以賽亞書 第 18 章

1

(THR) Hā ah, Kó͘-sı̍t chiah ê hô-gōa, i ê sı̍t phia̍t-phia̍t háu ê tōe.

(BCL) 哈啊！古實諸個河外，伊的翅撇撇哮的地，

2

(THR) I chhe sù-chiá kè-hái, chē lô͘-úi ê chûn tī chúi-bīn, kóng, Lín chiah ê kín-khòai ê sù-chiá, tio̍h kàu kôaiⁿ-tōa kng-ku̍t ê peh-sìⁿ hia, tùi khai-kok í-lâi, hiah ê peh-sìⁿ ke̍k-kî thang kiaⁿ, sī pun tōe-kài thún-ta̍h lâng ê, in ê tōe ū kang-hô pun-khui.

(BCL) 伊差使者過海，坐蘆葦的船佇水面。講：恁諸個緊快的使者，著到高大光滑的百姓遐。對開國以來，許個百姓極其通驚，是分地界睭踏人的；的地有江河分開。

3

(THR) Sè-chiūⁿ it-chhè khiā-khí ê peh-sìⁿ, kap tiàm tī tōe-chiūⁿ ê lâng ah, soaⁿ-téng khiā tōa-kî ê sî lín tio̍h khòaⁿ, pûn sàu-kak ê sî lín tio̍h thiaⁿ.

(BCL) 世上一切徛起的百姓及踮佇地上的人啊，山頂　大旗的時恁著看；歕哨角的時恁著聽。

4

(THR) In-ūi Iâ-hô-hoa tùi góa án-ni kóng, Tng jı̍t-sî ū thiⁿ-khì ê iām-jia̍t, siu-koah ê jo̍ah-thiⁿ ū lō͘-chúi ê hûn-bū ê sî, Góa tī Góa khiā-khí ê só͘-chāi beh chēng-chēng chē teh-khòaⁿ.

(BCL) 因為耶和華對我按呢講：當日時有天氣的炎熱，收割的熱天有露水的雲霧的時，我佇我徛起的所在，欲靜靜坐看。

5

(THR) Siu-koah ê tāi-seng, hoe í-keng khui siā, hoe ia̍h kiat-chiâⁿ beh se̍k ê phû-tô, i beh ēng liâm-á koah-khì nńg ê ki, koh beh chián-tû ām-ām ê tîn.

(BCL) 收割的代先，花已經開謝，花亦結成欲熟的葡萄；伊欲用鐮仔割去軟的枝，閣欲剪除艷艷的藤，

6

(THR) Lóng beh hiat hō͘ soaⁿ-kan ê eng-chiáu, kap tōe-chiūⁿ ê iá-siù; hē-thiⁿ ê eng-chiáu beh hioh tī-hia, tang-thiⁿ ê iá-siù lóng beh tó tī-hia.

(BCL) 攏欲互山間的鷹鳥及地上的野獸。夏天的鷹鳥欲歇佇遐；冬天的野獸攏欲倒佇遐。

7

(THR) Kàu hit-sî chit ê kôaiⁿ-tōa kng-ku̍t ê peh-sìⁿ, chiū-sī tùi khai-kok í-lâi ke̍k-kî thang kiaⁿ, pun tōe-kài thún-ta̍h lâng ê, in ê tōe ū kang-hô pun-khui, in beh chiong lé-mı̍h hiàn hō͘ bān-kun ê Iâ-hô-hoa, chiū-sī hiàn-kàu Sek-an soaⁿ, Iâ-hô-hoa an-tì I ê miâ ê só͘-chāi.

(BCL) 到彼時，此個高大光滑的百姓，就是對開國以來極其通驚、分地界　踏人的，的地有江河分開；欲將禮物獻互萬軍的耶和華，就是獻到錫安山──耶和華安置伊的名的所在。

Bible Color Mark

• 台語漢字羅馬本
• 巴克禮全羅