路加福音 第 21 章

1

(THR) Iâ-so͘ kia̍h ba̍k khòaⁿ-kìⁿ chiah ê hó-gia̍h lâng chiong in só͘ hiàn ê hiat-lo̍h khò͘-pâng.

(BCL) 耶穌抬目看見諸個好額人將所獻的落庫房，

2

(THR) Koh khòaⁿ-kìⁿ chı̍t ê sòng-hiong ê chiú-kóaⁿ lâng chiong nn̄g ê pòaⁿ-lî hiat-lo̍h-khì.

(BCL) 閣看見一個喪鄉的守寡人將二個半厘落去，

3

(THR) Chiū kóng, Góa chin-sı̍t kā lín kóng, Chit ê sòng-hiong ê chiú-kóaⁿ lâng só͘ hiat ê pí chèng lâng só͘ hiat ê khah chōe.

(BCL) 就講：「我真實給恁講，此個喪鄉的守寡人所的比眾人所的卡多，

4

(THR) In-ūi chèng lâng sī tùi in ū chhun ê hiat-lo̍h-khì hiàn; nā-sī chit ê hū-jîn-lâng sī tùi i ê bô kàu ê it-chīn hiat i só͘ óa-khò lâi o̍ah ê.

(BCL) 因為眾人是對有剩的，落去獻，若是此個婦仁人是對伊的無夠的，一盡伊所倚靠來活的。」

5

(THR) Ū lâng kóng-khí tiān-tn̂g sī ēng hó chio̍h kap só͘ hiàn ê mı̍h lâi chng-thāⁿ,

(BCL) 有人講起殿堂是用好石及所獻的物來妝飾；彼時耶穌講：

6

(THR) hit sî Iâ-so͘ kóng, Lín só͘ khòaⁿ-kìⁿ hiah ê mı̍h, jı̍t-chí beh kàu, tī chia beh bô chı̍t tè chio̍h lâu tī chio̍h ê téng-bīn, iā bô chhia-lo̍h-khì.

(BCL) 「恁所看見許個物，日子欲到，佇遮欲無一塊石留佇石的頂面，也無捙落去。」

7

(THR) In chiū mn̄g I kóng, Sian-siⁿ ah, án-ni sím-mı̍h sî beh ū hiah ê sū? Koh chiah ê sū beh chiâⁿ ê sî, ū sím-mı̍h tiāu-thâu ah?

(BCL) 就問伊講：「先生啊！按呢甚麼時欲有許個事？閣諸個事欲成的時有甚麼兆頭啊？」

8

(THR) Iâ-so͘ kóng, Tio̍h kín-sīn bián-tit siū bê-he̍k. In-ūi beh ū chōe-chōe lâng thok góa ê miâ lâi kóng, Góa chiū-sī Ki-tok; koh kóng, Sî kūn lah; lín m̄-thang khì tè in.

(BCL) 耶穌講：「著謹慎，免得受迷惑；因為欲有多多人託我的名來，講：『我就是基督』，閣講：『時近啦』，恁呣通去隨！

9

(THR) Lín beh thiaⁿ-kìⁿ kau-chiàn kap jiáu-lōan ê sū, hit sî m̄-bián kiaⁿ-hiâⁿ. In-ūi chiah ê tāi-chì tek-khak tāi-seng ū; chóng-sī bo̍at-kî bô liâm-piⁿ kàu.

(BCL) 恁欲聽見交戰及擾亂的事，彼時呣免驚惶；因為諸個代誌的確代先有，總是末期無連鞭到。」

10

(THR) Chiū kā in kóng, Peh-sìⁿ beh khí-lâi kong-kek peh-sìⁿ, kok iā beh khí-lâi kong-kek kok.

(BCL) 就給講：「百姓欲起來攻擊百姓，國也欲起來攻擊國；

11

(THR) Tōe beh tōa tín-tāng, iā chōe-chōe só͘-chāi ū ki-hng un-e̍k; tùi thiⁿ-nı̍h iā beh ū thang kiaⁿ ê siōng kap tōa ê sîn-jiah.

