約翰福音 第 7 章

1

(THR) Chiah ê sū í-āu, Iâ-so͘ sì-kòe kiâⁿ tī Ka-lī-lī, m̄ ài kiâⁿ tī Iû-thài, in-ūi Iû-thài lâng ài beh thâi I.

(BCL) 諸個事以後，耶穌四界行佇加利利，呣愛行佇猶太，因為猶太人愛欲伊。

2

(THR) . Hit sî Iû-thài lâng ê choeh, chiū-sī tah-liâu-choeh, kūn lah.

(BCL) 彼時猶太人的節，就是搭寮節近啦。

3

(THR) . I ê hiaⁿ-tī chiū tùi I kóng, Lí tio̍h lī-khui chia, khì Iû-thài, hō͘ lí ê ha̍k-seng ia̍h thang khòaⁿ-kìⁿ lí só͘ kiâⁿ ê sū.

(BCL) 伊的兄弟就對伊講：「你著離開遮，去猶太，互你的學生亦通看見你所行的事。

4

(THR) . Lâng ài chhut-miâ, chiū bô tī àm-chīⁿ ê só͘-chāi chòe tāi-chì. Lí nā kiâⁿ chiah ê sū, chiū tio̍h chiong ka-kī hián-bêng tī sè-kan.

(BCL) 人愛出名，就無佇暗靜的所在做代誌；你若行諸個事，就著將家己顯明佇世間。」

5

(THR) . In-ūi I ê hiaⁿ-tī ia̍h bô sìn I.

(BCL) 因為伊的兄弟亦無信伊。

6

(THR) . Iâ-so͘ chiū kā in kóng, Góa ê sî iáu-bē kàu; nā-sī lín ê sî siông-siông piān.

(BCL) 耶穌就給講：「我的時猶未到；若是恁的時常常便。

7

(THR) . Sè-kan bōe-ōe òan-hūn lín; sī òan-hūn góa, in-ūi góa kan-chèng i ê só͘ kiâⁿ sī pháiⁿ.

(BCL) 世間會怨恨恁，是怨恨我，因為我干證伊的所行是歹。

8

(THR) . Lín chiūⁿ-khì hù choeh; góa iáu-bē thang chiūⁿ-khì hù chit ê choeh; in-ūi góa ê sî iáu-bē móa.

(BCL) 恁上去赴節，我猶未通上去赴此個節，因為我的時猶未滿。」

9

(THR) . Í-keng kā in kóng án-ni, chiū iû-gôan tiàm Ka-lī-lī.

(BCL) 已經給講按呢，就猶原加利利。

10

(THR) . I ê hiaⁿ-tī í-keng chiūⁿ-khì hù choeh, I pún-sin ia̍h chiūⁿ-khì, m̄ sī hián-jiân, sī chhin-chhiūⁿ àm-chīⁿ.

(BCL) 伊的兄弟已經上去赴節，伊本身亦上去，呣是顯然，是親像暗靜。

11

(THR) . Iû-thài lâng tī choeh-kî tiong chhē Iâ-so͘ kóng, I tī tá-lo̍h?

(BCL) 猶太人佇節期中尋耶穌，講，伊佇叨落？

12

(THR) . Chèng lâng ūi-tio̍h I chōe-chōe chī-bú chī-chū; ū-ê kóng, sī hó lâng; ū-ê kóng, M̄ sī, sī bê-he̍k chèng lâng nā-tiāⁿ.

(BCL) 眾人為著伊多多嗤舞嗤呲，有的講：「是好人」。有的講：「呣是，是迷惑眾人若定。」

13

(THR) . To̍k-to̍k bô lâng hián-jiân kóng I ê sū, in-ūi kiaⁿ Iû-thài lâng ê iân-kò͘.

(BCL) 獨獨無人顯然講伊的事，因為驚猶太人的緣故。

14

(THR) . Tng choeh-kî ê tiong-chām Iâ-so͘ chiūⁿ tiān kà-sī.

