詩篇 第 5 章

1

(THR) Tāi-pı̍t ê si, kau hō͘ Ga̍k-koaⁿ; ēng pûn ê ga̍k-khì.1) Iâ-hô-hoa ah, kiû Lí àⁿ hī-khang thiaⁿ góa ê ōe. Kàm-chhat góa ê sim-su.

(BCL) 〔大衛的詩，交互樂官。用歕的樂器。〕耶和華啊，求你俯耳孔聽我的話，鑑察我的心思！

2

(THR) Góa ê Ông, góa ê Siōng-tè ah, Kiû Lí àⁿ-lo̍h thiaⁿ góa kiû-kiò ê siaⁿ: In-ūi góa ǹg Lí kî-tó.

(BCL) 我的王我的上帝啊，求你俯落聽我求叫的聲！因為我向你祈禱。

3

(THR) Iâ-hô-hoa ah, chá-khí-sî Lí ōe thiaⁿ góa ê siaⁿ; Chá-khí-sî góa beh tùi Lí pâi-lia̍t góa ê sim-ì, sòa beh liâu-bāng.

(BCL) 耶和華啊，早起時你會聽我的聲；早起時我欲對你排列我的心意，續欲瞭望！

4

(THR) In-ūi Lí m̄-sī hoaⁿ-hí chōe-ok ê Siōng-tè; Pháiⁿ--ê bōe-tit-thang kap Lí tâng khiā-khí.

(BCL) 因為你呣是歡喜罪惡的上帝，歹者得通及你同徛起。

5

(THR) Kiau-ngō͘ ê lâng bōe-ōe khiā tī Lí ê bīn-chêng; Chòe-pháiⁿ ê lâng lóng sī Lí só͘ òan-hūn.

(BCL) 驕傲的人會徛佇你的面前；做歹的人，攏是你所怨恨。

6

(THR) Kóng pe̍h-chha̍t--ê, Lí beh bia̍t in; Ài thâi lâng kap kan-kúi--ê, lóng sī Iâ-hô-hoa só͘ iàm-ò͘ⁿ.

(BCL) 講白賊者，你欲滅；愛人及奸詭者，攏是耶和華所厭惡。

7

(THR) Lūn-kàu góa, góa beh pîn Lí hong-sēng ê chû-ài jı̍p Lí ê chhù; Góa beh chûn kèng-ùi Lí ê sim, ǹg Lí ê sèng-tiān lâi kèng-pài.

(BCL) 論到我，我欲憑你豐盛的慈愛入你的厝；我欲存敬畏你的心向你的聖殿來敬拜。

8

(THR) Iâ-hô-hoa ah, kiû Lí in-ūi góa ê tùi-te̍k, pîn Lí ê kong-gī chhōa góa; Hō͘ Lí ê lō͘ tī góa ê bīn-chêng chèng-tı̍t.

(BCL) 耶和華啊，求你因為我的對敵，憑你的公義導我，互你的路佇我的面前正直。

9

(THR) In-ūi in ê chhùi bô láu-sı̍t; In ê sim ok-to̍k móa-móa; In ê nâ-âu sī khui-khui ê bōng; In ēng chı̍h thiám-mī lâng.

(BCL) 因為，的嘴無老實；的心惡毒滿滿；的嚨喉是開開的墓；用舌諂媚人。

10

(THR) Siōng-tè ah, kiû Lí tēng in ê chōe; Hō͘ in tùi ka-kī ê kè-bô͘ po̍ah-tó. In ê chōe-kòa chin-chōe, gōan Lí chiong in kóaⁿ-chhut; In-ūi in pōe-pōan Lí.

(BCL) 上帝啊，求你定的罪！互對家己的計謀跋倒；的罪過真多，願你將趕出，因為背叛你。

11

(THR) Kìⁿ-nā óa-khò Lí--ê, gōan in hoaⁿ-hí; Gōan in éng-éng hoaⁿ-hí chhut-siaⁿ; in-ūi Lí pì-iū in. Koh gōan hiah ê thiàⁿ-sioh Lí ê miâ ê lâng, lóng tiàm-tī Lí lâi hoaⁿ-hí.

(BCL) 見若倚靠你者，願歡喜，願永永歡喜出聲，因為你庇佑；閣願許個疼惜你的名的人攏踮佇你來歡喜。

12

(THR) In-ūi Lí beh sù-hok hō͘ gī-lâng; Iâ-hô-hoa ah, Lí beh ēng un-hūi, chhin-chhiūⁿ tîn-pâi, sì-bīn ûi--i.

(BCL) 因為你欲賜福互義人；耶和華啊，你欲用恩惠親像盾牌四面圍伊。

Bible Color Mark

• 台語漢字羅馬本
• 巴克禮全羅