耶利米書 第 26 章

1

(THR) Iû-tāi ông Iok-se-a ê kiáⁿ Iok-ngá-kèng khí-thâu chē-ūi ê sî, ū chit ê ōe tùi Iâ-hô-hoa lâi, kóng, Iâ-hô-hoa án-ni kóng,

(BCL) 猶大王約西亞的子約雅敬起頭坐位的時，有此個話對耶和華來，講：

2

(THR) Lí tio̍h khiā tī Iâ-hô-hoa ê chhù ê īⁿ-lāi; ū Iû-tāi chiah ê siâⁿ lâi Iâ-hô-hoa ê chhù kèng-pài--ê; lí tio̍h ēng Góa lóng-chóng bēng-lēng lí tùi in kóng ê ōe, kā in kóng; m̄-thang chió chı̍t-kù.

(BCL) 「耶和華按呢講：你著徛佇耶和華的厝的院內，有猶大諸個城來耶和華的厝敬拜者，你著用我攏總命令你對講的話，給講，呣通少一句。

3

(THR) Kiám-chhái in khéng thiaⁿ-thàn, ta̍k-lâng hôe-thâu lī-khui in ê pháiⁿ-lō͘; chiū Góa ūi-tio̍h in só͘ kiâⁿ ê pháiⁿ, siūⁿ beh kàng hō͘ in ê chai-ē, thang thè-hóe.

(BCL) 豈採肯聽趁，逐人回頭離開的歹路，就我為著所行的歹，想欲降互的災禍通退悔。

4

(THR) Lí tio̍h kā in kóng, Iâ-hô-hoa án-ni kóng, Lín nā m̄-khéng thiaⁿ Góa, lâi kiâⁿ Góa só͘ siat tī lín bīn-chêng ê lu̍t-hoat;

(BCL) 你著給講，耶和華按呢講：『恁若呣肯聽我，來行我所設佇恁面前的律法，

5

(THR) lâi thiaⁿ-thàn Góa só͘ chhe kàu lín hia Góa chiah ê lô͘-po̍k, chèng sian-ti ê ōe; chiū-sī Góa chá-chá khí--lâi só͘ chhe--ê, (chóng-sī lín bô thiaⁿ);

(BCL) 來聽趁我所差到恁遐我諸個奴僕眾先知的話，就是我早早起來所差者（總是恁無聽），

6

(THR) chiū Góa beh hō͘ chit keng chhù chhin-chhiūⁿ Sī-lô; hō͘ chit ê siâⁿ chòe tōe-chiūⁿ bān-kok chiù-chó͘ ê ōe-pìⁿ.

(BCL) 就我欲互此間厝親像示羅，互此個城做地上萬國咒詛的話柄。』」

7

(THR) Iâ-lī-bí tī Iâ-hô-hoa ê chhù-lāi kóng chiah-ê ōe; chè-si, sian-ti, kap chèng peh-sìⁿ lóng ū thiaⁿ-kìⁿ.

(BCL) 耶利米佇耶和華的厝內講諸個話，祭司、先知，及眾百姓攏有聽見。

8

(THR) Iâ-lī-bí chiong Iâ-hô-hoa hoan-hù i tùi chèng peh-sìⁿ kóng ê ōe, it-chīn kóng-liáu; chè-si, sian-ti, kap chèng peh-sìⁿ lóng lâi lia̍h--i, kóng, Lí tek-khak tio̍h sí.

(BCL) 耶利米將耶和華吩咐伊對眾百姓講的話一盡講了，祭司、先知，及眾百姓攏來掠伊，講：「你的確著死！

9

(THR) Lí siáⁿ-sū thok Iâ-hô-hoa ê miâ lâi chhàm-gú, kóng, Chit keng chhù beh chhin-chhiūⁿ Sī-lô, chit ê siâⁿ beh pha-hng, bô lâng khiā-khí ah? Tùi án-ni chèng peh-sìⁿ lóng tī Iâ-hô-hoa ê chhù chū-chı̍p kàu Iâ-lī-bí hia.

