約書亞記 第 8 章

1

(THR) Iâ-hô-hoa tùi Iok-su-a kóng, Bo̍h-tit kiaⁿ, iā bo̍h-tit lún; lí khí-lâi chhōa lóng-chóng ê chiàn-sū chiūⁿ-khì Ai siâⁿ, Góa í-keng chiong Ai siâⁿ ê ông, kap i ê peh-sìⁿ, i ê siâⁿ, i ê tōe, lóng kau tī lí ê chhiú.

(BCL) 耶和華對約書亞講：「莫得驚，也莫得。你起來，導攏總的戰士上去艾城，我已經將艾城的王及伊的百姓，伊的城，伊的地，攏交佇你的手。

2

(THR) Lí khóan-thāi Ai siâⁿ, kap i ê ông, tio̍h chhin-chhiūⁿ chêng khóan-thāi Iâ-lī-ko kap i ê ông chı̍t-iūⁿ; chóng-sī só͘ chhiúⁿ i ê châi-bu̍t, kap cheng-siⁿ, lín thang chhú chòe ka-kī ê; lí tio̍h ēng peng bâi-ho̍k tī siâⁿ-āu.

(BCL) 你款待艾城及伊的王，著親像前款待耶利哥及伊的王一樣。總是所搶伊的財物及精牲，恁通取做家己的。你著用兵埋伏佇城後。

3

(THR) Tùi án-ni Iok-su-a kap it-chhè ê chiàn-sū lóng khí-lâi, beh chiūⁿ-khì Ai siâⁿ; Iok-su-a kéng saⁿ-bān tōa-la̍t ê ióng-sū, mî-sî chhe in khì;

(BCL) 對按呢，約書亞及一切的戰士攏起來，欲上去艾城。約書亞揀三萬大力的勇士，暝時差去，

4

(THR) hoan-hù in kóng, Lín tio̍h bâi-ho̍k peng kong-siâⁿ, chiū-sī tī siâⁿ-āu, m̄-thang lī-khui siâⁿ siuⁿ hn̄g, lóng tio̍h pī-pān piān.

(BCL) 吩咐講：「恁著埋伏兵攻城就是佇城後，呣通離開城甚遠，攏著備辦便。

5

(THR) Góa kap góa só͘ chhōa ê chèng peh-sìⁿ beh kūn-óa siâⁿ; in chhin-chhiūⁿ thâu-pái chhut-lâi kong-kek góan, hit-sî góan chiū beh tī in ê bīn-chêng tô-cháu.

(BCL) 我及我所導的眾百姓欲近倚城。親像頭擺出來攻擊阮，彼時阮就欲佇的面前逃走，

6

(THR) In beh chhut-lâi tui-jip góan, kàu góan ín-iú in lī-khui siâⁿ; in-ūi in beh kóng, Chiah ê lâng chhin-chhiūⁿ thâu-pái tī góan ê bīn-chêng tô-cháu; só͘-í góan beh tī in ê bīn-chêng tô-cháu;

(BCL) 欲出來追阮，到阮引誘離開城；因為欲講：『諸個人親像頭擺佇阮的面前逃走。』所以阮欲佇的面前逃走，

7

(THR) hit-sî lín chiū tio̍h tùi bâi-ho̍k ê só͘-chāi khí-lâi, chhú hit ê siâⁿ, in-ūi Iâ-hô-hoa lín ê Siōng-tè beh chiong i kau tī lín ê chhiú.

(BCL) 彼時恁就著對埋伏的所在起來，取彼個城，因為耶和華──恁的上帝欲將伊交佇恁的手。

8

(THR) Lín í-keng chhú siâⁿ, chiū tio̍h ēng hé sio siâⁿ, tio̍h chiàu Iâ-hô-hoa ê ōe kiâⁿ; khòaⁿ ah, che sī góa só͘ bēng-lēng lín ê.

(BCL) 恁已經取城，就著用火燒城，著照耶和華的話行。看啊，這是我所命令恁的。」

9

(THR) Iok-su-a chhe in, in chiū khì bâi-ho̍k ê só͘-chāi, tiàm tī Pek-te̍k-lī kap Ai siâⁿ ê tiong-kan, chiū-sī Ai siâⁿ ê sai-sì; hit-mî Iok-su-a hioh tī peh-sìⁿ ê tiong-kan.