(BCL) 地欲大振動，也多多所在有飢荒、瘟疫，對天裡也欲有通驚的象及大的神蹟。

12

(THR) Chiah ê sū ê tāi-seng lâng beh hē chhiú lia̍h lín, khún-tio̍k lín, chiong lín sàng-kau tī hōe-tn̂g kap kaⁿ-lô, iā ūi-tio̍h góa ê miâ tòa lín kàu tī kun-ông koaⁿ-hú ê bīn-chêng.

(BCL) 諸個事的代先，人欲下手掠恁，窘逐恁，將恁送交佇會堂，及監牢，也為著我的名帶恁到佇君王、官府的面前。

13

(THR) Chiah ê sū beh chiâⁿ-chòe lín ê kan-chèng.

(BCL) 諸個事欲成做恁的干證。

14

(THR) Só͘-í lín ê sim-chì tio̍h koat-tòan bô tāi-seng khòa-lū beh cháiⁿ-iūⁿ hun-sò͘.

(BCL) 所以，恁的心志著決斷，無代先掛慮欲怎樣分訴；

15

(THR) In-ūi góa beh siúⁿ-sù lín kháu-châi tì-hūi, chiū-sī lín ê chèng tùi-te̍k só͘ bōe-ōe tí-tng piān-pok ê.

(BCL) 因為我欲賞賜恁口才、智慧，就是恁的眾對敵所會抵當、辯駁的。

16

(THR) Lín iā beh hō͘ pē-bú, hiaⁿ-tī, chhin-chhek, pêng-iú ké-sàng;

(BCL) 恁也欲互父母、兄弟、親戚、朋友解送；

17

(THR) lín tiong-kan ū ê beh hō͘ in hāi-sí; lín in-ūi góa ê miâ beh hō͘ chèng lâng òan-hūn;

(BCL) 恁中間有的欲互害死。恁因為我的名欲互眾人怨恨，

18

(THR) chóng-sī lín chı̍t ki thâu-mn̂g iā bōe sit-lo̍h.

(BCL) 總是，恁一支頭毛也失落。

19

(THR) Lín ēng thun-lún tit-tio̍h lín ê o̍ah-miā.

(BCL) 恁用吞，得著恁的活命。」

20

(THR) Lín khòaⁿ-kìⁿ Iâ-lō͘-sat-léng hō͘ kun-peng só͘ ûi, chiū chai i ê pha-hng kūn lah.

(BCL) 「恁看見耶路撒冷互軍兵所圍，就知伊的拋荒近啦。

21

(THR) Hit sî tī Iû-thài ê tio̍h cháu-khì soaⁿ-nı̍h; tī siâⁿ-lāi ê tio̍h chhut-lâi; tī hn̂g-nı̍h ê m̄-thang jı̍p siâⁿ.

(BCL) 彼時，佇猶太的著走去山裡；佇城內的著出來；佇園裡的呣通入城；

22

(THR) In-ūi chiah ê jı̍t sī sin-oan ê jı̍t, hō͘ só͘ ū kì-chài ê lóng èng-giām.

(BCL) 因為諸個日是伸冤的日，互所有記載的攏應驗。

23

(THR) Tng hiah ê jı̍t ū sin-īn kap hō͘ eⁿ-á chia̍h lin ê hū-jîn-lâng ū chai-ē; in-ūi beh ū tōa ê khùn-khó͘ kàu tī hit ê tōe-hng, iā siū-khì kàu tī chit ê peh-sìⁿ;

(BCL) 當許個日，有娠孕及互嬰仔食奶的婦仁人有災禍！因為欲有大的困苦到佇彼個地方，也受氣到佇此個百姓。

24

(THR) in beh hō͘ to thâi-sí, siū lia̍h kàu bān pang; Iâ-lō͘-sat-léng beh hō͘ lia̍t-pang lâng thún-ta̍h, kàu lia̍t-pang ê kî móa.

