路加福音 第 12 章

1

(THR) Hit sî lâng chū-chı̍p kúi-nā bān, tì-kàu saⁿ thún-ta̍h, Iâ-so͘ khui chhùi tāi-seng tùi I ê ha̍k-seng kóng, Lín tio̍h tî-hông Hoat-lī-sài lâng ê kàⁿ, chiū-sī ké-hó.

(BCL) 彼時，人聚集幾若萬，致到相睭踏。耶穌開嘴，代先對伊的學生講：「恁著持防法利賽人的酵，就是假好。

2

(THR) Bô ū khàm-ba̍t iā bô lō͘-hiān ê, ún-ba̍t bô hō͘ lâng chai ê.

(BCL) 無有蓋密也無露現的；隱密無互人知的。

3

(THR) Só͘-í lín tī o͘-àm ê tiong-kan só͘ kóng ê, beh tī kng-bêng hō͘ lâng thiaⁿ-kìⁿ; lín tī ba̍t-pâng àⁿ hī-khang-piⁿ só͘ kóng ê, beh pò-iông tī chhù-téng.

(BCL) 所以，恁佇黑暗的中間所講的，欲佇光明互人聽見；恁佇密房俯耳孔邊所講的，欲報揚佇厝頂。」

4

(THR) Góa ê pêng-iú ah, góa kā lín kóng, Hāi-sí lín seng-khu liáu-āu bōe-ōe chòe pa̍t hāng ê, bo̍h-tit kiaⁿ in.

(BCL) 「我的朋友啊，我給恁講，害死恁身軀了後會做別項的，莫得驚。

5

(THR) Góa beh chí-sī lín só͘ tio̍h kiaⁿ ê; tio̍h kiaⁿ hit-ê hāi-sí liáu-āu koh ū kôan hiat tī tē-ge̍k ê; sı̍t-chāi ah, góa kā lín kóng, Só͘ tio̍h kiaⁿ ê sī chit-ê.

(BCL) 我欲指示恁所著驚的，著驚彼個害死了後閣有權佇地獄的。實在啊，我給恁講，所著驚的是此個。

6

(THR) Gō͘ ê chhek-chiáu-á kiám m̄ sī bōe nn̄g hun gûn mah? tī Siōng-tè ê bīn-chêng liân chı̍t chiah iā bô bōe kì-tit.

(BCL) 五個雀鳥仔豈呣是賣二分銀嗎？佇上帝的面前，連一隻也無記得；

7

(THR) Chiū lín ê thâu-mn̂g iā lóng kè-sǹg. Bo̍h-tit kiaⁿ; lín pí chōe-chōe chhek-chiáu-á khah kùi-khì.

(BCL) 就恁的頭毛，也攏過算。莫得驚，恁比多多雀鳥仔卡貴氣！」

8

(THR) Góa iā kā lín kóng, Kìⁿ-nā tī lâng ê bīn-chêng jīn góa ê, Jîn-chú tī Siōng-tè ê thiⁿ-sài ê bīn-chêng iā beh jīn i.

(BCL) 「我也給恁講，見若佇人的面前認我的，人子佇上帝的天使的面前也欲認伊；

9

(THR) Nā-sī tī lâng ê bīn-chêng bô jīn góa ê, tī Siōng-tè ê thiⁿ-sài ê bīn-chêng, iā beh m̄ jīn i.

(BCL) 若是佇人的面前無認我的，佇上帝的天使的面前也欲呣認伊。

10

(THR) Hōan-nā kóng ōe lâi kong-kek Jîn-chú ê, beh sià-bián i; nā-sī siat-to̍k Sèng Sîn ê, bô beh sià-bián i.

(BCL) 凡若講話來攻擊人子的，欲赦免伊；若是褻瀆聖神的，無欲赦免伊。

11

(THR) Lâng tòa lín kàu hōe-tn̂g kap pān chèng-sū í-kı̍p ū kôan ê ê bīn-chêng, bo̍h-tit khòa-lū beh cháiⁿ-iūⁿ hun-sò͘, beh hun-sò͘ sím-mı̍h, beh kóng sím-mı̍h;

(BCL) 人帶恁到會堂，及辦政事以及有權者的面前，莫得掛慮欲怎樣分訴，欲分訴甚麼，欲講甚麼；

12

(THR) in-ūi hit sî Sèng Sîn beh kà-sī lín só͘ tio̍h kóng ê.

