耶利米書 第 46 章

1

(THR) Iâ-hô-hoa ê ōe lîm-kàu sian-ti Iâ-lī-bí, lūn-khí lia̍t-kok ê sū.

(BCL) 耶和華的話臨到先知耶利米論起列國的事。

2

(THR) Lūn Ai-kı̍p: sī lūn Ai-kı̍p ông Hoat-ló-nî-ko ê kun-peng, chat-iâⁿ tī Pek-la̍t hô-piⁿ ê Ka-ki-bí-si, tng Iû-tāi ông Iok-se-a ê kiáⁿ Iok-ngá-kèng sì--nî hō͘ Pa-pí-lûn ông Nî-pò͘-kah-nî-sat só͘ phah-pāi--ê.

(BCL) 論埃及是論埃及王法老尼哥的軍兵：紮營佇伯拉河邊的迦基米施，當猶大王約西亞的子約雅敬四年互巴比倫王尼布甲尼撒所拍敗者。

3

(THR) Lín tio̍h pī-pān tōa-sió ê tîn-pâi, khì kau-chiàn.

(BCL) 恁著備辦大小的盾牌，去交戰。

4

(THR) Lín tio̍h thò bé, khiâ bé, tì khoe khiā--khí-lâi; bôa chhiuⁿ, chhēng chiàn-kah.

(BCL) 恁著套馬，騎馬！戴盔徛起來，磨槍穿戰甲！

5

(THR) Góa siáⁿ-sū khòaⁿ-kìⁿ án-ni? in kiaⁿ-hiâⁿ thè-āu; in ê ióng-sū thâi-su, kín-kín cháu, bô o̍at-thâu; sì-chiu-ûi ū kiaⁿ-hiâⁿ; che sī Iâ-hô-hoa kóng--ê.

(BCL) 我啥事看見按呢？驚惶退後；的勇士輸，緊緊走，無越頭；四周圍有驚惶！這是耶和華講的。

6

(THR) Gâu-cháu-ê cháu-bōe-lī, ióng-sū bōe-ōe thoat-lī; tī pak-hng, Pek-la̍t hô-piⁿ, in lóng tio̍h-tak po̍ah-tó.

(BCL) 走的走離；勇士會脫離；佇北方伯拉河邊攏著觸跋倒。

7

(THR) Chit-ê chhin-chhiūⁿ Nî-lô hô tiòng-móa, chhin-chhiūⁿ kang-hô ê chúi giâ-éng--ê, sī chī-chūi ah?

(BCL) 此個親像尼羅河漲滿，親像江河的水夯湧者是是誰啊？

8

(THR) Ai-kı̍p chhin-chhiūⁿ Nî-lô hô tiòng-móa, i ê chúi chhin-chhiūⁿ kang-hô giâ-éng; i ê ōe kóng, Góa beh chhèng-kôaiⁿ, góa beh jia-khàm piàn-tōe; góa beh húi-hōai siâⁿ kap kî-tiong khiā-khí ê peh-sìⁿ.

(BCL) 埃及親像尼羅河漲滿，伊的水親像江河夯湧。伊的話講：我欲淐高我欲遮蓋遍地；我欲毀壞城及其中徛起的百姓。

9

(THR) Bé tio̍h kín chiūⁿ--lâi; chhia tio̍h lōan-lōan cháu; ióng-sū tio̍h chhut--lâi; Kó͘-sı̍t kap Hut ê lâng lóng giâ tîn-pâi; Lō͘-tek ê lâng gâu khui-keng.

(BCL) 馬著緊上來！車著亂亂走！勇士著出，古實及弗的人攏夯盾牌，路德的人開弓。

10

(THR) In-ūi hit-jı̍t sī Chú, bān-kun ê Iâ-hô-hoa ê jı̍t, pò-siû ê jı̍t, thang tùi I ê tùi-te̍k pò-siû; to-kiàm beh thun-chia̍h kàu-pá, lim huih kàu-chùi; in-ūi Chú, bān-kun ê Iâ-hô-hoa, tī pak-hng Pek-la̍t hô-piⁿ ū hiàn-chè ê sū.

(BCL) 因為彼日是主──萬軍的耶和華的日，報讎的日，通對伊的對敵報讎。刀劍欲吞食到飽，飲血到醉；因為主──萬軍的耶和華，佇北方伯拉河邊有獻祭的事。

11

(THR) Ai-kı̍p ê peh-sìⁿ ah, tio̍h chiūⁿ--khì Ki-lia̍t, lâi chhú jú-hiuⁿ; lí ēng chōe-chōe io̍h sī khang-khang; lí bōe tit-tio̍h i-hó.

