那鴻書 第 3 章

1

(THR) Ū chai-ē ah, hō͘ lâng lâu-huih ê siâⁿ, ū khúi-chà kiông-pō móa-móa, chhiúⁿ-kiap bô soah.

(BCL) 有災禍啊？互人流血的城，有詭詐強暴滿滿──搶劫無息。

2

(THR) Ū bé-piⁿ ê siaⁿ, ū chhia-lûn hū-hū-háu ê siaⁿ, bé phut-phut-thiàu, chhia khōng-khōng-háu;

(BCL) 有馬鞭的聲，有車輪呼呼哮的聲，馬　　跳，車吭吭哮，咈咈

3

(THR) bé-peng chìn-chêng, to-kiàm kng nà-nà, i ê chhiuⁿ iām-iām-sih; siū-thâi--ê put-chí chōe, sin-si chiâⁿ tōa-tui, sin-si bōe sǹg-tit, lâng po̍ah-tó tī sí-lâng ê téng-bīn.

(BCL) 馬兵進前，刀劍光爁爁，伊的槍炎炎閃，受者不止多，身屍成大堆，身屍算得，人跋倒佇死人的頂面，

4

(THR) In-ūi súi ê chhiong-ki ū chōe-chōe îm-hēng, kòan-liān chòe ang-î, ēng i ê îm-hēng bê-he̍k lia̍t-kok, ēng i ê siâ-su̍t bê-he̍k chōe-chōe cho̍k.

(BCL) 因為娞的娼妓有多多淫行，慣練做尪姨，用伊的淫行迷惑列國，用伊的邪術迷惑多多族。

5

(THR) Bān-kun ê Iâ-hô-hoa kóng, Khòaⁿ ah, Góa kong-kek lí, Góa beh hian lí ê kûn, khàm lí ê bīn, hō͘ lia̍t-kok khòaⁿ-kìⁿ lí ê chhiah-theh, hō͘ lia̍t-pang khòaⁿ-kìⁿ lí ê kiàn-siàu.

(BCL) 萬軍的耶和華講：看啊，我攻擊你；我欲掀你的裙，蓋你的面，互列國看見你的赤體，互列邦看見你的見誚。

6

(THR) Góa beh chiong khó-ò͘ⁿ ù-òe ê mı̍h hiat tī lí ê sin-chiūⁿ, lêng-jio̍k lí, hō͘ lâng ba̍k-chiu khòaⁿ-kìⁿ.

(BCL) 我欲將可惡污穢的物佇你的身上，凌辱你，互人目睭看見。

7

(THR) Tùi án-ni kìⁿ-nā khòaⁿ-kìⁿ lí--ê, lóng beh tô-cháu lī-khui lí, kóng, Nî-nî-bî pha-hng lah, ū sím-mı̍h lâng ūi i pi-siong ah? góa beh tùi toh-lo̍h chhē-tio̍h an-ùi lí ê lâng ah?

(BCL) 對按呢見若看見你者，攏欲逃走離開你，講：尼尼微拋荒啦！有甚麼人為伊悲傷啊？我欲對叨落尋著安慰你的人啊？

8

(THR) Lí kiám ū khah-iâⁿ Lô-a-bûn mah? I chē tī chiah ê hô ê tiong-kan, chiu-ûi ū chúi, hái chòe i ê hô-kau, hái chòe i ê siâⁿ-chhiûⁿ.

(BCL) 你豈有卡贏羅亞們嗎？伊坐佇諸個河的中間，周圍有水；海做伊的河溝，海做伊的城牆。

9

(THR) Kó͘-sı̍t kap Ai-kı̍p chòe i bô hān-liōng ê khùi-la̍t; Hut kap Lō͘-pí sī pang-chān lí--ê.

(BCL) 古實及埃及做伊無限量的氣力；弗及路比是幫助你者。

10

(THR) Chóng-sī i siū chhian-sóa hō͘ lâng lia̍h-khì; i ê eⁿ-á hō͘ lâng siak-sí tī koe-lō͘-thâu; lâng ūi-tio̍h i chun-kùi ê lâng liam-khau; i ê tōa koaⁿ-ôan lóng hō͘ thih-liān pa̍k.

