馬太福音 第 5 章

1

(THR) Iâ-so͘ khòaⁿ-kìⁿ hiah ê kui-tīn ê lâng, chiū peh-chiūⁿ soaⁿ; í-keng chē, I ê ha̍k-seng chiū-kūn I.

(BCL) 耶穌看見許個歸陣的人，就絔上山，已經坐，伊的學生就近伊，

2

(THR) I khui chhùi kà-sī in kóng,

(BCL) 伊開嘴教示，講：

3

(THR) Sim-lāi sòng-hiong ê lâng ū hok-khì, in-ūi thian-kok sī in ê.

(BCL) 心內喪鄉的人有福氣！因為天國是的。

4

(THR) Iu-būn ê lâng ū hok-khì, in-ūi in beh siū an-ùi.

(BCL) 憂悶的人有福氣！因為欲受安慰。

5

(THR) Un-jiû ê lâng ū hok-khì, in-ūi in beh sêng-chiap thó͘-tōe.

(BCL) 溫柔的人有福氣！因為欲承接土地，

6

(THR) Iau chhùi-ta him-bō͘ gī ê lâng ū hok-khì, in-ūi in beh tit-tio̍h pá.

(BCL) 枵嘴乾欣慕義的人有福氣！因為欲得著飽，

7

(THR) Lîn-bín lâng ê lâng ū hok-khì, in-ūi in beh tit-tio̍h lîn-bín.

(BCL) 憐憫人的人有福氣！因為欲得著憐憫，

8

(THR) Chheng-khì sim-koaⁿ ê lâng ū hok-khì, in-ūi in beh khòaⁿ-kìⁿ Siōng-tè.

(BCL) 清氣心肝的人有福氣！因為欲看見上帝。

9

(THR) Hō͘ lâng hô-pêng ê lâng ū hok-khì, in-ūi in beh chheng chòe Siōng-tè ê kiáⁿ.

(BCL) 互人和平的人有福氣！因為欲稱做上帝的子。

10

(THR) Ūi-tio̍h gī bat siū khún-tio̍k ê lâng ū hok-khì, in-ūi thian-kok sī in ê.

(BCL) 為著義曾受窘逐的人有福氣！因為天國是的。

11

(THR) Ūi-tio̍h góa, lâng chiah lóe-mē lín, khún-tio̍k lín, húi-pòng lín bān hāng ê pháiⁿ, lín chiū ū hok-khì.

(BCL) 「為著我人才詈罵恁，窘逐恁，誹謗恁萬項的歹，恁就有福氣！

12

(THR) Tio̍h hoaⁿ-hí khòai-lo̍k, in-ūi lín tī thiⁿ-nı̍h ê pò-siúⁿ sī tōa; in-ūi lín í-chêng ê sian-ti lâng, lâng ia̍h án-ni khún-tio̍k in.

(BCL) 著歡喜快樂，因為恁佇天裡的報賞是大。因為恁以前的先知人，人亦按呢窘逐。」

13

(THR) Lín sī tōe-chiūⁿ ê iâm; iâm nā sit bī, beh ēng sím-mı̍h hō͘ i kiâm? Āu-lâi bô lō͘-ēng, put-kò hiat tī gōa-bīn, hō͘ lâng thún-ta̍h nā-tiāⁿ.

(BCL) 「恁是地上的鹽。鹽若失味，欲用甚麼互伊鹹？後來無路用，不過佇外面，互人睭踏若定。

14

(THR) Lín sī sè-kan ê kng; siâⁿ khí tī soaⁿ-téng bōe-ōe ún-ba̍t.

(BCL) 恁是世間的光。城起佇山頂會隱密。

15

(THR) Bô lâng tiám teng hē tī táu ē, chiū-sī hē tī teng-tâi téng, chiū piàn chiò chhù-lāi ê lâng.

