耶利米書 第 19 章

1

(THR) Iâ-hô-hoa án-ni kóng, Lí khì bóe sio-hûi lâng ê hûi-pân, koh chhōa peh-sìⁿ ê lāu-tōa,

(BCL) 耶和華按呢講：「你去買燒磁人的磁瓶，閣導百姓的老大及祭司中的老大，

2

(THR) kap chè-si tiong ê lāu-tōa, chhut-khì Piān-him-lùn ê soaⁿ-kok, Hap-jíⁿ-se ê mn̂g-kháu hia, soan-pò͘ Góa só͘ hoan-hù lí ê ōe,

(BCL) 出去便欣嫩的山谷，哈珥西的門口遐，宣佈我所吩咐你的話，

3

(THR) kóng, Iû-tāi ê lia̍t-ông kap Iâ-lō͘-sat-léng khiā-khí ê peh-sìⁿ ah, tio̍h thiaⁿ Iâ-hô-hoa ê ōe; bān-kun ê Iâ-hô-hoa, Í-sek-lia̍t ê Siōng-tè, án-ni kóng, Khòaⁿ ah, Góa beh hō͘ chai-ē lîm-kàu chit ê tōe-hng, hōan-nā thiaⁿ ê lâng, in ê hī-khang tek-khak tiō.

(BCL) 講：『猶大的列王及耶路撒冷徛起的百姓啊，著聽耶和華的話。萬軍的耶和華──以色列的上帝按呢講：看啊，我欲互災禍，臨到此個地方，凡若聽的人的耳孔的確抖；

4

(THR) In-ūi in khì-sak Góa, khòaⁿ chit ê só͘-chāi chhin-chhiūⁿ gōa-pang; koh tī-chia sio-hiuⁿ hō͘ pa̍t ê siōng-tè, chiū-sī in chêng só͘ m̄-bat-ê; in ê lia̍t-chó͘, í-kı̍p Iû-tāi lia̍t-ông, iā sī án-ni; koh hō͘ bô-chōe ê lâng ê huih piàn-móa chit ê tōe-hng.

(BCL) 因為棄拺我，看此個所在親像外邦，閣佇遮燒香互別個上帝，就是前所呣識的，的列祖，以及猶大列王也是按呢，閣互無罪的人的血遍滿此個地方，

5

(THR) Koh ūi Pa-le̍k khí soaⁿ-thâu ê tôaⁿ, thang tī hé-tiong sio in ê kiáⁿ, chòe sio-chè lâi hiàn hō͘ Pa-le̍k. Che m̄-sī Góa só͘ bēng-lēng--ê, m̄-sī Góa só͘ thê-khí--ê, ia̍h m̄-sī Góa ê sim só͘-siūⁿ--ê.

(BCL) 閣為巴力起山頭的壇，通佇火中燒的子，做燒祭來獻互巴力。這呣是我所命令的，呣是我所提起的，亦呣是我的心所想的。

6

(THR) Iâ-hô-hoa kóng, In-ūi án-ni, jı̍t-chí beh kàu, chit ê tōe-hng bô koh chheng-chòe Tô-hui-te̍k kap Piān-him-lùn ê soaⁿ-kok; hóan-tńg chheng-chòe Sat-lio̍k ê soaⁿ-kok.

(BCL) 耶和華講：因為按呢，日子欲到，此個地方無閣稱做陀斐特及便欣嫩的山谷，反轉稱做殺戮的山谷。

7

(THR) Góa beh tī chit ê tōe-hng hō͘ Iû-tāi kap Iâ-lō͘-sat-léng ê kè-bô͘ kui tī khang-khang; ia̍h beh hō͘ in tī tùi-te̍k ê bīn-chêng tó tī to-ē, kap siàu-siūⁿ in ê sìⁿ-miā ê lâng ê chhiú-thâu; in ê sin-si, Góa beh hō͘ khong-tiong ê pe-chiáu, kap tōe-chiūⁿ ê iá-siù chòe chia̍h-mı̍h.

(BCL) 我欲佇此個地方互猶大及耶路撒冷的計謀歸佇空空，亦欲互佇對敵的面前倒佇刀下，及數想的生命的人的手頭。的身屍，我欲互空中的飛鳥及地上的野獸做食物。

8

(THR) Góa beh hō͘ chit ê siâⁿ chòe thang gông-ngia̍h thang thí-chhiò--ê; hōan-nā keng-kè ê lâng beh in-ūi chit ê siâⁿ só͘ tú-tio̍h ê chai-ē, lâi gông-ngia̍h thí-chhiò.

