詩篇 第 55 章

1

(THR) Tāi-pı̍t kà-sī ê si; kau hō͘ Ga̍k-koaⁿ; ēng si-hiân ê ga̍k-khì. 1) Siōng-tè ah, kiû Lí àⁿ hī-khang thiaⁿ góa ê kî-tó; M̄-thang tiàm-ba̍t, m̄ thiaⁿ góa ê khún-kiû.

(BCL) 〔大衛教示的詩，交互樂官。用絲弦的樂器。〕上帝啊，求你俯耳孔聽我的祈禱，呣通踮密呣聽我的懇求！

2

(THR) Kiû Lí àⁿ-lo̍h thiaⁿ góa, ìn góa; Góa pi-siong bô pêng-an, haiⁿ-haiⁿ-chhan;

(BCL) 求你俯落聽我，應我。我悲傷無平安，哼哼孱，

3

(THR) Lóng sī in-ūi tùi-te̍k ê siaⁿ, pháiⁿ-lâng ê chè-ap; In-ūi in chiong chōe-kòa chhia hō͘ góa, ēng siū-khì pek góa.

(BCL) 攏是因為對敵的聲，歹人的制壓；因為將罪過捙互我，用受氣迫我。

4

(THR) Góa ê sim tī góa lāi-bīn chin khó͘-thàng; Sí-bô ê kiaⁿ-hiâⁿ kàu tī góa.

(BCL) 我的心佇我內面真苦痛；死無的驚惶到佇我。

5

(THR) Kiaⁿ-hiâⁿ ngia̍uh-ngia̍uh-chhoah kàu tī góa, Kiaⁿ-hiâⁿ im-ba̍t góa.

(BCL) 驚惶愕愕惙到佇我；驚惶淹密我。

6

(THR) Góa chiū kóng, Gōan góa tit-tio̍h sı̍t, chhin-chhiūⁿ kap, Góa chiū pe--khì, tit-tio̍h an-jiân khiā-khí.

(BCL) 我就講：願我得著翅親像鴿，我就飛去，得著安然徛起。

7

(THR) Góa beh pe--khì hn̄g-hn̄g, Hioh tī khòng-iá. [Sè-la̍h

(BCL) 我欲飛去遠遠，歇佇曠野。（細拉）

8

(THR) Góa beh kín-kín cháu kàu siám-pī ê só͘-chāi, Thoat-lī kông-hong pò-thâu.

(BCL) 我欲緊緊走到閃避的所在，脫離狂風颶頭。

9

(THR) Chú ah, kiû Lí thun-bia̍t in, pun-khui in ê chı̍h; In-ūi góa tī siâⁿ-lāi bat khòaⁿ-kìⁿ kiông-pō kap saⁿ-chiⁿ ê sū.

(BCL) 主啊，求你吞滅，分開的舌！因為我佇城內曾看見強暴及相爭的事。

10

(THR) In mî-jı̍t kiâⁿ-se̍h tī siâⁿ-chhiûⁿ-téng; Tī siâⁿ-lāi ū hu-ké ok-to̍k.

(BCL) 暝日行踅佇城牆頂；佇城內有虛假惡毒。

11

(THR) Siâ-ok tī hit lāi-bīn; Ap-chè kan-chà bô lī-khui i ê koe-lō͘.

(BCL) 邪惡佇彼內面；壓制奸詐無離開伊的街路。

12

(THR) In-ūi húi-pòng góa--ê, m̄-sī tùi-te̍k; Siat-sú sī, chiū iáu ōe lún--tit; Chū-ko kong-kek góa--ê, m̄-sī òan-hūn góa ê lâng; Siat-sú sī, chiū ōe bih lâi siám i.

(BCL) 因為誹謗我的，呣是對敵，設使是就猶會得；自高攻擊我的，呣是怨恨我的人，設使是，就會匿來閃伊。

13

(THR) Bô phah-sǹg sī lí, to͘ sī góa pêng-pòe ê lâng, Góa ê tâng-phōaⁿ, góa ti-kí ê pêng-iú.

(BCL) 無拍算是你；都是我平輩的人，我的同伴，我知己的朋友！

14

(THR) Lán pêng-sò͘ saⁿ-kap tâm-lūn chin chhin-bı̍t, Lán kap chèng-lâng saⁿ-kap kiâⁿ tī Siōng-tè ê chhù.

(BCL) 咱平素相及談論，真親密；咱及眾人相及行佇上帝的厝。

15

(THR) Gōan sí-bô hut-jiân kàu tī in, Hō͘ in o̍ah-o̍ah lo̍h im-kan; In-ūi siâ-ok tī in khiā-khí ê só͘-chāi, tī in ê tiong-kan.

(BCL) 願死無忽然到佇！互活活落陰間！因為邪惡佇徛起的所在，佇的中間。

16

(THR) Lūn-kàu góa, góa beh kiû-kiò Siōng-tè; Iâ-hô-hoa beh kiù góa.

(BCL) 論到我，我欲求叫上帝；耶和華欲救我。

17

(THR) Ê-hng, chá-khí, jı̍t-tàu, góa beh ai-siong thó͘-khùi; I ia̍h beh thiaⁿ góa ê siaⁿ.

(BCL) 下昏、早起、日晝我欲哀傷吐氣；伊亦欲聽我的聲。

18

(THR) I kiù-sio̍k góa ê sìⁿ-miā, thoat-lī kong-kek góa ê lâng; hō͘ góa tit-tio̍h pêng-an; In-ūi hóan-tùi góa ê lâng chōe.

(BCL) 伊救贖我的生命脫離攻擊我的人，互我得著平安，因為反對我的人多。

19

(THR) Tùi kó͘-chá siông-siông tī-teh ê Siōng-tè, Beh thiaⁿ-kìⁿ, ia̍h beh pò-èng in; [Sè-la̍h Chiū-sī hiah ê bô kóe-pìⁿ, bô kèng-ùi Siōng-tè ê lâng.

(BCL) 對古早常常佇的上帝，欲聽見亦欲報應，就是許個無改變無敬畏上帝的人。

20

(THR) I chhun-chhiú kong-kek kap i saⁿ-hô ê lâng; I í-keng pōe i ê iok.

(BCL) 伊伸手攻擊及伊相和的人，伊已經背伊的約。

21

(THR) I ê chhùi ku̍t-tia̍h, chhin-chhiūⁿ lin-iû; I ê sim khǹg kau-chiàn; I ê ōe jiû-lóan, khah-iâⁿ ko-iû, Kî-sı̍t sī chhut-siù ê to.

(BCL) 伊的嘴滑摘親像奶油，伊的心囥交戰；伊的話柔軟卡贏膏油，其實是出鞘的刀。

22

(THR) Tio̍h chiong lí ê tàⁿ, sià hō͘ Iâ-hô-hoa; I beh hû-chhî lí, I éng-éng bô hō͘ gī-lâng iô-choah.

(BCL) 著將你的擔卸互耶和華，伊欲扶持你；伊永永無互義人搖泏。

23

(THR) Siōng-tè ah, Lí beh hō͘ in hām-lo̍h tī bia̍t-bô ê khiⁿ; Thâi-sí lâng kiâⁿ kan-chà ê, bōe o̍ah kàu tiong-liân; To̍k-to̍k góa beh óa-khò Lí.

(BCL) 上帝啊，你欲互陷落佇滅無的坑；死人行奸詐的，活到中年，獨獨我欲倚靠你。

Bible Color Mark

• 台語漢字羅馬本
• 巴克禮全羅