(BCL) 埃及的百姓啊，著上去基列來取乳香；你用多多藥，是空空，你得著醫好。

12

(THR) Lia̍t-pang thiaⁿ-kìⁿ lí ê lêng-jio̍k; piàn-tōe lóng sī lí ai-khàu ê siaⁿ; in-ūi ióng-sū kap ióng-sū saⁿ-kha̍p, chòe chı̍t-ē po̍ah-tó.

(BCL) 列邦聽見你的凌辱，遍地攏是你哀哭的聲；因為勇士及勇士相磕，做一下跋倒。

13

(THR) Iâ-hô-hoa tùi sian-ti Iâ-lī-bí só͘ kóng ê ōe, lūn-kàu Pa-pí-lûn ông Nî-pò͘-kah-nî-sat beh kàu, lâi kong-kek Ai-kı̍p tōe.

(BCL) 耶和華對先知耶利米所講的話，論到巴比倫王尼布甲尼撒欲到，來攻擊埃及地：

14

(THR) Lín tio̍h pò-iông tī Ai-kı̍p, soan-pò͘ tī Bı̍t-to̍at, soan-pò͘ tī Lô-hut kap Tap-pí-le̍k, kóng, Tio̍h pâi-tūi, ka-kī pī-pān, in-ūi to-kiàm tī lí ê sì-ûi teh thun-bia̍t.

(BCL) 恁著報揚佇埃及，宣佈佇密奪，宣佈佇羅弗及答比匿講：著排隊，家己備辦，因為刀劍佇你的四圍吞滅。

15

(THR) Lí ê tōa-la̍t--ê cháiⁿ-iūⁿ po̍ah-tó? in khiā bōe chāi, in-ūi Iâ-hô-hoa kóaⁿ in.

(BCL) 你的大力者怎樣跋倒？徛在；因為耶和華趕，

16

(THR) I hō͘ chōe-chōe lâng po̍ah-tó; tāi-ke tó saⁿ-tha̍h; in chiū kóng, Khí--lâi, lán tò--lâi khì pún-cho̍k, kàu lán pún só͘-chāi, lâi siám-pī ap-chè lán ê to-kiàm.

(BCL) 伊互多多人跋倒；大家倒相褡，就講：起來！咱倒來去本族到咱本所在，來閃避壓制咱的刀劍。

17

(THR) In tī-hia kiò kóng, Ai-kı̍p ông Hoat-ló put-kò sī chı̍t ê siaⁿ, i ū phah-sńg i ê ki-hōe.

(BCL) 佇遐叫講：埃及王法老不過是一個聲；伊有拍損伊的機會。

18

(THR) Tōa kun-ông, I ê miâ bān-kun ê Iâ-hô-hoa, kóng, Góa kí Góa ê o̍ah-miā lâi chiù-chōa, i beh lâi chhin-chhiūⁿ soaⁿ-tiong ê Tha-po̍k, chhin-chhiūⁿ hái-piⁿ ê Ka-bı̍t.

(BCL) 大君王──伊的名萬軍的耶和華講：我指我的活命來咒誓：伊欲來親像山中的他泊，親像海邊的迦密。

19

(THR) Khiā-khí tī Ai-kı̍p ê peh-sìⁿ ah, lí tio̍h pī-pān siū-lia̍h èng-iōng ê mı̍h-kiāⁿ, in-ūi Lô-hut beh pha-hng sio-húi, bô lâng khiā-khí.

(BCL) 徛起佇埃及的百姓啊，你著備辦受掠應用的物件，因為羅弗欲拋荒，燒毀，無人徛起。

20

(THR) Ai-kı̍p sī súi ê gû-chéng-á, to̍k-to̍k tùi pak-hng chhut ê húi-bia̍t lâi lah, lâi lah.

(BCL) 埃及是娞的牛種仔；獨獨對北方出的毀滅來啦！來啦！

21

(THR) Kî-tiong kò͘-chhiàⁿ ê peng, chhin-chhiūⁿ tiâu-lāi pûi ê gû-á, in o̍at-tńg-sin chòe chı̍t-ē cháu, khiā-bōe-tiâu; in-ūi in tú-tio̍h hōan-lān ê jı̍t, siū hêng-ho̍at ê sî í-keng kàu lah.