(BCL) 當節期的中站，耶穌上殿教示。

15

(THR) . Iû-thài lâng chiū kî-kòai, kóng, Chit ê lâng bē ū jı̍p o̍h, tùi tá-lo̍h bat chheh?

(BCL) 猶太人就奇怪，講：「此個人未有入學，對叨落識冊？」

16

(THR) . Iâ-so͘ chiū ìn kóng, Góa ê kà-sī m̄ sī sio̍k tī ka-kī, sī sio̍k tī chhe góa ê.

(BCL) 耶穌就應講：「我的教示呣是屬佇家己，是屬佇差我者。

17

(THR) . Lâng nā gōan kiâⁿ I ê chí-ì, chiū ōe chai chit ê kà-sī sī tùi Siōng-tè chhut, á-sī góa tùi ka-kī lâi kóng ê.

(BCL) 人若願行伊的旨意，就會知此個教示是對上帝出，抑是我對家己來講的。

18

(THR) . Tùi ka-kī lâi kóng ê, sī kiû ka-kī ê êng-kng; to̍k-to̍k kiû chhe i ê ê êng-kng, hit ê lâng chiū-sī chin, ia̍h i ê lāi-bīn bô put-gī.

(BCL) 對家己來講的，是求家己的榮光；獨獨求差伊者的榮光，彼個人就是真，亦伊的內面無不義。

19

(THR) . Mô͘-se kiám bô ēng lu̍t-hoat thôan hō͘ lín mah? Nā-sī lín tiong-kan bô chı̍t lâng kiâⁿ lu̍t-hoat. Lín siáⁿ-sū ài beh thâi góa?

(BCL) 摩西豈無用律法傳互恁嗎？若是恁中間無一人行律法。恁啥事愛欲我？」

20

(THR) . Chèng lâng ìn kóng, Lí hōan-tio̍h kúi, chī-chūi ài beh thâi lí?

(BCL) 眾人應講：「你患著鬼！是誰愛欲你？」

21

(THR) . Iâ-so͘ ìn kóng, Góa bat kiâⁿ chı̍t hāng sū, lín lóng lia̍h chòe kî-kòai.

(BCL) 耶穌應講：「我曾行一項事，恁攏掠做奇怪。

22

(THR) . In-ūi án-ni Mô͘-se ēng kat-lé thôan hō͘ lín, (kî-sı̍t m̄ sī tùi Mô͘-se, sī tùi lia̍t-chó͘); ia̍h lín tī an-hioh-jı̍t kā lâng kiâⁿ kat-lé.

(BCL) 因為按呢摩西用割禮傳互恁（其實呣是對摩西，是對列祖），亦恁佇安息日給人行割禮。

23

(THR) . Lâng nā tī an-hioh-jı̍t siū kat-lé, bián-tit ûi-ke̍h Mô͘-se ê lu̍t-hoat; chiū góa tī an-hioh-jı̍t hō͘ chı̍t lâng chôan-thé lóng hó, lín in-ūi án-ni siū-khì góa mah?

(BCL) 人若佇安息日受割禮，免得違逆摩西的律法，就我佇安息日互一人全體攏好，恁因為按呢受氣我嗎？

24

(THR) . Bo̍h-tit chiàu gōa-māu lâi gí-tòan, tio̍h thàn kong-gī lâi gí-tòan.

(BCL) 莫得照外貌來擬斷，著趁公義來擬斷。」

25

(THR) . Tùi án-ni Iâ-lō͘-sat-léng ê lâng, ū-ê kóng, Chit-ê kiám m̄ sī in só͘ ài thâi ê mah?

(BCL) 對按呢耶路撒冷的人，有的講：「此個豈呣是所愛的嗎？

26

(THR) . Lí khòaⁿ, I hó-táⁿ teh kóng, ia̍h bô lâng tùi I kóng sím-mı̍h. Kiám sī chiah ê koaⁿ-hú chin-chiàⁿ chai chit-ê sī Ki-tok mah?

