衛去的人，其中有歹人匪類攏總講：「因為無及咱去，咱所救倒轉的物的確呣分互，干單用逐人的某、子兒互，互導去。」

23

大衛講：「兄弟啊，呣通將耶和華所賞賜咱的物，按呢做；因為伊保護咱，將攻擊咱的軍隊交佇咱的手。

24

此個代誌是誰欲聽趁恁啊？顧守雜物的人所得著的份額，著親像出陣的人的份額；大家著平分。」

25

對彼日以後大衛設立此個做以色列的律例法度，直到今仔日。

26

大衛到洗革拉的時，對所搶的物的中間提起來寄去送伊的朋友猶大的長老，講：「看啊，諸個是對耶和華的對敵搶來的，送互恁做禮物。」

27

就是送互踮佇伯特利的，踮佇南方的拉末的，踮佇雅提珥的；

28

踮佇亞羅珥的，踮佇息末的，踮佇以實提莫的；

29

踮佇拉哈勒的，踮佇耶拉蔑人諸個城的，踮佇基尼人許個城的；

30

踮佇何珥瑪的，踮佇歌拉珊的，踮佇亞撻的；

31

踮佇希伯崙的，以及大衛及隨伊的人平素所往來的所在攏互伊。