(BCL) 約書亞差，就去埋伏的所在，踮佇伯特利及艾城的中間，就是艾城的西勢。彼暝約書亞歇佇百姓的中間。

10

(THR) Thiⁿ-kng Iok-su-a chá-chá khí-lâi, tiám-sǹg peh-sìⁿ; i kap Í-sek-lia̍t ê tiúⁿ-ló tī peh-sìⁿ ê thâu-chêng chiūⁿ-khì Ai siâⁿ.

(BCL) 天光約書亞早早起來，點算百姓，伊及以色列的長老佇百姓的頭前上去艾城。

11

(THR) Chèng peh-sìⁿ, chiū-sī kap i tī-teh ê chiàn-sū, lóng chiūⁿ-khì kūn-óa siâⁿ ê thâu-chêng, tī Ai ê pak-pêng chat-iâⁿ; tī i kap Ai ê tiong-kan ū chı̍t ê soaⁿ-kok.

(BCL) 眾百姓，就是及伊佇的戰士，攏上去，近倚城的頭前，佇艾的北旁紮營。佇伊及艾的中間有一個山谷。

12

(THR) I iok-lio̍k ū kéng gō͘-chheng lâng, hō͘ in bâi-ho̍k tī Pek-te̍k-lī kap Ai siâⁿ ê tiong-kan, chiū-sī tī siâⁿ ê sai-sì.

(BCL) 伊約略有揀五千人，互埋伏佇伯特利及艾城的中間，就是佇城的西勢，

13

(THR) Tùi án-ni an-tì peh-sìⁿ, chiū-sī siâⁿ pak-sì ê chôan-kun, kap siâⁿ sai-sì bâi-ho̍k ê peng; chit-mî Iok-su-a jı̍p soaⁿ-kok tiong.

(BCL) 對按呢安置百姓，就是城北勢的全軍及城西勢埋伏的兵。此暝約書亞入山谷中。

14

(THR) Ai siâⁿ ê ông khòaⁿ-kìⁿ, siâⁿ-lāi hiah ê lâng kóaⁿ-kín thàu-chá khí-lâi, chiàu só͘ tiāⁿ-tio̍h ê sî, chhut-khì kàu A-la̍h-pa ê thâu-chêng, beh kap Í-sek-lia̍t lâng kau-chiàn, ông kap chèng peh-sìⁿ lóng khì; chóng-sī in m̄-chai tī siâⁿ-āu ū peng bâi-ho̍k, beh kong-kek in.

(BCL) 艾城的王看見，城內許個人，趕緊透早起來照所定著的時，出去到亞拉巴的頭前，欲及以色列人交戰，王及眾百姓攏去；總是呣知佇城後有兵埋伏欲攻擊。

15

(THR) Iok-su-a kap Í-sek-lia̍t ê chèng-lâng tī in ê thâu-chêng ké thâi-su, tùi khòng-iá ê lō͘ tô-cháu.

(BCL) 約書亞及以色列的眾人佇的頭前假輸，對曠野的路逃走。

16

(THR) Siâⁿ-lāi ê chèng peh-sìⁿ lóng chū-chı̍p, tui-jip in; in tui-jip Iok-su-a, chiū siū ín-iú lī-khui in ê siâⁿ.

(BCL) 城內的眾百姓攏聚集，追；追約書亞，就受引誘離開的城。

17

(THR) Ai siâⁿ, kap Pek-te̍k-lī siâⁿ, bô lâu chı̍t-lâng bô chhut-khì tui-jip Í-sek-lia̍t lâng; siâⁿ-mn̂g pàng khui-khui, khì tui-jip Í-sek-lia̍t lâng.

(BCL) 艾城及伯特利城無留一人無出去追以色列人，城門放開開，去追以色列人。

18

(THR) Iâ-hô-hoa tùi Iok-su-a kóng, Lí chhun-chhut chhiú-nı̍h só͘ kia̍h ê chhiuⁿ lâi kí Ai siâⁿ; in-ūi Góa beh chiong i kau tī lí ê chhiú. Iok-su-a chiū chhun-chhut chhiú-nı̍h só͘ kia̍h ê chhiuⁿ lâi kí hit ê siâⁿ.