(BCL) 你啥事託耶和華的名來讖語，講此間厝欲親像示羅，此個城欲拋荒無人徛起啊？」對按呢眾百姓攏佇耶和華的厝聚集到耶利米遐。

10

(THR) Iû-tāi ê kùi-cho̍k thiaⁿ-kìⁿ chiah ê tāi-chì, chiū tùi ông-kiong chiūⁿ-kàu Iâ-hô-hoa ê chhù; chē tī Iâ-hô-hoa ê chhù sin-mn̂g ê mn̂g-kháu.

(BCL) 猶大的貴族聽見諸個代誌，就對王宮上到耶和華的厝，坐佇耶和華的厝新門的門口。

11

(THR) Chè-si, sian-ti, tùi kùi-cho̍k kap chèng peh-sìⁿ kóng, Chit lâng tio̍h gí i sí-chōe; in-ūi i ū chhàm-gú kong-kek chit ê siâⁿ; tú-tú chhin-chhiūⁿ lín chhin-hī só͘ thiaⁿ--ê.

(BCL) 祭司、先知對貴族及眾百姓講：「此人著擬伊死罪；因為伊有讖語攻擊此個城，抵抵親像恁親耳所聽的。」

12

(THR) Iâ-lī-bí chiū tùi chiah ê kùi-cho̍k kap chèng peh-sìⁿ kóng, Iâ-hô-hoa chhe góa chhàm-gú, kong-kek chit keng chhù, kap chit ê siâⁿ; kóng-khí lín só͘ ū thiaⁿ-kìⁿ chiah-ê it-chhè ê ōe.

(BCL) 耶利米就對諸個貴族及眾百姓講：「耶和華差我讖語，攻擊此間厝，及此個城，講起恁所有聽見諸個一切的話。

13

(THR) Só͘-í lín taⁿ tio̍h kóe lín ê lō͘, kap lín ê só͘ chòe; thiaⁿ-thàn lín ê Siōng-tè Iâ-hô-hoa ê siaⁿ; Iâ-hô-hoa chiū beh thè-hóe I só͘ beh kàng hō͘ lín ê chai-ē.

(BCL) 所以恁今著改恁的路及恁的所做，聽趁恁的上帝──耶和華的聲，耶和華就欲退悔伊所欲降互恁的災禍。

14

(THR) Lūn-kàu góa, khòaⁿ ah, góa tī lín ê chhiú-thâu; lín khòaⁿ chòe hó, khòaⁿ chòe eng-kai--ê, chiū chiàu án-ni khóan-thāi góa.

(BCL) 論到我，看啊，我佇恁的手頭，恁看做好，看做應該的，就照按呢款待我！

15

(THR) Chóng-sī lín tio̍h khak-sı̍t chai; nā hāi-sí góa, chiū beh hō͘ bô-chōe ê huih kui tī lín, kap chit ê siâⁿ, kap kî-tiong khiā-khí ê peh-sìⁿ; in-ūi Iâ-hô-hoa sı̍t-chāi ū chhe góa kàu lín chia, chiong chiah-ê it-chhè ê ōe, thôan kàu lín ê hī-khang.

(BCL) 總是恁著確實知，若害死我，就欲互無罪的血歸佇恁及此個城，及其中徛起的百姓；因為耶和華實在有差我到恁遮將諸個一切的話傳到恁的耳孔。」

16

(THR) Kùi-cho̍k kap chèng peh-sìⁿ chiū kā chè-si sian-ti kóng, Chit-lâng m̄ eng-kai gí i sí-chōe; in-ūi i sī thok Iâ-hô-hoa, lán ê Siōng-tè ê miâ, lâi tùi lán kóng.

