耶利米書 第 23 章

1

(THR) Iâ-hô-hoa kóng, Bo̍k-chiá chân-hāi Góa ê chháu-tiûⁿ ê iûⁿ, hō͘ i sì-sòaⁿ; in ū chai-ē ah.

(BCL) 耶和華講：「牧者殘害我的草場的羊，互伊四散，有災禍啊！」

2

(THR) Só͘-í Í-sek-lia̍t ê Siōng-tè Iâ-hô-hoa chek-pī hiah-ê iúⁿ-chhī Góa ê peh-sìⁿ ê bo̍k-chiá, án-ni kóng, Lín phah-sòaⁿ Góa ê iûⁿ-kûn, lâi kóaⁿ in khì, bô khòaⁿ-kò͘ in; khòaⁿ ah, Góa beh chiàu lín só͘ kiâⁿ ê pháiⁿ lâi pān lín; che sī Iâ-hô-hoa kóng--ê.

(BCL) 所以以色列的上帝──耶和華責備許個養飼我的百姓的牧者，按呢講：「恁拍散我的羊群，來趕去，無看顧；看啊，我欲照恁所行的歹來辦恁。這是耶和華講的。

3

(THR) Góa beh chū-chı̍p Góa ê iûⁿ-kûn só͘ chhun--ê, tùi Góa só͘ kóaⁿ in kàu ê ta̍k-kok; chhōa in koh tò-lâi in ê tiâu, hō͘ in siⁿ-thòaⁿ chōe-chōe.

(BCL) 我欲聚集我的羊群所剩的，對我所趕到的逐國，導閣倒來的　；互生湠多多。

4

(THR) Góa beh siat-lı̍p bo̍k-chiá tī-lí in, iúⁿ-chhī in; hō͘ in bô koh kiaⁿ-hiâⁿ gông-ngia̍h, ia̍h bô kiám-chió; che sī Iâ-hô-hoa kóng--ê.

(BCL) 我欲設立牧者治理，養飼。互無閣驚惶、卬愕，亦無減少；這是耶和華講的。」

5

(THR) Iâ-hô-hoa kóng, Jı̍t-chí beh kàu, Góa beh kā Tāi-pı̍t heng-khí gī ê Ki; I beh chòe ông lâi tī-lí; kiâⁿ tāi-chì ū tì-hūi, tī tōe-chiūⁿ kiâⁿ kong-pêng kap kong-gī.

(BCL) 耶和華講：「日子欲到，我欲給大衛興起義的枝；伊欲做王來治理，行代誌有智慧，佇地上行公平及公義。

6

(THR) Tng I ê jı̍t, Iû-tāi beh tit-tio̍h kiù; Í-sek-lia̍t beh an-jiân khiā-khí; I ê miâ beh chheng-chòe Iâ-hô-hoa lán ê gī.

(BCL) 當伊的日，猶大欲得著救，以色列欲安然徛起。伊的名欲稱做『耶和華──咱的義』。」

7

(THR) Iâ-hô-hoa kóng, Khòaⁿ ah, jı̍t-chí beh kàu, lâng kí Iâ-hô-hoa ê éng-o̍ah lâi chiù-chōa, bô beh kóng, I sī chhōa Í-sek-lia̍t ê hō͘-è tùi Ai-kı̍p tōe chiūⁿ-lâi--ê.

(BCL) 耶和華講：「看啊，日子欲到，人指耶和華的永活來咒誓，無欲講伊是導以色列的後裔對埃及地上來者，

8

(THR) In kí Iâ-hô-hoa ê éng-o̍ah lâi chiù-chōa, sī beh kóng, I tòa Í-sek-lia̍t ê hō͘-è chhōa in tùi pak-hng ê tōe, ia̍h tùi kìⁿ-nā Góa só͘ kóaⁿ in kàu ê tōe chiūⁿ--lâi; in beh khiā-khí tī pún só͘-chāi.