(BCL) 其中雇倩的兵親像　內肥的牛仔，越轉身做一下走，徛住；因為抵著患難的日，受刑罰的時已經到啦。

22

(THR) I ê siaⁿ chhin-chhiūⁿ chôa, teh kiâⁿ; tùi-te̍k beh kui-tīn lâi, in beh kia̍h pó͘-thâu lâi kong-kek--i, chhin-chhiūⁿ chhò-chhiū ê lâng chı̍t-iūⁿ.

(BCL) 伊的聲親像蛇行。對敵欲歸陣來，欲抬斧頭來攻擊伊親像剉樹的人一樣。

23

(THR) Iâ-hô-hoa kóng, I ê chhiū-nâ sui-jiân chin-ba̍t, in ia̍h beh chhò i; in-ūi in pí chháu-meh khah chōe, bōe-ōe sǹg--tit.

(BCL) 耶和華講：伊的樹林雖然真密，亦欲剉伊，因為比草蜢卡多，會算得。

24

(THR) Ai-kı̍p ê peh-sìⁿ beh kiàn-siàu, beh kau tī pak-hng ê peh-sìⁿ ê chhiú.

(BCL) 埃及的百姓欲見誚，欲交佇北方的百姓的手。

25

(THR) Bān-kun ê Iâ-hô-hoa, Í-sek-lia̍t ê Siōng-tè, kóng: Khòaⁿ ah, Góa beh hêng-ho̍at sio̍k tī Lô ê A-bûn, kap Hoat-ló, kap Ai-kı̍p, kap i ê sîn-bêng, kap i ê kun-ông; ia̍h beh hêng-ho̍at Hoat-ló, í-kı̍p óa-khò i ê lâng.

(BCL) 萬軍的耶和華──以色列的上帝講：「看啊，我欲刑罰屬佇羅的亞捫及法老，及埃及及伊的神明，及伊的君王，亦欲刑罰法老以及倚靠伊的人。

26

(THR) Góa beh chiong in kau tī siàu-siūⁿ in ê sìⁿ-miā ê lâng ê chhiú, kap Pa-pí-lûn ông Nî-pò͘-kah-nî-sat ê chhiú, kap i ê jîn-sîn ê chhiú; í-āu Ai-kı̍p tek-khak koh ū lâng khiā-khí, kap chá-chêng chı̍t-iūⁿ; che sī Iâ-hô-hoa kóng--ê.

(BCL) 我欲將交佇數想的生命的人的手，及巴比倫王尼布甲尼撒的手及伊的人臣的手；以後埃及的確閣有人徛起，及早前一樣。這是耶和華講的。」

27

(THR) Góa ê lô͘-po̍k Ngá-kok ah, lí bo̍h-tit kiaⁿ; Í-sek-lia̍t ah, bo̍h-tit kiaⁿ-hiâⁿ; khòaⁿ ah, Góa beh tùi hn̄g-hn̄g ê só͘-chāi chín-kiù lí; tùi siū-lia̍h--khì ê tōe chín-kiù lí ê hō͘-è; Ngá-kok beh tò--lâi, tit-tio̍h an-chēng, pêng-an, bô lâng hō͘ i kiaⁿ-hiâⁿ.

(BCL) 我的奴僕雅各啊，你莫得驚！以色列啊，莫得驚惶！看啊，我欲對遠遠的所在拯救你，對受掠去的地拯救你的後裔。雅各欲倒來，得著安靜平安，無人互伊驚惶。

28

(THR) Góa ê lô͘-po̍k Ngá-kok ah, bo̍h-tit kiaⁿ-hiâⁿ, in-ūi Góa kap lí tī-teh; ia̍h beh chiong Góa só͘ kóaⁿ lí kàu hiah ê kok it-chīn châu-bia̍t; chóng-sī bô it-chīn châu-bia̍t lí; beh chiàu só͘ ha̍p-gî--ê, chek-pī lí, tòan-tòan bōe-ōe bô hêng-ho̍at lí; che sī Iâ-hô-hoa kóng--ê.

(BCL) 我的奴僕雅各啊，莫得驚惶！因為我及你佇。亦欲將我所趕你到許個國一盡剿滅，總是無一盡剿滅你，欲照所合宜的責備你，斷斷會無刑罰你。這是耶和華講的。

Bible Color Mark

• 台語漢字羅馬本
• 巴克禮全羅