(BCL) 貴族及眾百姓就給祭司、先知講：「此人呣應該擬伊死罪，因為伊是託耶和華──咱的上帝的名來對咱講。」

17

(THR) Kok-lāi ê lāu-tōa chiū ū kúi-nā lâng khí--lâi, tùi chū-hōe ê chèng peh-sìⁿ kóng,

(BCL) 國內的老大就有幾若人起來，對聚會的眾百姓講：

18

(THR) Tng Iû-tāi ông Hi-se-ka ê jı̍t, ū Mô͘-lī-sa lâng, Bí-ka, tùi Iû-tāi ê chèng-lâng chhàm-gú, kóng, Bān-kun ê Iâ-hô-hoa án-ni kóng, Sek-an beh hō͘ lâng lôe chhin-chhiūⁿ chhân-hn̂g; Iâ-lō͘-sat-léng beh pìⁿ-chòe thô͘-tui; chit keng tiān ê soaⁿ beh chhin-chhiūⁿ chhiū-nâ kôaiⁿ ê só͘-chāi.

(BCL) 「當猶大王希西家的日，有摩利沙人彌迦對猶大的眾人讖語講：萬軍的耶和華按呢講：錫安欲互人犁親像田園；耶路撒冷欲變做土堆；此間殿的山欲親像樹林高的所在。

19

(THR) Iû-tāi ông Hi-se-ka kap chèng Iû-tāi lâng, kiám ū hō͘ i sí mah? Hi-se-ka kiám m̄-sī kèng-ùi Iâ-hô-hoa, khún-kiû Iâ-hô-hoa ê un; Iâ-hô-hoa chiū thè-hóe I só͘ kóng beh kàng hō͘ in ê chai-ē mah? Taⁿ nā hāi-sí chit-lâng, lán chiū-sī chòe tōa pháiⁿ, hāi ka-kī ê sìⁿ-miā.

(BCL) 猶大王希西家及眾猶大人豈有互伊死嗎？希西家豈呣是敬畏耶和華、懇求耶和華的恩？耶和華就退悔伊所講欲降互的災禍嗎？今若害死此人，咱就是做大歹，害家己的生命。」（

20

(THR) Koh ū chı̍t-lâng thok Iâ-hô-hoa ê miâ lâi soan-thôan; sī Ki-lia̍t-iâ-lîm lâng Sī-má-ngá ê kiáⁿ Ou-lī-a; i chiàu Iâ-lī-bí it-chhè ê ōe lâi soan-thôan, kong-kek chit ê siâⁿ kap chit ê tōe.

(BCL) 閣有一人託耶和華的名來宣傳，是基列耶琳人示瑪雅的子烏利亞，伊照耶利米一切的話來宣傳，攻擊此個城及此個地。

21

(THR) Iok-ngá-kèng ông kap i ê chèng ióng-sū kùi-cho̍k thiaⁿ-kìⁿ i ê ōe, ông chiū siūⁿ beh hō͘ i sí; Ou-lī-a thiaⁿ-kìⁿ chiū kiaⁿ, cháu-khì Ai-kı̍p.

(BCL) 約雅敬王及伊的眾勇士、貴族聽見伊的話，王就想欲互伊死。烏利亞聽見就驚，去去埃及。

22

(THR) Iok-ngá-kèng ông chhe lâng khì Ai-kı̍p, chiū-sī A-kek-pho ê kiáⁿ Í-lī-ná-tan kap kúi-nā lâng kàu Ai-kı̍p.

(BCL) 約雅敬王差人去埃及，就是亞革波的子以利拿單及幾若人到埃及。

23

(THR) In chiū tùi Ai-kı̍p lia̍h Ou-lī-a chhut--lâi, sàng kàu Iok-ngá-kèng ông hia; ông ēng to thâi i, hiat i ê sin-si tī pêng-siông lâng ê bōng.

(BCL) 就對埃及掠烏利亞出來，送到約雅敬王遐；王用刀伊，伊的身屍佇平常人的墓。）

24

(THR) Chóng-sī Sa-hoan ê kiáⁿ A-hi-kam pó-hō͘ Iâ-lī-bí, chiah bô kau tī peh-sìⁿ ê chhiú, hō͘ i sí.

(BCL) 總是，沙番的子亞希甘保護耶利米，才無交佇百姓的手互伊死。

Bible Color Mark

• 台語漢字羅馬本
• 巴克禮全羅