詩篇 第 136 章

1

(THR) Lín tio̍h kám-siā Iâ-hô-hoa, in-ūi I sī hó; In-ūi I ê chû-ài éng-óan tī-teh.

(BCL) 恁著感謝耶和華，因為伊是好；因為伊的慈愛永遠佇。

2

(THR) Lín tio̍h kám-siā chiah ê siōng-tè ê Siōng-tè; In-ūi I ê chû-ài éng-óan tī-teh.

(BCL) 恁著感謝諸個上帝的上帝，因為伊的慈愛永遠佇。

3

(THR) Lín tio̍h kám-siā bān-chú ê Chú; In-ūi I ê chû-ài éng-óan tī-teh.

(BCL) 恁著感謝萬主的主，因為伊的慈愛永遠佇。

4

(THR) Kám-siā hit ê ka-kī kiâⁿ tōa kî-sū ê; In-ūi I ê chû-ài éng-óan tī-teh.

(BCL) 感謝彼個家己行大奇事的，因為伊的慈愛永遠佇。

5

(THR) Kám-siā hit ê ēng tì-hūi chhòng-chō thiⁿ ê; In-ūi I ê chû-ài éng-óan tī-teh.

(BCL) 感謝彼個用智慧創造天的，因為伊的慈愛永遠佇。

6

(THR) Kám-siā hit ê pho͘ tōe tī chúi ê téng-bīn ê; In-ūi I ê chû-ài éng-óan tī-teh.

(BCL) 感謝彼個舖地佇水的頂面的，因為伊的慈愛永遠佇。

7

(THR) Kám-siā hit ê chhòng-chō tōa ê kng-thé ê; In-ūi I ê chû-ài éng-óan tī-teh.

(BCL) 感謝彼個創造大的光體的，因為伊的慈愛永遠佇。

8

(THR) Chiū-sī jı̍t-thâu lâi kóan jı̍t--sî; In-ūi I ê chû-ài éng-óan tī-teh;

(BCL) 就是日頭來管日時，因為伊的慈愛永遠佇。

9

(THR) Ge̍h kap chhiⁿ kóan mî--sî; In-ūi I ê chû-ài éng-óan tī-teh.

(BCL) 月及星管暝時，因為伊的慈愛永遠佇。

10

(THR) Kám-siā hit ê phah-sí Ai-kı̍p lâng ê tōa-kiáⁿ ê; In-ūi I ê chû-ài éng-óan tī-teh.

(BCL) 感謝彼個拍死埃及人的大子的，因為伊的慈愛永遠佇。

11

(THR) Chhōa Í-sek-lia̍t lâng tùi in tiong-kan chhut-lâi ê; In-ūi I ê chû-ài éng-óan tī-teh.

(BCL) 導以色列人對中間出來的，因為伊的慈愛永遠佇。

12

(THR) Ēng tōa kôan-lêng ê chhiú kap chhun-chhut-lâi ê chhiú-kut; In-ūi I ê chû-ài éng-óan tī-teh.

(BCL) 用大權能的手及伸出來的手骨，因為伊的慈愛永遠佇。

13

(THR) Kám-siā hit ê pun-khui Âng-hái ê; In-ūi I ê chû-ài éng-óan tī-teh.

(BCL) 感謝彼個分開紅海的，因為伊的慈愛永遠佇。

14

(THR) Iā chhōa Í-sek-lia̍t tùi hit ê tiong-kan keng-kè ê; In-ūi I ê chû-ài éng-óan tī-teh.

(BCL) 也導以色列對彼個中間經過的，因為伊的慈愛永遠佇。

15

(THR) Chiong Hoat-ló kap i ê kun-peng hiat tī Âng-hái ê; In-ūi I ê chû-ài éng-óan tī-teh.

(BCL) 將法老及伊的軍兵佇紅海的，因為伊的慈愛永遠佇。

16

(THR) Kám-siā hit ê chhōa I ê peh-sìⁿ kiâⁿ tī khòng-iá ê; In-ūi I ê chû-ài éng-óan tī-teh.

(BCL) 感謝彼個導伊的百姓行佇曠野的，因為伊的慈愛永遠佇。

17

(THR) Kám-siā hit ê phah-sí tōa kun-ông ê; In-ūi I ê chû-ài éng-óan tī-teh.

(BCL) 感謝彼個拍死大君王的，因為伊的慈愛永遠佇。

18

(THR) Thâi-sí ū miâ-siaⁿ ê ông ê; In-ūi I ê chû-ài éng-óan tī-teh.

(BCL) 死有名聲的王的，因為伊的慈愛永遠佇。

19

(THR) Thâi-sí A-mô͘-lī ông Se-hông; In-ūi I ê chû-ài éng-óan tī-teh.

(BCL) 死亞摩利王西宏，因為伊的慈愛永遠佇；

20

(THR) Koh thâi-sí Pa-san ông Go̍k; In-ūi I ê chû-ài éng-óan tī-teh.

(BCL) 閣死巴珊王噩，因為伊的慈愛永遠佇。

21

(THR) Chiong in ê tōe siúⁿ-sù chòe gia̍p; In-ūi I ê chû-ài éng-óan tī-teh.

(BCL) 將的地賞賜做業，因為伊的慈愛永遠佇；

22

(THR) Chiū-sī siúⁿ-sù I ê lô͘-po̍k Í-sek-lia̍t chòe gia̍p; In-ūi I ê chû-ài éng-óan tī-teh.

(BCL) 就是賞賜伊的奴僕以色列做業，因為伊的慈愛永遠佇。

23

(THR) I siàu-liām lán tī pi-bî ê ūi; In-ūi I ê chû-ài éng-óan tī-teh.

(BCL) 伊數念咱佇卑微的位，因為伊的慈愛永遠佇。

24

(THR) Chín-kiù lán thoat-lī lán ê tùi-te̍k; In-ūi I ê chû-ài éng-óan tī-teh.

(BCL) 拯救咱脫離咱的對敵，因為伊的慈愛永遠佇。

25

(THR) I siúⁿ-sù bí-niû hō͘ kìⁿ ū hiat-khì ê; In-ūi I ê chû-ài éng-óan tī-teh.

(BCL) 伊賞賜米糧互見有血氣的，因為伊的慈愛永遠佇。

26

(THR) Lín tio̍h kám-siā thiⁿ-téng ê Siōng-tè; In-ūi I ê chû-ài éng-óan tī-teh.

(BCL) 恁著感謝天頂的上帝，因為伊的慈愛永遠佇。

Bible Color Mark

• 台語漢字羅馬本
• 巴克禮全羅