(BCL) 欲互刀死，受掠到萬邦。耶路撒冷欲互列邦人睭踏，到列邦的期滿。」

25

(THR) Tī jı̍t, ge̍h, chhiⁿ-sîn teh-beh ū tiāu-thâu, tī tōe-chiūⁿ lia̍t-pang khùn-khó͘; ūi-tio̍h hái kap éng ê hōa-hōa-háu chiū hun-lōan;

(BCL) 佇日、月、星辰欲有兆頭，佇地上列邦困苦；為著海及湧的嘩嘩哮，就紛亂。

26

(THR) lâng tùi kiaⁿ-hiâⁿ í-kı̍p thèng-hāu só͘ beh kàu tī thiⁿ-ē ê sū chiū hun-khì; in-ūi thiⁿ-siōng beh tín-tāng.

(BCL) 人對驚惶以及聽候所欲到佇天下的事，就昏去，因為天象欲振動。

27

(THR) Tī hit sî beh khòaⁿ-kìⁿ Jîn-chú ēng kôan-lêng kap tōa êng-kng chē hûn lâi.

(BCL) 佇彼時，欲看見人子用權能，及大榮光坐雲來。

28

(THR) Tú-tú ū chiah ê sū, lín tio̍h thêng-sin khí-lâi kia̍h thâu; in-ūi lín ê sio̍k-hôe kūn lah.

(BCL) 抵抵有諸個事，恁著挺身起來抬頭，因為恁的贖回近啦。」

29

(THR) Koh ēng phì-jū kā in kóng, Chhì-khòaⁿ bû-hoa-kó kap lóng-chóng ê chhiū,

(BCL) 閣用譬喻給講：「試看無花果及攏總的樹；

30

(THR) in puh-íⁿ ê sî lín khòaⁿ-kìⁿ, chiū ka-kī chai hē-thiⁿ kūn lah.

(BCL) 發芛的時，恁看見，就家己知夏天近啦。

31

(THR) Án-ni, lín khòaⁿ-kìⁿ chiah ê sū chiū tio̍h chai Siōng-tè ê kok kūn lah.

(BCL) 按呢，恁看見諸個事，就著知上帝的國近啦。

32

(THR) Góa sı̍t-chāi kā lín kóng, Chit sè-tāi iáu-bē kè-khì, chiah ê tāi-chì lóng beh chiâⁿ.

(BCL) 我實在給恁講，此世代猶未過去，諸個代誌攏欲成。

33

(THR) Thiⁿ kap tōe beh bô-khì, góa ê ōe bōe bô-khì.

(BCL) 天及地欲無去，我的話無去。」

34

(THR) Nā-sī lín tio̍h ka-kī kín-sīn, kiaⁿ-liáu lín ê sim hō͘ tham-chia̍h, chiú-chùi, kap chit sè-kan ê khòa-lū phah-lōan, chiū hit jı̍t chhin-chhiūⁿ o̍ah-tauh hut-jiân kàu tī lín;

(BCL) 「若是恁著家己謹慎，驚了恁的心互貪食、酒醉，及此世間的掛慮拍亂，就彼日親像活罩忽然到佇恁；

35

(THR) in-ūi hit jı̍t beh chhin-chhiūⁿ án-ni kàu tī kìⁿ-nā khiā-khí chôan tōe-bīn ê chèng lâng.

(BCL) 因為彼日欲親像按呢到佇見若徛起全地面的眾人。

36

(THR) Nā-sī lín tio̍h ta̍k sî kéng-séng, kî-tó, hō͘ lín ōe tit siám-pī chiong-lâi lóng-chóng ê sū, lâi khiā tī Jîn-chú ê bīn-chêng.

(BCL) 若是恁著逐時警醒，祈禱，互恁會得閃避將來攏總的事，來徛佇人子的面前。」

37

(THR) Iâ-so͘ jı̍t-sî tī tiān-nı̍h kà-sī lâng; mî-sî chhut-khì, hioh tī hit-ê miâ chòe Kaⁿ-ná ê soaⁿ.

(BCL) 耶穌日時佇殿裡教示人，暝時出去，歇佇彼個名做橄欖的山。

38

(THR) Chèng peh-sìⁿ thàu-chá khì tiān-nı̍h chhē I, ài beh thiaⁿ I.

(BCL) 眾百姓透早去殿裡尋伊，愛欲聽伊。

Bible Color Mark

• 台語漢字羅馬本
• 巴克禮全羅