約書亞記 第 12 章

1

(THR) Tī Iok-tàn hit-pêng ǹg jı̍t-chhut ê só͘-chāi, tùi A-lùn ê soaⁿ-kok kàu Hek-bûn soaⁿ, kap tang-sì A-la̍h-pa ê chôan-tōe, Í-sek-lia̍t lâng phah hiah ê ông, chhú in ê tōe, kì tī ē-tóe.

(BCL) 佇約但彼旁向日出的所在，對亞嫩的山谷到黑門山，及東勢亞拉巴的全地，以色列人拍許個王取的地。記佇下底：

2

(THR) A-mô͘-lī lâng ê ông, chiū-sī khiā-khí tī Hi-sı̍t-pún ê Se-hông, i só͘ kóan ê tōe, sī tùi A-lùn soaⁿ-kok-piⁿ ê A-lô-jíⁿ, kap soaⁿ-kok-tiong ê siâⁿ, í-kı̍p Ki-lia̍t ê chı̍t-pòaⁿ, tı̍t-kàu A-bûn lâng ê kéng-kài, chiū-sī Ngá-phok hô.

(BCL) 亞摩利人的王，就是徛起佇希實本的西宏。伊所管的地、是對亞嫩山谷邊的亞羅珥及山谷中的城，以及基列的一半，直到亞捫人的境界，就是雅博河

3

(THR) Koh A-la̍h-pa tang-sì kàu Ki-nî-lia̍t hái, koh kàu tang-sì A-la̍h-pa ê hái, chiū-sī Iâm-hái, thàng-kàu Pek-iâ-se-bo̍at ê lō͘, í-kı̍p lâm-hng, tı̍t-kàu Pí-su-ka ê soaⁿ-kha;

(BCL) 閣亞拉巴東勢，到基尼烈海，閣到東勢亞拉巴的海，就是鹽海，到伯耶西末的路，以及南方，直到毗斯迦的山腳。

4

(THR) koh ū Pa-sán ông Go̍k ê kéng-kài, i sī Lī-ho̍at-im lâng só͘ chhun ê, tiàm tī A-su-tha-lio̍k kap Í-tek-lâi;

(BCL) 閣有巴珊王噩的境界。伊是利乏音人所剩的，踮佇亞斯他錄及以得來。

5

(THR) i só͘ kóan ê tōe, sī Hek-bûn soaⁿ, Sat-ka, Pa-san chôan-tōe, kàu Ki-su̍t lâng kap Má-ka lâng ê kéng-kài, í-kı̍p Ki-lia̍t ê chı̍t-pòaⁿ, tı̍t-kàu Hi-sı̍t-pún ông Se-hông ê kéng-kài.

(BCL) 伊所管的地，是黑門山、撒迦、巴珊全地，到基述人及瑪迦人的境界，以及基列的一半，直到希實本王西宏的境界。

6

(THR) In sī Iâ-hô-hoa ê lô͘-po̍k Mô͘-se kap Í-sek-lia̍t lâng só͘ phah ê; Iâ-hô-hoa ê lô͘-po̍k Mô͘-se chiong in ê tōe hō͘ Liû-piān lâng, Ka-tek lâng, kap Má-ná-se pòaⁿ-chi-phài ê lâng chòe-gia̍p.

(BCL) 是耶和華的奴僕摩西及以色列人所拍的；耶和華的奴僕摩西將的地互流便人、迦得人，及瑪拿西半支派的人做業。

7

(THR) Tī Iok-tàn ê sai-pêng, tùi Lī-pa-lùn soaⁿ-kok ê Pa-le̍k-ka-tek, kàu chiūⁿ-khì Se-jíⁿ ê Hap-la̍h soaⁿ, Iok-su-a kap Í-sek-lia̍t lâng phah in ê tōe; Iok-su-a chiū chiong tōe pun hō͘ Í-sek-lia̍t kok chi-phài chiàu in ê chong-cho̍k chòe-gia̍p;