(BCL) 你看，伊好膽講，亦無人對伊講甚麼，豈是諸個官府真正知此個是基督嗎？

27

(THR) . Nā-sī lán bat chit ê lâng tùi tá-lo̍h lâi; m̄ kú Ki-tok lâi ê sî bô lâng chai I tùi tá-lo̍h lâi.

(BCL) 若是，咱識此個人對叨落來；呣拘基督來的時，無人知伊對叨落來。」

28

(THR) . Tùi án-ni Iâ-so͘ tī tiān-nı̍h kà-sī, kiò kóng, Lín bat góa, ia̍h chai góa tùi tá-lo̍h lâi; góa m̄ sī chū-choan lâi, chhe góa lâi ê sī chin-sı̍t, lín m̄ bat I.

(BCL) 對按呢，耶穌佇殿裡教示，叫講：「恁識我，亦知我對叨落來；我呣是自專來。差我來的是真實。恁呣識伊，

29

(THR) . Góa bat I; in-ūi góa tùi I lâi, ia̍h I chhe góa.

(BCL) 我識伊；因為我對伊來，亦伊差我。」

30

(THR) . In chiū ài beh lia̍h I; chóng-sī bô lâng hē chhiú, in-ūi I ê sî iáu-bē kàu.

(BCL) 就愛欲掠伊；總是無人下手，因為伊的時猶未到。

31

(THR) . Chèng lâng tiong chōe-chōe lâng sìn I, kóng, Ki-tok lâi ê sî, kiám beh kiâⁿ sîn-jiah pí chit lâng só͘ kiâⁿ ê khah chōe mah?

(BCL) 眾人中多多人信伊，講：「基督來的時，豈欲行神蹟比此人所行的卡多嗎？」

32

(THR) . Hoat-lī-sài lâng thiaⁿ-kìⁿ chèng lâng án-ni chī-bú chī-chū teh kóng I, chiū chiah ê chè-si-thâu kap Hoat-lī-sài lâng chhe gê-ia̍h beh lia̍h I.

(BCL) 法利賽人聽見眾人按呢嗤舞嗤呲講伊，就諸個祭司頭及法利賽人差衙役欲掠伊。

33

(THR) . Iâ-so͘ chiū kóng, Góa iáu ū tiap-á kú kap lín tī-teh, āu-lâi beh tò-khì chiū-kūn chhe góa ê.

(BCL) 耶穌就講：「我猶有霎仔久及恁佇，後來欲倒去就近差我的。

34

(THR) . Lín beh chhē góa, ia̍h chhē bōe tio̍h; góa só͘ tòa ê só͘-chāi, lín bōe-ōe kàu.

(BCL) 恁欲尋我，亦尋著；我所住的所在恁會到。」

35

(THR) . Iû-thài lâng chiū saⁿ-kap kóng, I beh tá-lo̍h khì, tì-kàu lán chhē I bōe tio̍h? kiám beh chiū-kūn Hi-lī-nî tiong sì-sòaⁿ khiā-khí ê Iû-thài lâng, lâi kà-sī Hi-lī-nî lâng mah?

(BCL) 猶太人，就相及講：「伊欲叨落去，致到咱尋伊著？豈欲就近希利尼中四散徛起的猶太人，來教示希利尼人嗎？

36

(THR) . I só͘ kóng, Lín beh chhē góa bōe tio̍h; góa só͘ tòa ê só͘-chāi, lín bōe-ōe kàu; che sī sím-mı̍h ōe ah?

(BCL) 伊所講：『恁欲尋我著；我所住的所在，恁會到』，這是甚麼話啊？」

37

(THR) . Tng choeh-kî ê bé jı̍t, chiū-sī siōng tōa ê jı̍t, Iâ-so͘ khiā-teh, kiò kóng, Nā ū chhùi-ta ê lâng, tio̍h chiū-kūn góa lâi lim.

(BCL) 當節期的尾日，就是上大的日，耶穌徛叫講：「若有嘴乾的人，著就近我來飲。

38

(THR) . Sìn góa ê lâng, chhin-chhiūⁿ sèng-keng só͘ kóng, ū o̍ah chúi ê khoe, beh tùi i ê pak-lāi lâu-chhut.