(BCL) 耶和華對約書亞講：「你伸出手裡所抬的槍來指艾城，因為我欲將伊交佇你的手。」約書亞就伸出手裡所抬的槍來指彼個城。

19

(THR) I chı̍t-ē chhun chhiú, bâi-ho̍k ê peng chiū tùi i ê só͘-chāi kín-kín khí-lâi, cháu-khì jı̍p siâⁿ chhú i, kín-kín pàng hé sio siâⁿ.

(BCL) 伊一下伸手，埋伏的兵就對伊的所在緊緊起來，走去入城取伊，緊緊放火燒城。

20

(THR) Ai siâⁿ ê lâng o̍at-thâu chı̍t-ē khòaⁿ; bô phah-sǹg, siâⁿ-lāi hé-ian chhèng chiūⁿ thiⁿ; in chiū cháu-chia cháu-hia, lóng bô lō͘; hiah ê cháu-khì khòng-iá ê peh-sìⁿ chiū hoan-thâu lâi kong-kek tui-jip in.

(BCL) 艾城的人越頭一下看，無拍算，城內火煙淐上天，就走遮走遐攏無路。許個走去曠野的百姓就翻頭來攻擊追。

21

(THR) Iok-su-a kap Í-sek-lia̍t ê chèng-lâng khòaⁿ-kìⁿ bâi-ho̍k ê peng í-keng chhú siâⁿ, siâⁿ-lāi hé-ian chhèng chiūⁿ-kôaiⁿ, chiū o̍at-tńg-sin thâi-sí Ai siâⁿ ê lâng;

(BCL) 約書亞及以色列的眾人看見埋伏的兵已經取城，城內火煙淐上高，就越轉身死艾城的人。

22

(THR) bâi-ho̍k ê peng iā chhut-lâi kong-kek in; in siū ûi-khùn tī Í-sek-lia̍t lâng ê tiong-kan, chêng-āu lóng sī Í-sek-lia̍t lâng; tùi án-ni thâi-sí in; bô chı̍t-ê lâu-teh, iā bô chı̍t-ê cháu-khì.

(BCL) 埋伏的兵也出來攻擊，受圍困佇以色列人的中間，前後攏是以色列人。對按呢死，無一個留，也無一個走去，

23

(THR) In chiū o̍ah-lia̍h Ai siâⁿ ê ông, ah i kàu Iok-su-a hia.

(BCL) 就活掠艾城的王，押伊到約書亞遐。

24

(THR) Í-sek-lia̍t lâng it-chīn thâi-sí khiā-khí tī Ai ê peh-sìⁿ, tī chhân-nı̍h, tī khòng-iá jip-tio̍h ê só͘-chāi, in lóng tó tī to-ē, kàu bia̍t-bô. Í-sek-lia̍t chèng-lâng chiū tò-tńg lâi Ai siâⁿ, ēng to thâi siâⁿ-tiong ê lâng.

(BCL) 以色列人一盡死徛起佇艾的百姓，佇田裡佇曠野著的所在，攏倒佇刀下，到滅無；以色列眾人就倒轉來艾城，用刀城中的人。

25

(THR) Tng hit-jı̍t thâi-sí ê lâm-lú, kiōng chı̍t-bān nn̄g-chheng, chiū-sī Ai siâⁿ ê peh-sìⁿ.

(BCL) 當彼日死的，男女共一萬二千，就是艾城的百姓。

26

(THR) Iok-su-a bô kiu i chhun-chhut chhiuⁿ ê chhiú, tı̍t-kàu it-chīn bia̍t Ai siâⁿ ê peh-sìⁿ.

(BCL) 約書亞無勼伊伸出槍的手，直到一盡滅艾城的百姓。

27

(THR) To̍k-to̍k cheng-siⁿ, kap só͘ chhiúⁿ siâⁿ-lāi ê châi-bu̍t, Í-sek-lia̍t lâng lóng chhú chòe ka-kī-ê, chiàu Iâ-hô-hoa só͘ bēng-lēng Iok-su-a ê ōe.

