詩篇 第 135 章

1

(THR) Lín tio̍h o-ló Iâ-hô-hoa. Lín tio̍h o-ló Iâ-hô-hoa ê miâ; Iâ-hô-hoa chiah ê lô͘-po̍k, tiàm tī Iâ-hô-hoa ê chhù,

(BCL) 恁著謳咾耶和華！恁著謳咾耶和華的名！耶和華諸個奴僕踮佇耶和華的厝；

2

(THR) Tiàm tī lán ê Siōng-tè ê chhù ê īⁿ-lāi ê, Lín tio̍h o-ló I.

(BCL) 踮佇咱的上帝的厝的院內的，恁著謳咾伊！

3

(THR) Lín tio̍h o-ló Iâ-hô-hoa, in-ūi Iâ-hô-hoa sī hó; tio̍h chhiùⁿ-koa o-ló I ê miâ, in-ūi che sī chin biāu.

(BCL) 恁著謳咾耶和華！因為耶和華是好；著唱歌謳咾伊的名，因為這是真妙。

4

(THR) In-ūi Iâ-hô-hoa kéng Ngá-kok kui I ka-kī, Kéng Í-sek-lia̍t chòe ka-kī te̍k-pia̍t ê peh-sìⁿ.

(BCL) 因為耶和華揀雅各歸伊家己，揀以色列做家己特別的百姓。

5

(THR) Góa chai Iâ-hô-hoa chòe tōa, Iā chai lán ê Chú pôaⁿ-kè lóng-chóng ê sîn-bêng.

(BCL) 我知耶和華做大，也知咱的主過攏總的神明。

6

(THR) Iâ-hô-hoa tī thiⁿ-téng, tī tōe-chiūⁿ, tī hái-tiong, tī it-chhè ê chhim-ian, Lóng chhut-chāi I ê ì-sù lâi kiâⁿ.

(BCL) 耶和華佇天頂，佇地上，佇海中，佇一切的深淵，攏出在伊的意思來行。

7

(THR) I hō͘ hûn-bū tùi tōe-ke̍k chhèng-khí; Ūi-tio̍h hō͘ chhòng-chō sih-nà, Tùi I ê khò͘-pâng tiong tòa hong chhut-lâi.

(BCL) 伊互雲霧對地極淐起，為著雨創造閃爁，對伊的庫房中帶風出來。

8

(THR) I chiong Ai-kı̍p lâng kap cheng-siⁿ thâu-chiūⁿ-ê, Lóng kā in phah-sí.

(BCL) 伊將埃及人，及精牲頭上的，攏給拍死。

9

(THR) Ai-kı̍p ah, I kiâⁿ sîn-jiah kî-sū tī lí ê tiong-kan, Tī Hoat-ló kap i ê chèng jîn-sîn.

(BCL) 埃及啊，伊行神蹟奇事，佇你的中間，佇法老及伊的眾人臣。

10

(THR) I phah-iâⁿ chōe-chōe pang-kok, Koh thâi-sí tōa kôan-lêng ê ông;

(BCL) 伊拍贏多多邦國，閣死大權能的王，

11

(THR) Chiū-sī A-mô͘-lī ông Se-hông, Kap Pa-san ông Go̍k, Í-kı̍p Ka-lâm ta̍k-kok.

(BCL) 就是亞摩利王西宏及巴珊王噩，以及迦南逐國。

12

(THR) Chiong in ê tōe chòe gia̍p, Chiū-sī hō͘ I ê peh-sìⁿ Í-sek-lia̍t chòe gia̍p.

(BCL) 將的地做業就是互伊的百姓以色列做業。

13

(THR) Iâ-hô-hoa ah, Lí ê miâ lâu kàu éng-óan; Iâ-hô-hoa ah, Lí thang kì-liām ê miâ lâu kàu bān-tāi.

(BCL) 耶和華啊，你的名留到永遠！耶和華啊，你通記念的名留到萬代！

14

(THR) In-ūi Iâ-hô-hoa beh kā I ê peh-sìⁿ sin-oan; Ūi-tio̍h I chiah ê lô͘-po̍k hê-sim tńg-ì.

(BCL) 因為耶和華欲給伊的百姓伸冤，為著伊諸個奴僕回心轉意。

15

(THR) Gōa-pang ê ngó͘-siōng sī gûn--ê kim--ê, Sī lâng ê chhiú só͘ chō--ê.

(BCL) 外邦的偶像是銀的、金的，是人的手所造的；

16

(THR) In ū chhùi, iā bōe kóng-ōe; Ū ba̍k-chiu, iā bōe khòaⁿ;

(BCL) 有嘴也講話，有目睭也看，

17

(THR) In ū hī-khang, iā bōe thiaⁿ; Chhùi-lāi iā bô chhóan-khùi.

(BCL) 有耳孔也聽，嘴內也無喘氣。

18

(THR) Chō-in--ê khò-in--ê, Lóng beh chhin-chhiūⁿ in.

(BCL) 造的，靠的，攏欲親像。

19

(THR) Í-sek-lia̍t-ke ah, lín tio̍h o-ló Iâ-hô-hoa; A-lûn ê ke ah, lín tio̍h o-ló Iâ-hô-hoa;

(BCL) 以色列家啊，恁著謳咾耶和華！亞倫的家啊，恁著謳咾耶和華！

20

(THR) Lī-bī ê ke ah, lín tio̍h o-ló Iâ-hô-hoa; Kèng-ùi Iâ-hô-hoa ê lâng ah, lín tio̍h o-ló Iâ-hô-hoa.

(BCL) 利未的家啊，恁著謳咾耶和華！敬畏耶和華的人啊，恁著謳咾耶和華！

21

(THR) Iâ-hô-hoa khiā-khí tī Iâ-lō͘-sat-léng; Gōan I tùi Sek-an tit-tio̍h o-ló. Lín tio̍h o-ló Iâ-hô-hoa.

(BCL) 耶和華徛起佇耶路撒冷，願伊對錫安得著謳咾。恁著謳咾耶和華！

Bible Color Mark

• 台語漢字羅馬本
• 巴克禮全羅