以賽亞書 第 1 章

1

(THR) Tng Ou-se-a, Iok-thán, A-hap-su, Hi-se-ka, chòe Iû-tāi ông ê sî, A-mô͘-su ê kiáⁿ, Í-sài-a só͘ tit-tio̍h lūn Iû-tāi kap Iâ-lō͘-sat-léng ê be̍k-sī.

(BCL) 當烏西亞、約坦、亞哈斯、希西家做猶大王的時，亞摩斯的子以賽亞，所得著論猶大及耶路撒冷的默示。

2

(THR) Thiⁿ ah, tio̍h thiaⁿ, tōe ah, tio̍h àⁿ hī-khang, in-ūi Iâ-hô-hoa ū kóng, Góa bat iúⁿ-chhī kiáⁿ-jî, pôe-ióng in tōa-hàn, in kéng-jiân pōe-ge̍k Góa.

(BCL) 天啊，著聽！地啊，著俯耳孔！因為耶和華有講：我曾養飼子兒，培養大漢，竟然悖逆我。

3

(THR) Gû bat i ê chú-lâng, lû bat i ê chú-lâng ê chô; chóng-sī Í-sek-lia̍t m̄-bat, Góa ê peh-sìⁿ bōe hiáu siūⁿ.

(BCL) 牛識伊的主人，驢識伊的主人的槽，總是以色列呣識；我的百姓曉想。

4

(THR) Hāi ah, hōan-chōe ê kok, pē-chōe ê peh-sìⁿ, kiâⁿ-pháiⁿ ê chéng-lūi, pāi-hōai ê kiáⁿ-jî; in lī-khui Iâ-hô-hoa, khòaⁿ-khin Í-sek-lia̍t ê Sèng--ê, kap I chhiⁿ-so͘, o̍at-tò-tńg khì.

(BCL) 嗐啊！犯罪的國，背罪的百姓；行歹的種類，敗壞的子兒！離開耶和華，看輕以色列的聖者，及伊生疏，越倒轉去。

5

(THR) Lín ta̍uh-ta̍uh pōe-ge̍k, sī ài koh siū phah mah? Móa thâu-khak í-keng thàng-thiàⁿ, móa-sim soe-jio̍k.

(BCL) 恁沓沓悖逆，是愛閣受拍嗎？滿頭殼已經痛疼，滿心衰弱。

6

(THR) Tùi kha-chioh-tóe kàu thâu-khak-téng, bô chı̍t-tè hó-bah; lóng sī siong-chhùi, o͘-chhiⁿ-chéng, kap sin-phah ê siong; lóng bē ū siu-chhùi, bē ū pau-ba̍t, iā bô ēng iû lūn-te̍k.

(BCL) 對腳跡底到頭殼頂，無一塊好肉，攏是傷嘴、黑青腫，及新拍的傷，攏未有收嘴，未有包密，也無用油潤澤。

7

(THR) Lín ê tōe í-keng pha-hng; lín ê siâⁿ siū hé sio-húi; lín ê chhân-hn̂g tī lín ê bīn-chêng hō͘ gōa-pang lâng só͘ chhim-thun; í-keng pha-hng, chhin-chhiūⁿ hō͘ gōa-pang lâng só͘ pāi-hōai-ê.

(BCL) 恁的地已經拋荒；恁的城受火燒毀。恁的田園佇恁的面前互外邦人所深吞，已經拋荒親像互外邦人所敗壞的。

8

(THR) Chí-ū lâu Sek-an siâⁿ, chhin-chhiūⁿ phû-tô-hn̂g ê chháu-liâu, koe-á-chhân ê chháu-chhù, siū ûi-khùn ê siâⁿ.

(BCL) 只有留錫安城，親像葡萄園的草寮，瓜仔田的草厝，受圍困的城。

9

(THR) Nā m̄-sī bān-kun ê Iâ-hô-hoa kā lán lâu tām-po̍h chhun ê peh-sìⁿ, lán chiū í-keng chhin-chhiūⁿ Só͘-to-má, chhin-chhiūⁿ Gô-mô͘-la̍h chı̍t-iūⁿ.

(BCL) 若呣是萬軍的耶和華給咱留淡薄剩的百姓，咱就已經親像所多瑪、親像蛾摩拉一樣。

10

(THR) Lín Só͘-to-má ê koaⁿ-tiúⁿ ah, tio̍h thiaⁿ Iâ-hô-hoa ê ōe; lín Gô-mô͘-la̍h ê peh-sìⁿ ah, tio̍h àⁿ hī-khang thiaⁿ lán ê Siōng-tè ê kà-sī.

