約翰一書 第 5 章 - 台語漢字羅馬本

1

見若信耶穌做基督的，這是對上帝生的，閣見若疼生伊的，也疼對伊所生的。

2

咱若疼上帝，閣守伊的命令，就咱對按呢知咱疼上帝的子兒。

3

因為咱守上帝的命令，這就是疼上帝，閣伊的命令呣是重擔。

4

因為見若對上帝生的，卡贏世間；也彼個所以曾卡贏世間的，就是咱的信。

5

卡贏世間的是是誰啊？豈呣是信耶穌做上帝的子的嗎？

6

此個耶穌基督，是對水對血來的；呣若佇水，是佇水也佇血，

7

閣神是做干證的，因為神就是真理。

8

因為做干證的有三個：神，及水，及血，也此三個所干證的歸佇一。

9

人的干證咱若承受伊，上帝的干證是卡大，因為上帝的干證是此個，就是論伊的子伊有做干證。

10

信上帝的子的人，佇本身有此個干證；呣信上帝的人，便是互伊做白賊的，因為伊未有信上帝論伊的子所做的干證。

11

閣彼個干證是此個，就是上帝已經將永活互咱；也此個活是在佇伊的子。

12

有伊的子的就有活，無有上帝的子的就無有活。

13

我寫諸個互恁信上帝子的名者，欲互恁知恁有永活。

14

閣咱若照伊的旨意有所求，伊就聽咱，這是咱佇伊面前所有的好膽。

15

若知見有所求伊疼咱，就知所對伊求的，咱有得著。

16

人若看見伊的兄弟犯無致到死的罪，伊欲求，就欲用活命互伊，就是互諸個犯罪無致到死的；有致到死的罪，我講著祈禱，呣是指此個。

17

見若不義攏是罪，也有罪無致到死的。

18

咱知見若對上帝生的無犯罪，是對上帝生的保守伊，也彼個歹者無摸著伊。

19

咱知咱是對上帝來，也通世間住佇彼個歹者。

20

閣知，上帝的子已經到，有互咱曉悟，到識彼個真的，咱也佇真的，就是佇伊的子耶穌基督。此個是真的上帝，也是永活。

21

細子啊，著家己顧，離開偶像！