詩篇 第 18 章

1

(THR) Iâ-hô-hoa ê lô͘-po̍k Tāi-pı̍t ê si; kau hō͘ Ga̍k-koaⁿ. Tng Iâ-hô-hoa kiù i thoat-lī it-chhè ê tùi-te̍k, kap Sò-lô ê chhiú ê jı̍t, i tùi Iâ-hô-hoa liām chit ê si ê ōe; kóng,1) Iâ-hô-hoa góa ê khùi-la̍t ah, góa thiàⁿ Lí.

(BCL) 〔耶和華的奴僕大衛的詩，交互樂官。當耶和華救伊脫離一切的對敵及掃羅的手的日，伊對耶和華唸此個詩的話。講：〕耶和華，我的氣力啊！我疼你！

2

(THR) Iâ-hô-hoa sī góa ê soaⁿ-giâm, góa ê soaⁿ-chē, góa ê Kiù-chú; Góa ê Siōng-tè, góa ê chio̍h-pôaⁿ, góa beh óa-khò I; I sī góa ê tîn-pâi, sī kiù góa ê kak, sī góa ê kôaiⁿ-tâi.

(BCL) 耶和華是我的山巖，我的山寨，我的救主，我的上帝，我的石磐，我欲倚靠伊。伊是我的盾牌，是救我的角，是我的高台。

3

(THR) Góa beh kiû-kiò eng-kai o-ló ê Iâ-hô-hoa; Góa chiū tit-tio̍h kiù thoat-lī góa ê tùi-te̍k.

(BCL) 我欲求叫應該謳咾的耶和華；我就得著救脫離我的對敵。

4

(THR) Sí-bô ê soh tîⁿ góa, Húi-lūi ê tōa-chúi hō͘ góa kiaⁿ.

(BCL) 死無的索纏我，匪類的大水互我驚，

5

(THR) Im-kan ê soh ûi-khùn góa, Sí-bô ê lô-bāng lîm-kàu góa.

(BCL) 陰間的索圍困我，死無的羅網臨到我。

6

(THR) Góa tī khó͘-lān-tiong kî-kiû Iâ-hô-hoa, Tùi góa ê Siōng-tè kiû-kiò; I tùi I ê tiān-lāi thiaⁿ góa ê siaⁿ, Góa tī I ê bīn-chêng só͘ kiû--ê jı̍p tī I ê hī-khang.

(BCL) 我佇苦難中祈求耶和華，對我的上帝求叫。伊對伊的殿內聽我的聲；我佇伊的面前所求的入佇伊的耳孔。

7

(THR) In-ūi I siū-khì, tōe chiū iô koh choah; Soaⁿ ê tōe-ki ia̍h tín-tāng iô-choah.

(BCL) 因為伊受氣，地就搖閣泏；山的地基亦振動搖泏。

8

(THR) Tùi I ê phīⁿ-khang chhèng-chhut ian, Tùi I ê chhùi-lāi hoat-chhut hé, Thô͘-thòaⁿ tùi án-ni to̍h.

(BCL) 對伊的鼻孔淐出煙；對伊的嘴內發出火，土炭對按呢。

9

(THR) I hō͘ thiⁿ sûi-lo̍h kē, pún-sin lîm-kàu, I ê kha-ē o͘-àm-àm.

(BCL) 伊互天垂落低，本身臨到，伊的腳下黑暗暗。

10

(THR) I khiâ ki-lō͘-peng teh pe; I ēng hong ê sı̍t kín-kín pe.

(BCL) 伊騎兵飛；伊用風的翅緊緊飛。

11

(THR) I ēng o͘-àm chòe bih-sin ê só͘-chāi, chòe tiùⁿ-pâng lâi ûi I; Chiū-sī chúi ê o͘-àm, khong-tiong ê ba̍t-hûn.

(BCL) 伊用黑暗做匿身的所在，做帳房來圍伊就是水的黑暗、空中的密雲。

12

(THR) In-ūi I thâu-chêng ê kng, chiū I ê ba̍t-hûn kiâⁿ kè-khì, Ū pha̍uh kap to̍h ê thô͘-thòaⁿ.