(BCL) 因為彼時，聖神欲教示恁所著講的。」

13

(THR) Chèng lâng tiong ū chı̍t lâng kā I kóng, Sian-siⁿ ah, chhiáⁿ lí kah góa ê hiaⁿ-tī kap góa pun chó͘-gia̍p.

(BCL) 眾人中有一人給伊講：「先生啊！請你教我的兄弟及我分祖業。」

14

(THR) Nā-sī Iâ-so͘ kā i kóng, Lí chit ê lâng ah, chī-chūi siat-lı̍p góa chòe lín ê sím-phòaⁿ koaⁿ, á-sī chòe pun ke-gia̍p ê mah?

(BCL) 若是耶穌給伊講：「你此個人啊！是誰設立我做恁的審判官，抑是做分家業的嗎？」

15

(THR) Chiū tùi chèng lâng kóng, Tio̍h kín-sīn, iok-sok ka-kī, lóng bô tham-sim; in-ūi lâng ê o̍ah-miā put-chāi i só͘ chek-chū ê hong-sēng.

(BCL) 就對眾人講：「著謹慎約束家己，攏無貪心，因為人的活命不在伊所積聚的豐盛。」

16

(THR) Chiū ēng phì-jū tùi in kóng, Ū chı̍t ê pù lâng i ê chhân-hn̂g chin hó siu.

(BCL) 就用譬喻對講：「有一個富人伊的田園真好收；

17

(THR) I siūⁿ-lâi siūⁿ-khì kóng, Góa bô só͘-chāi thang tún góa ê thó͘-sán, taⁿ beh cháiⁿ-iūⁿ?

(BCL) 伊想來想去講：『我無所在通囤我的土產，今欲怎樣？』

18

(THR) Koh kóng, Góa beh án-ni chòe, beh thiah góa ê chhek-chhng, khí khah tōa ê; chiū góa ê gō͘-kak kap châi-bu̍t lóng beh tún tī hia;

(BCL) 閣講：『我欲按呢做：欲拆我的粟倉，起卡大的，就我的五穀及財物攏欲囤佇遐，

19

(THR) iā beh kā góa ê lêng-hûn kóng, Lêng-hûn ah, lí ū chōe-chōe châi-bu̍t chek-chū chòe chōe-chōe nî ê lō͘-ēng, thang chheng-êng, lim-chia̍h, khòai-lo̍k.

(BCL) 也欲給我的靈魂講：靈魂啊，你有多多財物積聚，做多多年的路用，通清閒飲食快樂！』

20

(THR) Nā-sī Siōng-tè kā i kóng, Gōng lâng ah, Kim mî beh tùi lí thó lí ê lêng-hûn; chiū lí só͘ pī-pān ê beh kui sím-mı̍h lâng ah?

(BCL) 若是上帝給伊講：『戇人啊，今暝欲對你討你的靈魂；就你所備辦的欲歸甚麼人啊？』

21

(THR) Kìⁿ-nā ūi-tio̍h ka-kī chek-chū châi-pó, tī Siōng-tè ê bīn-chêng bô hó-gia̍h ê, iā sī án-ni.

(BCL) 見若為著家己積聚財寶，佇上帝的面前無好額的，也是按呢。」

22

(THR) Koh tùi I ê ha̍k-seng kóng, Só͘-í góa kā lín kóng, Bo̍h-tit ūi-tio̍h sìⁿ-miā khòa-lū beh chia̍h sím-mı̍h, á-sī ūi-tio̍h lín ê seng-khu khòa-lū beh chhēng sím-mı̍h;

(BCL) 閣對伊的學生講：「所以我給恁講，莫得為著生命掛慮欲食甚麼，抑是為著恁的身軀掛慮欲穿甚麼；

23

(THR) in-ūi sìⁿ-miā pí bí-niû khah tùi-tiōng, seng-khu pí i-chiûⁿ khah tùi-tiōng.

