士師記 第 14 章

1

(THR) Chham-sun lo̍h-khì Têng-ná, tī Têng-ná khòaⁿ-kìⁿ chı̍t ê cha-bó͘-gín-ná, chiū-sī Hui-lī-sū lâng ê cha-bó͘-kiáⁿ.

(BCL) 參孫落去亭拿，佇亭拿看見一個查某囝仔，就是非利士人的查某子。

2

(THR) Chham-sun chiūⁿ-khì kā i lāu-pē lāu-bú kóng, Góa tī Têng-ná khòaⁿ-kìⁿ chı̍t ê cha-bó͘-gín-ná, sī Hui-lī-sū lâng ê cha-bó͘-kiáⁿ; gōan lín kā góa chhōa i lâi chòe-bó͘.

(BCL) 參孫上去給伊老父老母講：「我佇亭拿看見一個查某囝仔，是非利士人的查某子，願恁給我娶伊來做某。」

3

(THR) I ê lāu-pē i ê lāu-bú kā i kóng, Tī lí hiaⁿ-tī tiong ê cha-bó͘-gín-ná, á-sī tī lán peh-sìⁿ tiong, kiám bô chı̍t ê cha-bó͘-gín-ná, tì-kàu lí khì tī bô siū kat-lé ê Hui-lī-sū lâng tiong chhōa-bó͘ ah? Chham-sun kā i ê lāu-pē kóng, Gōan lí kā góa chhōa i; in-ūi i sī góa kah-ì ê.

(BCL) 伊的老父伊的老母給伊講：「佇你兄弟中的查某囝仔，抑是佇咱百姓中，豈無一個查某囝仔，致到你去佇無受割禮的非利士人中娶某啊？」參孫給伊的老父講：「願你給我娶伊，因為伊是我合意的。」

4

(THR) Chóng-sī i ê lāu-pē i ê lāu-bú m̄-chai chit ê sū sī chhut tī Iâ-hô-hoa; in-ūi I chhē ki-hōe kong-kek Hui-lī-sū. Hit-sî Hui-lī-sū lâng kóan-hat Í-sek-lia̍t.

(BCL) 總是伊的老父伊的老母呣知此個事是出佇耶和華，因為伊尋機會攻擊非利士。彼時，非利士人管轄以色列。

5

(THR) Chham-sun kap i ê pē-bú lo̍h-khì Têng-ná, kàu Têng-ná ê phû-tô-hn̂g; tú-tn̄g ū chı̍t chiah sai-á-thûn háu lâi óa i.

(BCL) 參孫及伊的父母落去亭拿，到亭拿的葡萄園，抵當有一隻獅仔肫哮來倚伊。

6

(THR) Iâ-hô-hoa ê Sîn tōa-tōa lîm-kàu Chham-sun, i ê chhiú bô ke-si, iā thiah-lı̍h i, chhin-chhiūⁿ thiah-lı̍h soaⁿ-iûⁿ-á chı̍t-iūⁿ; i iā bô kā i ê pē-bú kóng i só͘ kiâⁿ ê sū.

(BCL) 耶和華的神大大臨到參孫，伊的手無家私，也拆裂伊，親像拆裂山羊仔一樣。伊也無給伊的父母講伊所行的事。

7

(THR) I lo̍h-khì kap cha-bó͘-gín-ná kóng ōe; i sī Chham-sun só͘ kah-ì ê.

(BCL) 伊落去及查某囝仔講話，伊是參孫所合意的；

8

(THR) Koh ū hiah-kú, tò-tńg beh lâi chhōa i, oat tùi lō͘-piⁿ beh khòaⁿ sí ê sai, khòaⁿ-kìⁿ ū chı̍t siū phang kap bı̍t tī sai ê sin-si-lāi;

(BCL) 閣有許久，倒轉欲來娶伊，越對路邊欲看死的獅，看見有一巢蜂及蜜佇獅的身屍內，

9

(THR) chhiú the̍h bı̍t khì kiâⁿ, ná-kiâⁿ ná-chia̍h; kàu i ê pē-bú hia, chiū hō͘ in, in iā chia̍h; chóng-sī bô kā i kóng chit ê bı̍t sī tùi sai ê sin-si the̍h-lâi-ê.

(BCL) 手提蜜去行，愈行愈食；到伊的父母遐，就互，也食；總是無給伊講此個蜜是對獅的身屍提來的。

10

(THR) I ê lāu-pē lo̍h-khì kàu cha-bó͘-gín-ná hia; Chham-sun tī-hia siat iân-sia̍h; in-ūi pêng-sò͘ siàu-liân lâng lóng ū chit hō ê hong-sio̍k.

(BCL) 伊的老父落去到查某囝仔遐。參孫佇遐設筵席，因為平素少年人攏有此號的風俗。

11

(THR) In khòaⁿ-kìⁿ Chham-sun, chiū chhōa saⁿ-cha̍p ê phōaⁿ lâi pôe i.

