馬太福音 第 19 章

1

(THR) Iâ-so͘ kóng chiah ê ōe soah, chiū lī-khui Ka-lī-lī, kàu Iû-thài ê kéng-lāi, Iok-tàn hô gōa;

(BCL) 耶穌講諸個話息，就離開加利利，到猶太的境內，約但河外。

2

(THR) ū kui tōa tīn ê lâng tè I, chiū tī hia i-hó in.

(BCL) 有歸大陣的人隨伊，就佇遐醫好。

3

(THR) Ū Hoat-lī-sài lâng lâi chhì I, kóng, Lâng put-lūn sím-mı̍h iân-kò͘ thang lî i ê bó͘ mah?

(BCL) 有法利賽人來試伊，講：「人不論甚麼緣故通離伊的某嗎？」

4

(THR) Chiū ìn kóng, Lín kiám bô tha̍k-tio̍h chhòng-chō ê Chú gôan khí-thâu chhòng-chō in ū lâm ū lú?

(BCL) 就應講：「恁豈無讀著創造的主，源起頭創造有男有女，

5

(THR) sòa kóng, In-ūi án-ni lâng beh lī-khui pē-bú, kiat-liân i ê bó͘, nn̄g-ê beh chiâⁿ-chòe chı̍t thé;

(BCL) 續講：『因為按呢人欲離開父母，結聯伊的某，二個欲成做一體。』

6

(THR) chhin-chhiūⁿ án-ni bô koh chòe nn̄g-ê, sī chòe chı̍t thé. Só͘-í Siōng-tè só͘ phòe-ha̍p ê, lâng m̄-thang pun-khui i.

(BCL) 親像按呢，無閣做二個，是做一體。

7

(THR) In kā I kóng, Nā-sī án-ni, Mô͘-se cháiⁿ-iūⁿ hoan-hù ēng lî-chu hō͘ i, lâi lî i ah?

(BCL) 所以，上帝所配合的，人呣通分開伊。」給伊講：「若是按呢，摩西怎樣吩咐用離書互伊，來離伊啊？」

8

(THR) I kā in kóng, Mô͘-se in-ūi lín ê sim ngī, chún lín lî bó͘; nā-sī tùi khí-thâu m̄ sī án-ni.

(BCL) 伊給講：「摩西因為恁的心硬，准恁離某，若是對起頭呣是按呢。

9

(THR) Koh góa kā lín kóng, Kìⁿ-nā lâng, m̄ sī ūi-tio̍h kan-îm ê iân-kò͘, lî i ê bó͘ lâi chhōa pa̍t-ê, chiū-sī kiâⁿ îm; chhōa lâng só͘ lî-chhut ê iā sī kiâⁿ îm.

(BCL) 閣我給恁講，見若人呣是為著姦淫的緣故，離伊的某來娶別個，就是行淫；娶人所離出的，也是行淫。」

10

(THR) Ha̍k-seng kā I kóng, Lâng kap i ê bó͘ ê sū kì-jiân sī án-ni, lêng-khó͘ bô chhōa.

(BCL) 學生給伊講：「人及伊的某的事既然是按呢，寧可無娶。」

11

(THR) I chiū kā in kóng, Chit hō ōe m̄ sī chèng lâng só͘ ōe sêng-siū ê; chí ū tit-tio̍h siúⁿ-sù ê chiah ōe.

(BCL) 伊就給講：「此號話呣是眾人所會承受的，只有得著賞賜的才會。

12

(THR) In-ūi ū iam ê, tùi bú-thai chhut-sì chiū án-ni; iā ū hō͘ lâng iam ê; iā ū ūi-tio̍h thian-kok ka-kī iam ê. Ōe sêng-siū ê tio̍h sêng-siū i.

(BCL) 因為有閹的，對母胎出世就按呢，也有互人閹的，也有為著天國家己閹的。會承受的著承受伊。」

13

(THR) Hit sî ū lâng chhōa sòe-kiáⁿ chiū-kūn I, ài I ēng chhiú hōaⁿ in, lâi kî-tó; ha̍k-seng chek-pī in.

(BCL) 彼時，有人導細子就近伊，愛伊用手按來祈禱，學生責備。

14

(THR) Nā-sī Iâ-so͘ kóng, Iông-ún sòe-kiáⁿ chiū-kūn góa, bo̍h-tit kìm i; in-ūi thian-kok sī sio̍k tī chit hō ê.

(BCL) 若是耶穌講：「容允細子就近我，莫得禁伊；因為天國，是屬佇此號的。」

15

(THR) Chiū ēng chhiú hōaⁿ in; lī-khui hia khì.

(BCL) 就用手按，離開遐去。

16

(THR) Tú-tn̄g ū chı̍t lâng chiū-kūn I, kóng, Sian-siⁿ, góa tio̍h kiâⁿ sím-mı̍h hó thang tit-tio̍h éng-o̍ah?

