約書亞記 第 21 章

1

(THR) Hit-sî Lī-bī lâng chiah ê cho̍k-tiúⁿ chiū-kūn chè-si Í-lī-a-sat, kap Lùn ê kiáⁿ Iok-su-a, í-kı̍p Í-sek-lia̍t lâng chi-phài chiah ê cho̍k-tiúⁿ;

(BCL) 彼時，利未人諸個族長就近祭司以利亞撒及嫩的子約書亞，以及以色列人支派諸個族長，

2

(THR) tī Ka-lâm tōe ê Sī-lô kā in kóng, Chêng Iâ-hô-hoa thok Mô͘-se hō͘ góan ū siâⁿ thang khiā-khí, ū kau-iá thang chòe chhī cheng-siⁿ ê lō͘-ēng.

(BCL) 佇迦南地的示羅給講：「前耶和華託摩西互阮有城通徛起，有郊野通做飼精牲的路用。」

3

(THR) Í-sek-lia̍t lâng chiū chiàu Iâ-hô-hoa só͘ bēng-lēng ê, tùi ka-kī ê gia̍p-tiong, chiong ē-bīn só͘ kì chiah ê siâⁿ, kap in ê kau-iá, hō͘ Lī-bī lâng.

(BCL) 以色列人就照耶和華所命令的，對家己的業中，將下面所記諸個城及的郊野互利未人。

4

(THR) Ūi Ko-hat chiah ê cho̍k liam-khau; Lī-bī lâng tiong chè-si A-lûn ê kiáⁿ-sun, tùi Iû-tāi chi-phài, Se-biān chi-phài, Piān-ngá-bín chi-phài, liam-tio̍h cha̍p-saⁿ chō siâⁿ.

(BCL) 為哥轄諸個族拈鬮：利未人中祭司、亞倫的子孫，對猶大支派、西緬支派、便雅憫支派，拈著十三座城。

5

(THR) Ko-hat kî-û ê kiáⁿ-sun, tùi Í-hoat-liân chi-phài ê chong-cho̍k, tùi Tàn ê chi-phài, tùi Má-ná-se pòaⁿ-chi-phài, liam-tio̍h cha̍p chō siâⁿ.

(BCL) 哥轄其餘的子孫，對以法蓮支派的宗族、對但的支派、對瑪拿西半支派，拈著十座城。

6

(THR) Kek-sūn ê kiáⁿ-sun, tùi Í-sat-ka chi-phài ê chong-cho̍k, tùi A-siat ê chi-phài, tùi Ná-hut-tha-lī ê chi-phài, tùi tiàm tī Pa-san ê Má-ná-se pòaⁿ-chi-phài, liam-tio̍h cha̍p-saⁿ chō siâⁿ.

(BCL) 革順的子孫，對以薩迦支派的宗族、對亞設的支派、對拿弗他利的支派、對踮佇巴珊的瑪拿西半支派，拈著十三座城。

7

(THR) Bí-la̍h-lī ê kiáⁿ-sun, chiàu in ê chong-cho̍k, tùi Liû-piān ê chi-phài, tùi Ka-tek ê chi-phài, tùi Se-pò͘-lûn ê chi-phài, tit-tio̍h cha̍p-jī chō siâⁿ.

(BCL) 米拉利的子孫，照的宗族，對流便的支派、對迦得的支派、對西布倫的支派，得著十二座城。

8

(THR) Í-sek-lia̍t lâng chiàu Iâ-hô-hoa thok Mô͘-se só͘ bēng-lēng-ê, chiong chiah ê siâⁿ, kap in ê kau-iá, liam-khau pun hō͘ Lī-bī lâng.

(BCL) 以色列人照耶和華託摩西所命令的，將諸個城，及的郊野，拈鬮分互利未人。

9

(THR) Koh tùi Iû-tāi kiáⁿ-sun ê chi-phài, Se-biān kiáⁿ-sun ê chi-phài, ē-bīn kì-miâ hiah ê siâⁿ hō͘ in;

(BCL) 閣對猶大子孫的支派、西緬子孫的支派，下面記名許個城互，就是互利未子孫中哥轄宗族中亞倫的子孫；因為互代先拈鬮，

10

(THR) chiū-sī hō͘ Lī-bī kiáⁿ-sun-tiong, Ko-hat chong-cho̍k-tiong, A-lûn ê kiáⁿ-sun; in-ūi hō͘ in tāi-seng liam-khau;

(BCL) （見書21:9）。

11

(THR) ēng Iû-tāi soaⁿ-tōe ê Ki-lia̍t-a-pa, (chiū-sī Hi-pek-lûn,) kap i sì-ûi ê kau-iá, hō͘ in; A-pa sī A-la̍p cho̍k ê chó͘.

