何西阿書 第 11 章

1

(THR) Í-sek-lia̍t chòe gín-ná ê sî, Góa thiàⁿ i; koh tiàu Góa ê kiáⁿ chhut Ai-kı̍p tōe.

(BCL) 以色列做囝仔的時，我疼伊，閣召我的子出埃及地。

2

(THR) Ná kiò in, in ná cháu-khui, hiàn-chè tī chiah ê Pa-le̍k, sio-hiuⁿ tī ngó͘-siōng.

(BCL) 愈叫，愈走開，獻祭佇諸個巴力，燒香佇偶像。

3

(THR) Góa kà Í-hoat-liân o̍h-kiâⁿ, khan i ê chhiú; chóng-sī in m̄-chai Góa i-hó in.

(BCL) 我教以法蓮學行，牽伊的手，總是呣知我醫好，

4

(THR) Góa ēng chû-hūi ê soh kap jîn-ài ê tòa khan in; Góa khóan-thāi in chhin-chhiūⁿ tùi in ê ām-kún tháu-khui in ê taⁿ--ê, ēng niû-chháu hē tī in bīn-chêng.

(BCL) 我用慈惠的索及仁愛的帶牽；我款待親像對的頷頸解開的軛者，用糧草下佇面前。

5

(THR) I bô koh tò-khì Ai-kı̍p tōe; A-su̍t beh chòe i ê ông, in-ūi i m̄-khéng tò-tńg.

(BCL) 伊無閣倒去埃及地，亞述欲做伊的王，因為伊呣肯倒轉。

6

(THR) To-kiàm beh kàu i ê siâⁿ, húi-hōai in ê mn̂g-kông; in-ūi in ê kè-bô͘ thun-bia̍t.

(BCL) 刀劍欲到伊的城，毀壞的門楗，因為的計謀吞滅。

7

(THR) Góa ê peh-sìⁿ koat-ì beh pōe Góa; sui-jiân ū lâng kiò in kui-ǹg Chì-kôaiⁿ--ê, chóng-sī bô chı̍t-ê chun-tiōng I.

(BCL) 我的百姓決意欲背我；雖然有人叫歸向至高者，總是無一個尊重伊。

8

(THR) Í-hoat-liân ah, Góa thái-thó ōe khì-sak lí? Í-sek-lia̍t ah, Góa thái-thó ōe chiong lí kau hō͘ lâng? Góa thái-thó ōe hō͘ lí chhin-chhiūⁿ Ap-má? thái-thó ōe khóan-thāi lí chòe Sé-phian? Góa hê-sim tńg-ì, Góa chû-ài ê sim chin-jia̍t.

(BCL) 以法蓮啊，我豈可會棄拺你？以色列啊，我豈可會將你交互人？我豈可會互你親像押瑪？豈可會款待你做洗扁？我回心轉意，我慈愛的心真熱，

9

(THR) Góa bô beh hoat-chhut Góa béng-lia̍t ê siū-khì; iā bô koh húi-bia̍t Í-hoat-liân; in-ūi Góa sī Siōng-tè, m̄-sī sè-kan lâng, sī tī lín tiong-kan ê Sèng--ê; Góa bô beh tī siū-khì-tiong lîm-kàu lín.

(BCL) 我無欲發出我猛烈的受氣，也無閣毀滅以法蓮。因為我是上帝，呣是世間人，是佇恁中間的聖者；我無欲佇受氣中臨到恁。

10

(THR) Iâ-hô-hoa beh chhin-chhiūⁿ sai teh háu; in beh tè I lâi kiâⁿ; I háu ê sî, hiah ê kiáⁿ chiū ngia̍uh-ngia̍uh-chhoah, tùi sai-hng kóaⁿ-kín lâi.

(BCL) 耶和華欲親像獅哮，欲隨伊來行。伊哮的時，許個子就愕愕惙對西方趕緊來。

11

(THR) In beh ngia̍uh-ngia̍uh-chhoah, chhin-chhiūⁿ chhek-chiáu-á, tùi Ai-kı̍p kín-kín lâi; koh chhin-chhiūⁿ chíⁿ-á tùi A-su̍t tōe kàu ; Góa beh hō͘ in khiā-khí ka-kī ê chhù; che sī Iâ-hô-hoa kóng ê.

(BCL) 欲愕愕惙親像雀鳥仔對埃及緊緊來，閣親像鴿仔對亞述地到。我欲互徛起家己的厝。這是耶和華講的。

12

(THR) Í-hoat-liân ēng khi-phiàn ûi Góa, Í-sek-lia̍t-ke iā ēng khúi-kè ûi-lûi Góa; Iû-tāi khò Siōng-tè chiáng-kôan, ǹg Sèng--ê ū chīn-tiong ê sim.

(BCL) 以法蓮用欺騙圍我，以色列家也用詭計圍纍我；猶大靠上帝掌權，向聖者有盡忠的心。

Bible Color Mark

• 台語漢字羅馬本
• 巴克禮全羅