詩篇 第 60 章

1

(THR) Tāi-pı̍t tī nn̄g-tiâu khoe ê A-lân, í-kı̍p Só-pa ê A-lân, kau-chiàn ê sî, Iok-ap tò-lâi tī Iâm-kok, thâi-sí Í-tong lâng chı̍t-bān nn̄g-chheng, hit-sî Tāi-pı̍t chòe chit ê kim ê si, hō͘ lâng ha̍k-sı̍p; kau hō͘ Ga̍k-koaⁿ; tiāu, ēng "Chòe kan-chèng ê pek-ha̍p-hoe".1) Siōng-tè ah, Lí bat khì-sak góan, phò-hōai góan; Lí bat siū-khì góan, kiû Lí hō͘ góan koh heng-khí.

(BCL) 〔大衛佇二條溪的亞蘭以及瑣巴的亞蘭交戰的時，約押倒來，佇鹽谷死以東人一萬二千。彼時，大衛做此個金的詩，互人學習，交互樂官。調用做「干證的百合花。」〕上帝啊，你曾棄拺阮，破壞阮；你曾受氣阮，求你互阮閣興起！

2

(THR) Lí hō͘ tōe tín-tāng, ia̍h hō͘ i pang-lı̍h; Gōan Lí i-hó i ê lı̍h-hûn; in-ūi tōe iô-tāng.

(BCL) 你互地振動，亦互伊崩裂；願你醫好伊的裂痕，因為地搖動。

3

(THR) Lí hō͘ Lí ê peh-sìⁿ tú-tio̍h kan-lân; Lí hō͘ góan lim hit ê hō͘ lâng tian-lâi tó-khì ê chiú.

(BCL) 你互你的百姓抵著艱難；你互阮飲彼個互人顛來倒去的酒。

4

(THR) Lí ēng kî siúⁿ-sù kèng-ùi Lí ê lâng, Thang ūi chin-lí kia̍h--khí-lâi ia̍t. [Sè-la̍h

(BCL) 你用旗賞賜敬畏你的人，通為真理抬起來拽。（細拉）

5

(THR) Kiû Lí thiaⁿ góan, ēng chiàⁿ-chhiú khan-kiù góan, Thang hō͘ Lí só͘ thiàⁿ ê lâng tit-tio̍h kiù.

(BCL) 求你聽阮，用正手牽救阮，通互你所疼的人得著救。

6

(THR) Siōng-tè í-keng kí I ê sèng-kiat lâi kóng, Góa beh tāi-ia̍t, Góa beh pun-khui Sī-kiàm, niû So͘-kat ê soaⁿ-kok.

(BCL) 上帝已經指伊的聖潔來講：我欲大悅；我欲分開示劍，量疏割的山谷。

7

(THR) Ki-lia̍t sī Góa-ê, Má-ná-se ia̍h sī Góa-ê; Í-hoat-liân sī Góa ê thâu-khoe; Iû-tāi sī Góa ê kôan-pèng.

(BCL) 基列是我的，瑪拿西亦是我的。以法蓮是我的頭盔；猶大是我的權柄。

8

(THR) Mô͘-ap beh chòe Góa ê e̍k-phûn; Góa beh hiat Góa ê ôe tī Í-tong; Hui-lī-sū tōe ah, lí in-ūi Góa lâi tōa-siaⁿ hoah.

(BCL) 摩押欲做我的浴盆；我欲我的鞋佇以東。非利士地啊，你因為我來大聲喝？

9

(THR) Chī-chūi ōe chhōa góa jı̍p kian-kò͘ ê siâⁿ? Chī-chūi chhōa góa jı̍p Í-tong ê tōe?

(BCL) 是誰會導我入堅固的城？是誰導我入以東的地？

10

(THR) Siōng-tè ah, Lí kiám m̄-sī khì-sak góan mah? Siōng-tè ah, Lí bô kap góan ê kun-peng saⁿ-kap chhut-khì.

(BCL) 上帝啊，你豈呣是棄拺阮嗎？上帝啊，你無及阮的軍兵相及出去，

11

(THR) Kiû Lí pang-chān góan kong-kek tùi-te̍k; In-ūi lâng ê chín-kiù sī khang-khang.

(BCL) 求你幫助阮攻擊對敵，因為人的拯救是空空。

12

(THR) Góan óa-khò Siōng-tè, chòe-chiâⁿ tōa tāi-chì; In-ūi thún-ta̍h góan ê tùi-te̍k--ê, chiū-sī I.

(BCL) 阮倚靠上帝做成大代誌，因為踏阮的對敵的就是伊。

Bible Color Mark

• 台語漢字羅馬本
• 巴克禮全羅