約書亞記 第 18 章

1

(THR) Í-sek-lia̍t lâng ê chôan-hōe lóng chū-chı̍p tī Sī-lô, tah hōe-bō͘ tī-hia; in-ūi tōe-hng í-keng hō͘ in khah-iâⁿ.

(BCL) 以色列人的全會攏聚集佇示羅，搭會幕佇遐，因為地方已經互卡贏。

2

(THR) Í-sek-lia̍t lâng tiong, iáu ū chhit chi-phài bē tit-tio̍h in ê gia̍p.

(BCL) 以色列人中猶有七支派未得著的業。

3

(THR) Iok-su-a tùi Í-sek-lia̍t lâng kóng, Iâ-hô-hoa, lín lia̍t-chó͘ ê Siōng-tè, só͘ siúⁿ-sù lín ê tōe, lín iân-chhiân m̄-khì chhú i, beh kàu tī-sî ah?

(BCL) 約書亞對以色列人講：「耶和華──恁列祖的上帝所賞賜恁的地，恁延延呣去取伊，欲到底時啊？

4

(THR) Lín ta̍k chi-phài tio̍h kéng saⁿ-lâng, góa beh chhe in khì; in chiū khí-sin piàn-kiâⁿ hit ê tōe, chiàu in ê hūn-gia̍h ūi-tô͘, chiū tò-lâi góa chia.

(BCL) 恁逐支派著揀三人，我欲差去，就起身遍行彼個地，照的份額畫圖，就倒來我遮。

5

(THR) In tio̍h chiong tōe pun chòe chhit-hūn; Iû-tāi iû-gôan tī lâm-hng, tiàm tī i ê kéng-lāi; Iok-sek ke iû-gôan tī pak-hng tiàm tī i ê kéng-lāi.

(BCL) 著將地分做七份；猶大猶原佇南方，踮佇伊的境內。約瑟家猶原佇北方，踮佇伊的境內。

6

(THR) Lín tio̍h chiong tōe pun chòe chhit-hūn, ūi-tô͘ the̍h-lâi góa chia; góa chiū beh tī Iâ-hô-hoa lán Siōng-tè ê bīn-chêng kā lín liam-khau.

(BCL) 恁著將地分做七份，畫圖提來我遮。我就欲佇耶和華──咱上帝的面前，給恁拈鬮。

7

(THR) To̍k-to̍k Lī-bī lâng tī lín tiong-kan bô hūn, in-ūi Iâ-hô-hoa chè-si ê chit chiū-sī in ê gia̍p; Ka-tek Liû-piān kap Má-ná-se pòaⁿ-chi-phài, í-keng tī Iok-tàn hit-pêng tang-sì tit-tio̍h tōe chòe-gia̍p, chiū-sī Iâ-hô-hoa ê lô͘-po̍k Mô͘-se só͘ hō͘ in ê .

(BCL) 獨獨利未人佇恁中間無份，因為耶和華祭司的職就是的業。迦得、流便，及瑪拿西半支派已經佇約但彼旁東勢得著地做業，就是耶和華的奴僕摩西所互的。」

8

(THR) Hiah ê lâng khí-sin khì; Iok-su-a bēng-lēng hiah-ê khì beh ūi tē-tô͘ ê lâng kóng, Lín khì piàn-kiâⁿ hit ê tōe, ūi-tô͘ tò-tńg-lâi góa chia; góa beh tī Sī-lô chia, Iâ-hô-hoa ê bīn-chêng, kā lín liam-khau.

(BCL) 許個人起身去，約書亞命令許個去欲畫地圖的人講：「恁去遍行彼個地，畫圖倒轉來我遮。我欲佇示羅遮，耶和華的面前，給恁拈鬮。」

9

(THR) In chiū khì, piàn-kiâⁿ hit ê tōe, chiàu in ê siâⁿ ūi-chòe chhit-hūn, kì tī chheh-nı̍h, tò-tńg kàu Sī-lô ê iâⁿ-tiong, kìⁿ Iok-su-a.

(BCL) 就去，遍行彼個地，照的城畫做七份，記佇冊裡，倒轉到示羅的營中見約書亞。

10

(THR) Iok-su-a chiū tī Sī-lô Iâ-hô-hoa ê bīn-chêng, kā in liam-khau; Iok-su-a tī-hia pun-tōe hō͘ Í-sek-lia̍t lâng, chiàu in ê chong-cho̍k.

(BCL) 約書亞就佇示羅，耶和華的面前，給拈鬮。約書亞佇遐，分地互以色列人，照的宗族。

11

(THR) Kā Piān-ngá-bín ê chi-phài liam-khau, chiàu in ê chong-cho̍k só͘ tit-tio̍h ê tōe; hit ê kài sī tī Iû-tāi ê kiáⁿ-sun, Iok-sek ê kiáⁿ-sun ê tiong-kan.

(BCL) 給便雅憫的支派，拈鬮照的宗族所得著的地，彼個界是佇猶大的子孫、約瑟的子孫的中間。

12

(THR) In pak-pêng ê kài, sī tùi Iok-tàn hô khí; i ê kài chiūⁿ-khì kàu Iâ-lī-ko piⁿ-á ê pak-sì, koh chiūⁿ-khì, pôaⁿ-kè soaⁿ, ǹg sai-sì khì, tı̍t-tı̍t kàu Pek-a-bûn ê khòng-iá.