(BCL) 佇約但的西旁，對黎巴嫩山谷的巴力迦得，到上去西珥的哈拉山。約書亞及以色列人拍的地，約書亞就將地分互以色列各支派照的宗族做業，

8

(THR) chiū-sī tī soaⁿ-tōe, tī pîⁿ-iûⁿ, tī A-la̍h-pa, tī soaⁿ-kha, tī khòng-iá, tī lâm-hng ê tōe, sī Hek lâng, A-mô͘-lī lâng, Ka-lâm lâng, Pí-lī-sé lâng, Hi-bī lâng, Iâ-pò͘-su lâng chiah ê ông kì tī ē-tóe;

(BCL) 就是佇山地、佇平洋、佇亞拉巴、佇山腳、佇曠野、佇南方的地，是赫人、亞摩利人、迦南人、比利洗人、希未人、耶布斯人。

9

(THR) chı̍t-ê sī Iâ-lī-ko ông; chı̍t-ê sī óa-kūn Pek-te̍k-lī Ai siâⁿ ê ông;

(BCL) 諸個王記佇下底：一個是耶利哥王，一個是倚近伯特利艾城的王，

10

(THR) chı̍t-ê sī Iâ-lō͘-sat-léng ông; chı̍t-ê sī Hi-pek-lûn ông;

(BCL) 一個是耶路撒冷王，一個是希伯崙王，

11

(THR) chı̍t-ê sī Iâ-bo̍at ông; chı̍t-ê sī La̍h-kiat ông;

(BCL) 一個是耶末王，一個是拉吉王，

12

(THR) chı̍t-ê sī I-ki-lûn ông; chı̍t-ê sī Ki-sek ông;

(BCL) 一個是伊磯倫王，一個是基色王，

13

(THR) chı̍t-ê sī Tí-phek ông; chı̍t-ê sī Ki-tak ông;

(BCL) 一個是底璧王一個是基德王，

14

(THR) chı̍t-ê sī Hô-jíⁿ-má ông; chı̍t-ê sī A-la̍h-tek ông;

(BCL) 一個是何珥瑪王，一個是亞拉得王，

15

(THR) chı̍t-ê sī Lı̍p-ná ông; chı̍t-ê sī A-tō-lân ông;

(BCL) 一個是立拿王，一個是亞杜蘭王，

16

(THR) chı̍t-ê sī Má-ki-tāi ông; chı̍t-ê sī Pek-te̍k-lī ông;

(BCL) 一個是瑪基大王，一個是伯特利王，

17

(THR) chı̍t-ê sī Tha-phó͘-a ông; chı̍t-ê sī Hi-hut ông;

(BCL) 一個是他普亞王，一個是希弗王，

18

(THR) chı̍t-ê sī A-hut ông; chı̍t-ê sī La̍h-sa-lûn ông;

(BCL) 一個是亞弗王，一個是拉沙崙王，

19

(THR) chı̍t-ê sī Má-tùn ông; chı̍t-ê sī Hā-só ông;

(BCL) 一個是瑪頓王，一個是夏瑣王，

20

(THR) chı̍t-ê sī Sin-lûn-bí-lûn ông; chı̍t-ê sī Ap-soah ông;

(BCL) 一個是伸崙米崙王，一個是押煞王，

21

(THR) chı̍t-ê sī Tha-la̍p ông; chı̍t-ê sī Bí-kiat-to ông;

(BCL) 一個是他納王，一個是米吉多王，

22

(THR) chı̍t-ê sī Ki-te-su ông; chı̍t-ê sī óa-kūn Ka-bı̍t ê Iok-liām ông;

(BCL) 一個是基低斯王，一個是倚近迦密的約念王，

23

(THR) chı̍t-ê sī To-jíⁿ soaⁿ-thâu ê To-jíⁿ ông; chı̍t-ê sī Kiat-kah ê Ko-ìn ông;

(BCL) 一個是多珥山頭的多珥王，一個是吉甲的戈印王，

24

(THR) chı̍t-ê sī Tek-sat ông; kè-kiōng saⁿ-cha̍p-it ê ông.

(BCL) 一個是得撒王；計共三十一個王。

Bible Color Mark

• 台語漢字羅馬本
• 巴克禮全羅