(BCL) 因為伊頭前的光，就伊的密雲行過去有雹及的土炭。

13

(THR) Iâ-hô-hoa tī thiⁿ--nih khí lûi, Chì-kôaiⁿ--ê chhut I ê siaⁿ; Ū pha̍uh kap to̍h ê thô͘-thòaⁿ.

(BCL) 耶和華佇天裡起雷；至高者出伊的聲有雹及的土炭。

14

(THR) I siā-chhut I ê chìⁿ, hō͘ tùi-te̍k sì-sòaⁿ; Hoat-chhut chōe-chōe sih-nà, hō͘ in jiáu-lōan.

(BCL) 伊射出伊的箭，互對敵四散；發出多多閃爁，互擾亂。

15

(THR) Iâ-hô-hoa ah, Lí ê chek-pī chı̍t-ē hoat, Lí ê phīⁿ-khang ê khì chı̍t-ē chhut, Chúi-tóe chiū chhut-hiān, Tōa-tōe ê kun-ki ia̍h lō͘-hiān.

(BCL) 耶和華啊，你的責備一下發，你的鼻孔的氣一下出，水底就出現，大地的根基亦露現。

16

(THR) I tùi téng-bīn chhun-chhiú khiú góa, Khan góa chhut tōa-chúi ê tiong-kan.

(BCL) 伊對頂面伸手我，牽我出大水的中間。

17

(THR) I kiù góa thoat-lī góa béng ê tùi-te̍k, Í-kı̍p hiah ê òan-hūn góa ê lâng; In-ūi in pí góa khah-kiông.

(BCL) 伊救我脫離我猛的對敵以及許個怨恨我的人，因為比我卡強。

18

(THR) Góa tú-tio̍h chai-lān ê jı̍t, in lâi kong-kek góa; chóng-sī Iâ-hô-hoa sī góa só͘ óa-khò--ê.

(BCL) 我抵著災難的日，來攻擊我；總是耶和華是我所倚靠者。

19

(THR) I ia̍h chhōa góa kàu khui-khoah ê só͘-chāi, I kiù góa, in-ūi I hoaⁿ-hí góa.

(BCL) 伊亦導我到開闊的所在；伊救我，因為伊歡喜我。

20

(THR) Iâ-hô-hoa chiàu góa ê gī pò-tap góa; Chiàu góa chhiú ê chheng-khì pò-siúⁿ góa.

(BCL) 耶和華照我的義報答我，照我手的清氣報賞我。

21

(THR) In-ūi góa chun-siú Iâ-hô-hoa ê tō-lō͘, Bē-bat chòe-pháiⁿ, lī-khui góa ê Siōng-tè.

(BCL) 因為我遵守耶和華的道路，未曾做歹離開我的上帝。

22

(THR) I ê hoat-lu̍t lóng tī góa ê bīn-chêng; I ê lé-gî, góa bē-bat khì-sak.

(BCL) 伊的法律攏佇我的面前；伊的禮儀我未曾棄拺。

23

(THR) Góa tī I ê bīn-chêng chòe ôan-chôan, Góa ia̍h pó-siú ka-kī, lī-khui góa ê chōe-ok.

(BCL) 我佇伊的面前做完全；我亦保守家己離開我的罪惡。

24

(THR) Só͘-í Iâ-hô-hoa pò-siúⁿ góa, sī chiàu góa ê gī; Ia̍h sī chiàu góa tī I ê ba̍k-chiu chêng, góa chhiú ê chheng-khì.

(BCL) 所以，耶和華報賞我是照我的義，亦是照我佇伊的目睭前我手的清氣。

25

(THR) Chû-ài ê lâng, Lí ēng chû-ài khóan-thāi i; Ôan-chôan ê lâng, Lí ēng ôan-chôan khóan-thāi i;

(BCL) 慈愛的人，你用慈愛款待伊；完全的人，你用完全款待伊。

26

(THR) Chheng-khì ê lâng, Lí ēng chheng-khì khóan-thāi i; Kōai-phiah ê lâng, Lí ēng oan-khiau khóan-thāi i.

