創世記 第 34 章

1

(THR) Lī-a kā Ngá-kok só͘ siⁿ ê cha-bó͘-kiáⁿ, Tí-ná, chhut-khì beh kìⁿ hit só͘-chāi ê cha-bó͘-gín-á.

(BCL) 利亞給雅各所生的查某子底拿，出去欲見彼所在的查某囝仔。

2

(THR) Hit só͘-chāi ê bo̍k-pek Hi-bī lâng Hap-boat ê kiáⁿ Sī-kiàm khòaⁿ-kìⁿ i; chiū khiú-i, kap i saⁿ-kap khùn, lêng-jio̍k i.

(BCL) 彼所在的牧伯希未人、哈抹的子示劍看見伊，就伊，及伊相及睏，凌辱伊。

3

(THR) I ê sim lôan-bō͘ Ngá-kok ê cha-bó͘-kiáⁿ Tí-ná; thiàⁿ chit ê cha-bó͘-kiáⁿ, ēng hó-ōe an-ùi i.

(BCL) 伊的心戀慕雅各的查某子底拿，疼此個查某子，用好話安慰伊。

4

(THR) Sī-kiàm kā i ê lāu-pē Hap-boat, kóng, Kiû lí kā góa phèng chit ê cha-bó͘-gín-á chòe-bó͘.

(BCL) 示劍給伊的老父哈抹講：「求你給我聘此個查某囝仔做某。」

5

(THR) Ngá-kok thiaⁿ-kìⁿ i phah lâ-sâm i ê cha-bó͘-kiáⁿ Tí-ná; hit-sî i hiah ê kiáⁿ kap i ê cheng-siⁿ tī soaⁿ-nı̍h; Ngá-kok chēng-chēng bô chòe siaⁿ, thèng-hāu in tò-lâi.

(BCL) 雅各聽見伊拍垃墋伊的查某子底拿。彼時伊許個子及伊的精牲佇山裡，雅各靜靜無做聲，聽候倒來。

6

(THR) Sī-kiàm ê lāu-pē, Hap-boat, chhut-lâi kìⁿ Ngá-kok, beh kap i kóng-ōe.

(BCL) 示劍的老父哈抹出來見雅各，欲及伊講話。

7

(THR) Ngá-kok hiah ê kiáⁿ thiaⁿ-kìⁿ chit ê tāi-chì, chiū tùi soaⁿ-nı̍h tò-lâi, ta̍k-ê m̄ kam-gōan, cha̍p-hun siū-khì; in-ūi Sī-kiàm tī Í-sek-lia̍t chòe chhut kiàn-siàu ê tāi-chì, kap Ngá-kok ê cha-bó͘-kiáⁿ saⁿ-kap khùn; che pún sī m̄ eng-kai chòe ê sū.

(BCL) 雅各許個子聽見此個代誌，就對山裡倒來，逐個呣甘願，十分受氣；因為示劍佇以色列做出見誚的代誌，及雅各的查某子相及睏，這本是呣應該做的事。

8

(THR) Hap-boat kap in chham-siông kóng, Góa ê kiáⁿ Sī-kiàm ê sim him-bō͘ lín ê cha-bó͘-gín-á; kiû lín chiong i hō͘ góa ê kiáⁿ chòe-bó͘.

(BCL) 哈抹及參詳講：「我的子示劍的心欣慕恁的查某囝仔，求恁將伊互我的子做某。

9

(THR) Lín kap góan tāi-ke kiat-chhin; lín thang chiong lín ê cha-bó͘-kiáⁿ hō͘ góan, lín ia̍h thang chhōa góan ê cha-bó͘-kiáⁿ.

(BCL) 恁及阮大家結親，恁通將恁的查某子互阮，恁亦通娶阮的查某子。

10

(THR) Lín kap góan saⁿ-kap khiā-khí; tōe tī lín ê bīn-chêng, lín tòa chia khiā, chòe seng-lí, kiàn-tì sán-gia̍p.

(BCL) 恁及阮相及徛起！地佇恁的面前，恁住遮徛，做生理，建置產業。」

11

(THR) Sī-kiàm tùi cha-bó͘-gín-á ê lāu-pē kap i ê hiaⁿ-tī kóng, Gōan tī lí ê bīn-chêng tit-tio̍h un-tián; lín só͘ tùi góa kóng-ê góa beh hō͘ lín.