(BCL) 指耶和華的永活來咒誓，是欲講伊帶以色列的後裔導對北方的地，亦對見若我所趕到的地上來。欲徛起佇本所在。」

9

(THR) Lūn-kàu hiah ê sian-ti. Góa ê sim tī góa ê lāi-bīn iu-siong; góa ê kut lóng gī-gī-chhoah; ūi-tio̍h Iâ-hô-hoa kap I sèng ê ōe, góa chhin-chhiūⁿ chiú-chùi ê lâng, chhin-chhiūⁿ hō͘ chiú só͘ khah-iâⁿ ê lâng.

(BCL) 論到許個先知，我的心佇我的內面憂傷，我的骨攏栗栗惙；為著耶和華及伊聖的話，我親像酒醉的人，親像互酒所卡贏的人。

10

(THR) In-ūi tōe-hng móa-móa kiâⁿ îm-lōan ê lâng; koh in-ūi tú-tio̍h chiù-chó͘, tōe chiū pi-ai; khòng-iá ê chháu-tiûⁿ lóng ko͘-tâ; in só͘ kiâⁿ ê lō͘, chiū-sī pháiⁿ; in ê sè-le̍k bô chèng-tı̍t.

(BCL) 因為地方滿滿行淫亂的人！閣因為抵著咒詛，地就悲哀；曠野的草場攏枯焦。所行的路就是歹；的勢力無正直。

11

(THR) Liân sian-ti kap chè-si, to sī siat-to̍k--ê; chiū tī Góa ê chhù-lāi, Góa ia̍h khòaⁿ-kìⁿ in ê pháiⁿ; che sī Iâ-hô-hoa kóng--ê.

(BCL) 連先知及祭司都是褻瀆者，就佇我的厝內我亦看見的歹。這是耶和華講的。

12

(THR) In-ūi án-ni, in ê lō͘ beh chhin-chhiūⁿ o͘-àm-tiong ku̍t-ku̍t ê tōe; in beh tú-tio̍h kóaⁿ-tio̍k, tī-hia po̍ah-tó; tng pān-lí in ê nî, Góa beh hō͘ chai-ē kàu tī in; che sī Iâ-hô-hoa kóng--ê.

(BCL) 因為按呢，的路欲親像黑暗中滑滑的地，欲抵著趕逐，佇遐跋倒；當辦理的年，我欲互災禍到佇。這是耶和華講的。

13

(THR) Tī Sat-má-lī-a ê sian-ti, Góa í-keng khòaⁿ-kìⁿ in ê gû-gōng; in thok Pa-le̍k lâi chhàm-gú, hō͘ Góa ê peh-sìⁿ Í-sek-lia̍t kiâⁿ chha-lō͘.

(BCL) 佇撒瑪利亞的先知，我已經看見的愚戇；託巴力來讖語，互我的百姓以色列行差路。

14

(THR) Tī Iâ-lō͘-sat-léng ê sian-ti, Góa í-keng khòaⁿ-kìⁿ khó-ò͘ⁿ ê sū; in kiâⁿ kan-îm, chòe sū pe̍h-chha̍t; koh chō͘ pháiⁿ lâng ê chhiú ná ū la̍t; tì-kàu bô lâng hôe-thâu lī-khui i ê pháiⁿ; in tī Góa ê bīn-chêng, lóng chhin-chhiūⁿ Só͘-to-má; khiā-khí tī-hia ê peh-sìⁿ lóng chhin-chhiūⁿ Gô-mô͘-la̍h.

(BCL) 佇耶路撒冷的先知，我已經看見可惡的事；行姦淫，做事白賊，閣助歹人的手愈有力，致到無人回頭離開伊的歹。佇我的面前攏親像所多瑪；徛起佇遐的百姓攏親像蛾摩拉。

15

(THR) Só͘-í bān-kun ê Iâ-hô-hoa lūn-kàu chiah ê sian-ti, ū án-ni kóng; Khòaⁿ ah, Góa beh ēng in-tîn hō͘ in chia̍h, koh ēng khó͘ ê chúi hō͘ in lim; in-ūi siat-to̍k ê sū chhut tī Iâ-lō͘-sat-léng ê sian-ti, liû-hêng piàn-tōe.