(BCL) 恁所多瑪的官長啊，著聽耶和華的話！恁蛾摩拉的百姓啊，著俯耳孔聽咱的上帝的教示！

11

(THR) Iâ-hô-hoa kóng, Lín hiàn hiah-chōe chè-mı̍h hō͘ Góa ū sím-mı̍h lī-ek? kang mî-iûⁿ ê sio-chè kap pûi ê cheng-siⁿ ê iû, Góa í-keng pá-ià lah; gû-káng ê huih, iûⁿ-á ê huih, soaⁿ-iûⁿ-káng ê huih, Góa lóng bô hoaⁿ-hí.

(BCL) 耶和華講：恁獻許多祭物互我，有甚麼利益？公綿羊的燒祭及肥的精牲的油，我已經飽厭啦；牛的血，羊仔的血，山羊的血，我攏無歡喜。

12

(THR) Lín lâi tiâu-kìⁿ Góa, chī-chūi tùi lín thó chit-ê, lâi thún-ta̍h Góa ê īⁿ ah?

(BCL) 恁來朝見我，是誰對恁討此個，來　踏我的院啊？

13

(THR) Bo̍h-tit koh hiàn khang-khang ê lé-mı̍h; hiuⁿ-liāu sī Góa só͘ iàm-ò͘ⁿ--ê; ge̍h ê chhoe-it, an-hioh-jı̍t, tiàu-chı̍p ê chū-hōe, sī kiâⁿ-pháiⁿ; siú giâm-siok-hōe Góa lún-bōe-tiâu.

(BCL) 莫得閣獻空空的禮物。香料是我所厭惡的；月的初一、安息日，召集的聚會，是行歹，守嚴肅會，我住。

14

(THR) Lín ta̍k-ge̍h ê chhoe-it kap choeh-kî, Góa ê sim òan-hūn, khòaⁿ i chòe tāng-tàⁿ, hō͘ Góa taⁿ-bōe-khí.

(BCL) 恁逐月的初一及節期，我的心怨恨，看伊做重擔；互我擔起。

15

(THR) Lín kia̍h-khí chhiú, Góa beh ng ba̍k-chiu m̄-khòaⁿ lín; lín chōe-chōe kî-tó, Góa iā m̄-thiaⁿ; lín ê chhiú móa-móa thâi lâng ê huih.

(BCL) 恁抬起手，我欲掩目睭呣看恁；恁多多祈禱，我也呣聽。恁的手滿滿人的血。

16

(THR) Lín tio̍h sóe lâi ka-kī chheng-khì; tùi Góa ê ba̍k-chiu-chêng tû--khì lín só͘ kiâⁿ ê pháiⁿ; soah lín ê chòe-pháiⁿ;

(BCL) 恁著洗、來家己清氣，對我的目睭前除去恁所行的歹，息恁的做歹，

17

(THR) ha̍k-sı̍p kiâⁿ-hó, chhē kong-pêng, chín-kiù siū ap-chè-ê, kā bô-pē ê kiáⁿ sin-oan, ūi chiú-kóaⁿ-lâng piān-hō͘.

(BCL) 學習行好，尋公平，拯救受壓制的；給無父的子伸冤，為守寡人辯護。

18

(THR) Iâ-hô-hoa kóng, Lín lâi, lán saⁿ-kap piān-lūn; lín ê chōe sui-jiân chhin-chhiūⁿ chu-âng, beh piàn-pe̍h chhin-chhiūⁿ seh; sui-jiân âng chhin-chhiūⁿ ian-chi, beh pe̍h chhin-chhiūⁿ iûⁿ-mn̂g.

(BCL) 耶和華講：恁來，咱相及辯論。恁的罪雖然親像朱紅，欲變白親像雪；雖然紅親像胭脂，欲白親像羊毛。

19

(THR) Lín nā kam-sim thiaⁿ-thàn, beh tit-tio̍h chia̍h tōe-chiūⁿ ê hó-mı̍h.

(BCL) 恁若甘心聽趁，欲得著食地上的好物，

20

(THR) Nā m̄ thiaⁿ-thàn, hóan-tńg pōe-ge̍k, beh siū to-kiàm thun-bia̍t; in-ūi Iâ-hô-hoa chhin-chhùi kóng i.

