以賽亞書 第 26 章

1

(THR) Tng hit-jı̍t tī Iû-tāi tōe, lâng tek-khak chhiùⁿ chit ê koa, kóng, Góan ū kian-kò͘ ê siâⁿ; I beh ēng kiù-un lı̍p chòe siâⁿ-chhiûⁿ, chòe gōa-têng-siâⁿ.

(BCL) 當彼日，佇猶大地，人的確唱此個歌講：阮有堅固的城。伊欲用救恩立做城牆，做外重城。

2

(THR) Tio̍h khui chiah ê mn̂g, hō͘ siú sìn-sı̍t gī ê peh-sìⁿ tit-tio̍h chìn-jı̍p.

(BCL) 著開諸個門，互守信實、義的百姓得著進入。

3

(THR) Kian-sim óa-khò Lí ê, Lí beh pó-siú i cha̍p-hun pêng-an, in-ūi i óa-khò Lí.

(BCL) 堅心倚靠你的，你欲保守伊十分平安，因為伊倚靠你。

4

(THR) Lín tio̍h óa-khò Iâ-hô-hoa tı̍t-kàu éng-óan; in-ūi Chú Iâ-hô-hoa sī éng-óan ê chio̍h-pôaⁿ.

(BCL) 恁著倚靠耶和華直到永遠，因為主耶和華是永遠的石磐。

5

(THR) I hō͘ tiàm tī kôaiⁿ ê só͘-chāi--ê kap kôaiⁿ ê siâⁿ chòe chı̍t-ē pāi--lo̍h-khì; I beh chhia-tó i tī tōe--nih, lo̍h kàu tîn-ai.

(BCL) 伊互踮佇高的所在者及高的城做一下敗落去，伊欲捙倒伊佇地裡，落到塵埃，

6

(THR) Kha beh thún-ta̍h i, chiū-sī sòng-hiong lâng ê kha, khùn-khó͘ ê lâng ê kha-pō͘.

(BCL) 腳欲　踏伊，就是喪鄉人的腳，困苦的人的腳步。

7

(THR) Gī-lâng lō͘ sī chèng-tı̍t; Lí chèng-tı̍t--ê ah, siu-pîⁿ gī-lâng ê lō͘.

(BCL) 義人路是正直；你正直的啊，修平義人的路。

8

(THR) Iâ-hô-hoa ah, góan tī Lí sím-phòaⁿ ê lō͘ thèng-hāu Lí; góan ê sim só͘ him-bō͘--ê, sī Lí ê miâ kap kì-liām Lí.

(BCL) 耶和華啊，阮佇你審判的路聽候你；阮的心所欣慕者，是你的名及記念你。

9

(THR) Góa ēng góa ê sim mî-kan him-bō͘ Lí; ia̍h ēng góa ê sîn thiⁿ-kng-chá chhē Lí; in-ūi Lí sím-phòaⁿ sè-chiūⁿ ê sî, chiū tōe-chiūⁿ ê peh-sìⁿ beh ha̍k-sı̍p gī.

(BCL) 我用我的心，暝間欣慕你；亦用我的神，天光早尋你。因為你審判世上的時，就地上的百姓欲學習義。

10

(THR) Ēng un-hūi khóan-thāi pháiⁿ-lâng, i iû-gôan m̄ ha̍k-sı̍p gī; tī chèng-tı̍t ê tōe-hng, i beh kiâⁿ put-gī, ia̍h bô chù-ì Iâ-hô-hoa ê ui-giâm.

(BCL) 用恩惠款待歹人，伊猶原呣學習義；佇正直的地方，伊欲行不義，亦無注意耶和華的威嚴。

11

(THR) Iâ-hô-hoa ah, Lí ê chhiú kia̍h-kôaiⁿ, in iû-gôan m̄-khòaⁿ; in beh khòaⁿ-kìⁿ Lí ūi-tio̍h peh-sìⁿ ê jia̍t-sim lâi kiàn-siàu; koh ū hé sio-bia̍t Lí ê tùi-te̍k.

(BCL) 耶和華啊，你的手抬高，猶原呣看；欲看見你為著百姓的熱心，來見誚，閣有火燒滅你的對敵。

12

(THR) Iâ-hô-hoa ah, Lí beh chù-tiāⁿ góan tit-tio̍h pêng-an, in-ūi góan só͘ chòe it-chhè ê sū, lóng sī Lí kā góan chiâⁿ-ê.