(BCL) 用猶大山地的基列亞巴（就是希伯崙）及伊四圍的郊野互。亞巴是亞納族的祖。

12

(THR) To̍k-to̍k hit ê siâⁿ ê chhân, kap i ê hiuⁿ-siā, in hō͘ Iâ-hu-nî ê kiáⁿ Ka-le̍k chòe-gia̍p.

(BCL) 獨獨彼個城的田及伊的鄉社，互耶孚尼的子迦勒做業。

13

(THR) Koh ēng Hi-pek-lûn, kap i ê kau-iá, chiū-sī thâi-sí-lâng tô-siám ê siâⁿ; í-kı̍p Lı̍p-ná kap i ê kau-iá, hō͘ chè-si A-lûn ê kiáⁿ-sun;

(BCL) 閣用希伯崙及伊的郊野，就是死人逃閃的城，以及立拿及伊的郊野，互祭司亞倫的子孫，

14

(THR) koh hō͘ in Ngá-thê-jíⁿ, kap i ê kau-iá, Í-sı̍t-thê-bo̍k, kap i ê kau-iá;

(BCL) 閣互雅提珥及伊的郊野，以實提莫及伊的郊野，

15

(THR) Hô-lûn kap i ê kau-iá, Tí-phek kap i ê kau-iá;

(BCL) 何崙及伊的郊野，底璧及伊的郊野，

16

(THR) A-in, kap i ê kau-iá, U-tha kap i ê kau-iá, Pek-sī-be̍k kap i ê kau-iá; kiōng káu chō siâⁿ, lóng sī tùi chí nn̄g chi-phài hō͘ in.

(BCL) 亞因及伊的郊野，淤他及伊的郊野，伯示麥及伊的郊野，共九座城，攏是對此二支派互。

17

(THR) Koh tùi Piān-ngá-bín ê chi-phài, hō͘ in Ki-piàn kap i ê kau-iá, Ka-pa kap i ê kau-iá;

(BCL) 閣對便雅憫的支派互基遍及伊的郊野，迦巴及伊的郊野，

18

(THR) A-ná-tu̍t kap i ê kau-iá, A-le̍k-bûn kap i ê kau-iá, kiōng sì chō siâⁿ;

(BCL) 亞拿突及伊的郊野，亞勒們及伊的郊野，共四座城。

19

(THR) A-lûn ê kiáⁿ-sun chòe chè-si-ê só͘ tit-tio̍h ê siâⁿ kiōng cha̍p-saⁿ chō siâⁿ, kap i ê kau-iá.

(BCL) 亞倫的子孫做祭司者所得著的城共十三座城，及伊的郊野。

20

(THR) Lī-bī lâng Ko-hat kiáⁿ-sun ê chong-cho̍k, chiū-sī Ko-hat kî-û ê kiáⁿ-sun, liam-khau só͘ tit-tio̍h ê siâⁿ sī tùi Í-hoat-liân chi-phài-tiong pun-chhut-ê.

(BCL) 利未人哥轄子孫的宗族，就是哥轄其餘的子孫，拈鬮所得著的城是對以法蓮支派中分出的。

21

(THR) Koh ēng Í-hoat-liân soaⁿ-tōe ê Sī-kiàm, chiū-sī thâi-sí-lâng-ê tô-siám ê siâⁿ, kap in ê kau-iá, í-kı̍p Ki-sek kap i ê kau-iá;

(BCL) 閣用以法蓮山地的示劍，就是死人者逃閃的城及的郊野；以及基色及伊的郊野，

22

(THR) Ki-pek-sian kap i ê kau-iá, Pek-hô-lûn kap i ê kau-iá hō͘ in; kiōng sì chō siâⁿ.