(BCL) 所以萬軍的耶和華論到諸個先知有按呢講：看啊，我欲用茵蔯互食，閣用苦的水互飲；因為褻瀆的事出佇耶路撒冷的先知，流行遍地。

16

(THR) Bān-kun ê Iâ-hô-hoa án-ni kóng, Chiah ê sian-ti tùi lín chhàm-gú--ê, lín bo̍h-tit thiaⁿ in ê ōe; in ēng hu-ké kà-sī lín; só͘ kóng ê īⁿ-siōng sī chhut tī in ê sim; m̄-sī chhut tī Iâ-hô-hoa ê chhùi.

(BCL) 萬軍的耶和華按呢講：「諸個先知對恁讖語的，恁莫得聽的話。用虛假教示恁，所講的異象是出佇的心，呣是出佇耶和華的嘴。

17

(THR) In siông-siông tùi biáu-sī Góa ê lâng kóng, Iâ-hô-hoa kóng lín beh hióng-siū pêng-an; koh tùi it-chhè chiàu in sim ê kong-ngī lâi kiâⁿ ê lâng kóng, Tek-khak bô ū chai-ē lîm-kàu lín.

(BCL) 常常對藐視我的人講：『耶和華講：恁欲享受平安』；閣對一切照心的剛硬來行的人講：『的確無有災禍臨到恁。』」

18

(THR) Chī-chūi kap Iâ-hô-hoa khè-ha̍p, tit-tio̍h thiaⁿ I ê ōe lâi hiáu-ngō͘ ah?

(BCL) 是誰及耶和華契合，得著聽伊的話來曉悟啊？是誰注意聽伊的話啊？

19

(THR) Chī-chūi chù-ì thiaⁿ I ê ōe ah? Khòaⁿ ah, Iâ-hô-hoa ê siū-khì chhin-chhiūⁿ tōa hong hoat-chhut; chiū-sī chin thàu ê kńg-lê-hong, beh tńg-se̍h lâi kong-kek pháiⁿ-lâng ê thâu-khak.

(BCL) 看啊！耶和華的受氣，親像大風發出；就是真透的捲螺風，欲轉踅來攻擊歹人的頭殼。

20

(THR) Iâ-hô-hoa ê sim só͘ gí-tiāⁿ--ê, iáu-bē chòe, iáu-bē chiâⁿ; I ê siū-khì tek-khak bô tò-tńg, jı̍t-āu lín beh bêng-pe̍k thàu-thiat.

(BCL) 耶和華的心所擬定的，猶未做，猶未成，伊的受氣的確無倒轉，日後恁欲明白透徹。

21

(THR) Hiah ê sian-ti, Góa bô chhe in, in ka-kī cháu; Góa bô tùi in kóng, in ka-kī soan-thôan.

(BCL) 許個先知我無差，家己走；我無對講，家己宣傳。

22

(THR) In nā kap Góa khè-ha̍p, chiū tek-khak hō͘ Góa ê peh-sìⁿ thiaⁿ Góa ê ōe; hō͘ in hôe-thâu lī-khui in ê pháiⁿ-lō͘, kap in só͘ kiâⁿ ê pháiⁿ.

(BCL) 若及我契合，就的確互我的百姓聽我的話，互回頭離開的歹路及所行的歹。

23

(THR) Iâ-hô-hoa kóng, Góa kiám chòe kūn ê Siōng-tè, bô chòe hn̄g ê Siōng-tè mah?

(BCL) 耶和華講：「我豈做近的上帝？無做遠的上帝嗎？」

24

(THR) Iâ-hô-hoa kóng, Lâng kiám ōe bih tī ún-ba̍t ê só͘-chāi, hō͘ Góa khòaⁿ i bōe tio̍h mah? Iâ-hô-hoa kóng, Góa kiám bô chhiong-móa tī thiⁿ-tōe mah?