(BCL) 獨獨精牲及所搶城內的財物，以色列人攏取做家己的，照耶和華所命令約書亞的話。

28

(THR) Iok-su-a sio Ai siâⁿ, hō͘ i éng-éng chòe thô͘-tui, hong-hòe kàu kin-á-jı̍t;

(BCL) 約書亞燒艾城，互伊永永做土堆、荒廢，到今仔日；

29

(THR) koh tiàu Ai siâⁿ ê ông tī chhiū-nı̍h; kàu hông-hun jı̍t-lo̍h ê sî, Iok-su-a chhut bēng-lēng, lâng chiū tùi chhiū-nı̍h siu sin-si lo̍h-lâi, hiat tī siâⁿ-mn̂g-kháu; tī hit téng-bīn thia̍p chı̍t tōa-tui ê chio̍h-thâu, kàu kin-á-jı̍t iáu tī-teh.

(BCL) 閣吊艾城的王佇樹裡，到黃昏。日落的時，約書亞出命令，人就對樹裡收身屍落來，佇城門口，佇彼頂面疊一大堆的石頭，到今仔日猶佇。

30

(THR) Hit-sî Iok-su-a tī Í-pa-lō͘ soaⁿ, ūi Iâ-hô-hoa Í-sek-lia̍t ê Siōng-tè, khí chı̍t chō tôaⁿ;

(BCL) 彼時，約書亞佇以巴路山為耶和華──以色列的上帝起一座壇，

31

(THR) sī ēng chū-jiân ê chio̍h, hí téng-bīn bô tāng-tio̍h thih-khì-ê, lâi khí i, chiàu Iâ-hô-hoa ê lô͘-po̍k Mô͘-se só͘ bēng-lēng Í-sek-lia̍t lâng ê ōe, chiàu Mô͘-se lu̍t-hoat chheh-lāi só͘ kí ê; in tī chit ê tôaⁿ-téng hiàn sio-chè hō͘ Iâ-hô-hoa, iā hōng siā-un ê chè.

(BCL) 是用自然的石，彼頂面無動著鐵器的來起伊，照耶和華的奴僕摩西所命令以色列人的話，照摩西律法冊內所記的。佇此個壇頂獻燒祭互耶和華也奉謝恩的祭。

32

(THR) Iok-su-a tī-hia ēng Mô͘-se ê lu̍t-hoat chhau-siá tī chio̍h-téng, chiū-sī i tī Í-sek-lia̍t lâng ê bīn-chêng só͘ siá-ê.

(BCL) 約書亞佇遐，用摩西的律法抄寫佇石頂，就是伊佇以色列人的面前所寫的。

33

(THR) Í-sek-lia̍t chèng-lâng, kap in ê tiúⁿ-ló, koaⁿ-tiúⁿ, í-kı̍p sím-phòaⁿ-koaⁿ, lóng khiā tī iok-kūi ê siang-pêng, tī kng Iâ-hô-hoa iok-kūi ê chè-si Lī-bī lâng ê bīn-chêng, bô-lūn sī pún-tōe lâng, sī kià-kha-ê; chı̍t-pòaⁿ tī Ki-lī-sim soaⁿ ê thâu-chêng, chı̍t-pòaⁿ tī Í-pa-lō͘ soaⁿ ê thâu-chêng, kā Í-sek-lia̍t peh-sìⁿ chiok-hok, chiàu Iâ-hô-hoa ê lô͘-po̍k Mô͘-se chêng só͘ bēng-lēng ê.

(BCL) 以色列眾人，及的長老、官長，以及審判官，攏徛佇約櫃的雙旁，佇扛耶和華約櫃的祭司利未人的面前，無論是本地人、是寄腳的，一半佇基利心山的頭前，一半佇以巴路山的頭前，給以色列百姓祝福，照耶和華的奴僕摩西前所命令的。

34

(THR) Jiân-āu Iok-su-a tha̍k lu̍t-hoat lóng-chóng ê ōe, chiok-hok-ê, chiù-chó͘-ê, chiàu lóng-chóng kì tī lu̍t-hoat ê.

(BCL) 然後，約書亞讀律法攏總的話祝福的、咒詛的，照攏總記佇律法的。

35

(THR) Mô͘-se só͘ bēng-lēng it-chhè ê ōe, Iok-su-a tī Í-sek-lia̍t ê chôan-hōe, kap hū-jîn-lâng, gín-ná, kap in tiong-kan óng-lâi chhut-gōa lâng ê bīn-chêng, bô chı̍t-kù bô tha̍k.

(BCL) 摩西所命令一切的話，約書亞佇以色列的全會及婦仁人、囝仔，及中間往來出外人的面前，無一句無讀。

Bible Color Mark

• 台語漢字羅馬本
• 巴克禮全羅