(BCL) 基伯先及伊的郊野，伯和崙及伊的郊野互，共四座城；

23

(THR) Koh tùi Tàn ê chi-phài-tiong, hō͘ in I-lī-thê-ki kap i ê kau-iá, Ki-pí-tùn kap i ê kau-iá;

(BCL) 閣對但的支派中互伊利提基及伊的郊野，基比頓及伊的郊野，

24

(THR) A-ngá-lûn kap i ê kau-iá, Ka-te̍k-lîm-bûn kap i ê kau-iá; kiōng sì chō siâⁿ.

(BCL) 亞雅崙及伊的郊野，迦特臨門及伊的郊野，共四座城；

25

(THR) Koh tùi Má-ná-se pòaⁿ-chi-phài tiong hō͘ in Tha-la̍p kap i ê kau-iá, í-kı̍p Ka-te̍k-lîm-bûn kap i ê kau-iá; kiōng nn̄g chō siâⁿ.

(BCL) 閣對瑪拿西半支派中互他納及伊的郊野，以及迦特臨門及伊的郊野，共二座城。

26

(THR) Ko-hat ê kiáⁿ-sun kî-û ê chong-cho̍k, só͘ tit-tio̍h ê siâⁿ, kiōng cha̍p-chō, kap in ê kau-iá.

(BCL) 哥轄的子孫其餘的宗族，所得著的城，共十座，及的郊野。

27

(THR) Koh tùi Má-ná-se pòaⁿ-chi-phài ê gia̍p-tiong, chiong Pa-san ê Ko-lân, chiū-sī thâi-lâng-ê tô-siám ê siâⁿ, kap i ê kau-iá, í-kı̍p Pí-si-thê-la̍h kap i ê kau-iá, kiōng nn̄g chō siâⁿ, hō͘ Lī-bī chong-cho̍k Kek-sūn ê kiáⁿ-sun.

(BCL) 閣對瑪拿西半支派的業中將巴珊的哥蘭，就是人者逃閃的城及伊的郊野，以及比施提拉及伊的郊野，共二座城，互利未宗族革順的子孫；

28

(THR) Koh tùi Í-sat-ka chi-phài ê gia̍p-tiong, ēng Ki-siān kap i ê kau-iá, Tāi-pí-la̍h kap i ê kau-iá;

(BCL) 閣對以薩迦支派的業中，用基善及伊的郊野，大比拉及伊的郊野，

29

(THR) Iâ-bo̍at kap i ê kau-iá, Ún-kan-lêng kap i ê kau-iá, kiōng sì chō siâⁿ, hō͘ in.

(BCL) 耶末及伊的郊野，隱干寧及伊的郊野，共四座城互；

30

(THR) Koh tùi A-siat chi-phài ê gia̍p-tiong, ēng Bí-sa-le̍k kap i ê kau-iá, Ap-tùn kap i ê kau-iá;

(BCL) 閣對亞設支派的業中用米沙勒及伊的郊野，押頓及伊的郊野，

31

(THR) Hek-kah kap i ê kau-iá, Lī-ha̍p kap i ê kau-iá, kiōng sì chō siâⁿ, hō͘ in.

(BCL) 黑甲及伊的郊野，利合及伊的郊野，共四座城互；

32

(THR) Koh tùi Ná-hut-tha-lī chi-phài ê gia̍p-tiong, ēng Ka-lī-lī ê Ki-te-su, chiū-sī thâi-lâng-ê tô-siám ê siâⁿ, kap i ê kau-iá, í-kı̍p Hap-bo̍at-to-jíⁿ kap i ê kau-iá, Ka-jíⁿ-thán kap i ê kau-iá, kiōng saⁿ chō siâⁿ, hō͘ in.

(BCL) 閣對拿弗他利支派的業中用加利利的基低斯，就是人者逃閃的城及伊的郊野，以及哈末多珥及伊的郊野，加珥坦及伊的郊野，共三座城互。

33

(THR) Kek-sūn lâng ê siâⁿ chiàu i ê chong-cho̍k, kiōng cha̍p-saⁿ chō siâⁿ kap i ê kau-iá.