(BCL) 耶和華講：「人豈會匿佇隱密的所在，互我看伊著嗎？」耶和華講：「我豈無充滿佇天地嗎？

25

(THR) Góa í-keng thiaⁿ-kìⁿ hiah ê sian-ti só͘ kóng-ê, chiū-sī thok Góa ê miâ soan-thôan pe̍h-chha̍t; in kóng, Góa ū bāng-kìⁿ, góa ū bāng-kìⁿ.

(BCL) 我已經聽見許個先知所講的，就是託我的名宣傳白賊，講：『我有夢見！我有夢見！』

26

(THR) Soan-thôan pe̍h-chha̍t ê sian-ti, chiū-sī soan-thôan in ê sim ê khúi-chà; in chûn chit-hō ê sim, beh kàu tī-sî ah?

(BCL) 宣傳白賊的先知，就是宣傳的心的詭詐，存此號的心欲到底時啊？

27

(THR) In ta̍k-lâng chiong só͘ bāng--ê saⁿ-kap kóng-khí; siūⁿ beh hō͘ Góa ê peh-sìⁿ bōe-kì-tit Góa ê miâ; chhin-chhiūⁿ in ê lia̍t-chó͘ in-ūi Pa-le̍k, lâi bōe-kì-tit Góa ê miâ chı̍t-iūⁿ.

(BCL) 逐人將所夢的相及講起，想欲互我的百姓記得我的名，親像的列祖因為巴力來記得我的名一樣。

28

(THR) Sian-ti nā ū bāng-kìⁿ thang kóng-khí i ê bāng; tit-tio̍h Góa ê ōe--ê, tio̍h ēng sêng-sı̍t thôan Góa ê ōe; chho͘-khng kap be̍h thái ōe pí-tit? Che sī Iâ-hô-hoa kóng--ê.

(BCL) 先知若有夢見，通講起伊的夢；得著我的話者，著用誠實傳我的話。粗糠及麥豈會比得？這是耶和華講的。」

29

(THR) Iâ-hô-hoa kóng, Góa ê ōe kiám m̄-sī chhin-chhiūⁿ hé, koh chhin-chhiūⁿ ōe phah-phòa chio̍h-pôaⁿ ê tōa-thûi mah?

(BCL) 耶和華講：「我的話豈呣是親像火，閣親像會拍破石磐的大鎚嗎？

30

(THR) Iâ-hô-hoa kóng, Khòaⁿ ah, hiah ê sian-ti tùi i ê tâng-phōaⁿ thau-the̍h Góa ê ōe--ê, Góa kong-kek--in.

(BCL) 耶和華講：「看啊，許個先知對伊的同伴偷提我的話者，我攻擊。」

31

(THR) Iâ-hô-hoa kóng, Hiah ê sian-ti ēng chhùi-chı̍h kóng, Che sī Iâ-hô-hoa kóng--ê; Góa kong-kek in.

(BCL) 耶和華講：「許個先知用嘴舌講，這是耶和華講的；我攻擊。」

32

(THR) Iâ-hô-hoa kóng, Khòaⁿ ah, hiah-ê ēng ké ê bāng lâi chòe sian-ti--ê; in kóng-khí in ê bāng; ia̍h ēng in ê pe̍h-chha̍t, kap in ê hong-hàm, hō͘ Góa ê peh-sìⁿ kiâⁿ chha-lō͘; Góa kong-kek in; in-ūi Góa bô chhe in, ia̍h bô bēng-lēng in, in lóng bô lī-ek chit ê peh-sìⁿ; che sī Iâ-hô-hoa kóng--ê.

(BCL) 耶和華講：「看啊，許個用假的夢來做先知的，講起的夢，亦用的白賊及的謊譀，互我的百姓行差路，我攻擊。因為我無差，亦無命令，攏無利益此個百姓。這是耶和華講的。」

33

(THR) Nā chit ê peh-sìⁿ, á-sī sian-ti, á-sī chè-si, mn̄g lí kóng, Iâ-hô-hoa ū sím-mı̍h tāng-tàⁿ ê be̍k-sī? lí chiū tio̍h kā in kóng, Sím-mı̍h tāng-tàⁿ ê be̍k-sī ah! Iâ-hô-hoa kóng, Góa beh khì-sak lín, chiū-sī.

