以賽亞書 第 25 章

1

(THR) Iâ-hô-hoa ah, Lí sī góa ê Siōng-tè, góa beh chun lí chòe-kôaiⁿ, góa beh o-ló lí ê miâ; in-ūi Lí ēng tiong-sìn sêng-sı̍t kiâⁿ kî-biāu ê sū, chiū-sī Lí tùi kó͘-chá só͘ gí-tiāⁿ--ê.

(BCL) 耶和華啊，你是我的上帝；我欲尊你做高，我欲謳咾你的名。因為你用忠信誠實行奇妙的事，就是你對古早所擬定的。

2

(THR) In-ūi Lí hō͘ siâⁿ pìⁿ-chòe thô͘-tui, hō͘ kian-kò͘ ê siâⁿ pìⁿ-chòe hāu-phiaⁿ-phè, hō͘ gōa-pang lâng ê keng-tiān bô koh chòe-siâⁿ, éng-óan bô koh khí-chō.

(BCL) 因為你互城變做土堆，互堅固的城變做瓦片坯，互外邦人的宮殿無閣做城，永遠無閣起造。

3

(THR) Só͘-í ióng-béng ê peh-sìⁿ beh êng-kng Lí, kiông-pō ê kok ê siâⁿ beh kiaⁿ-ùi Lí.

(BCL) 所以，勇猛的百姓欲榮光你；強暴的國的城欲驚畏你。

4

(THR) In-ūi tng kiông-pō ê lâng chhui-pek lâng ê sî, chhin-chhiūⁿ tōa-hong tı̍t-tı̍t chhe chhiûⁿ-piah, Lí chiū chòe sòng-hiong lâng ê ōe-só͘, chòe khùn-khó͘ lâng kip-lān-tiong ê ōe-só͘, chòe siám-pī tōa-hong ê só͘-chāi, chòe siám-pī iām-jia̍t ê ìm-ńg.

(BCL) 因為當強暴的人催迫人的時，親像大風直直吹牆壁，你就做喪鄉人的衛所，做困苦人急難中的衛所，做閃避大風的所在，做閃避炎熱的蔭影。

5

(THR) Lí beh chó͘-chí gōa-pang lâng ê soan-hoa, chhin-chhiūⁿ ta-tōe ê jia̍t-khì hê--lo̍h-khì; kìm-chí kiông-pō ê lâng chhiùⁿ thâi-iâⁿ ê koa, chhin-chhiūⁿ jia̍t-khì siū hûn ê iáⁿ siau-bô.

(BCL) 你欲阻止外邦人的喧嘩，親像乾地的熱氣回落去；禁止強暴的人唱贏的歌，親像熱氣受雲的影消無。

6

(THR) Tī chit ê soaⁿ bān-kun ê Iâ-hô-hoa beh ūi-tio̍h bān peh-sìⁿ ēng hó-mı̍h pâi-siat iân-toh, ēng kū-chiú kap kut-chhé móa-móa ê hó-mı̍h, í-kı̍p chē-chheng ê kū-chiú, pâi-siat iân-toh.

(BCL) 佇此個山，萬軍的耶和華欲為著萬百姓用好物排設筵桌，用舊酒及骨髓滿滿的好物，以及坐清的舊酒，排設筵桌。

7

(THR) Koh tī chit ê soaⁿ I beh tû--khì tà bān peh-sìⁿ ê phè, kap jia-khàm bān-kok ê pò͘-phâng.

(BCL) 閣佇此個山伊欲除去罩萬百姓的帕及遮蓋萬國的布篷。

8

(THR) I ū thun-bia̍t sí-bô kàu éng-óan; Chú Iâ-hô-hoa beh chhit-khì chèng-lâng bīn--nih ê ba̍k-sái; koh tùi phó͘-thiⁿ-ē tû--khì I ê peh-sìⁿ ê kiàn-siàu; in-ūi che sī Iâ-hô-hoa kóng ê.

(BCL) 伊有吞滅死無到永遠。主耶和華欲拭去眾人面裡的目屎，閣對普天下除去伊的百姓的見誚，因為這是耶和華講的。

9

(THR) Kàu hit-jı̍t lâng beh kóng, Khòaⁿ ah, che sī góan ê Siōng-tè, góan pêng-sò͘ thèng-hāu I. I beh chín-kiù góan; che sī Iâ-hô-hoa; góan pêng-sò͘ thèng-hāu I, góan beh in-ūi I ê kiù-un lâi hoaⁿ-hí khòai-lo̍k.

(BCL) 到彼日，人欲講：「看啊，這是阮的上帝；阮平素聽候伊，伊欲拯救阮。這是耶和華，阮平素聽候伊，阮欲因為伊的救恩來歡喜快樂。」

10

(THR) Iâ-hô-hoa ê chhiú beh hōaⁿ tī chit ê soaⁿ, Mô͘-ap lâng tī só͘ khiā-khí ê tōe beh siū thún-ta̍h, chhin-chhiūⁿ ta-chháu siū thún-ta̍h tī pùn-sò-tî ê chúi-lāi.

(BCL) 耶和華的手欲按佇此個山；摩押人佇所徛起的地欲受　踏，親像乾草受　踏佇糞埽池的水內。

11

(THR) I beh tī hit tiong-kan thí-khui chhiú, chhin-chhiūⁿ siû-chúi--ê thí-khui chhiú teh siû; chóng-sī I beh hō͘ i ê kiau-ngō͘ kap i ê chhiú só͘ kiâⁿ ê khúi-kè, chòe chı̍t-ē pāi--lo̍h-khì.

(BCL) 伊欲佇彼中間展開手，親像泅水者展開手泅；總是伊欲互伊的驕傲及伊的手所行的詭計做一下敗落去。

12

(THR) Lí siâⁿ-chhiûⁿ kian-kò͘ ê kôaiⁿ-tâi, I beh chhia-tó i, húi-bia̍t i, thiah kàu pîⁿ-tōe, kē kàu tîn-ai.

(BCL) 你城牆堅固的高台，伊欲捙倒伊毀滅伊，拆到平地，低到塵埃。

Bible Color Mark

• 台語漢字羅馬本
• 巴克禮全羅