何西阿書 第 8 章

1

(THR) Lí ê chhùi tio̍h pûn sàu-kak; tùi-te̍k chhin-chhiūⁿ eng kong-kek Iâ-hô-hoa ê chhù; in-ūi chit ê peh-sìⁿ pōe Góa ê iok, hōan-tio̍h Góa ê lu̍t-hoat.

(BCL) 你的嘴著歕哨角！對敵親像鷹攻擊耶和華的厝；因為此個百姓背我的約，犯著我的律法。

2

(THR) In beh âu-kiò Góa kóng, Góan ê Siōng-tè ah, góan Í-sek-lia̍t bat Lí.

(BCL) 欲喉叫我講：阮的上帝啊，阮以色列識你。

3

(THR) Í-sek-lia̍t pàng-sak siān-liông; tùi-te̍k beh tui-jip i.

(BCL) 以色列放拺善良；對敵欲追伊。

4

(THR) In siat-lı̍p kun-ông, m̄-sī tùi Góa siat-lı̍p i; in siat-lı̍p siú-léng, Góa iā m̄-chai. In ēng in ê gûn, in ê kim, chō ngó͘-siōng, tì-kàu in siū chián-tû.

(BCL) 設立君王，呣是對我設立伊；設立首領，我也呣知，用的銀、的金、造偶像，致到受剪除。

5

(THR) Sat-má-lī-a ah, I ū pàng-sak lí ê gû-á; Góa tōa siū-khì in; in kàu tī-sî chiah tit-tio̍h bô-chōe ah?

(BCL) 撒瑪利亞啊，伊有放拺你的牛仔；我大受氣。到底時才得著無罪啊？

6

(THR) Chit-ê chhut tī Í-sek-lia̍t; sī sai-hū só͘ chō-ê, i m̄-sī Siōng-tè; Sat-má-lī-a ê gû-á koat-tòan beh tú-tio̍h phah-chhùi.

(BCL) 此個出佇以色列，是師傅所造的，伊呣是上帝。撒瑪利亞的牛仔決斷欲抵著拍碎。

7

(THR) I só͘ chèng-ê sī hong, só͘ siu-ê sī kńg-lê-hong; bô chiâⁿ-châng; só͘ hoat ê bô kiat-sı̍t; chiū nā kiat-sı̍t, gōa-pang lâng iā beh chia̍h i.

(BCL) 伊所種的是風，所收的是捲螺風；無成欉，所發的無結實；就若結實，外邦人也欲食伊。

8

(THR) Í-sek-lia̍t í-keng siū thun-bia̍t; hiān-chāi tī lia̍t-kok-tiong chhin-chhiūⁿ lâng bô hoaⁿ-hí ê khì-kū.

(BCL) 以色列已經受吞滅；現在佇列國中，親像人無歡喜的器具。

9

(THR) In chiūⁿ-khì A-su̍t, chhin-chhiūⁿ ka-kī tiàm ê iá-lû; Í-hoat-liân bóe lâng thiàⁿ i.

(BCL) 上去亞述，親像家己踮的野驢；以法蓮買人疼伊。

10

(THR) In sui-jiân tī lia̍t-kok-tiong bóe lâng thiàⁿ in, Góa beh chū-chı̍p in; in in-ūi kun-ông kap siú-léng só͘ hē ê tāng-tàⁿ chiām-chiām soe-bî.

(BCL) 雖然佇列國中買人疼，我欲聚集；因為君王及首領所下的重擔漸漸衰微。

11

(THR) Í-hoat-liân-ke khí chè-tôaⁿ tì-kàu hōan-chōe; in-ūi án-ni chè-tôaⁿ hō͘ in hōan-chōe.

(BCL) 以法蓮家起祭壇致到犯罪；因為按呢，祭壇互犯罪。

12

(THR) Góa ūi i siá Góa ê lu̍t-hoat chiâⁿ-bān tiâu; chóng-sī i khòaⁿ-chòe kap i lóng bô kan-sia̍p.

(BCL) 我為伊寫我的律法成萬條，總是伊看做及伊攏無干涉。

13

(THR) Lūn-kàu hiàn-hō͘ Góa ê lé-mı̍h, in hiàn-bah ka-kī chia̍h--i; chóng-sī Iâ-hô-hoa bô chiap-la̍p--in; taⁿ beh kì-tit in ê chōe-kòa, pān in ê chōe-ok; in beh tò-tńg-khì Ai-kı̍p.

(BCL) 論到獻互我的禮物，獻肉家己食伊，總是耶和華無接納。今欲記得的罪過，辦的罪惡；欲倒轉去埃及。

14

(THR) In-ūi Í-sek-lia̍t bōe-kì-tit chhòng-chō in ê Chú, khí keng-biō; Iû-tāi ke khí kian-kò͘ ê siâⁿ; Góa beh kàng-hé tī i ê siâⁿ, sio in ê iâⁿ-pôaⁿ.

(BCL) 因為以色列記得創造的主，起宮廟；猶大家起堅固的城，我欲降火佇伊的城，燒的營盤。

Bible Color Mark

• 台語漢字羅馬本
• 巴克禮全羅