詩篇 第 44 章

1

(THR) Khó-la̍h hō͘-è kà-sī ê si, kau hō͘ Ga̍k-koaⁿ.1) Siōng-tè ah, Lí tī kó͘-chá, góan ê lia̍t-chó͘ ê sî, só͘ kiâⁿ ê sū, góan chhin-hī thiaⁿ-kìⁿ, Góan ê lia̍t-chó͘ ia̍h ū tùi góan kóng-khí.

(BCL) 〔可拉後裔教示的詩，交互樂官。〕上帝啊！你佇古早，阮的列祖的時所行的事，阮親耳聽見；阮的列祖亦有對阮講起。

2

(THR) Lí bat ēng Lí ê chhiú kóaⁿ lia̍t-pang, lâi chai-pôe góan ê lia̍t-chó͘, Lí khó͘-chhó͘ hiah ê cho̍k, lâi hō͘ in hoat-ta̍t.

(BCL) 你曾用你的手趕列邦，來栽培阮的列祖；你苦楚許個族，來互發達。

3

(THR) In-ūi in m̄-sī tùi in ê to-kiàm lâi tit-tio̍h thó͘-tōe; Ia̍h m̄-sī in ê chhiú kiù in; Chiū-sī Lí ê chiàⁿ-chhiú, Lí ê chhiú-kut, Lí ê bīn ê kng kiù in; In-ūi Lí hoaⁿ-hí in.

(BCL) 因為呣是對的刀劍來得著土地，亦呣是的手救，就是你的正手、你的手骨，你的面的光救，因為你歡喜。

4

(THR) Siōng-tè ah, Lí sī góa ê Ông; Kiû Lí chhut lēng, chín-kiù Ngá-kok.

(BCL) 上帝啊，你是我的王；求你出令拯救雅各。

5

(THR) Góan óa-khò Lí, beh chhia-tó góan ê tùi-te̍k; Góan óa-khò Lí ê miâ, beh thún-ta̍h hiah ê khí-lâi kong-kek góan ê lâng.

(BCL) 阮倚靠你，欲捙倒阮的對敵，阮倚靠你的名欲睭踏許個起來攻擊阮的人。

6

(THR) In-ūi góa bô beh óa-khò góa ê keng, Góa ê to ia̍h bōe kiù góa.

(BCL) 因為我無欲倚靠我的弓；我的刀亦救我。

7

(THR) To̍k-to̍k Lí bat kiù góan thoat-lī tùi-te̍k, Hō͘ òan-hūn góan ê lâng kiàn-siàu.

(BCL) 獨獨你曾救阮脫離對敵，互怨恨阮的人見誚。

8

(THR) Góan thong-jı̍t in-ūi Siōng-tè lâi khoa-kháu, Góan beh o-ló Lí ê miâ kàu éng-óan. [Sè-la̍h

(BCL) 阮通日因為上帝來誇口，阮欲謳咾你的名到永遠。（細拉）

9

(THR) Chóng-sī hiān-kim Lí pàng-sak góan, hō͘ góan siū lêng-jio̍k; Bô kap góan ê kun-peng saⁿ-kap chhut-khì.

(BCL) 總是現今你放拺阮，互阮受凌辱，無及阮的軍兵相及出去。

10

(THR) Lí hō͘ góan tī tùi-te̍k ê bīn-chêng o̍at-tńg-sin cháu; Hiah ê òan-hūn góan ê lâng, chhut-chāi in lâi chhiúⁿ-the̍h.

(BCL) 你互阮佇對敵的面前越轉身走；許個怨恨阮的人出在來搶提。

11

(THR) Lí hō͘ góan chhin-chhiūⁿ iûⁿ chòe lâng ê chia̍h-mı̍h; Hō͘ góan sì-sòaⁿ tī lia̍t-pang tiong.

(BCL) 你互阮親像羊做人的食物，互阮四散佇列邦中。

12

(THR) Lí bōe Lí ê peh-sìⁿ, ia̍h bô thàn-chîⁿ, só͘ tit-tio̍h ê kè-chîⁿ, iā bô ke-thiⁿ Lí ê hó-gia̍h.