(BCL) 信我的人親像聖經所講：『有活水的溪，欲對伊的腹內流出。』」

39

(THR) . I kóng án-ni sī chí sìn I ê lâng só͘ beh siū ê Sèng Sîn; hit sî bē ū siúⁿ-sù Sèng Sîn; in-ūi Iâ-so͘ bē ū tit-tio̍h êng-kng.

(BCL) 伊講按呢是指信伊的人所欲受的聖神。彼時未有賞賜聖神，因為耶穌未有得著榮光。

40

(THR) . Chèng lâng tiong ū-ê thiaⁿ-kìⁿ chiah ê ōe lâi kóng, Chit lâng chin-chiàⁿ sī hit ê sian-ti.

(BCL) 眾人中有的聽見諸個話來，講：「此人真正是彼個先知。」

41

(THR) . Ū-ê kóng, Chit lâng chiū-sī Ki-tok. Nā-sī ū-ê kóng, Ki-tok kiám tùi Ka-lī-lī chhut mah?

(BCL) 有的講：「此人就是基督。」若是有的講：「基督豈對加利利出嗎？

42

(THR) . Sèng-keng kiám bô kóng, Ki-tok sī Tāi-pı̍t ê hō͘-è, tùi Tāi-pı̍t ê pún-hiuⁿ Pek-lī-hêng chhut mah?

(BCL) 聖經豈無講『基督是大衛的後裔，對大衛的本鄉伯利恆出』嗎？」

43

(THR) . Tùi án-ni chèng lâng in-ūi I lâi hun-pêng.

(BCL) 對按呢眾人因為伊來分旁。

44

(THR) . Kî-tiong ū lâng ài lia̍h I; chóng-sī bô lâng hē chhiú.

(BCL) 其中有人愛掠伊，總是無人下手。

45

(THR) . Gê-ia̍h chiū lâi kìⁿ chiah ê chè-si-thâu kap Hoat-lī-sài lâng; in chiū tùi gê-ia̍h kóng, Siáⁿ-sū bô tòa I lâi?

(BCL) 衙役就來見諸個祭司頭及法利賽人。就對衙役講：「啥事無帶伊來？」

46

(THR) . Gê-ia̍h ìn kóng, Chiông-lâi bē ū lâng kóng ōe chhin-chhiūⁿ I án-ni.

(BCL) 衙役應講：「從來未有人講話親像伊按呢！」

47

(THR) . Hoat-lī-sài lâng ìn kóng, Lín ia̍h siū bê-he̍k mah?

(BCL) 法利賽人應講：「恁亦受迷惑嗎？

48

(THR) . Chiah ê koaⁿ-hú á-sī Hoat-lī-sài lâng, kiám ū lâng sìn I?

(BCL) 諸個官府抑是法利賽人豈有人信伊？

49

(THR) . To̍k-to̍k chiah-ê m̄ bat lu̍t-hoat ê peh-sìⁿ, sī siū chiù-chó͘ ê.

(BCL) 獨獨諸個呣識律法的百姓是受咒詛的！」

50

(THR) . In tiong-kan ū Nî-ko-tí-bó͘, chiū-sī chêng chiū-kūn Iâ-so͘ ê, kā in kóng,

(BCL) 中間有尼哥底某，就是前就近耶穌的，給講：

51

(THR) . Bô tāi-seng thiaⁿ lâng ê ōe, lâi chai i ê só͘ kiâⁿ; lán ê lu̍t-hoat kiám ū tēng i ê chōe mah?

(BCL) 「無代先聽人的話，來知伊的所行，咱的律法豈有定伊的罪嗎？」

52

(THR) . In chiū ìn i kóng, Lí ia̍h sī tùi Ka-lī-lī chhut mah? Lí khì chhâ-khó, chiū chai Ka-lī-lī bô chhut sian-ti.

(BCL) 就應伊講：「你亦是對加利利出嗎？你去查考，就知加利利無出先知。」

53

(THR)

Bible Color Mark

• 台語漢字羅馬本
• 巴克禮全羅