(BCL) 我欲互此個城做通卬愕通恥笑的；凡若經過的人，欲因為此個城所抵著的災禍來卬愕恥笑。

9

(THR) Góa beh hō͘ in tī ûi-khùn khún-pek ê tiong-kan, chiū-sī tùi-te̍k kap siàu-siūⁿ in ê sìⁿ-miā ê lâng khún-pek in ê sî, ta̍k-lâng chia̍h in ê kiáⁿ ê bah, cha-bó͘-kiáⁿ ê bah, kap pêng-iú ê bah.

(BCL) 我欲互佇圍困窘迫的中間，就是對敵及數想的生命的人窘迫的時，逐人食的子的肉，查某子的肉，及朋友的肉。』

10

(THR) Kóng soah, lí tio̍h siak-phòa hit ê hûi-pân, hō͘ tâng-kiâⁿ ê lâng chhin-ba̍k khòaⁿ-kìⁿ,

(BCL) 「講息，你著摔破彼個磁瓶互同行的人親目看見，

11

(THR) sòa kā in kóng, Bān-kun ê Iâ-hô-hoa án-ni kóng, Góa beh án-ni phah-phòa chit ê siâⁿ, kap chit ê peh-sìⁿ, chhin-chhiūⁿ lâng siak--phòa sio-hûi-lâng ê hûi-khì, bōe koh pó͘--tit. Koh lâng beh tī Tô-hui-te̍k bâi-chòng sí-lâng, kàu bô chhun só͘-chāi.

(BCL) 續給講：『萬軍的耶和華按呢講：我欲按呢拍破此個城及此個百姓，親像人摔破燒磁人的磁器，閣補得。閣人欲佇陀斐特埋葬死人，到無剩所在。

12

(THR) Iâ-hô-hoa kóng, Góa beh án-ni khóan-thāi chit ê só͘-chāi, kap kî-tiong khiā-khí ê peh-sìⁿ; hō͘ chit ê siâⁿ chhin-chhiūⁿ Tô-hui-te̍k chı̍t-iūⁿ.

(BCL) 耶和華講：我欲按呢款待此個所在，及其中徛起的百姓，互此個城親像陀斐特一樣。

13

(THR) Iâ-lō͘-sat-léng ê chhù, kap Iû-tāi lia̍t-ông ê chhù, í-keng phah lâ-sâm--ê, lóng beh chhin-chhiūⁿ Tô-hui-te̍k, in-ūi tī hiah ê chhù-téng, lâng ǹg thiⁿ-téng ê bān-siōng sio-hiuⁿ, ǹg pa̍t-hō ê siōng-tè kòan-tiān.

(BCL) 耶路撒冷的厝及猶大列王的厝已經拍垃墋的，攏欲親像陀斐特，因為佇許個厝頂，人向天頂的萬象燒香、向別號的上帝灌奠。』」

14

(THR) Iâ-lī-bí tùi Tô-hui-te̍k, chiū-sī Iâ-hô-hoa chhe i khì thôan bēng-lēng ê tōe-hng, tò--lâi; khiā tī Iâ-hô-hoa ê chhù ê īⁿ-lāi, tùi chèng-lâng kóng,

(BCL) 耶利米對陀斐特──就是耶和華差伊去傳命令的地方──倒來，徛佇耶和華的厝的院內，對眾人講：

15

(THR) Bān-kun ê Iâ-hô-hoa, Í-sek-lia̍t ê Siōng-tè, án-ni kóng, Khòaⁿ ah, Góa beh hō͘ Góa só͘ kóng it-chhè hêng-ho̍at in ê chai-ē kàu chit ê siâⁿ, kap lóng-chóng sio̍k i ê siâⁿ; in-ūi in ngī in ê ām-kún, m̄-khéng thia̍ Góa ê ōe.

(BCL) 「萬軍的耶和華──以色列的上帝按呢講：看啊，我欲互我所講一切刑罰的災禍到此個城及攏總屬伊的城，因為硬的頷頸呣肯聽我的話。」

Bible Color Mark

• 台語漢字羅馬本
• 巴克禮全羅