(BCL) 無人點燈，下佇斗下，就是下佇燈台頂，就遍照厝內的人。

16

(THR) Án-ni lín ê kng tio̍h chiò tī lâng ê bīn-chêng, hō͘ in khòaⁿ-kìⁿ lín ê hó só͘ kiâⁿ, lâi kui êng-kng hō͘ lín tī thiⁿ-nı̍h ê Pē.

(BCL) 按呢恁的光著照佇人的面前，互看見恁的好所行，來歸榮光互恁佇天裡的父。」

17

(THR) Bo̍h-tit phah-sǹg góa lâi sī beh hòe-bô lu̍t-hoat á-sī sian-ti; góa lâi m̄ sī beh hòe-bô, sī beh èng-giām.

(BCL) 「莫得拍算我來是欲廢無律法抑是先知。我來呣是欲廢無，是欲應驗。

18

(THR) In-ūi góa sı̍t-chāi kā lín kóng, Chiū kàu thiⁿ tōe hòe-bô, lu̍t-hoat ê chı̍t tiám chı̍t u̍ih ia̍h koat-tòan bōe hòe-bô, kàu lóng-chóng chiâⁿ.

(BCL) 因為我實在給恁講，就到天地廢無，律法的一點一畫亦決斷廢無，到攏總成。

19

(THR) Só͘-í kìⁿ-nā húi-hōai chiah ê kài-bēng chì-bî-sòe ê chı̍t tiâu, sòa án-ni kà-sī lâng ê, tī thian-kok beh chheng i chòe chì-bî-sòe; to̍k-to̍k kìⁿ-nā kiâⁿ sòa kà-sī lâng ê, tī thian-kok beh chheng i chòe tōa.

(BCL) 所以，見若毀壞諸個誡命至微細的一條，續按呢教示人的，佇天國欲稱伊做至微細。獨獨見若行續教示人的，佇天國欲稱伊做大。

20

(THR) In-ūi góa kā lín kóng, siat-sú lín ê gī bô iâⁿ-kè keng-ha̍k-sū kap Hoat-lī-sài lâng ê gī, koat-tòan bōe-tit jı̍p thian-kok.

(BCL) 因為我給恁講，設使恁的義無贏過經學士及法利賽人的義，決斷得入天國。」

21

(THR) Lín bat thiaⁿ-kìⁿ ū tùi kó͘-chá lâng kóng, M̄-thang hāi-sí lâng; hāi-sí lâng ê tio̍h siū sím-phòaⁿ.

(BCL) 「恁曾聽見有對古早人講：『呣通害死人；害死人的著受審判。』

22

(THR) Chóng-sī góa kā lín kóng, kìⁿ-nā siū-khì i ê hiaⁿ-tī ê, tio̍h siū sím-phòaⁿ; kìⁿ-nā tùi i ê hiaⁿ-tī kóng Lia̍p-ka ê, tio̍h siū kong-hōe pān; kìⁿ-nā kóng Mô͘-lī ê, tio̍h siū tē-ge̍k ê hé.

(BCL) 總是我給恁講，見若受氣伊的兄弟的，著受審判；見若對伊的兄弟講拉加的，著受公會辦；見若講魔利的，著受地獄的火。

23

(THR) Só͘-í lí nā teh hiàn lí ê lé-mı̍h tī chè-tôaⁿ, iā tī hia kì-tit lí ê hiaⁿ-tī ū sím-mı̍h hia̍p-hiâm lí;

(BCL) 所以，你若獻你的禮物佇祭壇，也佇遐記得你的兄弟有甚麼脅嫌你，

24

(THR) tio̍h tī hia pàng-hē lí ê lé-mı̍h tī tôaⁿ-chêng, tāi-seng khì kap lí ê hiaⁿ-tī hô-hó, jiân-āu lâi hiàn lí ê lé-mı̍h.

(BCL) 著佇遐放下你的禮物佇壇前，代先去及你的兄弟和好，然後來獻你的禮物。

25

(THR) Lí iáu kap lí ê tùi-te̍k tī lō͘-nı̍h, tio̍h kín-kín kap i hô, kiaⁿ-liáu tùi-te̍k kau lí hō͘ sím-phòaⁿ koaⁿ, sím-phòaⁿ koaⁿ kau lí hō͘ gê-ia̍h, lí chiū siū koaiⁿ lo̍h kaⁿ.

