馬太福音 第 16 章

1

(THR) Hoat-lī-sài kap Sat-thó͘-kai lâng lâi chhì Iâ-so͘, Chhiáⁿ I ēng tùi thiⁿ ê sîn-jiah hō͘ in khòaⁿ.

(BCL) 法利賽及撒都該人來試耶穌，請伊用對天的神蹟互看。

2

(THR) Nā-sī I ìn kóng, Ê-hng sî lín kóng, Ōe hó thiⁿ lah, in-ūi thiⁿ-sek âng.

(BCL) 若是伊應講：「下昏時，恁講：『會好天啦。』因為天色紅。

3

(THR) Ia̍h chá-khí sî lín kóng, Kin-á-jı̍t ū hong-hō͘, in-ūi thiⁿ-sek o͘-áu. Lín ōe hiáu hun-piat thiⁿ-sek, to̍k-to̍k bōe hun-piat chiah ê sî ê sîn-jiah.

(BCL) 亦早起時，恁講：『今仔日有風雨。』因為天色黑眑。恁會曉分別天色，獨獨分別諸個時的神蹟。

4

(THR) Ok-to̍k kan-îm ê sè-tāi kiû sîn-jiah; to̍k-to̍k Iok-ná ê sîn-jiah í-gōa, bô beh sîn-jiah hō͘ i. Chiū lī-pia̍t in khì.

(BCL) 惡毒姦淫的世代求神蹟，獨獨約拿的神蹟以外，無欲神蹟互伊。」就離別去。

5

(THR) Ha̍k-seng kè-khì hit pêng, bōe kì-tit tòa piáⁿ.

(BCL) 學生過去彼旁，記得帶餅。

6

(THR) Iâ-so͘ kā in kóng, Tio̍h kín-sīn tî-hông Hoat-lī-sài kap Sat-thó͘-kai lâng ê kàⁿ.

(BCL) 耶穌給講：「著謹慎持防法利賽及撒都該人的酵。」

7

(THR) Ha̍k-seng saⁿ-kap gī-lūn kóng, Sī lán bô tòa piáⁿ o͘h.

(BCL) 學生相及議論講：「是咱無帶餅哦。」

8

(THR) Iâ-so͘ chai, chiū kóng, Sió-sìn ê lâng ah, siáⁿ-sū in-ūi bô piáⁿ saⁿ-kap gī-lūn ah?

(BCL) 耶穌知，就講：「小信的人啊，啥事因為無餅相及議論啊？

9

(THR) Lín iáu-kú bōe hiáu-tit, ia̍h bōe kì-tit gō͘-chheng lâng chia̍h gō͘ ê piáⁿ, lín khioh kúi kheng ah?

(BCL) 恁猶久曉得？亦記得五千人食五個餅、恁拾幾筐啊？

10

(THR) Ia̍h sì-chheng lâng chia̍h chhit ê piáⁿ, lín khioh kúi nâ ah?

(BCL) 亦四千人食七個餅、恁拾幾籃啊？

11

(THR) Lín cháiⁿ-iūⁿ bōe hiáu-tit góa só͘ kā lín kóng ê, m̄ sī chí piáⁿ, to̍k-to̍k tio̍h tî-hông Hoat-lī-sài kap Sat-thó͘-kai lâng ê kàⁿ.

(BCL) 恁怎樣曉得我所給恁講的，呣是指餅，『獨獨著持防法利賽及撒都該人的酵。』」

12

(THR) In chiah ōe hiáu-tit I só͘ kóng ê m̄ sī tî-hông piáⁿ ê kàⁿ, chiū-sī Hoat-lī-sài kap Sat-thó͘-kai lâng ê kàu.

(BCL) 才會曉得伊所講的呣是持防餅的酵，就是法利賽及撒都該人的教。

13

(THR) Iâ-so͘ í-keng kàu Kai-sat-lī-a Hui-lı̍p-pí ê kéng-kài, mn̄g I ê ha̍k-seng kóng, Lâng teh kóng Jîn-chú sī chī-chūi?

(BCL) 耶穌已經到該撒利亞腓力比的境界，問伊的學生講：「人講人子是是誰？」

14

(THR) In kóng, Ū-ê kóng sī kiâⁿ sóe-lé ê Iok-hān; ū-ê kóng sī Í-lī-a; koh ū-ê kóng sī Iâ-lī-bí, á-sī sian-ti lâng ê chı̍t-ê.

(BCL) 講：「有的講是行洗禮的約翰；有的講是以利亞；閣有的講是耶利米抑是先知人的一個。」

15

(THR) I chiū kā in kóng, Nā-sī lín kóng góa sī chī-chūi?

(BCL) 伊就給講：「若是恁講我是是誰？」

16

(THR) Se-bûn Pí-tek ìn kóng, Lí sī Ki-tok, chin-o̍ah Siōng-tè ê Kiáⁿ.