(BCL) 看見參孫，就導三十個伴來陪伊。

12

(THR) Chham-sun kā in kóng, Góa taⁿ beh chhut chı̍t ê chhai hō͘ lín; lín tī iân-sia̍h ê chhit-jı̍t-lāi nā ōe chhai-chhut ì-sù lâi kā góa kóng, góa chiū beh hō͘ lín saⁿ-cha̍p niá ê iù-tōe saⁿ, saⁿ-cha̍p thò ê gōa-saⁿ;

(BCL) 參孫給講：「我今欲出一個猜互恁，恁佇筵席的七日內，若會猜出意思來給我講，我就欲互恁三十領的幼苧衫，三十套的外衫；

13

(THR) lín nā bōe-ōe kā góa kóng, lín chiū tio̍h hō͘ góa saⁿ-cha̍p niá ê iù-tōe saⁿ, saⁿ-cha̍p thò ê gōa-saⁿ. In kóng, Chhiáⁿ chhut lí ê chhai hō͘ góan thiaⁿ.

(BCL) 恁若會給我講，恁就著互我三十領的幼苧衫，三十套的外衫。」講：「請出你的猜互阮聽。」

14

(THR) I chiū kā in kóng, Tùi chia̍h-ê chhut chia̍h-mı̍h; Tùi kiông-ê chhut tiⁿ.In saⁿ-jı̍t kú chhai bōe chhut.

(BCL) 伊就給講：對食的出食物；對強的出甜。三日久猜出。

15

(THR) Kàu tē-chhit jı̍t, in kā Chham-sun ê bó͘ kóng, Lí tio̍h làu lí ê tiōng-hu, hō͘ i ēng chhai ê ì-sù kā góan kóng, bián-tit góan ēng hé sio lí kap lí ê lāu-pē ê chhù; lín chhiáⁿ góan lâi, sī beh chhiúⁿ góan á-m̄-sī?

(BCL) 到第七日，給參孫的某講：「你著漏你的丈夫，互伊用猜的意思給阮講，免得阮用火燒你及你的老父的厝。恁請阮來，是欲搶阮抑呣是？」

16

(THR) Chham-sun ê bó͘ thî-khàu tī i ê bīn-chêng kóng, Lí sī òan-hūn góa, m̄-sī thiàⁿ góa; in-ūi lí chhut-chhai hō͘ góa pún-kok ê lâng, iā bô kā góa kóng-bêng. I ìn i kóng, Liân góa ê lāu-pē lāu-bú to͘ bô kā i kóng, kiám thang kā lí kóng mah?

(BCL) 參孫的某啼哭佇伊的面前講：「你是怨恨我，呣是疼我，因為你出猜互我本國的人，也無給我講明。」伊應伊講：「連我的老父老母都無給伊講，豈通給你講嗎？」

17

(THR) Tī iân-sia̍h ê chhit-jı̍t-lāi, i thî-khàu tī i ê tiōng-hu ê bīn-chêng; kàu tē-chhit jı̍t chiū kā i kóng; in-ūi i pek i chin-thiám; i ê bó͘ chiū kā i pún-kok ê lâng kóng.

(BCL) 佇筵席的七日內，伊啼哭佇伊的丈夫的面前，到第七日就給伊講，因為伊迫伊真殄，伊的某就給伊本國的人講。

18

(THR) Kàu tē-chhit jı̍t, jı̍t iáu-bē lo̍h ê tāi-seng, siâⁿ-lāi ê peh-sìⁿ kā Chham-sun kóng, Ū sím-mı̍h pí bı̍t khah-tiⁿ ah? ū sím-mı̍h pí sai khah-kiông ah? Chham-sun kā in kóng, Lín nā m̄-sī ēng góa ê gû-chéng-á lôe-chhân, Góa ê chhai chiū chhai-bōe-chhut.

(BCL) 到第七日，日猶未落的代先，城內的百姓給參孫講：有甚麼比蜜卡甜啊？有甚麼比獅卡強啊？參孫給講：恁若呣是用我的牛種仔犁田，我的猜就猜出。

19

(THR) Iâ-hô-hoa ê Sîn tōa-tōa lîm-kàu Chham-sun, i chiū lo̍h-khì kàu A-sı̍t-ki-lûn, thâi-sí in tiong-kan saⁿ-cha̍p lâng, chhiúⁿ in, chiong hiah ê saⁿ hō͘ chhai-tio̍h ê lâng. Chham-sun tōa siū-khì, chiū chiūⁿ-khì in lāu-pē ê ke.

(BCL) 耶和華的神大大臨到參孫，伊就落去到亞實基倫，死中間三十人，搶，將許個衫互猜著的人。參孫大受氣，就上去老父的家。

20

(THR) Chham-sun ê bó͘ chiū kè hō͘ i ê pôe-phōaⁿ, chiū-sī Chham-sun ēng chòe i ê pêng-iú ê.

(BCL) 參孫的某就嫁互伊的陪伴，就是參孫用做伊的朋友的。

Bible Color Mark

• 台語漢字羅馬本
• 巴克禮全羅