(BCL) 你猶及你的對敵佇路裡，著緊緊及伊和，驚了對敵交你互審判官，審判官交你互衙役，你就受關落監。

26

(THR) Góa sı̍t-chāi kā lí kóng, Chı̍t si chı̍t hô bē hêng, lí koat-tòan bōe-ōe chhut hia.

(BCL) 我實在給你講，一絲一毫未還，你決斷會出遐。」

27

(THR) Lín bat thiaⁿ-kìⁿ ū ōe kóng, M̄-thang kiâⁿ kan-îm;

(BCL) 「恁曾聽見有話講：『呣通行姦淫。』

28

(THR) nā-sī góa kā lín kóng, kìⁿ-nā khòaⁿ-kìⁿ hū-lú, lâi tōng-khí io̍k-liām ê, sim-lāi í-keng îm i.

(BCL) 若是我給恁講，見若看見婦女來動起慾念的，心內已經淫伊。

29

(THR) Siat-sú lí ê chiàⁿ ba̍k tì-kàu lí hōan-chōe, chiū tio̍h iah hiat-ka̍k; lêng-khó͘ pah-thé sòng-sit chı̍t thé, bián-tì lí chôan-sin hiat-lo̍h tē-ge̍k.

(BCL) 設使你的正目致到你犯罪，就著挖擲，寧可百體喪失一體，免致你全身落地獄。

30

(THR) Siat-sú lí ê chiàⁿ chhiú tì-kàu lí hōan-chōe, chiū tio̍h chām hiat-ka̍k; lêng-khó͘ pah-thé sòng-sit chı̍t thé, bián-tì lí chôan-sin khì tē-ge̍k.

(BCL) 設使你的正手致到你犯罪，就著斬擲，寧可百體喪失一體，免致你全身去地獄。」

31

(THR) Koh ū ōe kóng, Lâng nā beh lî i ê bó͘, tio̍h ēng lî-chu hō͘ i;

(BCL) 「閣有話講：『人若欲離伊的某，著用離書互伊。』

32

(THR) nā-sī góa kā lín kóng, kìⁿ-nā m̄ sī ūi-tio̍h kan-îm ê iân-kò͘ lâi lî i ê bó͘, piān sī hō͘ i chòe ū îm-hēng ê; kìⁿ-nā chhōa só͘ lî ê, ia̍h sī kiâⁿ kan-îm.

(BCL) 若是我給恁講，見若呣是為著姦淫的緣故，來離伊的某，便是互伊做有淫行的；見若娶所離的，亦是行姦淫。」

33

(THR) Koh lín bat thiaⁿ-kìⁿ ū tùi kó͘-chá lâng kóng, M̄-thang pōe chiù-chōa, lí só͘ chiù ê chōa, tio̍h hêng hō͘ Chú;

(BCL) 「閣恁曾聽見有對古早人講：『呣通背咒誓，你所咒的誓著還互主』

34

(THR) nā-sī góa kā lín kóng, It-khài bo̍h-tit chiù-chōa; bo̍h-tit kí thiⁿ, in-ūi thiⁿ sī Siōng-tè ê chō-ūi;

(BCL) 若是我給恁講，一概莫得咒誓。莫得指天，因為天是上帝的座位；

35

(THR) bo̍h-tit kí tōe, in-ūi tōe sī I ê kha-ta̍h; bo̍h-tit kí Iâ-lō͘-sat-léng, in-ūi sī tōa Jîn-kun ê siâⁿ.

(BCL) 莫得指地，因為地是伊的腳踏；莫得指耶路撒冷，因為是大人君的城；

36

(THR) Ia̍h bo̍h-tit kí lí ê thâu-khak lâi chiù-chōa, in-ūi chı̍t ki thâu-mn̂g, lí bōe hō͘ i chòe o͘ chòe pe̍h.

