約翰福音 第 15 章

1

(THR) Góa sī chin ê phû-tô chhiū, góa ê Pē sī choh-hn̂g ê lâng.

(BCL) 「我是真的葡萄樹，我的父是作園的人。

2

(THR) . Kìⁿ-nā liân tī góa ê ki bô kiat ké-chí ê, I chiū san-khí-lâi; kìⁿ-nā kiat ké-chí ê, I chiū siu hō͘ i chheng-khì, hō͘ i kiat ké-chí koh khah chōe.

(BCL) 見若連佇我的枝無結果子的，伊就芟起來；見若結果子的，伊就修互伊清氣，互伊結果子閣卡多。

3

(THR) . Taⁿ lín in-ūi góa só͘ kā lín kóng ê tō-lí í-keng chheng-khì lah.

(BCL) 今恁因為我所給恁講的道理，已經清氣啦。

4

(THR) . Lín tio̍h tiàm-tī góa, góa ia̍h tiàm-tī lín; Siat-sú ki bô liân tī phû-tô chhiū, chiū bōe-ōe ka-kī kiat ké-chí; lín nā bô tiàm-tī góa, ia̍h sī án-ni.

(BCL) 恁著佇我，我亦佇恁。設使枝無連佇葡萄樹，就會家己結果子，恁若無佇我，亦是按呢。

5

(THR) . Góa chiū-sī phû-tô chhiū, lín chiū-sī ki; tiàm tī góa, iā góa tiàm tī i ê, chiū kiat ké-chí chōe-chōe; in-ūi kap góa saⁿ-lī, lín chiū bōe chòe sím-mı̍h.

(BCL) 我就是葡萄樹，恁就是枝。佇我，也我佇伊的，就結果子多多；因為及我相離，恁就做甚麼。

6

(THR) . Lâng nā bô tiàm tī góa, chiū siū khì-sak tī gōa-bīn, chhin-chhiūⁿ ki, sòa ko͘-tâ; lâng khioh in hiat-lo̍h hé, chiū sio-khì.

(BCL) 人若無佇我，就受棄拺佇外面親像枝續枯焦，人拾落火就燒去。

7

(THR) . Lín nā tiàm tī góa, góa ê ōe tiàm tī lín, hōan-nā só͘ ài ê lín tio̍h kiû, chiū beh kā lín chiâⁿ.

(BCL) 恁若佇我，我的話佇恁，凡若所愛的，恁著求，就欲給恁成。

8

(THR) . Lín kiat ké-chí chōe-chōe, tùi án-ni góa ê Pē tit-tio̍h êng-kng; ia̍h lín beh chiâⁿ-chòe góa ê ha̍k-seng.

(BCL) 恁結果子多多，對按呢我的父得著榮光，亦恁欲成做我的學生。

9

(THR) . Góa ū thiàⁿ lín, chhin-chhiūⁿ Pē ū thiàⁿ góa; lín tio̍h tiàm tī góa ê thiàⁿ.

(BCL) 我有疼恁，親像父有疼我；恁著佇我的疼。

10

(THR) . Lín nā siú góa ê kài-bēng chiū beh tiàm tī góa ê thiàⁿ, chhin-chhiūⁿ góa ū siú góa ê Pē ê kài-bēng, tiàm tī I ê thiàⁿ.

(BCL) 恁若守我的誡命，就欲佇我的疼，親像我有守我的父的誡命，佇伊的疼。

11

(THR) . Góa í-keng ēng chiah-ê kā lín kóng, beh hō͘ góa ê hoaⁿ-hí tiàm tī lín, ia̍h hō͘ lín ê hoaⁿ-hí móa-móa.

(BCL) 「我已經用諸個給恁講，欲互我的歡喜佇恁，亦互恁的歡喜滿滿。

12

(THR) . Lín tio̍h saⁿ-thiàⁿ, chhin-chhiūⁿ góa ū thiàⁿ lín; che sī góa ê bēng-lēng.

(BCL) 恁著相疼，親像我有疼恁；這是我的命令。

13

(THR) . Lâng ūi-tio̍h pêng-iú hiàn sìⁿ-miā, thiàⁿ bô ū pí chit-ê khah tōa ê.

(BCL) 人為著朋友獻生命，疼無有比此個卡大的。

14

(THR) . Lín nā kiâⁿ góa só͘ bēng-lēng lín ê, chiū-sī góa ê pêng-iú.

