詩篇 第 16 章

1

(THR) Tāi-pı̍t kim ê si.1) Siōng-tè ah, kiû Lí pó-hō͘ góa; in-ūi góa óa-khò Lí.

(BCL) 〔大衛金的詩〕上帝啊，求你保護我，因為我倚靠你。

2

(THR) Góa ê lêng ah, lí bat tùi Iâ-hô-hoa kóng, Lí sī góa ê Chú, Lí í-gōa, góa bô hok-khì.

(BCL) 我的靈啊，你曾對耶和華講：你是我的主；你以外我無福氣。

3

(THR) Lūn-kàu tōe-chiūⁿ sèng ê peh-sìⁿ, In sī ke̍k-kî hó, sī góa só͘ chhim-chhim hoaⁿ-hí ê.

(BCL) 論到地上聖的百姓，是極其好，是我所深深歡喜的。

4

(THR) Ēng pa̍t ê sîn thòe-ōaⁿ Iâ-hô-hoa ê, in ê iu-khó͘ beh ná ke-thiⁿ; In hiàn tiān-huih ê chè, góa bô beh hiàn; Góa ê chhùi-tûn ia̍h m̄ thê-khí in ê miâ.

(BCL) 用別個神替換耶和華的，的憂苦欲愈加添；獻奠血的祭我無欲獻；我的嘴唇亦呣提起的名。

5

(THR) Iâ-hô-hoa sī góa ê sán-gia̍p, kap góa poe-tiong ê hūn-gia̍h; Góa só͘ èng-tit--ê, Lí kā góa kò͘-siú.

(BCL) 耶和華是我的產業，及我杯中的份額；我所應得的，你給我顧守。

6

(THR) Só͘ niû hō͘ góa ê tōe, sī tī chin súi ê só͘-chāi; Góa ê sán-gia̍p sı̍t-chāi chin hó.

(BCL) 所量互我的地，是佇真娞的所在；我的產業實在真好。

7

(THR) Góa beh o-ló hit ê kà-sī góa ê Iâ-hô-hoa; Mî--sî góa ê sim-tn̂g ia̍h chí-tiám góa.

(BCL) 我欲謳咾彼個教示我的耶和華；暝時我的心腸亦指點我。

8

(THR) Góa siông-siông kèng-hōng Iâ-hô-hoa tī góa ê bīn-chêng; In-ūi I tī góa ê chiàⁿ-pêng, góa chiū bô iô-choah.

(BCL) 我常常敬奉耶和華佇我的面前，因為伊佇我的正旁，我就無搖泏。

9

(THR) In-ūi án-ni góa ê sim hoaⁿ-hí, góa ê sîn khòai-lo̍k; Góa ê jio̍k-sin ia̍h beh an-jiân khiā-khí.

(BCL) 因為按呢，我的心歡喜，我的神快樂；我的肉身亦欲安然徛起。

10

(THR) In-ūi Lí bô chiong góa ê lêng-hûn pàng-hē tī im-kan; Ia̍h bô hō͘ Lí ê sèng--ê tú-tio̍h hiú-nōa.

(BCL) 因為你無將我的靈魂放下佇陰間，亦無互你的聖者抵著朽爛。

11

(THR) Lí beh chiong o̍ah-miā ê lō͘ chí-sī góa; Tī Lí ê bīn-chêng ū móa-chiok ê hoaⁿ-hí; Tī Lí ê chiàⁿ-chhiú ū éng-óan ê khòai-lo̍k.

(BCL) 你欲將活命的路指示我。佇你的面前有滿足的歡喜；佇你的正手有永遠的快樂。

Bible Color Mark

• 台語漢字羅馬本
• 巴克禮全羅