(BCL) 亦莫得指你的頭殼來咒誓，因為一支頭毛你互伊做黑做白。

37

(THR) Nā-sī lín ê ōe tio̍h kóng, Sī, chiū Sī; M̄ sī, chiū M̄ sī; chiah-ê í-gōa sī tùi hit ê pháiⁿ-ê chhut.

(BCL) 若是恁的話著講，是，就是；呣是，就呣是；諸個以外是對彼個歹的出。」

38

(THR) Lín bat thiaⁿ-kìⁿ ū ōe kóng, Ba̍k-chiu pê ba̍k-chiu, chhùi-khí pê chhùi-khí;

(BCL) 「恁曾聽見有話講：『目睭賠目睭，嘴齒賠嘴齒。』

39

(THR) nā-sī góa kā lín kóng, Bo̍h-tit kap pháiⁿ tí-te̍k; nā ū lâng siàn lí chiàⁿ-pêng ê chhùi-phóe, tò-pêng-ê ia̍h o̍at hō͘ i.

(BCL) 若是我給恁講，莫得及歹抵敵。若有人搧你正旁的嘴，倒旁的亦越互伊；

40

(THR) Ū lâng ài kò lí, the̍h lí ê lāi-saⁿ, gōa-saⁿ ia̍h pàng hō͘ i.

(BCL) 有人愛告你，提你的內衫，外衫亦放互伊；

41

(THR) Ū lâng bián-kióng lí kiâⁿ chı̍t lí, chiū kap i kiâⁿ nn̄g lí.

(BCL) 有人勉強你行一里，就及伊行二里；

42

(THR) Tùi lí kiû ê, hō͘ i; beh kā lí chioh ê, bo̍h-tit o̍at-cháu.

(BCL) 對你求的，互伊；欲給你借的，莫得越走。」

43

(THR) Lín bat thiaⁿ-kìⁿ ū ōe kóng, Tio̍h thiàⁿ lí ê chhù-piⁿ, òan-hūn lí ê tùi-te̍k;

(BCL) 「恁曾聽見有話講：『著疼你的厝邊，怨恨你的對敵。』

44

(THR) nā-sī góa kā lín kóng, Tùi-te̍k lín ê, tio̍h thiàⁿ in; khún-tio̍k lín ê, tio̍h thòe in kî-tó;

(BCL) 若是我給恁講，對敵恁的著疼，窘逐恁的著替祈禱。

45

(THR) hō͘ lín chiâⁿ-chòe lín tī thiⁿ-nı̍h ê Pē ê kiáⁿ; in-ūi I hō͘ I ê jı̍t khí lâi chiò pháiⁿ lâng kap hó lâng, ia̍h ēng hō͘ ak gī kap put-gī ê lâng.

(BCL) 互恁成做恁佇天裡的父的子；因為伊互伊的日起來照歹人及好人；亦用雨沃義及不義的人。

46

(THR) In-ūi lín nā thiàⁿ thiàⁿ lín ê, ū sím-mı̍h pò-siúⁿ? hiah ê thiu-hiòng ê kiám bô án-ni kiâⁿ mah?

(BCL) 因為恁若疼疼恁的，有甚麼報賞？許個抽餉者豈無按呢行嗎？

47

(THR) Lín kan-ta chhéng-an lín ê hiaⁿ-tī, ū sím-mı̍h khah-iâⁿ lâng? gōa-pang lâng kiám bô án-ni kiâⁿ mah?

(BCL) 恁干單請安恁的兄弟，有甚麼卡贏人？外邦人豈無按呢行嗎？

48

(THR) Só͘-í lín tio̍h sûn-chôan, chhin-chhiūⁿ lín ê Thiⁿ Pē ê sûn-chôan.

(BCL) 所以，恁著純全，親像恁的天父的純全。」

Bible Color Mark

• 台語漢字羅馬本
• 巴克禮全羅