(BCL) 西門彼得應講：「你是基督，真活上帝的子。」

17

(THR) Iâ-so͘ ìn i kóng, Se-bûn, Pa-Iok-ná, lí ū hok-khì ah; in-ūi hiat-khì jio̍k-thé ê bô chí-sī lí, chiū-sī góa tī thiⁿ-nı̍h ê Pē chí-sī lí.

(BCL) 耶穌應伊講：「西門巴約拿，你有福氣啊！因為血氣肉體的無指示你，就是我佇天裡的父指示你。

18

(THR) Góa koh kā lí kóng, Lí chiū-sī Pí-tek, tī chit ê chio̍h-pôaⁿ téng góa beh khí-chō góa ê kàu-hōe, im-hú ê koan-ài iā bōe iâⁿ i.

(BCL) 我閣給你講，你就是彼得，佇此個石盤頂我欲起造我的教會；陰府的關隘也贏伊。

19

(THR) Góa beh ēng thian-kok ê só-sî hō͘ lí; kìⁿ-nā lí tī tōe-nı̍h pa̍k ê, tī thiⁿ-nı̍h ia̍h beh pa̍k i; kìⁿ-nā lí tī tōe-nı̍h pàng ê, tī thiⁿ-nı̍h ia̍h beh pàng i.

(BCL) 我欲用天國的鎖匙互你，見若你佇地裡縛的，佇天裡亦欲縛伊；見若你佇地裡放的，佇天裡亦欲放伊。」

20

(THR) Hit sî chiū kìm-kài ha̍k-seng, bo̍h-tit kā lâng kóng I sī Ki-tok.

(BCL) 彼時，就禁戒學生，莫得給人講伊是基督。

21

(THR) Tùi hit tia̍p khí, Iâ-so͘ chiah chí-sī I ê ha̍k-seng chai I tio̍h khì Iâ-lō͘-sat-léng, tùi chiah ê tiúⁿ-ló, chè-si-thâu, keng-ha̍k-sū siū-tio̍h chōe-chōe khó͘-chhó͘; koh siū hāi-sí, tē saⁿ jı̍t koh-o̍ah.

(BCL) 對彼霎起，耶穌才指示伊的學生知，伊著去耶路撒冷，對諸個長老、祭司頭、經學士受著多多苦楚，閣受害死，第三日復活。

22

(THR) Pí-tek khan I, chek-pī I kóng, Chú ah, chhian-bān m̄-thang, chit ê koat-tòan bô beh kàu tī lí.

(BCL) 彼得牽伊，責備伊講：「主啊，千萬呣通！此個決斷無欲到佇你。」

23

(THR) Iâ-so͘ o̍at-tńg-sin, kā Pí-tek kóng, Sat-tàn, thè-khì góa ê āu-bīn; lí sī góa ê that-gāi; in-ūi lí só͘ siūⁿ m̄ sī Siōng-tè ê sū, sī lâng ê sū.

(BCL) 耶穌越轉身，給彼得講：「撒但，退去我的後面！你是我的塞礙；因為你所想呣是上帝的事，是人的事。」

24

(THR) Hit sî Iâ-so͘ kā I ê ha̍k-seng kóng, Lâng nā ài tè góa tio̍h khòaⁿ-bô ka-kī, giâ i ê sı̍p-jī-kè, lâi tè góa.

(BCL) 彼時耶穌給伊的學生講：「人若愛隨我，著看無家己，夯伊的十字架來隨我。

25

(THR) In-ūi kìⁿ-nā ài kiù i ê sìⁿ-miā ê, beh sit-lo̍h i; kìⁿ-nā ūi-tio̍h góa lâi sit-lo̍h i ê sìⁿ-miā ê, beh tit-tio̍h i.

(BCL) 因為，見若愛救伊的生命的，欲失落伊；見若為著我來失落伊的生命的，欲得著伊。

26

(THR) Lâng nā tit-tio̍h chôan sè-kài, lâi sòng-sit i ê sìⁿ-miā, ū sím-mı̍h lī-ek? á-sī lâng beh chhut sím-mı̍h lâi tùi-ōaⁿ i ê sìⁿ-miā.

(BCL) 人若得著全世界，來喪失伊的生命，有甚麼利益？抑是人欲出甚麼來對換伊的生命？

27

(THR) In-ūi Jîn-chú ēng I ê Pē ê êng-kng, kap I ê thiⁿ-sài beh lâi, hit sî beh chiàu ta̍k lâng ê só͘ kiâⁿ lâi pò-èng.

(BCL) 因為人子用伊的父的榮光，及伊的天使欲來；彼時，欲照逐人的所行來報應。

28

(THR) Góa sı̍t-chāi kā lín kóng, Khiā tī chia ê, ū lâng iáu-bē sí, ōe khòaⁿ-kìⁿ Jîn-chú tī I ê kok lâi.

(BCL) 我實在給恁講，徛佇遮的，有人猶未死，會看見人子佇伊的國來。」

Bible Color Mark

• 台語漢字羅馬本
• 巴克禮全羅