(BCL) 「若此個百姓，抑是先知，抑是祭司，問你講：『耶和華有甚麼重擔的默示？』你就著給講：『甚麼重擔的默示啊？耶和華講：我欲棄拺恁就是。』

34

(THR) Kìⁿ-nā sian-ti, á-sī chè-si, á-sī peh-sìⁿ, kóng, Iâ-hô-hoa tāng-tàⁿ ê be̍k-sī--ê; hit-hō lâng, Góa beh hêng-ho̍at i kap i ê ke.

(BCL) 見若先知，抑是祭司，抑是百姓，講『耶和華重擔的默示者』，彼號人我欲刑罰伊及伊的家。

35

(THR) Lín ta̍k-lâng tùi i ê chhù-piⁿ, ta̍k-lâng tùi i ê hiaⁿ-tī, tio̍h án-ni kóng, Iâ-hô-hoa ū ìn sím-mı̍h? Iâ-hô-hoa ū kóng sím-mı̍h?

(BCL) 恁逐人對伊的厝邊，逐人對伊的兄弟著按呢講：『耶和華有應甚麼？』『耶和華有講甚麼？』

36

(THR) Iâ-hô-hoa tāng-tàⁿ ê be̍k-sī, chit-kù lín m̄-thang koh kóng; in-ūi ta̍k-lâng só͘ kóng ê ōe, beh chòe in pún-sin ê tāng-tàⁿ; in-ūi lín chiong éng-o̍ah ê Siōng-tè, bān-kun ê Iâ-hô-hoa, lán ê Siōng-tè ê ōe kóe hō͘ i chho̍ah--khì.

(BCL) 『耶和華重擔的默示』此句恁呣通閣講，因為逐人所講的話欲做本身的重擔，因為恁將永活的上帝、萬軍的耶和華──咱的上帝的話解互伊斜去。

37

(THR) Lí tio̍h tùi sian-ti án-ni kóng, Iâ-hô-hoa ìn lí sím-mı̍h? Iâ-hô-hoa kóng sím-mı̍h?

(BCL) 你著對先知按呢講：『耶和華應你甚麼？』『耶和華講甚麼？』

38

(THR) Lín nā kóng, Iâ-hô-hoa tāng-tàⁿ ê be̍k-sī, Iâ-hô-hoa chiū án-ni kóng, Góa chhe lâng kàu lín hia, kā lín kóng, M̄-thang kóng Iâ-hô-hoa tāng-tàⁿ ê be̍k-sī; lín iáu teh kóng chit-kù Iâ-hô-hoa tāng-tàⁿ ê be̍k-sī;

(BCL) 恁若講『耶和華重擔的默示』，耶和華就按呢講：『我差人到恁遐給恁講，呣通講「耶和華重擔的默示」，恁猶講此句「耶和華重擔的默示」。』

39

(THR) só͘-í Góa beh chôan-jiân bōe-kì-tit lín, chiong lín kap Góa só͘ siúⁿ-sù lín, í-kı̍p lín ê lia̍t-chó͘ ê siâⁿ, tùi Góa ê bīn-chêng khì-sak.

(BCL) 所以我欲全然記得恁，將恁及我所賞賜恁以及恁的列祖的城，對我的面前棄拺；

40

(THR) Koh beh hō͘ éng-óan ê lêng-jio̍k, kap kú-tn̂g ê kiàn-siàu, lîm-kàu lín; kú-tn̂g bô bōe-kì--tit.

(BCL) 閣欲互永遠的凌辱及久長的見誚臨到恁，久長無記得。」

Bible Color Mark

• 台語漢字羅馬本
• 巴克禮全羅