馬太福音 第 17 章

1

(THR) Kè la̍k jı̍t, Iâ-so͘ lēng-gōa tòa Pí-tek, Ngá-kok, kap Ngá-kok ê hiaⁿ-tī Iok-hān, chhōa in peh-chiūⁿ kôaiⁿ soaⁿ;

(BCL) 過六日，耶穌另外帶彼得、雅各，及雅各的兄弟約翰，導絔上高山，

2

(THR) tng in ê bīn-chêng hêng-chōng piàn-ōaⁿ, I ê bīn kng iàⁿ-iàⁿ, chhin-chhiūⁿ jı̍t, I ê saⁿ pe̍h, chhin-chhiūⁿ kng.

(BCL) 當的面前形狀變換，伊的面光映映親像日，伊的衫白親像光。

3

(THR) Hut-jiân ū Mô͘-se, Í-lī-a tùi in hián-hiān, kap I kóng ōe.

(BCL) 忽然，有摩西、以利亞對顯現，及伊講話。

4

(THR) Pí-tek ìn Iâ-so͘ kóng, Chú ah, lán tī chia chin hó; lí nā ài, góa beh tī chia tah saⁿ keng liâu-á; chı̍t keng hō͘ lí, chı̍t keng hō͘ Mô͘-se, chı̍t keng hō͘ Í-lī-a.

(BCL) 彼得應耶穌講：「主啊，咱佇遮真好！你若愛，我欲佇遮搭三間寮仔，一間互你，一間互摩西，一間互以利亞。」

5

(THR) I iáu teh kóng ōe ê sî, hut-jiân ū kng-kng ê hûn tà in, koh ū siaⁿ tùi hûn-nı̍h chhut, kóng, Chit-ê sī góa thiàⁿ ê Kiáⁿ, góa só͘ hoaⁿ-hí ê; lín tio̍h thiaⁿ I.

(BCL) 伊猶講話的時，忽然有光光的雲罩，閣有聲對雲裡出，講：「此個是我疼的子，我所歡喜的。恁著聽伊！」

6

(THR) Ha̍k-seng thiaⁿ-kìⁿ, chiū phak-lo̍h-khì, chīn-chāi kiaⁿ.

(BCL) 學生聽見，就仆落去，盡在驚。

7

(THR) Iâ-so͘ chìn-chêng bong in, kóng, Khí-lâi, bo̍h-tit kiaⁿ.

(BCL) 耶穌進前，摸，講：「起來，莫得驚！」

8

(THR) In kia̍h ba̍k, bô khòaⁿ-kìⁿ chı̍t lâng, chí-ū Iâ-so͘ nā-tiāⁿ.

(BCL) 抬目無看見一人，只有耶穌若定。

9

(THR) Lo̍h soaⁿ ê sî Iâ-so͘ bēng-lēng in, kóng, Jîn-chú iáu-bē tùi sí-lâng tiong koh-o̍ah, bo̍h-tit ēng só͘ khòaⁿ-kìⁿ ê kā lâng kóng.

(BCL) 落山的時，耶穌命令講：「人子猶未對死人中復活，莫得用所看見的給人講。」

10

(THR) I ê ha̍k-seng mn̄g I kóng, Án-ni chiū keng-ha̍k-sū kóng Í-lī-a tio̍h seng lâi, sī cháiⁿ-iūⁿ?

(BCL) 伊的學生問伊講：「按呢就經學士講以利亞著先來，是怎樣？」

11

(THR) I ìn kóng, Í-lī-a kó-jiân lâi, beh heng-khí bān-hāng sū;

(BCL) 伊應講：「以利亞果然來，欲興起萬項事；

12

(THR) nā-sī góa kā lín kóng, Í-lī-a í-keng lâi, iā in m̄ bat i; chiàu in só͘ ài lâi khóan-thāi i; chhin-chhiūⁿ án-ni Jîn-chú ia̍h beh siū in ê hām-hāi.

(BCL) 若是我給恁講，以利亞已經來，也呣識伊，照所愛來款待伊。親像按呢人子亦欲受的陷害。」

13

(THR) Ha̍k-seng chiah ōe hiáu-tit I só͘ kā in kóng ê, sī chí kiâⁿ sóe-lé Iok-hān.

(BCL) 學生才會曉得伊所給講的，是指行洗禮約翰。

14

(THR) Í-keng kàu chèng lâng hia, ū chı̍t lâng chiū-kūn I, kūi I kóng,

(BCL) 已經到眾人遐，有一人就近伊，跪伊，

15

(THR) Chú ah, lîn-bín góa ê kiáⁿ, in-ūi i iûⁿ-hîn chin kan-khó͘; ta̍uh-ta̍uh po̍ah-lo̍h hé, ta̍uh-ta̍uh po̍ah-lo̍h chúi.