(BCL) 示劍對查某囝仔的老父及伊的兄弟講：「願佇你的面前得著恩典，恁所對我講的，我欲互恁。

12

(THR) Chhut-chāi lín beh tùi góa thó jōa-chōe phèng-kim, kap lé-mı̍h, góa tek-khak chiàu lín só͘ kóng-ê hō͘ lín; chí-ū ài lín ēng cha-bó͘-gín-á hō͘ góa chòe-bó͘.

(BCL) 出在恁欲對我討偌多聘金及禮物，我的確照恁所講的互恁；只有愛恁用查某囝仔互我做某。」

13

(THR) Ngá-kok hiah ê kiáⁿ, in-ūi Sī-kiàm phah lâ-sâm in ê sió-bē Tí-ná, chiū ēng kan-chà ê ōe lâi ìn Sī-kiàm, kap i ê lāu-pē, Hap-boat, tùi in kóng,

(BCL) 雅各許個子因為示劍拍垃墋的小妹底拿，就用奸詐的話來應示劍及伊的老父哈抹，

14

(THR) Chiong góan ê sió-bē hō͘ bô siū kat-lé ê lâng chòe-bó͘, che ê tāi-chì góan bōe-chòe-tit; in-ūi he sī góan ê kiàn-siàu.

(BCL) 對講：「將阮的小妹互無受割禮的人做某，這個代誌阮做得，因為彼是阮的見誚。

15

(THR) Lín só͘ ū ê ta-po͘-lâng, nā lóng siū kat-lé chhin-chhiūⁿ góan chı̍t-iūⁿ, ū chí chı̍t-hāng chiah thang èng-ún lín;

(BCL) 恁所有的查甫人若攏受割禮親像阮一樣，有此一項才通應允恁，

16

(THR) góan chiū chiong góan ê cha-bó͘-kiáⁿ hō͘ lín, góan ia̍h chhōa lín ê cha-bó͘-kiáⁿ; góan chiū kap lín saⁿ-kap tòa, chiâⁿ-chòe chı̍t ê peh-sìⁿ.

(BCL) 阮就將阮的查某子互恁，阮亦娶恁的查某子；阮就及恁相及住，成做一個百姓。

17

(THR) Siat-sú lín m̄-thiaⁿ góan ê ōe lâi siū kat-lé, góan chiū tòa góan ê sió-bē lâi khì.

(BCL) 設使恁呣聽阮的話來受割禮，阮就帶阮的小妹來去。」

18

(THR) Hap-boat kap i ê kiáⁿ Sī-kiàm, hoaⁿ-hí in ê ōe.

(BCL) 哈抹及伊的子示劍歡喜的話。

19

(THR) Hit ê siàu-liân lâng chòe chit ê tāi-chì, lóng bô iân-chhiân; in-ūi i thiàⁿ Ngá-kok ê cha-bó͘-kiáⁿ; koh i tī in lāu-pē ê ke tē-it chun-kùi.

(BCL) 彼個少年人做此個代誌攏無延延，因為伊疼雅各的查某子；閣伊佇老父的家第一尊貴。

20

(THR) Hap-boat, kap i ê kiáⁿ Sī-kiàm, lâi kàu pún-siâⁿ ê mn̂g-kháu, kā pún-siâⁿ ê lâng kóng,

(BCL) 哈抹及伊的子示劍來到本城的門口，給本城的人講：

21

(THR) Chiah ê lâng kap lán hô-hó; m̄-ta̍t-tio̍h chún in tī chit ê tōe khiā-khí, chòe seng-lí; koh chit ê tōe ia̍h khui-khoah, ōe iông-ún-tit in; lán thang chhōa in ê cha-bó͘-kiáⁿ chòe-bó͘, ia̍h thang chiong lán ê cha-bó͘-kiáⁿ kè hō͘ in.

(BCL) 「諸個人及咱和好，呣值著准佇此個地徛起，做生理；閣此個地亦開闊，會容允得。咱通娶的查某子做某，亦通將咱的查某子嫁互。

22

(THR) To̍k-to̍k tio̍h ū chı̍t-hāng, hiah-ê chiah beh ún lán, kap lán khiā-khí, chiâⁿ-chòe chı̍t ê peh-sìⁿ; chiū-sī lán tiong-kan só͘ ū ê ta-po͘-lâng lóng tio̍h siū kat-lé, chhin-chhiūⁿ in siū kat-lé chı̍t-iūⁿ.