(BCL) 抵當有一人就近伊，講：「先生，我著行甚麼好通得著永活？」

17

(THR) I kā i kóng, Lí cháiⁿ-iūⁿ thê-khí hó, lâi mn̄g góa? Hó-ê sī chı̍t-ê. Chóng-sī lí nā ài jı̍p tī o̍ah, tio̍h siú chiah ê kài-bēng.

(BCL) 伊給伊講：「你怎樣提起好來問我？好的是一個。總是你若愛入佇活，著守諸個誡命。」

18

(THR) I kā I kóng, Sī sím-mı̍h ê? Iâ-so͘ kóng, Bo̍h-tit thâi-sí lâng, Bo̍h-tit kiâⁿ îm, Bo̍h-tit thau-the̍h, Bo̍h-tit lām-sám chòe kan-chèng,

(BCL) 伊給伊講：「是甚麼的？」耶穌講：「莫得死人；莫得行淫；莫得偷提；莫得濫糝做干證；

19

(THR) Kèng lí ê pē-bú, Tio̍h thiàⁿ lí ê chhù-piⁿ chhin-chhiūⁿ ka-kī.

(BCL) 敬你的父母；著疼你的厝邊親像家己。」

20

(THR) Siàu-liân lâng kā I kóng, Chiah-ê góa lóng ū siú i; iáu-kú khiàm sím-mı̍h?

(BCL) 少年人給伊講：「諸個我攏有守伊，猶久欠甚麼？」

21

(THR) Iâ-so͘ kā i kóng, Lí nā ài chòe ôan-chôan, tio̍h khì bōe lí só͘ ū ê lâi hō͘ sòng-hiong lâng, chiū ū châi-pó tī thiⁿ-nı̍h; koh lâi tè góa.

(BCL) 耶穌給伊講：「你若愛做完全，著去賣你所有的，來互喪鄉人，就有財寶佇天裡；閣來隨我。」

22

(THR) Siàu-liân lâng thiaⁿ-kìⁿ che ōe, iu-būn chiū khì; in-ūi i sán-gia̍p chin chōe.

(BCL) 少年人聽見這話，憂悶就去，因為伊產業真多。

23

(THR) Iâ-so͘ chiū kā I ê ha̍k-seng kóng, Góa sı̍t-chāi kā lín kóng, Pù lâng jı̍p thian-kok oh--ah!

(BCL) 耶穌就給伊的學生講：「我實在給恁講，富人入天國啊！

24

(THR) Góa koh kā lín kóng, Lo̍k-tô chhng-kè chiam-phīⁿ, pí pù lâng jı̍p Siōng-tè ê kok, khah khòai.

(BCL) 我閣給恁講，駱駝穿過針鼻，比富人入上帝的國卡快！」

25

(THR) Ha̍k-seng thiaⁿ-kìⁿ tōa gông-ngia̍h, kóng, Nā-sī án-ni, chiū chī-chūi ōe tit-tio̍h kiù ah?

(BCL) 學生聽見大卬愕講：「若是按呢就是誰會得著救啊？」

26

(THR) Iâ-so͘ khòaⁿ in kóng, Chāi-tī lâng sī bōe-ōe, chāi-tī Siōng-tè, bān sū lóng ōe.

(BCL) 耶穌看，講：「在佇人是會，在佇上帝萬事攏會。」

27

(THR) Hit sî Pí-tek ìn I kóng, Góan bat pàng-sak it-chhè lâi tè lí, góan beh tit-tio̍h sím-mı̍h ah?

(BCL) 彼時彼得應伊講：「阮曾放拺一切來隨你，阮欲得著甚麼啊？」

28

(THR) Iâ-so͘ kā in kóng, Góa sı̍t-chāi kā lín kóng, lín chiah-ê tè góa, kàu koh heng-khí ê sî, Jîn-chú chē I êng-kng ê chō-ūi, lín iā beh chē cha̍p-jī ê chō-ūi, lâi sím-phòaⁿ Í-sek-lia̍t cha̍p-jī ê chi-phài.

(BCL) 耶穌給講：「我實在給恁講，恁諸個隨我，到閣興起的時，人子坐伊榮光的座位，恁也欲坐十二個座位，來審判以色列十二個支派。

29

(THR) Kìⁿ-nā ūi-tio̍h góa ê miâ pàng-sak chhù-the̍h, á-sī hiaⁿ-tī, chí-bē, lāu-pē, lāu-bú, kiáⁿ-jî, á-sī chhân-hn̂g, beh tit-tio̍h pah-pē, lâi sêng-chiap éng-o̍ah.

(BCL) 見若為著我的名放拺厝宅，抑是兄弟、姊妹、老父、老母、子兒，抑是田園，欲得著百倍，來承接永活。

30

(THR) Chóng-sī tāi-seng ê chōe-chōe beh chòe lō͘-bé; lō͘-bé ê beh chòe tāi-seng.

(BCL) 總是，代先的多多，欲做路尾；路尾的欲做代先。」

Bible Color Mark

• 台語漢字羅馬本
• 巴克禮全羅