(BCL) 北旁的界是對約但河起，伊的界上去到耶利哥邊仔的北勢；閣上去，過山向西勢去，直直到伯亞文的曠野；

13

(THR) Hit ê kài tùi-hia khì kàu Lō͘-su, kàu Lō͘-su lâm-sì ê piⁿ-á ( Lō͘-su chiū-sī Pek-te̍k-lī) I ê kài koh lo̍h-khì kàu A-tha-lio̍k-a-ta̍t, óa-kūn ē-bīn ê Pek-hô-lûn lâm-pêng ê soaⁿ;

(BCL) 彼個界對遐去到路斯，到路斯南勢的邊仔（路斯就是伯特利），伊的界閣落去到亞他綠亞達，倚近下面的伯和崙南旁的山；

14

(THR) i ê kài tùi sai-sì oat-lo̍h lâm, tùi Pek-hô-lûn thâu-chêng lâm-sì ê soaⁿ, tı̍t-kàu Iû-tāi lâng ê siâⁿ Ki-lia̍t-pa-le̍k, (chiū-sī Ki-lia̍t-iâ-lîm); che sī in sai-sì ê kài.

(BCL) 伊的界對西勢，越落南，對伯和崙頭前南勢的山，直到猶大人的城基列巴力（就是基列耶琳）；這是西勢的界。

15

(THR) Lâm-pêng sī tùi Ki-lia̍t-iâ-lîm ê ke̍k-thâu khí; i ê kài tùi sai-sì chhut, kàu Nî-hut-to-a ê chúi-chôaⁿ;

(BCL) 南旁是對基列耶琳的極頭起，伊的界對西勢出到尼弗多亞的水泉；

16

(THR) i ê kài koh lo̍h-khì kàu Piān-him-lùn soaⁿ-kok tùi-bīn ê soaⁿ-piⁿ, chiū-sī Lī-ho̍at-im soaⁿ-kok pak-sì ê soaⁿ; koh lo̍h-khì kàu Him-lùn soaⁿ-kok, kàu Iâ-pò͘-su ê lâm-pêng; koh lo̍h-khì kàu Ún-lô-kiat;

(BCL) 伊的界閣落去到便欣嫩山谷對面的山邊，就是利乏音山谷北勢的山；閣落去到欣嫩山谷，到耶布斯的南旁；閣落去到隱羅結；

17

(THR) koh tùi pak-sì chhut-khì, kàu Ún-sī-le̍k, chhut-khì kàu A-to͘-bêng soaⁿ-phiâⁿ tùi-bīn ê Ki-lī-lio̍k, koh lo̍h-khì kàu Liû-piān ê kiáⁿ Pho-hán ê chio̍h-pôaⁿ.

(BCL) 閣對北勢出去到隱示麥，出去到亞都冥山坪對面的基利綠；閣落去到流便的子波罕的石磐；

18

(THR) Koh khì A-la̍h-pa tùi-bīn pak-sì ê piⁿ-á, lo̍h-khì kàu A-la̍h-pa;

(BCL) 閣去亞拉巴對面北勢的邊仔，落去到亞拉巴；

19

(THR) i ê kài kàu Pek-hat-la̍h pak-sì ê piⁿ-á; chit ê kài tı̍t-tı̍t kàu Iâm-hái pak-pêng ê hái-oan, chiū-sī Iok-tàn lâm-sì ê hô-kháu; che sī i lâm-pêng ê kài;

(BCL) 伊的界到伯曷拉北勢的邊仔，此個界直直到鹽海北旁的海灣，就是約但南勢的河口；這是伊南旁的界。

20

(THR) tang-pêng ê kài kàu Iok-tàn hô. Che sī Piān-ngá-bín lâng ê gia̍p, chiàu in ê chong-cho̍k, in sì-ûi ê kau-kài.

(BCL) 東旁的界到約但河。這是便雅憫人的業照的宗族，四圍的交界。

21

(THR) Piān-ngá-bín ê chi-phài chiàu in ê chong-cho̍k só͘ tit-tio̍h ê siâⁿ, chiū-sī Iâ-lī-ko, Pek-hat-la̍h, I-be̍k-ki-sek;

(BCL) 便雅憫的支派照的宗族所得著的城就是：耶利哥、伯曷拉、伊麥基悉、

22

(THR) Pek-a-la̍h-pa, Sé-má-liám, Pek-te̍k-lī;

(BCL) 伯亞拉巴、洗瑪臉、伯特利、

23

(THR) A-bûn, Pa-la̍h, Gô-hut-la̍h;

(BCL) 亞文、巴拉、俄弗拉、

24

(THR) Ki-hoat-a-mô͘-nî, Gô-hut-nî, Ka-pa; kiōng cha̍p-jī chō siâⁿ, kap i ê hiuⁿ-siā.

(BCL) 基法阿摩尼、俄弗尼、迦巴，共十二座城，及伊的鄉社；

25

(THR) Koh ū Ki-piàn, La̍h-má, Pí-lo̍k;

(BCL) 閣有基遍、拉瑪、比錄、

26

(THR) Bí-su-pa, Ki-hui-la̍h, Mô͘-sat;

(BCL) 米斯巴、基非拉、摩撒、

27

(THR) Lī-kian, I-lī-pì-le̍k, Tha-la̍h-la̍h;

(BCL) 利堅、伊利毗勒、他拉拉、

28

(THR) Sé-la̍h, Í-lī-hut, Iâ-pò͘-su, chiū-sī Iâ-lō͘-sat-léng, Ki-pí-a, Ki-lia̍t; kiōng cha̍p-sì chō siâⁿ, kap i ê hiuⁿ-siā. Che sī Piān-ngá-bín lâng só͘ tit-tio̍h ê gia̍p, chiàu in ê chong-cho̍k.

(BCL) 洗拉、以利弗、耶布斯（就是耶路撒冷）、基比亞、基列，共十四座城，及伊的鄉社。這是便雅憫人所得著的業，照的宗族。

Bible Color Mark

• 台語漢字羅馬本
• 巴克禮全羅