(BCL) 耶和華啊，你欲注定阮得著平安，因為阮所做一切的事攏是你給阮成的。

13

(THR) Iâ-hô-hoa góan ê Siōng-tè ah, Lí í-gōa bat ū pa̍t ê chú kóan-hat góan; chóng-sī góan beh choan-choan óa-khò Lí, kì-liām Lí ê miâ.

(BCL) 耶和華──阮的上帝啊，你以外曾有別個主管轄阮，總是阮欲專專倚靠你，記念你的名。

14

(THR) In sí-liáu tek-khak bōe-ōe koh-o̍ah; in ê im-hûn bōe koh khí-lâi; in-ūi Lí lîm-kàu in, châu-bia̍t in, hō͘ in ê miâ lóng bô--khì.

(BCL) 死了，的確會復活；的陰魂，閣起來；因為你臨到，剿滅，互的名攏無去。

15

(THR) Iâ-hô-hoa ah, Lí ke-thiⁿ kok-bîn, Lí ke-thiⁿ kok-bîn; Lí tit-tio̍h êng-kng; koh khui-khoah chit ê tōe sì-bīn ê kéng-kài.

(BCL) 耶和華啊，你加添國民，你加添國民；你得著榮光，閣開闊此個地四面的境界。

16

(THR) Iâ-hô-hoa ah, in tī hōan-lān-tiong chhē Lí; Lí ê kéng-kài kàu in sin-chiūⁿ, in chiū piàⁿ-sim kî-tó Lí.

(BCL) 耶和華啊，佇患難中尋你；你的警戒到身上，就傾心祈禱你。

17

(THR) Chhin-chhiūⁿ hū-jîn-lâng hôai-īn, beh siⁿ ê sî, chiū kiau-ká, tī thòng-khó͘ ê sî âu-kiò; Iâ-hô-hoa ah, góan tī Lí ê bīn-chêng ia̍h sī án-ni.

(BCL) 親像婦仁人懷孕，欲生的時，就攪絞佇痛苦的時喉叫；耶和華啊，阮佇你的面前亦是按呢。

18

(THR) Góan ia̍h bat hôai-īn bat kiau-ká, só͘-siⁿ--ê kéng-jiân chhin-chhiūⁿ hong; góan tī tōe--nih bē-bat kiâⁿ sím-mı̍h chín-kiù ê sū; sè-chiūⁿ khiā-khí ê peh-sìⁿ ia̍h bô po̍ah-lo̍h.

(BCL) 阮亦曾懷孕曾攪絞，所生者竟然親像風。阮佇地裡未曾行甚麼拯救的事；世上徛起的百姓亦無跋落。

19

(THR) Lí ê sí-lâng beh koh-o̍ah; góa chiah ê sin-si beh koh khí--lâi; tó tī tîn-ai--ê ah, lín tio̍h cheng-sîn khí-lâi chhiùⁿ-koa; in-ūi Lí ê lō͘-chúi chhin-chhiūⁿ chháu-chhài-téng ê lō͘-chúi, tōe ia̍h beh kau-chhut im-hûn.

(BCL) 你的死人欲復活，我諸個身屍欲閣起來。倒佇塵埃者啊，恁著精神起來唱歌！因為你的露水親像草菜頂的露水，地亦欲交出陰魂。

20

(THR) Góa ê peh-sìⁿ ah, lín tio̍h jı̍p ba̍t-pâng koaiⁿ lí ê mn̂g, bih tiap-á-kú, thèng-hāu siū-khì kè-khì.

(BCL) 我的百姓啊，恁著入密房，關你的門，匿霎仔久，聽候受氣過去。

21

(THR) In-ūi Iâ-hô-hoa tùi I ê só͘-chāi chhut-lâi, beh hêng-ho̍at tōe-chiūⁿ khiā-khí ê peh-sìⁿ ê chōe-ok; tōe ia̍h beh lō͘-chhut i só͘ ū ê huih, bô koh jia-khàm siū-thâi ê lâng.

(BCL) 因為耶和華對伊的所在出來，欲刑罰地上徛起的百姓的罪惡。地亦欲露出伊所有的血，無閣遮蓋受的人。

Bible Color Mark

• 台語漢字羅馬本
• 巴克禮全羅