(BCL) 革順人的城照伊的宗族，共十三座城，及伊的郊野。

34

(THR) Tùi Se-pò͘-lûn chi-phài ê gia̍p-tiong, chiong Iok-liām kap i ê kau-iá, Ka-jíⁿ-tha kap i ê kau-iá;

(BCL) 對西布倫支派的業中，將約念及伊的郊野，加珥他及伊的郊野，

35

(THR) Teng-ná kap i ê kau-iá, Ná-hap-la̍h kap i ê kau-iá, kiōng sì chō siâⁿ, hō͘ kî-û ê Lī-bī lâng, chiū-sī Bí-la̍h-lī kiáⁿ-sun ê chong-cho̍k.

(BCL) 丁拿及伊的郊野，拿哈拉及伊的郊野，共四座城，互其餘的利未人，就是米拉利子孫的宗族；

36

(THR) Koh tùi Liû-piān chi-phài ê gia̍p-tiong, ēng Pí-sek kap i ê kau-iá, Ngá-cha̍p kap i ê kau-iá;

(BCL) 閣對流便支派的業中，用比悉及伊的郊野，雅雜及伊的郊野，

37

(THR) Ki-tí-bo̍k kap i ê kau-iá, Bí-hoat-ap kap i ê kau-iá, kiōng sì chō siâⁿ, hō͘ in.

(BCL) 基底莫及伊的郊野，米法押及伊的郊野，共四座城互；

38

(THR) Koh tùi Ka-tek chi-phài ê gia̍p-tiong, chiong Ki-lia̍t ê La̍h-bo̍at, chiū-sī thâi-sí-lâng-ê tô-siám ê siâⁿ, kap i ê kau-iá, í-kı̍p Má-hap-liām kap i ê kau-iá;

(BCL) 閣對迦得支派的業中，將基列的拉末，就是死人者逃閃的城及伊的郊野，以及瑪哈念及伊的郊野，

39

(THR) Hi-sı̍t-pún kap i ê kau-iá, Ngá-siā kap i ê kau-iá, kiōng sì chō siâⁿ, hō͘ in.

(BCL) 希實本及伊的郊野，雅謝及伊的郊野，共四座城互。

40

(THR) Lī-bī lâng kî-û ê chong-cho̍k, chiū-sī Bí-la̍h-lī ê kiáⁿ-sun, chiàu in ê chong-cho̍k, liam-khau só͘ tit-tio̍h chiah ê siâⁿ, kiōng cha̍p-jī chō siâⁿ.

(BCL) 利未人其餘的宗族，就是米拉利的子孫，照的宗族拈鬮所得著諸個城，共十二座城。

41

(THR) Lī-bī lâng tī Í-sek-lia̍t ê gia̍p-tiong só͘ tit-tio̍h ê siâⁿ, kiōng sì-cha̍p-poeh chō siâⁿ, kap in ê kau-iá.

(BCL) 利未人佇以色列的業中所得著的城，共四十八座城，及的郊野。

42

(THR) Chiah ê siâⁿ sì-ûi lóng ū i ê kau-iá, ta̍k-ê lóng sī án-ni.

(BCL) 諸個城四圍攏有伊的郊野，逐個攏是按呢。

43

(THR) Án-ni Iâ-hô-hoa chiong I chêng chiù-chōa beh hō͘ in lia̍t-chó͘ ê chôan-tōe, hō͘ Í-sek-lia̍t lâng; in chiū tit-tio̍h chòe-gia̍p, tiàm tī-hia khiā-khí.

(BCL) 按呢，耶和華將伊前咒誓欲互列祖的全地互以色列人，就得著做業，踮佇遐徛起。

44

(THR) Iâ-hô-hoa chiàu I tùi in ê lia̍t-chó͘ it-chhè só͘ chiù-chōa-ê, hō͘ in sì-ûi pêng-an; in ê tùi-te̍k, bô chı̍t-lâng ōe khiā-tiâu tī in ê bīn-chêng; Iâ-hô-hoa chiong in ê tùi-te̍k lóng kau tī in ê chhiú.

(BCL) 耶和華照伊對的列祖一切所咒誓的，互四圍平安；的對敵，無一人會徛住佇的面前。耶和華將的對敵攏交佇的手。

45

(THR) Kìⁿ Iâ-hô-hoa tùi Í-sek-lia̍t ke só͘ kóng ê hó-ōe, bô chı̍t-kù lo̍k-khong, lóng ū èng-giām.

(BCL) 見耶和華對以色列家所講的好話，無一句落空，攏有應驗。

Bible Color Mark

• 台語漢字羅馬本
• 巴克禮全羅