約書亞記 第 5 章

1

(THR) Iok-tàn hô sai-sì ê A-mô͘-lī lâng chiah ê ông, kap óa-hái ê Ka-lâm lâng chiah ê ông, thiaⁿ-kìⁿ Iâ-hô-hoa tī Í-sek-lia̍t lâng ê bīn-chêng hō͘ Iok-tàn ê chúi ta-khì, thèng-hāu lán kè-khì; in ê sim in-ūi Í-sek-lia̍t lâng ê iân-kò͘ chiū sit-táⁿ, sîn put-hū-thé.

(BCL) 約但河西勢的亞摩利人諸個王及倚海的迦南人諸個王，聽見耶和華佇以色列人的面前互約但的水乾去，聽候咱過去，的心因為以色列人的緣故就失膽，神不附體。

2

(THR) Hit-sî Iâ-hô-hoa tùi Iok-su-a kóng, Lí tio̍h chhòng hé-chio̍h to, tē-jī pái kā Í-sek-lia̍t lâng kiâⁿ kat-lé.

(BCL) 彼時，耶和華對約書亞講：「你著創火石刀，第二擺給以色列人行割禮。」

3

(THR) Iok-su-a chiū chhòng hé-chio̍h to, tī tû-khì-phê soaⁿ hia, kā Í-sek-lia̍t lâng kiâⁿ kat-lé.

(BCL) 約書亞就創火石刀，佇「除去皮山」遐給以色列人行割禮。

4

(THR) Iok-su-a kā in kiâⁿ kat-lé ê iân-kò͘, sī in-ūi tùi Ai-kı̍p chhut-lâi ê chèng peh-sìⁿ, kìⁿ ōe kau-chiàn ê ta-po͘-teng, chhut Ai-kı̍p í-āu tī lō͘-nı̍h sí tī khòng-iá.

(BCL) 約書亞給行割禮的緣故，是因為對埃及出來的眾百姓，見會交戰的查甫丁，出埃及以後，佇路裡死佇曠野。

5

(THR) In-ūi chhut-lâi ê chèng peh-sìⁿ lóng siū kat-lé; to̍k-to̍k chhut Ai-kı̍p í-āu tī khòng-iá ê lō͘-nı̍h só͘ siⁿ ê chèng peh-sìⁿ, lóng bô siū kat-lé.

(BCL) 因為出來的眾百姓攏受割禮；獨獨出埃及以後、佇曠野的路裡所生的眾百姓攏無受割禮。

6

(THR) Í-sek-lia̍t lâng tī khòng-iá kiâⁿ sì-cha̍p nî, kàu chèng peh-sìⁿ, chiū-sī chhut Ai-kı̍p ê chiàn-sū, it-chīn siau-bia̍t; in-ūi in bô thiaⁿ-thàn Iâ-hô-hoa ê ōe, Iâ-hô-hoa bat tùi in chiù-chōa, m̄-hō͘ in khòaⁿ-kìⁿ Iâ-hô-hoa tùi in lia̍t-chó͘ só͘ chiù-chōa beh siúⁿ-sù lán ê tōe, chiū-sī lâu lin kap bı̍t ê tōe.

(BCL) 以色列人佇曠野行四十年，到眾百姓，就是出埃及的戰士，一盡消滅，因為無聽趁耶和華的話。耶和華曾對咒誓，呣互看見耶和華對列祖所咒誓、欲賞賜咱的地，就是流奶及蜜的地。

7

(THR) In ê kiáⁿ-sun, chiū-sī I só͘ heng-khí lâi sòa-chiap in ê, lóng bô siū kat-lé, in-ūi in tī lō͘-nı̍h bô kā in kiâⁿ kat-lé; Iok-su-a chiah kā in kiâⁿ.

(BCL) 的子孫，就是伊所興起來續接的，攏無受割禮；因為佇路裡無給行割禮，約書亞才給行。

8

(THR) Peh-sìⁿ lóng siū kat-lé bêng-pe̍k, chiū tiàm tī iâⁿ-lāi ka-kī ê só͘-chāi, thèng-hāu hó.

(BCL) 百姓攏受割禮明白，就踮佇營內家己的所在，聽候好。

9

(THR) Iâ-hô-hoa tùi Iok-su-a kóng, Góa kin-á-jı̍t chiong Ai-kı̍p ê lêng-jio̍k î-sóa lī-khui lín; tùi án-ni hit só͘-chāi miâ kiò Kiat-kah, tı̍t-kàu kin-á-jı̍t.

(BCL) 耶和華對約書亞講：「我今仔日將埃及的凌辱移徙離開恁。」對按呢，彼所在名叫吉甲，直到今仔日。

10

(THR) Hit-sî Í-sek-lia̍t lâng chat-iâⁿ tī Kiat-kah; hit-ge̍h cha̍p-sì ê-hng, tī Iâ-lī-ko ê pîⁿ-iûⁿ siú pôaⁿ-kè-choeh.

(BCL) 彼時以色列人紮營佇吉甲。彼月十四下昏，佇耶利哥的平洋守過節。

11

(THR) Pôaⁿ-kè-choeh ê keh-jı̍t in chiū chia̍h hit só͘-chāi só͘ chhut ê, tú-tú hit-jı̍t chia̍h bô-kàⁿ-piáⁿ kap hang ê ngó͘-kok;

(BCL) 過節的隔日，就食彼所在所出的；抵抵彼日食無酵餅及烘的五穀。

12

(THR) in chia̍h hit só͘-chāi só͘ chhut ê, keh-jı̍t má-ná chiū thêng-hioh; Í-sek-lia̍t lâng iā bô koh ū má-ná; hit-nî in chiū chia̍h Ka-lâm tōe ê thó͘-sán.

(BCL) 食彼所在所出的隔日嗎哪就停歇，以色列人也無閣有嗎哪。彼年，就食迦南地的土產。

13

(THR) Iok-su-a óa-kūn Iâ-lī-ko ê sî kia̍h-ba̍k khòaⁿ, khòaⁿ-kìⁿ ū chı̍t-lâng chhiú pu̍ih-to, khiā tī i ê tùi-bīn; Iok-su-a kūn-óa i, mn̄g i kóng, Lí sī ūi góan ê, á-sī ūi góan ê tùi-te̍k ah?

(BCL) 約書亞倚近耶利哥的時，抬目看，看見有一人手拔刀，徛佇伊的對面。約書亞近倚伊，問伊講：「你是為阮的？抑是為阮的對敵啊？」

14

(THR) I ìn kóng, Bô, góa lâi sī chòe Iâ-hô-hoa ê kun-tiúⁿ. Iok-su-a chiū phak tī tōe-nı̍h pài i, kóng, Góa ê Chú bēng-lēng lô͘-po̍k sím-mı̍h?

(BCL) 伊應講：「無，我來是做耶和華的軍長。」約書亞就仆佇地裡拜伊，講：「我的主命令奴僕甚麼？」

15

(THR) Iâ-hô-hoa ê kun-tiúⁿ tùi Iok-su-a kóng, Thǹg lí kha-nı̍h ê ôe, in-ūi lí só͘ khiā ê só͘-chāi sī sèng ê; Iok-su-a chiū chiàu án-ni kiâⁿ.

(BCL) 耶和華的軍長對約書亞講：「褪你腳裡的鞋，因為你所徛的所在是聖的。」約書亞就照按呢行。

Bible Color Mark

• 台語漢字羅馬本
• 巴克禮全羅