(BCL) 若呣聽趁，反轉悖逆，欲受刀劍吞滅。因為耶和華親嘴講伊。

21

(THR) Hāi ah, tiong-sìn ê siâⁿ pìⁿ-chòe chhiong-ki; chiông-chêng chhiong-móa kong-pêng, kong-gī tiàm hit lāi-bīn; hiān-kim sī hiong-siú khiā-khí.

(BCL) 嗐啊，忠信的城變做娼妓！從前充滿公平，公義踮彼內面，現今是兇手徛起。

22

(THR) Lí ê gûn pìⁿ-chòe che-tái; lí ê chiú thàu-chúi.

(BCL) 你的銀變做渣滓；你的酒透水。

23

(THR) Lí ê koaⁿ-tiúⁿ hōan-hoat, kap chha̍t tàu-phōaⁿ; ta̍k-ê ài siū pò͘-lō͘, siàu-siūⁿ siā-lé; in bô ūi-tio̍h bô-pē ê kiáⁿ sin-oan, chiú-kóaⁿ lâng ê àn-kiāⁿ bōe tit-tio̍h kàu i ê bīn-chêng.

(BCL) 你的官長犯法，及賊鬥伴，逐個愛受賄賂，數想謝禮。無為著無父的子伸冤；守寡人的案件得著到伊的面前。

24

(THR) In-ūi án-ni, Chú, bān-kun ê Iâ-hô-hoa, Í-sek-lia̍t ê eng-hiông--ê kóng, Ho͘h, Góa beh tû Góa ê kiû-siû, hō͘ ka-kī khah-ōe an-tit; beh tùi Góa ê tùi-te̍k lâi pò-siû.

(BCL) 因為按呢，主──萬軍的耶和華、以色列的英雄者講：呼！我欲除我的仇讎互家己卡會安得，欲對我的對敵來報讎。

25

(THR) Góa beh koh hē-chhiú tī lí ê sin-chiūⁿ, it-chīn thòan-liān lí ê che-tái, tû-chheng lí ê cha̍p-chit.

(BCL) 我欲閣下手佇你的身上，一盡鍛煉你的渣滓，除清你的雜質。

26

(THR) Góa beh koh siat-lı̍p lí ê sím-phòaⁿ-koaⁿ chhin-chhiūⁿ khí-thâu, siat-lı̍p lí ê bô͘-sū chhin-chhiūⁿ chá-jı̍t; jiân-āu lí beh chheng-chòe kong-gī ê siâⁿ, tiong-sìn ê siâⁿ.

(BCL) 我欲閣設立你的審判官，親像起頭，設立你的謀士，親像早日。然後，你欲稱做公義的城，忠信的城。

27

(THR) Sek-an beh in-ūi kong-pêng tit-tio̍h kiù-sio̍k; in tò-tńg-lâi ê lâng beh in-ūi kong-gī tit-tio̍h kiù-sio̍k.

(BCL) 錫安欲因為公平得著救贖；倒轉來的人欲因為公義得著救贖。

28

(THR) Pōe-ge̍k--ê kap hōan-chōe--ê beh chòe chı̍t-ē pāi-hōai; pàng-sak Iâ-hô-hoa--ê, tek-khak siau-bia̍t.

(BCL) 悖逆者及犯罪者欲做一下敗壞；放拺耶和華者的確消滅。

29

(THR) Hiah ê lâng beh in-ūi lín só͘ hoaⁿ-hí ê siōng-chhiū lâi làu-khùi; lín beh in-ūi só͘ kéng ê hn̂g lâi kiàn-siàu.

(BCL) 許個人欲因為恁所歡喜的橡樹來漏氣；恁欲因為所揀的園來見笑。

30

(THR) In-ūi lín beh chhin-chhiūⁿ hio̍h ta--khì ê siōng-chhiū; beh chhin-chhiūⁿ bô chúi ê hn̂g.

(BCL) 因為，恁欲親像葉乾去的橡樹，欲親像無水的園。

31

(THR) Ū kôan-sè-ê beh chhin-chhiūⁿ môa-sut, i ê só͘-chòe chhin-chhiūⁿ hé-chhiⁿ; lóng chòe chı̍t-ē to̍h, bô lâng phah-hoa.

(BCL) 有權勢的欲親像麻屑；伊的所做親像火星，攏做一下，無人拍熄。

Bible Color Mark

• 台語漢字羅馬本
• 巴克禮全羅