耶利米書 第 11 章

1

(THR) Ū ōe tùi Iâ-hô-hoa lîm-kàu Iâ-lī-bí, kóng,

(BCL) 有話對耶和華臨到耶利米講：

2

(THR) Lín tio̍h thiaⁿ chit ê iok ê ōe, kā Iû-tāi lâng kap Iâ-lō͘-sat-léng khiā-khí ê peh-sìⁿ kóng.

(BCL) 「恁著聽此個約的話，給猶大人及耶路撒冷徛起的百姓講，

3

(THR) Lí tùi in kóng, Iâ-hô-hoa Í-sek-lia̍t ê Siōng-tè án-ni kóng, Bô thiaⁿ-thàn chit ê iok ê ōe ê lâng, tio̍h siū chiù-chó͘.

(BCL) 你對講，耶和華──以色列的上帝按呢講：無聽趁此個約的話的人著受咒詛。

4

(THR) Chit ê iok sī Góa chhōa lín ê lia̍t-chó͘ chhut Ai-kı̍p tōe, thoat-lī chù-thih ê lô͘, hit-jı̍t só͘ hoan-hù in--ê, kóng, Lín tio̍h thiaⁿ-thàn Góa ê ōe, chiàu Góa it-chhè só͘ hoan-hù--ê khì kiâⁿ; án-ni lín chiū chòe Góa ê peh-sìⁿ, Góa ia̍h chòe lín ê Siōng-tè.

(BCL) 此個約是我導恁的列祖出埃及地、脫離鑄鐵的爐彼日所吩咐的，講：『恁著聽趁我的話，照我一切所吩咐的去行。』按呢，恁就做我的百姓，我亦做恁的上帝；

5

(THR) Hō͘ Góa thang kian-kò͘ tùi lín ê lia̍t-chó͘ só͘ chiù ê chōa; siúⁿ-sù in lâu ni kap bı̍t ê tōe; tú-tú chhin-chhiūⁿ kin-á-jı̍t chı̍t-iūⁿ; góa chiū ìn kóng, Iâ-hô-hoa ah, A-bēng.

(BCL) 互我通堅固對恁的列祖所咒的誓，賞賜流奶及蜜的地，抵抵親像今仔日一樣。」我就應講：「耶和華啊，阿們！」

6

(THR) Iâ-hô-hoa tùi góa kóng, Lí tio̍h thôan chiah ê ōe tī Iû-tāi chiah ê siâⁿ, kap Iâ-lō͘-sat-léng ê koe-chhī, kóng, Lín tio̍h thiaⁿ chit ê iok ê ōe, lâi kiâⁿ--i.

(BCL) 耶和華對我講：「你著傳諸個話佇猶大諸個城及耶路撒冷的街市，講：恁著聽此個約的話來行伊。

7

(THR) In-ūi tùi Góa chhōa lín lia̍t-chó͘ chhut Ai-kı̍p hit chı̍t jı̍t, kàu kin-á-jı̍t, Góa chhiat-chhiat kéng-kài in, chiū-sī chá-chá khí-lâi kéng-kài in, kóng, Lín tio̍h thiaⁿ-thàn Góa ê ōe.

(BCL) 因為對我導恁列祖出埃及彼一日，到今仔日，我切切警戒，就是早早起來警戒講：『恁著聽趁我的話。』

8

(THR) Chóng-sī in m̄ thiaⁿ-thàn, m̄ àⁿ hī-khang; kéng-jiân ta̍k-ê chiàu ka-kī pháiⁿ-sim ê kong-ngī khì kiâⁿ; só͘-í Góa hō͘ chit ê iok it-chhè chiù-chó͘ ê ōe lîm-kàu in ê sin-chiūⁿ; chit ê iok sī Góa hoan-hù in tio̍h kiâⁿ--ê, chóng-sī in bô kiâⁿ.