(BCL) 清氣的人，你用清氣款待伊；乖僻的人，你用彎曲款待伊。

27

(THR) In-ūi khùn-khó͘ ê peh-sìⁿ, Lí beh kiù i; Chū-ko ê ba̍k-chiu, Lí beh hō͘ i hê--lo̍h-khì.

(BCL) 因為困苦的百姓，你欲救伊；自高的目睭，你欲互伊回落去。

28

(THR) In-ūi Lí beh tiám-to̍h góa ê teng; Iâ-hô-hoa góa ê Siōng-tè beh chiò-kng góa ê àm.

(BCL) 因為你欲點我的燈；耶和華──我的上帝欲照光我的暗。

29

(THR) In-ūi góa óa-khò Lí, chhiong-jı̍p kun-tūi, Óa-khò góa ê Siōng-tè thiàu-kè chhiûⁿ.

(BCL) 因為我倚靠你衝入軍隊，倚靠我的上帝跳過牆。

30

(THR) Lūn-kàu Siōng-tè, I ê lō͘ sī ôan-chôan; Iâ-hô-hoa ê ōe sī kè thòan-liān--ê; Kìⁿ-nā óa-khò I--ê, I chiū chòe in ê tîn-pâi.

(BCL) 論到上帝，伊的路是完全；耶和華的話是過鍛煉的。見若倚靠伊者，伊就做的盾牌。

31

(THR) In-ūi Iâ-hô-hoa í-gōa, chī-chūi sī Siōng-tè? Góan ê Siōng-tè í-gōa, chī-chūi sī chio̍h-pôaⁿ?

(BCL) 因為耶和華以外，是誰是上帝？阮的上帝以外，是誰是石磐？

32

(THR) Chiū-sī hit ê ēng khùi-la̍t hâ góa ê io, Hō͘ góa ê lō͘ ôan-chôan ê Siōng-tè.

(BCL) 就是彼個用氣力縖我的腰、互我的路完全的上帝。

33

(THR) I hō͘ góa ê kha chhin-chhiūⁿ lo̍k-bú ê kha, Koh an-tì góa tī góa kôaiⁿ ê só͘-chāi.

(BCL) 伊互我的腳親像鹿母的腳，閣安置我佇我高的所在。

34

(THR) I kà-sī góa ê chhiú gâu kau-chiàn, Tì-kàu góa ê chhiú-kut ōe khui tâng ê keng.

(BCL) 伊教示我的手交戰，致到我的手骨會開銅的弓。

35

(THR) Lí ēng Lí kiù-un ê tîn-pâi hō͘ góa; Lí ēng chiàⁿ-chhiú hû-chhî góa; Lí ê un-hô hō͘ góa chòe tōa.

(BCL) 你用你救恩的盾牌互我；你用正手扶持我；你的溫和互我做大。

36

(THR) Lí hō͘ góa só͘ ta̍h ê tōe khui-khoah; Góa ê kha bē-bat ta̍h-chhū.

(BCL) 你互我所踏的地開闊；我的腳未曾踏趨。

37

(THR) Góa beh tui góa ê tùi-te̍k, ia̍h beh jip--tio̍h in; In iáu-bē bia̍t-bô ê tāi-seng, góa bô beh tò-tńg.

(BCL) 我欲追我的對敵，亦欲著；猶未滅無的代先，我無欲倒轉。

38

(THR) Góa beh phah in thiám-thiám, tì-kàu in bōe khí-lâi; In beh tó tī góa ê kha-ē.

(BCL) 我欲拍殄殄，致到起來；欲倒佇我的腳下。

39

(THR) In-ūi Lí bat ēng khùi-la̍t hâ góa ê io, hō͘ góa gâu kau-chiàn; Lí hō͘ hiah ê khí-lâi kong-kek góa--ê, lóng hâng-ho̍k tī góa ê ē-bīn.

