箴言 第 26 章

1

(THR) Hē-thiⁿ lo̍h-seh, siu-koah ê sî lo̍h-hō͘, lóng m̄ ha̍p-gî; Gû-gōng ê lâng tit-tio̍h êng-kng iā sī án-ni.

(BCL) 夏天落雪，收割的時落雨，攏呣合宜；愚戇的人得著榮光也是按呢。

2

(THR) Chhek-chiáu-á óng-lâi, ìⁿ-á pe-lâi pe-khì; Án-ni bô iân-kò͘ ê chiù-chó͘ iā bōe èng-giām.

(BCL) 雀鳥仔往來，燕仔飛來飛去；按呢無緣故的咒詛也應驗。

3

(THR) Piⁿ sī ūi-tio̍h bé, kā-kiuⁿ sī ūi-tio̍h lû; kóaiⁿ-á sī ūi-tio̍h gōng-lâng ê ka-chiah.

(BCL) 鞭是為著馬，咬韁是為著驢；枴仔是為著戇人的尻脊。

4

(THR) M̄-thang chiàu gōng-lâng ê gōng lâi ìn i, Kiaⁿ-liáu lí kap i chı̍t-iūⁿ.

(BCL) 呣通照戇人的戇來應伊，驚了你及伊一樣

5

(THR) Tio̍h chiàu gōng-lâng ê gōng lâi ìn i, Kiaⁿ-liáu i ka-kī khòaⁿ-chòe tì-sek.

(BCL) 著照戇人的戇來應伊，驚了伊家己看做智識。

6

(THR) Thok gōng-lâng pò siau-sit ê, Sī chhò-tn̄g ka-kī ê kha, ka-kī chia̍h-khui.

(BCL) 託戇人報消息的，是剉斷家己的腳，家己食虧。

7

(THR) Chim-giân tī gōng-lâng ê chhùi, Chhin-chhiūⁿ pái-kha ê kha khang-khang teh hìⁿ.

(BCL) 箴言佇戇人的嘴，親像跛腳的腳空空甩。

8

(THR) Chiong êng-kng hō͘ gû-gōng ê lâng, Chhin-chhiūⁿ ēng chı̍t pò͘-tē-á pó-chio̍h khǹg tī chio̍h-tui ê lāi-bīn.

(BCL) 將榮光互愚戇的人，親像用一布袋仔寶石囥佇石堆的內面。

9

(THR) Chim-giân tī gōng-lâng ê chhùi, Chhin-chhiūⁿ chhì chha̍k-jı̍p chùi-hàn ê chhiú.

(BCL) 箴言佇戇人的嘴，親像茦鑿入醉漢的手。

10

(THR) Chhiàⁿ gōng-lâng á-sī chhiàⁿ kè-lō͘ lâng lâi chòe-kang-ê, Chhin-chhiūⁿ siā-chìⁿ-ê siā-chhut chìⁿ, siong-tio̍h chèng-lâng.

(BCL) 倩戇人，抑是倩過路人來做工的，親像射箭的射出箭傷著眾人。

11

(THR) Gōng-lâng koh-chài tī i ê gōng, Chhin-chhiūⁿ káu tò-tńg chia̍h i só͘-thò͘-ê.

(BCL) 戇人閣再佇伊的戇，親像狗倒轉食伊所吐的。

12

(THR) Lí ū khòaⁿ-kìⁿ ka-kī lia̍h-chòe tì-sek ê lâng bô? Gōng-lâng pí i iáu khah ū thang ǹg-bāng.

(BCL) 你有看見家己掠做智識的人無？戇人比伊猶卡有通向望。

13

(THR) Pîn-tōaⁿ ê lâng kóng, Tī lō͘--nih ū béng ê sai, Tī koe-lō͘--nih ū ióng ê sai.

(BCL) 貧憚的人講：佇路裡有猛的獅，佇街路裡有勇的獅。

14

(THR) Mn̂g tī mn̂g-khū teh tńg, Pîn-tōaⁿ ê lâng tī bîn-chhn̂g--nih iā sī án-ni.