(BCL) 因為生命比米糧卡對重，身軀比衣裳卡對重。

24

(THR) Tio̍h chhì-siūⁿ o͘-a, in bô chèng-choh bô siu-sêng, iā bô khò͘-pâng bô chhek-chhng, Siōng-tè iáu-kú iúⁿ-chhī in; lín pí chiáu-á hit ê kùi-khì kàu cháiⁿ-iūⁿ?

(BCL) 著試想烏鴉，無種作無收成，也無庫房無粟倉，上帝猶久養飼。恁比鳥仔彼個貴氣到怎樣！

25

(THR) Lín sím-mı̍h lâng ōe ēng khòa-lū hō͘ sìⁿ-miā khah tn̂g chı̍t khek kú ah?

(BCL) 恁甚麼人會用掛慮互生命卡長一刻久啊？

26

(THR) Án-ni chì sió-khóa ê lín iáu-kú bô hoat-tit, siáⁿ-sū khòa-lū kî-û ê ah?

(BCL) 按呢至小可的，恁猶久無法得，啥事掛慮其餘的啊？

27

(THR) Chhì-siūⁿ pek-ha̍p-hoe cháiⁿ-iūⁿ ná tōa châng, i bô tio̍h-bôa bô pháng-cheh; nā-sī góa kā lín kóng, Tng Só͘-lô-bûn ke̍k hâng-ngó͘ ê sî, i só͘ chhēng m̄ ta̍t-tio̍h chit hō hoe ê chı̍t lúi.

(BCL) 試想百合花怎樣愈大欉；伊無著磨，無紡織。若是我給恁講，當所羅門極行伍的時，伊所穿呣值著此號花的一蕊！

28

(THR) Taⁿ soaⁿ-nı̍h ê chháu, kin-á-jı̍t tī-teh, bîn-á-jı̍t hiat tī hé-lô͘, Siōng-tè siōng-chhiáⁿ hō͘ i chhēng kàu án-ni, hô-hòng lín sió-sìn ê lâng ah?

(BCL) 今山裡的草今仔日佇，明仔日佇火爐，上帝尚且互伊穿到按呢，何況恁，小信的人啊！

29

(THR) Lín bo̍h-tit kiû beh chia̍h sím-mı̍h beh lim sím-mı̍h, iā bo̍h-tit hôan-sim;

(BCL) 恁莫得求欲食甚麼，欲飲甚麼，也莫得煩心；

30

(THR) in-ūi chiah-ê lóng sī sè-kan ê lia̍t-pang lâng só͘ kiû ê, lín ê Pē iā chai chiah-ê sī lín khiàm-ēng ê.

(BCL) 因為諸個攏是世間的列邦人所求的。恁的父也知，諸個是恁欠用的。

31

(THR) To̍k-to̍k lín tio̍h kiû I ê kok, chiū chiah ê mı̍h beh sòa hō͘ lín.

(BCL) 獨獨恁著求伊的國，就諸個物欲續互恁。

32

(THR) Lín sòe ê iûⁿ-kûn ah, bo̍h-tit kiaⁿ, in-ūi lín ê Pē hoaⁿ-hí ēng kok hō͘ lín.

(BCL) 恁細的羊群啊，莫得驚，因為恁的父歡喜用國互恁。

33

(THR) Tio̍h bōe lín só͘ ū ê lâi chín-chè lâng; ūi-tio̍h lín pún-sin pī-pān bōe-ōe kū ê chîⁿ-tē, tī thiⁿ-nı̍h ēng bōe liáu ê châi-pó, chiū-sī chha̍t bōe kàu, thâng bōe chiù ê só͘-chāi.

(BCL) 著賣恁所有的來賑濟人，為著恁本身備辦會舊的錢袋，佇天裡用了的財寶，就是賊到、蟲蛀的所在。

34

(THR) In-ūi lín ê châi-pó tī hia, lín ê sim iā beh tī hia.

(BCL) 因為恁的財寶佇遐，恁的心也欲佇遐。」

35

(THR) Lín ê io tio̍h hâ-teh, lín ê teng tio̍h tiám-teh;

(BCL) 「恁的腰著縖，恁的燈著點，

36

(THR) lín tio̍h chhin-chhiūⁿ lâng teh thèng-hāu in ê chú-lâng tùi hun-in ê iân-toh tò-lâi; kàu tè phah mn̂g thang liâm-piⁿ kā i khui.