(BCL) 總是伊受遷徙，互人掠去；伊的嬰仔互人摔死佇街路頭。人為著伊尊貴的人拈鬮；伊的大官員攏互鐵鍊縛。

11

(THR) Lí beh lim kàu chùi, ia̍h beh siū khǹg-ba̍t; koh in-ūi siám-pī tùi-te̍k lâi chhē ōe-só͘.

(BCL) 你欲飲到醉，亦欲受囥密，閣因為閃避對敵來尋衛所。

12

(THR) Lí it-chhè hiám-iàu ê só͘-chāi, beh chhin-chhiūⁿ bû-hoa-kó chhiū; ū khí-thâu-se̍k ê bû-hoa-kó, chı̍t-ē iô i, chiū ka-la̍uh tī chia̍h ê lâng ê chhùi.

(BCL) 你一切險要的所在欲親像無花果樹有起頭熟的無花果，一下搖伊就磕落佇食的人的嘴。

13

(THR) Khòaⁿ ah, lín tiong-kan ê peh-sìⁿ sī chhin-chhiūⁿ hū-jîn-lâng; lí kéng-lāi ê mn̂g, lóng khui tī tùi-te̍k ê bīn-chêng; hé sio lí ê mn̂g-kông.

(BCL) 看啊，恁中間的百姓是親像婦仁人；你境內的門攏開佇對敵的面前；火燒你的門楗。

14

(THR) Lí tio̍h chhiūⁿ chúi, pī-pān siū ûi-khùn; tio̍h kian-kò͘ lí ê ōe-só͘; tio̍h kàu thô͘-khut ta̍h thô͘, siu-lí chng-iô.

(BCL) 你著汲水備辦受圍困；著堅固你的衛所，著到土窟踏土，修理磚窯。

15

(THR) Tī-hia hé beh sio-bia̍t lí, to beh thâi lí, thun-bia̍t lí chhin-chhiūⁿ tō͘-kâu; chhut-chāi lí ke-thiⁿ chōe-chōe chhin-chhiūⁿ tō͘-kâu, ke-thiⁿ chōe-chōe chhin-chhiūⁿ chháu-meh.

(BCL) 佇遐，火欲燒滅你；刀欲你，吞滅你親像　猴。出在你加添多多親像　猴，加添多多親像草蜢。

16

(THR) Lí ke-thiⁿ lí ê seng-lí-lâng, khah-chōe thiⁿ-téng ê chhiⁿ; tō͘-kâu sún-hāi-liáu chiū pe--khì.

(BCL) 你加添你的生理人，卡多天頂的星；　猴損害了就飛去。

17

(THR) Lí ê kùi-cho̍k chhin-chhiūⁿ chháu-meh, lí ê tōa koaⁿ-ôan chhin-chhiūⁿ kui-tīn ê chháu-meh, thiⁿ-khì léng ê sî chiū hioh tī lî-pa, jı̍t chhut chiū pe--khì, lâng m̄-chai i khì toh-lo̍h.

(BCL) 你的貴族親像草蜢；你的大官員親像歸陣的草蜢，天氣冷的時就歇佇籬笆，日出就飛去，人呣知伊去叨落。

18

(THR) A-su̍t ông ah, lí ê bo̍k-chiá teh khùn; lí ê kùi-cho̍k tó-teh; lí ê peh-sìⁿ sì-sòaⁿ tī soaⁿ--nih, bô lâng chio-chı̍p.

(BCL) 亞述王啊，你的牧者睏；你的貴族倒；你的百姓四散佇山裡，無人招集。

19

(THR) Lí ê siong bōe i--tit; lí siū phah chin-thiám; kìⁿ-nā thiaⁿ-kìⁿ lí ê siau-sit--ê, beh in-ūi lí phah-chhiú; lí só͘ kiâⁿ ê pháiⁿ, sím-mı̍h lâng bô tú-tio̍h?

(BCL) 你的傷醫得；你受拍真殄。見若聽見你的消息者欲因為你拍手。你所行的歹甚麼人無抵著？

Bible Color Mark

• 台語漢字羅馬本
• 巴克禮全羅