以賽亞書 第 63 章

1

(THR) Chit-ê tùi Í-tong lâi, tùi Pho-sū-la̍h kàu, chhēng âng-saⁿ, i-chiûⁿ hâng-ngó͘, ū tōa khùi-la̍t tōa-pō͘ teh kiâⁿ ê, sī chī-chūi ah? chiū-sī Góa, sī chiàu kong-gī kóng-ōe, ū tōa khùi-la̍t ōe kiâⁿ chín-kiù--ê.

(BCL) 此個對以東來，對波斯拉到，穿紅衫，衣裳行伍，有大氣力大步行的是是誰啊？就是我，是照公義講話，有大氣力會行拯救者。

2

(THR) Lí ê i-chiûⁿ cháiⁿ-iūⁿ ū âng-sek, Lí ê i-ho̍k cháiⁿ-iūⁿ chhin-chhiūⁿ ta̍h chiú-khut--ê ah?

(BCL) 你的衣裳怎樣有紅色？你的衣服怎樣親像踏酒窟者啊？

3

(THR) Góa ka-kī chı̍t-ê ta̍h chiú-khut; chèng peh-sìⁿ ê tiong-kan bô chı̍t-lâng kap Góa tī-teh; Góa siū-khì ta̍h in, tōa siū-khì thún-ta̍h in; in ê huih chōaⁿ tī Góa ê saⁿ, koh bak lâ-sâm góa it-chhè ê i-chiûⁿ.

(BCL) 我家己一個踏酒窟；眾百姓的中間無一人及我佇。我受氣踏，大受氣　踏。的血濺佇我的衫，閣染垃墋我一切的衣裳。

4

(THR) In-ūi pò-siû ê jı̍t tī góa ê sim-lāi, Góa kiù-sio̍k Góa ê peh-sìⁿ ê nî í-keng kàu.

(BCL) 因為報讎的日佇我的心內；我救贖我的百姓的年已經到。

5

(THR) Góa khòaⁿ, iā bô pang-chān--ê, Góa gông-ngia̍h in-ūi bô ū hû-chhî--ê; só͘-í Góa ka-kī ê chhiú kā Góa kiâⁿ chín-kiù; Góa ê tōa siū-khì kā Góa hû-chhî.

(BCL) 我看，也無幫助者；我卬愕，因為無有扶持者。所以，我家己的手給我行拯救；我的大受氣給我扶持。

6

(THR) Góa siū-khì ta̍h lia̍t-pang, tōa siū-khì hō͘ in chùi-chùi; hō͘ in ê huih lâu tī tōe--nih.

(BCL) 我受氣，踏列邦；大受氣，互醉醉，互的血流佇地裡。

7

(THR) Góa beh chiàu Iâ-hô-hoa it-chhè só͘ siúⁿ-sù lán--ê, kóng-khí Iâ-hô-hoa ê chû-ài kap Iâ-hô-hoa ê miâ-siaⁿ, kap I ǹg Í-sek-lia̍t ke só͘ si ê tōa-un, chiū-sī chiàu I ê lîn-bín kap hong-sēng ê chû-ài siúⁿ-sù in--ê.

(BCL) 我欲照耶和華一切所賞賜咱的，講起耶和華的慈愛及耶和華的名聲，及伊向以色列家所施的大恩；就是照伊的憐憫及豐盛的慈愛賞賜的。

8

(THR) In-ūi I kóng, In chin-chiàⁿ sī Góa ê peh-sìⁿ, bô kiâⁿ hu-ké ê kiáⁿ-jî; án-ni I chiū chòe in ê Kiù-chú.

(BCL) 因為伊講：真正是我的百姓，無行虛假的子兒；按呢，伊就做的救主。

9

(THR) Tī in it-chhè ê khó͘-lān-tiong I iā tâng siū khó͘-lān, koh I bīn-chêng ê sù-chiá chín-kiù in; I ēng chû-ài kap lîn-bín kiù-sio̍k in; tī kó͘-chá ê jı̍t siông-siông phō in, kûi in.

(BCL) 佇一切的苦難中，伊也同受苦難；閣伊面前的使者拯救；伊用慈愛及憐憫救贖；佇古早的日常常抱，懷。

10

(THR) Chóng-sī in pōe-ge̍k, hō͘ I ê Sèng-sîn iu-būn; I chiū hóan-tńg chòe in ê tùi-te̍k, pún-sin lâi kong-kek in.