(BCL) 恁著親像人聽候的主人對婚姻的筵桌倒來。到地，拍門，通連鞭給伊開。

37

(THR) Chú-lâng kàu, khòaⁿ-kìⁿ in kéng-séng, hiah ê lô͘-po̍k ū hok-khì. Góa sı̍t-chāi kā lín kóng, Chú-lâng beh hō͘ in chē toh, ka-kī hâ tòa, chìn-chêng lâi su-hāu in.

(BCL) 主人到，看見警醒，許個奴僕有福氣。我實在給恁講，主人欲互坐桌，家己縖帶，進前來伺候。

38

(THR) Kiám-chhái jī kiⁿ á-sī saⁿ kiⁿ kàu, khòaⁿ-kìⁿ in án-ni, hiah lô͘-po̍k ū hok-khì.

(BCL) 豈採二更，抑是三更到，看見按呢，許奴僕有福氣。

39

(THR) Ke-chú nā chai chha̍t sím-mı̍h sî beh kàu, i chiū tiuⁿ-tî, put-tì i ê chhù siū iah khang, che sī lín só͘ chai.

(BCL) 家主若知賊甚麼時欲到，伊就張持，不致伊的厝受挖孔，這是恁所知。

40

(THR) Lín iā tio̍h pī-pān piān, in-ūi lín bô phah-sǹg ê sî Jîn-chú lâi lah.

(BCL) 恁也著備辦便；因為恁無拍算的時，人子來啦。」

41

(THR) Pí-tek kóng, Chú ah, lí siat chit ê phì-jū sī tùi góan kóng, á-sī iā tùi chèng lâng ah?

(BCL) 彼得講：「主啊，你設此個譬喻是對阮講？抑是對眾人啊？」

42

(THR) Chú kóng, Sím-mı̍h lâng sī chīn-tiong tì-sek ê kóan-ke, chú-lâng só͘ beh siat-lı̍p lâi kóan-lí i ke-lāi ê lâng, chiàu sî hoat bí-niû hō͘ in ah?

(BCL) 主講：「甚麼人是盡忠智識的管家，主人所欲設立來管理伊家內的人，照時發米糧互啊？

43

(THR) I ê chú-lâng lâi khòaⁿ-kìⁿ i án-ni kiâⁿ, hit ê lô͘-po̍k ū hok-khì.

(BCL) 伊的主人來，看見伊按呢行，彼個奴僕有福氣。

44

(THR) Góa sı̍t-chāi kā lín kóng, chú-lâng beh siat-lı̍p i lâi kóan-lí i it-chhè só͘ ū ê.

(BCL) 我實在給恁講，主人欲設立伊來管理伊一切所有的。

45

(THR) Siat-sú hit ê lô͘-po̍k sim-lāi phah-sǹg, Góa ê chú-lâng iân-chhiân chiah beh lâi, chiū phah hiah ê lô͘-po̍k lú-pī, lim-chia̍h koh chiú-chùi,

(BCL) 設使彼個奴僕心內拍算：『我的主人延延才欲來』，就拍許個奴僕女婢，飲食閣酒醉；

46

(THR) chiū tī bô phài-phe ê jı̍t m̄ chai ê sî, hit ê lô͘-po̍k ê chú-lâng beh kàu, tāng-tāng hêng-ho̍at i, pān i kap m̄ sìn ê lâng tâng-téng.

(BCL) 就佇無派胚的日，呣知的時，彼個奴僕的主人欲到，重重刑罰伊，辦伊及呣信的人同等。

47

(THR) Lô͘-po̍k chai i ê chú-lâng ê ì-sù, iā bô pī-pān, iā bô sūn i ê ì-sù lâi kiâⁿ, beh siū phah chōe ē.

(BCL) 奴僕知伊的主人的意思，也無備辦，也無順伊的意思來行，欲受拍多下；

48

(THR) Nā-sī m̄ chai lâi kiâⁿ eng-kai siū phah ê sū i beh siū phah chió ē. Kìⁿ-nā hō͘ i chōe ê, beh kā i the̍h chōe; thok-tiōng i chōe ê, beh kā i thó khah chōe.