(BCL) 總是呣聽趁，呣俯耳孔，竟然逐個照家己歹心的剛硬去行。所以我互此個約一切咒詛的話臨到的身上；此個約是我吩咐著行的，總是無行。」

9

(THR) Iâ-hô-hoa tùi góa kóng, Tī Iû-tāi lâng kap Iâ-lō͘-sat-léng lâng ê tiong-kan ū bô͘-pōan ê sū.

(BCL) 耶和華對我講：「佇猶大人及耶路撒冷人的中間有謀叛的事。

10

(THR) In o̍at-tńg kiâⁿ in ê lia̍t-chó͘ ê pháiⁿ, in ê lia̍t-chó͘ m̄-khéng thiaⁿ Góa ê ōe; in chiū thàn pa̍t-hō ê siōng-tè lâi ho̍k-sāi i; Í-sek-lia̍t ke kap Iû-tāi ke ûi-pōe Góa kap in ê lia̍t-chó͘ só͘ lı̍p ê iok.

(BCL) 越轉行的列祖的歹，的列祖呣肯聽我的話，就趁別號的上帝，來服事伊。以色列家及猶大家違背我及的列祖所立的約。」

11

(THR) Só͘-í Iâ-hô-hoa án-ni kóng, Khòaⁿ ah, Góa beh hō͘ chai-ē lîm-kàu in, chiū-sī in só͘ bōe tô-thoat--ê; in beh tùi Góa ai-kiû, Góa m̄ thiaⁿ in.

(BCL) 所以耶和華按呢講：「看啊，我欲互災禍臨到，就是所逃脫的。欲對我哀求，我呣聽。

12

(THR) Hit-sî Iû-tāi chiah ê siâⁿ ê lâng, kap Iâ-lō͘-sat-léng khiā-khí ê peh-sìⁿ, beh khì ai-kiû in só͘ sio-hiuⁿ lâi ho̍k-sāi hiah ê siōng-tè; chóng-sī tú-tio̍h hōan-lān ê sî, chiah ê siōng-tè lóng bōe-ōe chín-kiù in.

(BCL) 彼時，猶大諸個城的人，及耶路撒冷徛起的百姓欲去哀求所燒香來服事許個上帝；總是抵著患難的時，諸個上帝攏會拯救。

13

(THR) Iû-tāi ah, lí ê siōng-tè ê siàu-gia̍h, kap lí ê siâⁿ ê siàu-gia̍h pîⁿ-pîⁿ; lí iā ūi-tio̍h thang kiàn-siàu ê mı̍h lâi khí tôaⁿ, chiàu Iâ-lō͘-sat-léng chiah ê koe-lō͘ ê siàu-gia̍h; hiah ê tôaⁿ chiū-sī sio-hiuⁿ tī Pa-le̍k--ê.

(BCL) 猶大啊，你的上帝的數額及你的城的數額平平；你也為著通見誚的物來起壇，照耶路撒冷諸個街路的數額，許個壇就是燒香佇巴力的。

14

(THR) Só͘-í lí bo̍h-tit ūi-tio̍h chit ê peh-sìⁿ kî-tó, bo̍h-tit ūi-tio̍h in chhut-siaⁿ kî-kiû, in-ūi in tú-tio̍h hōan-lān ai-kiû Góa ê sî, Góa bô beh thiaⁿ in.

(BCL) 「所以你莫得為著此個百姓祈禱，莫得為著出聲祈求；因為抵著患難哀求我的時，我無欲聽。

15

(THR) Góa só͘ thiàⁿ--ê, lí í-keng kiâⁿ pháiⁿ, lí tī Góa ê chhù beh siáⁿ-sū? hē gōan, hiàn bah, kiám ōe tû-khì lí ê chōe-ok, hō͘ lí hoaⁿ-hí?

(BCL) 我所疼者，你已經行歹，你佇我的厝欲啥事？下願、獻肉豈會除去你的罪惡互你歡喜？

16

(THR) Iâ-hô-hoa bat chheng lí ê miâ chòe chhiⁿ-chhùi ê kaⁿ-ná-chhiū, hó-khòaⁿ, ia̍h kiat hó ké-chí; taⁿ I ēng hōa-hōa-jióng ê siaⁿ, khí hé tī i ê téng-bīn, ki-ōaiⁿ ia̍h siū at-chı̍h.