(BCL) 恁若行我所命令恁的，就是我的朋友。

15

(THR) . Taⁿ liáu-āu, góa bô kiò lín chòe lô͘-po̍k; in-ūi lô͘-po̍k m̄ chai i ê chú-lâng ê só͘ kiâⁿ; nā-sī góa í-keng kiò lín chòe pêng-iú; in-ūi góa tùi Pē só͘ thiaⁿ-kìⁿ ê, lóng ū kā lín kóng.

(BCL) 今了後，我無叫恁做奴僕，因為奴僕呣知伊的主人的所行。若是我已經叫恁做朋友；因為我對父所聽見的，攏有給恁講。

16

(THR) . M̄ sī lín kéng góa, sī góa kéng lín, koh siat-lı̍p lín, hō͘ lín khì kiat ké-chí, koh hō͘ lín ê ké-chí kú-tn̂g tī-teh; hō͘ lín tī góa ê miâ bô lūn tùi Pē kiû sím-mı̍h, I chiū hō͘ lín.

(BCL) 呣是恁揀我，是我揀恁，閣設立恁，互恁去結果子，閣互恁的果子久長佇，互恁佇我的名，無論對父求甚麼，伊就互恁。

17

(THR) . Góa ēng chiah-ê bēng-lēng lín, sī beh hō͘ lín saⁿ-thiàⁿ.

(BCL) 我用諸個命令恁，是欲互恁相疼。」

18

(THR) . Sè-kan nā òan-hūn lín, lín chai i iáu-bē òan-hūn lín, í-keng tāi-seng òan-hūn góa.

(BCL) 「世間若怨恨恁，恁知，伊猶未怨恨恁，已經代先怨恨我。

19

(THR) . Lín nā sio̍k sè-kan, sè-kan chiū thiàⁿ i ka-kī ê; to̍k-to̍k in-ūi lín m̄ sī sio̍k sè-kan, chiū-sī góa kéng lín chhut sè-kan, só͘-í sè-kan òan-hūn lín.

(BCL) 恁若屬世間，世間就疼伊家己的；獨獨因為恁呣是屬世間，就是我揀恁出世間，所以世間怨恨恁。

20

(THR) . Lín tio̍h kì-tit góa só͘ kā lín kóng ê ōe, kóng, Lô͘-po̍k bô khah tōa i ê chú-lâng. Lâng nā ū khún-tio̍k góa, ia̍h beh khún-tio̍k lín; nā ū siú góa ê ōe ia̍h beh siú lín ê ōe.

(BCL) 恁著記得我所給恁講的話，講：『奴僕無卡大伊的主人。』人若有窘逐我，亦欲窘逐恁；若有守我的話，亦欲守恁的話。

21

(THR) . Nā-sī in beh in-ūi góa ê miâ ēng chiah ê it-chhè ê sū khóan-thāi lín, sī in-ūi m̄ bat chhe góa ê.

(BCL) 若是欲因為我的名用諸個一切的事款待恁，是因為呣識差我的。

22

(THR) . Góa nā bô lâi kā in kóng, in chiū bô chōe; taⁿ in ê chōe bô thang the-sî lah.

(BCL) 我若無來給講，就無罪；今的罪無通推辭啦。

23

(THR) . Òan-hūn góa ê lâng, ia̍h òan-hūn góa ê Pē.

(BCL) 怨恨我的人，亦怨恨我的父。

24

(THR) . Góa nā tī in tiong-kan m̄ bat kiâⁿ pa̍t lâng só͘ bē bat kiâⁿ ê, in chiū bô chōe; nā-sī taⁿ góa kap góa ê Pē, in ia̍h ū khòaⁿ-kìⁿ, ia̍h ū òan-hūn.

(BCL) 我若佇中間呣曾行別人所未曾行的，就無罪；若是今我及我的父，亦有看見亦有怨恨。

25

(THR) . Che sī beh èng-giām in ê lu̍t-hoat só͘ kì-chài ê ōe kóng, In bô iân-kò͘ òan-hūn góa.

(BCL) 這是欲應驗的律法所記載的話，講：『無緣故怨恨我。』

26

(THR) . Nā-sī Pó-hūi-su, chiū-sī chin-lí ê Sîn, tùi Pē chhut ê, góa tùi Pē beh chhe I chiū-kūn lín; I nā kàu, beh ūi-tio̍h góa chòe kan-chèng; lín ia̍h beh chòe kan-chèng,

(BCL) 若是保惠師就是真理的神對父出的，我對父欲差伊就近恁；伊若到，欲為著我做干證。

27

(THR) . in-ūi lín tùi khí-thâu kap góa tī-teh.

(BCL) 恁亦欲做干證，因為恁對起頭及我佇。」

Bible Color Mark

• 台語漢字羅馬本
• 巴克禮全羅