(BCL) 獨獨著有一項，許個才欲允咱及咱徛起，成做一個百姓：就是咱中間所有的查甫人攏著受割禮，親像受割禮一樣。

23

(THR) I ê gû, iûⁿ, châi-sán, kap it-chhè ê cheng-siⁿ, kiám bô lóng kui tī lán mah? chí-ū tio̍h ún-in, in chiū beh kap lán tòa.

(BCL) 伊的牛、羊、財產，及一切的精牲豈無攏歸佇咱嗎？只有著允，就欲及咱住。」

24

(THR) Kìⁿ-nā tùi siâⁿ-mn̂g chhut-lâi ê lâng lóng thiaⁿ-thàn Hap-boat kap i ê kiáⁿ Sī-kiàm ê ōe; tùi án-ni kìⁿ-nā tùi siâⁿ-mn̂g chhut-lâi ê ta-po͘-lâng lóng siū kat-lé.

(BCL) 見若對城門出來的人攏聽趁哈抹及伊的子示劍的話；對按呢見若對城門出來的查甫人攏受割禮。

25

(THR) Kàu tē-saⁿ jı̍t, chèng-lâng tng teh thàng-thiàⁿ ê sî, Ngá-kok nn̄g ê kiáⁿ, chiū-sī Tí-ná ê hiaⁿ Se-biān kap Lī-bī, lóng kia̍h-to, thàn lâng bô tiuⁿ-tî, lâi kàu siâⁿ-lāi, thâi-sí lóng-chóng ê ta-po͘-lâng.

(BCL) 到第三日，眾人當痛疼的時，雅各二個子，就是底拿的兄西緬及利未，攏抬刀，趁人無張持來到城內，死攏總的查甫人，

26

(THR) Iā ēng to thâi-sí Hap-boat kap i ê kiáⁿ Sī-kiàm; chhōa Tí-ná tùi Sī-kiàm ê chhù chhut-lâi, chiū khì.

(BCL) 也用刀死哈抹及伊的子示劍，導底拿對示劍的厝出來就去。

27

(THR) Ngá-kok hiah ê kiáⁿ, ūi-tio̍h in sió-bē siū phah lâ-sâm, chiū lâi kàu siū-thâi ê lâng hia, chhiúⁿ-kiap in ê siâⁿ.

(BCL) 雅各許個子，為著小妹受拍垃墋，就來到受的人遐，搶劫的城，

28

(THR) Chhiúⁿ in ê iûⁿ-kûn, gû-kûn, kap lû; í-kı̍p siâⁿ-lāi kap chhân-nı̍h só͘ ū ê.

(BCL) 搶的羊群、牛群，及驢，以及城內及田裡所有的；

29

(THR) Koh chiong in it-chhè ê hè-mı̍h chîⁿ-châi, it-chhè ê gín-á kap hū-jîn-lâng, í-kı̍p ta̍k tè chhù só͘-ū-ê, lóng chhiúⁿ, lia̍h chiū khì.

(BCL) 閣將一切的貨物錢財、一切的囝仔、及婦仁人，以及逐塊厝所有的，攏搶掠就去。

30

(THR) Ngá-kok kā Se-biān kap Lī-bī kóng, Lín liân-lūi góa, hō͘ góa tī chit só͘-chāi khiā-khí ê peh-sìⁿ ê tiong-kan, chiū-sī tī Ka-lâm lâng kap Pí-lī-sé lâng ê tiong-kan ū chhàu-miâ. Koh góa ê lâng-gia̍h chió; in tek-khak chū-chı̍p lâi kong-kek góa, phah góa; góa kap chôan-ke ê lâng lóng ōe bia̍t-bô.

(BCL) 雅各給西緬及利未講：「恁連累我，互我佇此所在徛起的百姓的中間，就是佇迦南人及比利洗人的中間，有臭名。閣我的人額少，的確聚集來攻擊我、拍我，我及全家的人攏會滅無。」

31

(THR) In kóng, I kiám thang khóan-thāi góan sió-bē chhin-chhiūⁿ chhiong-ki mah?

(BCL) 講：「伊豈通款待阮小妹親像娼妓嗎？」

Bible Color Mark

• 台語漢字羅馬本
• 巴克禮全羅