詩篇 第 141 章

1

(THR) Tāi-pı̍t ê si.1) Iâ-hô-hoa ah, góa bat kiû-kiò Lí; Kiû Lí kín-kín lîm-kàu góa; Góa kiû-kiò Lí ê sî, Gōan Lí àⁿ hī-khang thiaⁿ góa ê siaⁿ.

(BCL) 〔大衛的詩。〕耶和華啊，我曾求叫你，求你緊緊臨到我！我求叫你的時，願你俯耳孔聽我的聲！

2

(THR) Gōan góa ê kî-tó, chhin-chhiūⁿ hiuⁿ, pâi tī Lí ê bīn-chêng; Gōan góa ê kia̍h-khí chhiú, chhin-chhiūⁿ ê-hng-sî ê chè-sū.

(BCL) 願我的祈禱親像香排佇你的面前！願我的抬起手，親像下昏時的祭祀！

3

(THR) Iâ-hô-hoa ah, kiû Lí kò͘-siú góa ê chhùi; Pé-siú góa chhùi-tûn ê mn̂g.

(BCL) 耶和華啊，求你顧守我的嘴，把守我嘴唇的門！

4

(THR) Kiû Lí bô hō͘ góa ê sim phian-ǹg siâ-ok, Tì-kàu góa kap chok-gia̍t ê lâng tâng-kiâⁿ pháiⁿ-tāi; Ia̍h bô hō͘ góa chia̍h in ê hó-mı̍h.

(BCL) 求你無互我的心偏向邪惡，致到我及作孽的人同行歹代；亦無互我食的好物。

5

(THR) Gī-lâng phah góa, góa sǹg-chòe jîn-chû; I chek-pī góa, góa sǹg-chòe thâu-khak-téng boah-iû; Góa ê thâu-khak bô beh o̍at-siám; Tng in kiâⁿ-pháiⁿ ê sî, góa iû-gôan beh kî-tó.

(BCL) 義人拍我，我算做仁慈；伊責備我，我算做頭殼頂抹油；我的頭殼無欲越閃。當行歹的時，我猶原欲祈禱。

6

(THR) In ê sím-phòaⁿ-koaⁿ siū hiat-lo̍h soaⁿ-khàm; In beh thiaⁿ góa ê ōe, in-ūi che ōe sī tiⁿ.

(BCL) 的審判官受落山崁；欲聽我的話，因為這話是甜。

7

(THR) Góan ê kut-thâu sì-sòaⁿ tī bōng-piⁿ; Chhin-chhiūⁿ lâng choh-chhân, lôe-khui hit ê thô͘.

(BCL) 阮的骨頭四散佇墓邊，親像人作田、犁開彼個土。

8

(THR) Chú Iâ-hô-hoa ah, góa ê ba̍k-chiu ǹg Lí; Góa óa-khò Lí, kiû Lí m̄-thang pàng-sak góa ê sîn-hûn bô i-óa.

(BCL) 主──耶和華啊，我的目睭向你；我倚靠你，求你呣通放拺我的神魂無依倚！

9

(THR) Kiû Lí pó-hō͘ góa thoat-lī in ūi-tio̍h góa tiuⁿ ê o̍ah-tauh, Kap kiâⁿ-pháiⁿ ê lâng ê khôan-thò.

(BCL) 求你保護我脫離為著我張的活罩，及行歹的人的圈套！

10

(THR) Gōan pháiⁿ-lâng hām-lo̍h tī in ê lô-bāng; Chóng-sī góa tit-tio̍h thoat-lī.

(BCL) 願歹人陷落佇的羅網，總是我得著脫離。

Bible Color Mark

• 台語漢字羅馬本
• 巴克禮全羅