以賽亞書 第 27 章

1

(THR) Kàu hit-jı̍t Iâ-hô-hoa beh ēng I kong-ngī ū-la̍t ê tōa ki to hêng-ho̍at go̍k-hî, chiū-sī hit-hō gâu-cháu ê chôa, hêng-ho̍at go̍k-hî chiū-sī hit-hō oan-oan oat-oat ê chôa; ia̍h beh thâi-sí hái-tiong ê lêng.

(BCL) 到彼日，耶和華欲用伊剛硬有力的大支刀刑罰鱷魚──就是彼號走的蛇，刑罰鱷魚──就是彼號彎彎越越的蛇，亦欲死海中的龍。

2

(THR) Tng hit-jı̍t ū chhut hó-chiú ê phû-tô-hn̂g, lín tio̍h kí chit ê hn̂g chhiùⁿ-koa,

(BCL) 當彼日，有出好酒的葡萄園，恁著指此個園唱歌講：

3

(THR) kóng, Góa Iâ-hô-hoa sī kò͘-siú phû-tô-hn̂g--ê; Góa sî-khek kòan-ak i, mî-jı̍t kò͘-siú i, bián-tit lâng sún-hāi i.

(BCL) 我──耶和華是顧守葡萄園者；我時刻灌沃伊，暝日顧守伊，免得人損害伊。

4

(THR) Góa bô chûn siū-khì; gōan ū chhì-phè chı̍t-lê kap Góa kau-chiàn, Góa chiū hó-táⁿ chìn-chêng khì chhē i, kā i chòe chı̍t-ē sio--khì.

(BCL) 我無存受氣。願有莿帕蒺藜及我交戰，我就好膽進前去尋伊，給伊做一下燒去。

5

(THR) Nā-bô án-ni, hō͘ i khîⁿ-tio̍h Góa ê lêng-le̍k, lâi kap Góa hô-hó; gōan i kap Góa hô-hó.

(BCL) 若無按呢，互伊擒著我的能力，來及我和好，願伊及我和好。

6

(THR) Chiong-lâi Ngá-kok beh tèng i ê kun, Í-sek-lia̍t beh hoat-gê khui-hoe; in ê ké-chí beh chhiong-móa sè-kài.

(BCL) 將來雅各欲釘伊的根，以色列欲發芽開花；的果子欲充滿世界。

7

(THR) Chú phah i, kiám chhin-chhiūⁿ phah hiah-ê bat phah-i ê lâng mah? i siū-thâi, kiám chhin-chhiūⁿ hiah-ê thâi-i--ê ê siū-thâi mah?

(BCL) 主拍伊，豈親像拍許個曾拍伊的人嗎？伊受，豈親像許個伊者的受嗎？

8

(THR) Lí chhe in khì, sī chiàu só͘ ha̍p-gî kap in saⁿ-chiⁿ; khí tang-hong ê jı̍t, chiū ēng tōa-hong kā in kóaⁿ--khì.

(BCL) 你差去，是照所合宜及相爭；起東風的日，就用大風給趕去。

9

(THR) Só͘-í Ngá-kok ê chōe-ok beh án-ni tit-tio̍h sóe-tû, i ê chōe-kòa tit-tio̍h tû--khì ê hāu-kó, chāi-tī chit-ê; hit-sî i hō͘ chè-tôaⁿ ê chio̍h-thâu pìⁿ-chòe phah-chhùi ê he-chio̍h; tì-kàu chhâ-thiāu kap jı̍t-siōng bô koh khiā--teh.

(BCL) 所以，雅各的罪惡欲按呢得著洗除，伊的罪過得著除去的效果，在佇此個；彼時伊互祭壇的石頭變做拍碎的灰石，致到柴柱及日像無閣　。

10

(THR) In-ūi kian-kò͘ ê siâⁿ pìⁿ-chòe chhiⁿ-chhìn; lō͘-ke sòaⁿ-the̍h chhin-chhiūⁿ khòng-iá; gû-á beh chia̍h-chháu tī-hia, tó tī-hia, ia̍h beh chia̍h-ôan i ê chhiū-ki.

(BCL) 因為堅固的城變做淒凊，陋家散宅，親像曠野；牛仔欲食草佇遐，倒佇遐，亦欲食完伊的樹枝。

11

(THR) I ê ki ko͘-tâ siū at-chı̍h, hū-jîn-lâng beh lâi kā i sio-lio--khì; in-ūi chiah ê peh-sìⁿ gōng-gōng; só͘-í chō-hòa in--ê, bô beh lîn-bín in, chō-chiâⁿ in--ê, bô beh si-un hō͘ in.

(BCL) 伊的枝枯焦，受遏折；婦仁人欲來給伊燒燎去。因為諸個百姓戇戇，所以，造化者無欲憐憫；造成者無欲施恩互。

12

(THR) Kàu hit-jı̍t Iâ-hô-hoa beh khà i ê ké-chí, tùi Tōa-hô kàu Ai-kı̍p ê khoe; lín Í-sek-lia̍t lâng chı̍t-ê chı̍t-ê hō͘ I siu-khioh.

(BCL) 到彼日，耶和華欲叩伊的果子，對大河到埃及的溪，恁以色列人一個一個互伊收拾。

13

(THR) Tng hit-jı̍t beh pûn tōa ê hō-thâu; kìⁿ-nā phiau-liû tī A-su̍t tōe, kap siū-kóaⁿ tī Ai-kı̍p tōe-ê, lóng beh lâi tī sèng-soaⁿ, tī Iâ-lō͘-sat-léng, kèng-pài Iâ-hô-hoa.

(BCL) 當彼日，欲歕大的號頭，見若漂流佇亞述地，及受趕佇埃及地的，攏欲來，佇聖山佇耶路撒冷敬拜耶和華。

Bible Color Mark

• 台語漢字羅馬本
• 巴克禮全羅