(BCL) 門佇門臼轉，貧憚的人佇眠床裡也是按呢。

15

(THR) Pîn-tōaⁿ ê lâng chhun-chhiú tī pôaⁿ--nih, The̍h tò-tńg kàu chhùi iā hiâm tio̍h-bôa.

(BCL) 貧憚的人伸手佇盤裡，提倒轉到嘴也嫌著磨。

16

(THR) Pîn-tōaⁿ ê lâng khòaⁿ ka-kī ū tì-hūi, Iâⁿ-kè chhit ê gâu ìn-tap ê lâng.

(BCL) 貧憚的人看家己有智慧贏過七個應答的人。

17

(THR) Kè-lō͘ lâng khì chhap bô kan-sia̍p i ê saⁿ-chiⁿ, Sī chhin-chhiūⁿ lâng khiú-tio̍h káu ê hī.

(BCL) 過路人去插無干涉伊的相爭，是親像人著狗的耳。

18

(THR)

(BCL) 人欺騙伊的厝邊，來講：我豈呣是滾笑嗎？是親像癲狂的人火把，以及利箭及人的家私。

19

(THR) Lâng khi-phiàn i ê chhù-piⁿ, Lâi kóng, Góa kiám m̄-sī kún-chhiò mah? Sī chhin-chhiūⁿ tian-kông ê lâng hiat hé-pé, Í-kı̍p lāi-chìⁿ kap thâi lâng ê ke-si.

(BCL) （見箴26：18）。

20

(THR) Hé khiàm chhâ chiū ōe hoa, Bô lâng o̍h-ōe, saⁿ-chiⁿ chiū soah--khì.

(BCL) 火欠柴就會熄；無人學話，相爭就息去。

21

(THR) Ài saⁿ-chiⁿ ê lâng ōe kek-tōng saⁿ-chiⁿ, Chhin-chhiūⁿ thiⁿ thòaⁿ tī to̍h ê thòaⁿ, thiⁿ chhâ tī hé--nih.

(BCL) 愛相爭的人會激動相爭，親像添炭佇的炭，添柴佇火裡。

22

(THR) O̍h-ōe ê lâng ê giân-gú chhin-chhiūⁿ hó-chia̍h ê mı̍h; Chhim-jı̍p lâng ê pak-lāi.

(BCL) 學話的人的言語，親像好食的物，深入人的腹內。

23

(THR) Chhùi chhin-jia̍t, sim kan-ok; Chhin-chhiūⁿ hûi-khì an gûn ê che-tái.

(BCL) 嘴親熱，心奸惡，親像磁器安銀的渣滓。

24

(THR) Òan-hūn lâng-ê kóng pho͘-pâi ōe, Chóng-sī sim-lāi khǹg khúi-chà.

(BCL) 怨恨人的，講舖排話，總是心內囥詭詐；

25

(THR) I kóng hó-thiaⁿ ê ōe, lí m̄-thang sìn i, In-ūi i ê sim-lāi ū chhit-hāng ê khó-ò͘ⁿ.

(BCL) 伊講好聽的話，你呣通信伊，因為伊的心內有七項的可惡。

26

(THR) I sui-jiân ēng khúi-chà jia-iám ka-kī ê òan-hūn, I ê pháiⁿ beh lō͘-hiān tī hōe-chiòng ê bīn-chêng.

(BCL) 伊雖然用詭詐遮掩家己的怨恨，伊的歹欲露現佇會眾的面前。

27

(THR) Ku̍t hām-khiⁿ ê lâng ka-kī beh po̍ah tī hí(**hit) lāi-bīn; Kō chio̍h-thâu ê lâng, chio̍h-thâu beh tò-tńg lâi kō--tio̍h i.

(BCL) 掘陷坑的人，家己欲跋佇彼內面；翱石頭的人，石頭欲倒轉來翱著伊。

28

(THR) Pe̍h-chha̍t ê chı̍h, òan-hūn i só͘ teh-siong ê lâng; Thiám-mī ê chhùi ōe pāi-hōai lâng

(BCL) 白賊的舌怨恨伊所壓傷的人；諂媚的嘴會敗壞人。

Bible Color Mark

• 台語漢字羅馬本
• 巴克禮全羅