(BCL) 因為你曾用氣力縖我的腰，互我交戰；你互許個起來攻擊我者攏降服佇我的下面。

40

(THR) Lí ia̍h hō͘ góa ê tùi-te̍k o̍at-tńg-sin tô-cháu; Hō͘ góa ōe châu-bia̍t hiah ê òan-hūn góa ê lâng.

(BCL) 你亦互我的對敵越轉身逃走，互我會剿滅許個怨恨我的人。

41

(THR) In kiû-kiò, ia̍h bô lâng kiù in; Chiū kiû-kiò Iâ-hô-hoa, I ia̍h bô ìn.

(BCL) 求叫，亦無人救；就求叫耶和華，伊亦無應。

42

(THR) Góa tûi in kàu chhùi-chhùi, chhin-chhiūⁿ hong chhe ê thô͘-hún; Piàⁿ-chhut in, chhin-chhiūⁿ koe-lō͘ ê thô͘-bê.

(BCL) 我搥到碎碎，親像風吹的土粉，傾出，親像街路的土糜。

43

(THR) Lí kiù góa thoat-lī peh-sìⁿ ê saⁿ-chiⁿ; Lí siat-lı̍p góa chòe lia̍t-pang ê thâu; Góa pún-jiân m̄-bat ê peh-sìⁿ beh ho̍k-sāi góa;

(BCL) 你救我脫離百姓的相爭，你設立我做列邦的頭；我本然呣識的百姓欲服事我。

44

(THR) In chı̍t-ē thiaⁿ-kìⁿ góa ê miâ chiū beh sūn-thàn góa; Īⁿ-pang ê lâng beh tâu-hâng góa.

(BCL) 一下聽見我的名就欲順趁我；異邦的人欲投降我。

45

(THR) Īⁿ-pang lâng beh soe-thè, Kiaⁿ-hiâⁿ ngia̍uh-ngia̍uh-chhoah, chhut in ê iâⁿ-chē.

(BCL) 異邦人欲衰退，驚惶愕愕惙出的營寨。

46

(THR) Iâ-hô-hoa sī o̍ah--ê, gōan góa ê chio̍h-pôaⁿ tit-tio̍h o-ló; Gōan kiù góa ê Siōng-tè tit-tio̍h seng-kôaiⁿ.

(BCL) 耶和華是活者。願我的石磐得著謳咾；願救我的上帝得著升高。

47

(THR) Chit ê Siōng-tè chiū-sī hit ê kā góa sin-oan, Hō͘ chèng peh-sìⁿ hâng-ho̍k tī góa ê ē-bīn--ê.

(BCL) 此個上帝，就是彼個給我伸冤、互眾百姓降服佇我的下面的，

48

(THR) I kiù góa thoat-lī góa ê tùi-te̍k, Lí chiong góa kú-khí khah kôaiⁿ hiah ê khí-lâi kong-kek góa ê; Lí kiù góa thoat-lī kiông-pō ê lâng.

(BCL) 伊救我脫離我的對敵，你將我舉起，卡高許個起來攻擊我的；你救我脫離強暴的人。

49

(THR) Iâ-hô-hoa ah, in-ūi án-ni góa beh tī lia̍t-pang-tiong kám-siā Lí; Chhiùⁿ-koa o-ló Lí ê miâ.

(BCL) 耶和華啊，因為按呢我欲佇列邦中感謝你，唱歌謳咾你的名。

50

(THR) Iâ-hô-hoa siúⁿ-sù ke̍k-tōa ê kiù-un, hō͘ I só͘ siat-lı̍p ê ông; Si-chhut chû-ài hō͘ I siū-boah-iû ê, Chiū-sī hō͘ Tāi-pı̍t kap i ê hō͘-è, tı̍t-kàu éng-óan.

(BCL) 耶和華賞賜極大的救恩，互伊所設立的王，施出慈愛互伊受抹油者，就是互大衛及伊的後裔，直到永遠。

Bible Color Mark

• 台語漢字羅馬本
• 巴克禮全羅