(BCL) 總是悖逆，互伊的聖神憂悶。伊就反轉做的對敵，本身來攻擊。

11

(THR) Peh-sìⁿ chiū kì-tit kó͘-chá Mô͘-se ê jı̍t, kóng, Chhōa in kap I chôan-kûn ê bo̍k-chiá tùi hái--nih chhut--lâi ê, tī toh-lo̍h ah? chiong I sèng ê Sîn hē tī in tiong-kan--ê, tī toh-lo̍h ah?

(BCL) 百姓就記得古早摩西的日，講：導及伊全群的牧者對海裡出來的，佇叨落啊？將伊聖的神下佇中間者佇叨落啊？

12

(THR) hō͘ I êng-kng ê chhiú tī Mô͘-se ê chiàⁿ-chhiú kiâⁿ-tāng? tī in ê bīn-chêng chiong chúi pun-khui, beh ūi-tio̍h ka-kī lı̍p éng-óan ê miâ?

(BCL) 互伊榮光的手佇摩西的正手行動，佇的面前將水分開，欲為著家己立永遠的名，

13

(THR) chhōa in keng-kè hái-tiong chhin-chhiūⁿ bé kiâⁿ tī khòng-iá, hō͘ in bô tio̍h-tak--ê, tī toh-lo̍h ah?

(BCL) 導經過海中，親像馬行佇曠野，互無著觸者，佇叨落啊？

14

(THR) Iâ-hô-hoa ê Sîn hō͘ in tit-tio̍h an-hioh, chhin-chhiūⁿ cheng-siⁿ lo̍h-kàu soaⁿ-kha; án-ni Lí ia̍h chhōa Lí ê peh-sìⁿ, ūi-tio̍h ka-kī kiàn-lı̍p êng-kng ê miâ.

(BCL) 耶和華的神互得著安息，親像精牲落到山腳；按呢，你亦導你的百姓，為著家己建立榮光的名。

15

(THR) Kiû Lí tùi thiⁿ àⁿ-lo̍h khòaⁿ, tùi Lí sèng-kiat êng-kng ê só͘-chāi khòaⁿ; Lí ê jia̍t-sim kap Lí tōa kôan-lêng ê só͘-chòe tī toh-lo̍h ah? Lí thiàⁿ-thàng ê sim-tn̂g kap lîn-bín, tùi góa thêng-chí.

(BCL) 求你對天俯落看，對你聖潔榮光的所在看。你的熱心及你大權能的所做佇叨落啊？你疼痛的心腸及憐憫對我停止。

16

(THR) A-pek-la̍h-hán sui-jiân m̄-bat góan, Í-sek-lia̍t m̄-jīn góan, chóng-sī Lí sī góan ê pē; Iâ-hô-hoa ah, Lí sī góan ê pē, tùi bān-kó͘ í-lâi, Lí ê miâ chheng-chòe kiù-sio̍k góan ê Chú.

(BCL) 亞伯拉罕雖然呣識阮，以色列呣認阮，總是你是阮的父。耶和華啊，你是阮的父；對萬古以來，你的名稱做「救贖阮的主」。

17

(THR) Iâ-hô-hoa ah, Lí siáⁿ-sū hō͘ góan kiâⁿ chhò, lī-khui Lí ê lō͘, hō͘ góan ê sim ngī, bô kèng-ùi Lí ah? Kiû Lí ūi-tio̍h Lí ê lô͘-po̍k, ūi Lí ê sán-gia̍p chi-chài ê iân-kò͘, tò-tńg--lâi.

(BCL) 耶和華啊，你啥事互阮行錯離開你的路，互阮的心硬，無敬畏你啊？求你為著你的奴僕，為你的產業支派的緣故，倒轉來。

18

(THR) Lí sèng ê peh-sìⁿ put-kò chiām-sî tit-tio̍h chit ê sán-gia̍p; góan ê tùi-te̍k í-keng thún-ta̍h Lí ê sèng-só͘.

(BCL) 你聖的百姓不過暫時得著此個產業；阮的對敵已經　踏你的聖所。

19

(THR) Góan chhin-chhiūⁿ tùi kó͘-chá bē-bat hō͘ Lí tī-lí ê lâng chhin-chhiūⁿ bē-bat ēng Lí ê miâ lâi chheng-ho͘--ê.

(BCL) 阮親像對古早未曾互你治理的人，親像未曾用你的名來稱呼者。

Bible Color Mark

• 台語漢字羅馬本
• 巴克禮全羅