(BCL) 你賣你的百姓亦無趁錢，所得著的價錢也無加添你的好額。

13

(THR) Lí hō͘ góan siū keh-piah kok ê lêng-jio̍k; Siū sì-ûi ê lâng thí-chhiò ki-chhì.

(BCL) 你互阮受隔壁國的凌辱，受四圍的人恥笑譏刺。

14

(THR) Lí hō͘ góan tī lia̍t-pang-tiong chòe ōe-pìⁿ; Hō͘ chèng peh-sìⁿ tùi góan iô-thâu.

(BCL) 你互阮佇列邦中做話柄，互眾百姓對阮搖頭。

15

(THR) Góa ê lêng-jio̍k thong-jı̍t tī góa ê thâu-chêng; Góa ê bīn ê kiàn-siàu jia-khàm góa;

(BCL) 我的凌辱通日佇我的頭前，我的面的見誚遮蓋我，

16

(THR) Sī in-ūi hit ê lóe-mē, húi-pòng ê lâng ê siaⁿ, Koh in-ūi tùi-te̍k kap pò-oan ê lâng ê iân-kò͘.

(BCL) 是因為彼個詈罵誹謗的人的聲，閣因為對敵及報冤的人的緣故。

17

(THR) Chiah-ê lóng lîm-kàu góan, góan bô bōe-kì-tit Lí. Ia̍h bô ké-iáⁿ siú Lí ê iok.

(BCL) 諸個攏臨到阮，阮無記得你，亦無假影守你的約。

18

(THR) Góan ê sim bô pōe Lí; Góan ê kha-pō͘ bô phian-lī Lí ê lō͘.

(BCL) 阮的心無背你；阮的腳步無偏離你的路。

19

(THR) Lí kéng-jiân tī soaⁿ-káu ê só͘-chāi teh-siong góan, Ēng sí ê ìm-ńg jia-khàm góan.

(BCL) 你竟然佇山狗的所在壓傷阮，用死的蔭影遮蓋阮。

20

(THR) Siat-sú góan bōe-kì-tit góan ê Siōng-tè ê miâ, Á-sī ǹg pa̍t ê sîn kia̍h-khí chhiú;

(BCL) 設使阮記得阮的上帝的名，抑是向別個神抬起手，

21

(THR) Siōng-tè kiám bô kàm-chhat chit ê sū mah? In-ūi I chai lâng sim-lāi ê ún-ba̍t.

(BCL) 上帝豈無鑑察此個事嗎？因為伊知人心內的隱密。

22

(THR) Góan in-ūi Lí ê iân-kò͘, thong-jı̍t siū thâi; Khòaⁿ chòe chhin-chhiūⁿ beh thâi ê iûⁿ.

(BCL) 阮因為你的緣故通日受；看做親像欲的羊。

23

(THR) Chú ah, kiû Lí cheng-sîn, siáⁿ-sū teh khùn? Kiû Lí khí--lâi, m̄-thang éng-óan khì-sak góan.

(BCL) 主啊，求你精神，啥事睏？求你起來，呣通永遠棄拺阮！

24

(THR) Lí siáⁿ-sū ng Lí ê bīn? Siáⁿ-sū bōe-kì-tit góan só͘ siū ê khó͘-lān kap ap-chè?

(BCL) 你啥事掩你的面，啥事記得阮所受的苦難及壓制？

25

(THR) In-ūi góan ê sìⁿ-miā phak tī thô͘-hún; góan ê pak-tó͘ liâm tī tōe-bīn.

(BCL) 因為阮的生命仆佇土粉；阮的腹肚粘佇地面。

26

(THR) Kiû Lí khí-lâi pang-chān góan, Tài-liām Lí ê chû-ài kiù-sio̍k góan.

(BCL) 求你起來幫助阮！帶念你的慈愛救贖阮！

Bible Color Mark

• 台語漢字羅馬本
• 巴克禮全羅