(BCL) 講：「主啊，憐憫我的子！因為伊羊眩真艱苦，沓沓跋落火，沓沓跋落水。

16

(THR) Góa chhōa i chiū-kūn lí ê ha̍k-seng, in bōe-ōe i-hó i.

(BCL) 我導伊就近你的學生，會醫好伊。」

17

(THR) Iâ-so͘ ìn kóng, Hàiⁿ ah! m̄ sìn koh pōe-ge̍k ê sè-tāi ah, góa beh kap lín tòa jōa kú? góa beh thun-lún lín jōa kú? tòa i lâi chia chiū-kūn góa.

(BCL) 耶穌應講：「嗐啊！呣信閣悖逆的世代啊，我欲及恁住偌久？我欲吞恁偌久？帶伊來遮就近我！」

18

(THR) Iâ-so͘ chek-pī kúi; kúi chiū tùi i chhut; tùi hit chı̍t sî gín-ná chiū hó.

(BCL) 耶穌責備鬼，鬼就對伊出；對彼一時囝仔就好。

19

(THR) Hit sî ha̍k-seng àm-chīⁿ chiū-kūn Iâ-so͘ kóng, Góan cháiⁿ-iūⁿ bōe kóaⁿ i?

(BCL) 彼時學生暗靜就近耶穌，講：「阮怎樣趕伊？」

20

(THR) I kā in kóng, Sī ūi-tio̍h lín ê sió sìn; góa sı̍t-chāi kā lín kóng, Lín nā ū sìn chhin-chhiūⁿ chı̍t lia̍p kòa-chhài chí, lín chiū beh kā chit ê soaⁿ kóng, Tùi chia sóa khì hia, ia̍h beh sóa khì; koh lín teh-beh bô chı̍t hāng bōe.

(BCL) 伊給講：「是為著恁的小信。我實在給恁講，恁若有信，親像一粒芥菜子，恁就欲給此個山講：『對遮徙去遐亦欲徙去；閣恁欲無一項。』」

21

(THR)

(BCL) （總是此類，若呣是用祈禱、禁食，伊就無出去。）〔台語羅馬譯本無此節！〕

22

(THR) In iáu tòa Ka-lī-lī ê sî, Iâ-so͘ kā ha̍k-seng kóng, Jîn-chú beh siū sàng-kau tī lâng ê chhiú.

(BCL) 猶住加利利的時，耶穌給學生講：「人子欲受送交佇人的手。

23

(THR) In beh thâi I, tē saⁿ jı̍t koh-o̍ah. Ha̍k-seng chin iu-būn.

(BCL) 欲伊，第三日復活。」學生真憂悶。

24

(THR) In kàu Ka-pek-lông, ū siu teng-sè ê chiū-kūn Pí-tek, kóng, Lín sian-siⁿ kiám bô la̍p teng-sè mah? i kóng, Ū.

(BCL) 到迦百農，有收丁稅的就近彼得，講：「恁先生豈無納丁稅嗎？」

25

(THR) Í-keng jı̍p chhù, Iâ-so͘ tāi-seng kā i kóng, Se-bûn ah, lí phah-sǹg cháiⁿ-iūⁿ? Sè-chiūⁿ chiah ê ông, tùi chī-chūi siu hiòng kap thiu teng-sè? sī tùi ka-kī ê kiáⁿ-jî, á-sī tùi gōa-bīn lâng ah?

(BCL) 伊講：「有。」已經入厝，耶穌代先給伊講：「西門啊，你拍算怎樣？世上諸個王對是誰收餉及抽丁稅？是對家己的子兒？抑是對外面人啊？」

26

(THR) I chı̍t-ē kóng, Tùi gōa-bīn lâng. Iâ-so͘ chiū kā i kóng, Nā-sī án-ni, chiū kiáⁿ-jî thang m̄ bián.

(BCL) 伊一下講：「對外面人。」耶穌就給伊講：「若是按呢，就子兒通呣免。

27

(THR) Chóng-sī bián-tì that-gāi in, lí khì hái-nı̍h pàng tiò, lia̍h tāi-seng chiūⁿ-tiò ê hî, khui i ê chhùi, beh tit-tio̍h gûn chı̍t ê; the̍h-lâi, ūi-tio̍h góa kap lí la̍p hō͘ in.

(BCL) 總是免致塞礙，你去海裡放釣，掠代先上釣的魚，開伊的嘴，欲得著銀一個，提來，為著我及你納互。」

Bible Color Mark

• 台語漢字羅馬本
• 巴克禮全羅