(BCL) 耶和華曾稱你的名做青翠的橄欖樹，好看亦結好果子；今伊用嘩嘩嚷的聲，起火佇伊的頂面，枝椏亦受遏折。

17

(THR) Bān-kun ê Iâ-hô-hoa, chá chai-pôe lí--ê, taⁿ bēng-lēng chai-ē kong-kek lí; sī in-ūi Í-sek-lia̍t kap Iû-tāi ke kiâⁿ-pháiⁿ, ǹg Pa-le̍k sio-hiuⁿ, jiá Góa ê siū-khì; ka-kī chòe, ka-kī siū.

(BCL) 萬軍的耶和華早栽培你者，今命令災禍攻擊你，是因為以色列及猶大家行歹，向巴力燒香，惹我的受氣，家己做家己受。」

18

(THR) Iâ-hô-hoa chí-tiám góa, góa chiah chai; hit-sî Lí chiong in só͘ kiâⁿ--ê pò góa khòaⁿ.

(BCL) 耶和華指點我，我才知；彼時你將所行的報我看。

19

(THR) Chóng-sī góa chhin-chhiūⁿ sûn-liông ê iûⁿ-á, khan kàu siū thâi ê tōe; góa pēng m̄-chai in siat kè-bô͘ beh hāi góa, kóng, Lán chiong chhiū kap ké-chí lóng kā i bia̍t--khì, chiong i tùi o̍ah-lâng ê tōe chián-tû--khì; hō͘ i ê miâ bô koh hō͘ lâng kì-liām.

(BCL) 總是我親像純良的羊仔牽到受的地；我並呣知設計謀欲害我，講：咱將樹及果子攏給伊滅去！將伊對活人的地剪除去，互伊的名無閣互人紀念。

20

(THR) Bān-kun ê Iâ-hô-hoa ah, Lí sī chiàu kong-gī phòaⁿ-tòan, kàm-chhat lâng ê sim-pak sīn-tn̂g--ê; kiû Lí hō͘ góa khòaⁿ Lí tùi in pò-siû, in-ūi góa chiong góa ê àn-kiāⁿ pín-bêng tī Lí.

(BCL) 萬軍的耶和華啊，你是照公義判斷、鑑察人的心腹心腸者，求你互我看你對報讎，因為我將我的案件稟明佇你。

21

(THR) Só͘-í Iâ-hô-hoa lūn-kàu siàu-siūⁿ lí ê sìⁿ-miā ê A-ná-tu̍t lâng án-ni kóng, In kóng, Lí bo̍h-tit hōng Iâ-hô-hoa ê miâ lâi chhàm-gú; bián-tit lí sí tī góan ê chhiú-thâu.

(BCL) 所以，耶和華論到數想你的生命的亞拿突人按呢講：「講：你莫得奉耶和華的名來讖語，免得你死佇阮的手頭。

22

(THR) Só͘-í bān-kun ê Iâ-hô-hoa án-ni kóng, Khòaⁿ ah, Góa beh hêng-ho̍at in; siàu-liân lâng beh hō͘ to thâi-sí; in ê kiáⁿ cha-bó͘-kiáⁿ beh in-ūi ki-hng lâi sí; hō͘ in bô chhun chı̍t-ê;

(BCL) 所以萬軍的耶和華按呢講：看啊，我欲刑罰；少年人欲互刀死，的子、查某子欲因為飢荒來死，互無剩一個；

23

(THR) in-ūi pān-lí in ê nî, Góa beh kàng chai-ē tī A-ná-tu̍t lâng.

(BCL) 因為辦理的年，我欲降災禍佇亞拿突人。」

Bible Color Mark

• 台語漢字羅馬本
• 巴克禮全羅