耶利米書 第 12 章

1

(THR) Iâ-hô-hoa ah, góa kap Lí piān-lūn ê sî, Lí sī kong-gī; chóng-sī góa iáu ài kap Lí lí-lūn; pháiⁿ-lâng ê lō͘ ūi-hô heng-thong? tōa kiâⁿ khúi-chà--ê ūi-hô tit-tio̍h pêng-an?

(BCL) 耶和華啊，我及你辯論的時，你是公義；總是我猶愛及你理論：歹人的路為何亨通？大行詭詐者為何得著平安？

2

(THR) Lí chai-pôe in, in ia̍h tèng kun, tōa-châng koh kiat ké-chí; chiàu in ê chhùi kóng, Lí sī kūn; chiàu in ê sim siūⁿ, Lí sī hn̄g.

(BCL) 你栽培，亦釘根，大欉閣結果子。照的嘴講，你是近，照的心想，你是遠。

3

(THR) Iâ-hô-hoa ah, Lí chai góa, Lí khòaⁿ-kìⁿ góa, chhì-giām góa ǹg Lí ê sim; kiû Lí chiong in thoa--chhut-lâi, chhin-chhiūⁿ beh thâi ê iûⁿ; hun-piat--i lâi thèng-hāu thâi ê jı̍t.

(BCL) 耶和華啊，你知我，你看見我，試驗我向你的心。求你將拖出來，親像欲的羊，分別伊來聽候的日。

4

(THR) Chit ê tōe pi-ai, thong-kok ê chháu-chhài ko͘-tâ, beh kàu tī-sî ah? ūi-tio̍h khiā-khí hia ê peh-sìⁿ ê pháiⁿ, cheng-siⁿ pe-chiáu lóng bia̍t-bô; in-ūi in kóng, I bô khòaⁿ-kìⁿ góan ê kiat-kio̍k.

(BCL) 此個地悲哀，通國的草菜枯焦，欲到底時啊？為著徛起遐的百姓的歹，精牲、飛鳥攏滅無。因為講：伊無看見阮的結局。

5

(THR) Iâ-hô-hoa kóng, Lí kap pō͘-kiâⁿ ê lâng saⁿ-kap cháu, siōng-chhiáⁿ ià-siān; thái-ōe kap bé tàu-pháu ah? lí tī pêng-an ê tōe, sui-jiân an-ún, tī Iok-tàn hô-piⁿ ê chhiū-nâ beh àn-cháiⁿ-iūⁿ?

(BCL) 耶和華講：你及步行的人相及走，尚且厭倦，豈會及馬鬥跑啊？你佇平安的地，雖然安穩，佇約但河邊的樹林欲按怎樣？

6

(THR) In-ūi liân lí ê hiaⁿ-tī, liân lí ê lāu-pē ê ke, lóng ēng kan-chà khóan-thāi lí; in ia̍h tī lí ê āu-bīn tōa-siaⁿ kiò; sui-jiân tùi lí kóng hó-ōe, lí ia̍h bo̍h-tit sìn--in.

(BCL) 因為連你的兄弟，連你的老父的家，攏用奸詐款待你。亦佇你的後面大聲叫，雖然對你講好話，你亦莫得信。

7

(THR) Góa lī-khui Góa ê chhù, pàng-sak Góa ê sán-gia̍p; chiong Góa ê sim só͘ thiàⁿ--ê, kau tī i ê tùi-te̍k ê chhiú.

(BCL) 我離開我的厝，放拺我的產業，將我的心所疼者交佇伊的對敵的手。

8

(THR) Góa ê sán-gia̍p tùi Góa chhin-chhiūⁿ chhiū-nâ-lāi ê sai; i chhut-siaⁿ kong-kek Góa, in-ūi án-ni Góa òan-hūn i.

(BCL) 我的產業對我親像樹林內的獅，伊出聲攻擊我，因為按呢我怨恨伊。

9

(THR) Góa ê sán-gia̍p tùi Góa kiám chhin-chhiūⁿ pan-tiám ê eng-chiáu mah? hiah ê eng-chiáu kiám tī i ê sì-ûi kong-kek i mah? lín tio̍h khì chū-chı̍p chhân-iá ê pah siù, hō͘ i lâi thun-chia̍h--i.