(BCL) 若是呣知，來行應該受拍的事，伊欲受拍少下，見若互伊多的，欲給伊提多；託仗伊多的，欲給伊討卡多。」

49

(THR) Góa lâi sī beh ēng hé hiat tī tōe-nı̍h; hé nā í-keng to̍h, góa iáu-kú ài sím-mı̍h?

(BCL) 「我來是欲用火佇地裡，火若已經，我猶久愛甚麼？

50

(THR) Góa ū eng-kai siū ê sóe; hit ê sóe iáu-bē chiâⁿ, góa pek-chhiat kàu cháiⁿ-iūⁿ?

(BCL) 我有應該受的洗彼個洗猶未成，我迫切到怎樣？

51

(THR) Lín phah-sǹg góa lâi sī beh hō͘ tōe-chiūⁿ hô-pêng mah? Góa kā lín kóng, M̄ sī, hóan-tńg sī oan-ke.

(BCL) 恁拍算我來，是欲互地上和平嗎？我給恁講，呣是，反轉是冤家。

52

(THR) Taⁿ liáu-āu chı̍t ke gō͘ lâng beh oan-ke, saⁿ-ê kap nn̄g-ê oan-ke, nn̄g-ê kap saⁿ-ê oan-ke.

(BCL) 今了後，一家五人欲冤家；三個及二個冤家，二個及三個冤家；

53

(THR) Pē kap kiáⁿ, kiáⁿ kap pē, lāu-bú kap cha-bó͘-kiáⁿ, cha-bó͘-kiáⁿ kap lāu-bú, ta-ke kap i ê sim-pū, sim-pū kap ta-ke, in lóng beh oan-ke.

(BCL) 父及子，子及父；老母及查某子，查某子及老母；乾家及伊的媳婦，媳婦及乾家。攏欲冤家。」

54

(THR) I chiū koh tùi chèng lâng kóng, Lín khòaⁿ-kìⁿ hûn tùi sai-sì khí, lín chiū kóng, Beh lo̍h hō͘; kó-jiân ū án-ni;

(BCL) 伊就閣對眾人講：「恁看見雲對西勢起，恁就講：『欲落雨』；果然有按呢。

55

(THR) khòaⁿ-kìⁿ hong tùi lâm-sì chhe lâi, lín chiū kóng, Beh sio-jo̍ah; iā ū án-ni.

(BCL) 看見風對南勢吹來，恁就講：『欲燒熱』；也有按呢。

56

(THR) Ké-hó ê lâng ah, thiⁿ kap tōe ê hêng-sek lín to khòaⁿ ōe chhut, cháiⁿ-iūⁿ bōe-ōe khòaⁿ-chhut chit ê sî ah?

(BCL) 假好的人啊，天及地的形色恁都看會出，怎樣會看出此個時啊？」

57

(THR) Lín ka-kī cháiⁿ-iūⁿ bô séng-chhat hit-ê ha̍p tī gī ê ah?

(BCL) 「恁家己怎樣無省察彼個合佇義的啊？

58

(THR) In-ūi lí kap kò lí ê khì kìⁿ koaⁿ-hú, iáu tī lō͘-nı̍h tio̍h êng-ûi hō͘ i pàng lí soah; kiaⁿ-liáu i thoa lí kàu tī sím-phòaⁿ koaⁿ, sím-phòaⁿ koaⁿ chiong lí kau chhe-ia̍h, chhe-ia̍h sòa chiong lí koaiⁿ lo̍h kaⁿ.

(BCL) 因為你及告你的去見官府，猶佇路裡著營為互伊放你息；驚了伊拖你到佇審判官，審判官將你交差役，差役續將你關落監。

59

(THR) Góa kā lí kóng, Chı̍t si chı̍t hô bē hêng, lí koat-tòan bōe-ōe chhut hia.

(BCL) 我給你講，一絲一毫未還，你決斷會出遐。」

Bible Color Mark

• 台語漢字羅馬本
• 巴克禮全羅