(BCL) 我的產業對我豈親像斑點的鷹鳥嗎？許個鷹鳥豈佇伊的四圍攻擊伊嗎？恁著去聚集田野的百獸，互伊來吞食伊！

10

(THR) Chōe-chōe bo̍k-chiá húi-hōai Góa ê phû-tô-hn̂g, thún-ta̍h Góa ê hūn-gia̍h; hō͘ Góa hó-hó ê hūn-gia̍h pìⁿ-chòe pha-hng ê khòng-iá.

(BCL) 多多牧者毀壞我的葡萄園，睭踏我的份額，互我好好的份額變做拋荒的曠野。

11

(THR) In hō͘ tōe pha-hng, tōe í-keng pha-hng, chiū tùi Góa pi-ai; chôan-tōe pha-hng, in-ūi bô lâng khòa-ì.

(BCL) 互地拋荒；地已經荒拋，就對我悲哀。全地拋荒，因為無人掛意。

12

(THR) Chân-hāi--ê kàu khòng-iá-tiong it-chhè kng-khō-khō kôaiⁿ ê só͘-chāi; Iâ-hô-hoa ê to, tùi tōe ê chit-pêng kàu tōe ê hit-pêng, it-chīn châu-bia̍t; kìⁿ-ū hiat-khì--ê, lóng bô pêng-an.

(BCL) 殘害者到曠野中一切光裸裸高的所在；耶和華的刀對地的此旁到地的彼旁一盡剿滅。見有血氣者攏無平安。

13

(THR) In chèng be̍h, siu-sêng chhì-phè; lô-khó͘ ia̍h lóng bô lī-ek; in-ūi Iâ-hô-hoa ê tōa siū-khì, in beh ūi-tio̍h in ê thó͘-sán lâi kiàn-siàu.

(BCL) 種麥，收成莿帕；勞苦亦攏無利益。因為耶和華的大受氣，欲為著的土產來見誚。

14

(THR) Lūn-kàu it-chhè pháiⁿ chhù-piⁿ, chiū-sī hāi-tio̍h Góa só͘ hō͘ Góa ê peh-sìⁿ Í-sek-lia̍t sêng-chiap ê sán-gia̍p--ê, Iâ-hô-hoa ū án-ni kóng, Khòaⁿ ah, Góa beh chiong in pu̍ih-chhut in ê tōe; koh beh chiong Iû-tāi ke tùi in tiong-kan pu̍ih-chhut--lâi.

(BCL) 「論到一切歹厝邊，就是害著我所互我的百姓以色列承接的產業的。」耶和華有按呢講：「看啊，我欲將拔出的地，閣欲將猶大家對中間拔出來。

15

(THR) Góa pu̍ih-chhut in í-āu, Góa beh tò-tńg lâi lîn-bín in; chhōa in tò--lâi, ta̍k-lâng kui i ê pún-gia̍p, ta̍k-lâng kui i ê pún só͘-chāi.

(BCL) 我拔出以後，我欲倒轉來憐憫，導倒來，逐人歸伊的本業，逐人歸伊的本所在。

16

(THR) In nā khéng un-khûn ha̍k-sı̍p Góa ê peh-sìⁿ ê tō-lō͘, kí Góa ê miâ chiù-chōa, kóng, Iâ-hô-hoa sī o̍ah--ê, chhin-chhiūⁿ in chêng kà-sī Góa ê peh-sìⁿ kí Pa-le̍k lâi chiù-chōa chı̍t-iūⁿ, in chiū beh tit-tio̍h kiàn-lı̍p tī Góa ê peh-sìⁿ ê tiong-kan.

(BCL) 若肯殷勤學習我的百姓的道路，指我名咒誓講：『耶和華是活者』，親像前教示我的百姓指巴力來咒誓一樣，就欲得著建立佇我的百姓的中間。

17

(THR) In nā m̄ thiaⁿ, chiū Góa beh pu̍ih-chhut chit-kok, pu̍ih-chhut lâi bia̍t--i; che sī Iâ-hô-hoa kóng--ê.

(BCL) 若呣聽，就我欲拔出此國，拔出來滅伊。這是耶和華講的。」

Bible Color Mark

• 台語漢字羅馬本
• 巴克禮全羅