以西結書 第 34 章

1

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

2

(THR) Jîn-chú ah, lí tio̍h soan-thôan kong-kek Í-sek-lia̍t chiah ê bo̍k-chiá; lí tio̍h soan-thâon lâi tùi in kóng, Chú Iâ-hô-hoa tùi chiah ê bo̍k-chiá án-ni kóng, Chai-ē ah, Í-sek-lia̍t chiah ê bo̍k-chiá, in-ūi in iúⁿ-chhī ka-kī; bo̍k-chiá kiám m̄ eng-kai iúⁿ-chhī iûⁿ-kûn mah?

(BCL) 「人子啊，你著宣傳攻擊以色列諸個牧者，你著宣傳來對，講，主耶和華對諸個牧者按呢講：災禍啊！以色列諸個牧者因為養飼家己。牧者豈呣應該養飼羊群嗎？

3

(THR) Lín chia̍h i ê iû, chhēng i ê mn̂g, thâi i ê pûi--ê, iā bô iúⁿ-chhī iûⁿ-kûn.

(BCL) 恁食伊的油、穿伊的毛、伊的肥者，也無養飼羊群。

4

(THR) Lóan-jio̍k--ê, lín bô kò͘ hō͘ i ióng; phòa-pīⁿ--ê, lín bô kā i i-tī; siū-siong--ê, lín bô kā i pau; siū kóaⁿ-tio̍k--ê, lín bô chhōa i tò--lâi, sit-lo̍h--ê, lín bô chhē--i; to̍k-to̍k ēng kiông-pō, giâm-giâm ê kóan-hat.

(BCL) 軟弱者，恁無顧互伊勇；破病者，恁無給伊醫治；受傷者，恁無給伊包；受趕逐者，恁無導伊倒來；失落者，恁無尋伊；獨獨用強暴嚴嚴的管轄。

5

(THR) In-ūi bô bo̍k-chiá, iûⁿ chiū sì-sòaⁿ; í-keng sì-sòaⁿ, chiū chòe it-chhè iá-siù ê chia̍h-mı̍h.

(BCL) 因為無牧者，羊就四散；已經四散，就做一切野獸的食物。

6

(THR) Góa ê iûⁿ sì-kòe kiâⁿ tī chiah ê soaⁿ--nih, tī ta̍k-ê kôaiⁿ ê soaⁿ-téng, sì-sòaⁿ tī chôan-tōe, bô lâng khì tui, bô lâng khì chhē.

(BCL) 我的羊四界行佇諸個山裡，佇逐個高的山頂，四散佇全地，無人去追，無人去尋。

7

(THR) Só͘-í lín chiah ê bo̍k-chiá tio̍h thiaⁿ Iâ-hô-hoa ê ōe.

(BCL) 「所以，恁諸個牧者著聽耶和華的話。

8

(THR) Chú Iâ-hô-hoa kóng, Góa kí Góa ê éng-o̍ah lâi chiù-chōa, Góa ê iûⁿ in-ūi bô bo̍k-chiá, chiū chiâⁿ-chòe siū-chhiúⁿ ê mı̍h, iûⁿ iā chòe it-chhè iá-siù ê chia̍h-mı̍h; iā Góa ê bo̍k-chiá bô chhē Góa ê iûⁿ; chiah ê bo̍k-chiá in-ūi in iúⁿ-chhī ka-kī, bô iúⁿ-chhī Góa ê iûⁿ;

(BCL) 主耶和華講：我指我的永活來咒誓，我的羊因為無牧者就成做受搶的物，羊也做一切野獸的食物。也我的牧者無尋我的羊；諸個牧者因為養飼家己，無養飼我的羊。

9

(THR) só͘-í lín chiah ê bo̍k-chiá tio̍h thiaⁿ Iâ-hô-hoa ê ōe;

(BCL) 所以恁諸個牧者著聽耶和華的話。

10

(THR) Chú Iâ-hô-hoa án-ni kóng, Góa kap bo̍k-chiá chòe tùi-te̍k, beh tùi in ê chhiú tui-thó Góa ê iûⁿ, hō͘ in bô koh iúⁿ-chhī iûⁿ-kûn; bo̍k-chiá iā bô koh iúⁿ-chhī ka-kī; Góa beh kiù Góa ê iûⁿ thoat-lī in ê chhùi, bô koh chòe in ê chia̍h-mı̍h.

(BCL) 主耶和華按呢講：我及牧者做對敵，欲對的手追討我的羊，互無閣養飼羊群；牧者也無閣養飼家己。我欲救我的羊脫離的嘴，無閣做的食物。」

11

(THR) In-ūi Chú Iâ-hô-hoa án-ni kóng, Khòaⁿ ah, Góa, Góa beh pún-sin chhē Góa ê iûⁿ, lâi chhē-tio̍h--i.

(BCL) 「因為主耶和華按呢講：看啊，我，我欲本身尋我的羊，來尋著伊。

12

(THR) Bo̍k-chiá tī iûⁿ-kûn sì-sòaⁿ ê jı̍t, cháiⁿ-iūⁿ chhē i ê iûⁿ, Góa iā beh chhin-chhiūⁿ án-ni chhē Góa ê iûⁿ; chiah ê iûⁿ tī ba̍t-hûn o͘-àm ê jı̍t, sì-sòaⁿ kàu ta̍k só͘-chāi, Góa beh tùi-hia kiù in tò--lâi.

(BCL) 牧者佇羊群四散的日怎樣尋伊的羊，我也欲親像按呢尋我的羊。諸個羊佇密雲黑暗的日四散到逐所在，我欲對遐救倒來。

13

(THR) Góa beh tùi lia̍t-kok-tiong chhōa in chhut, tùi ta̍k-kok ê lāi-bīn chū-chı̍p in, chhōa in tò-lâi in ê pún só͘-chāi; iā beh tī Í-sek-lia̍t soaⁿ chiah ê khoe-piⁿ, kéng-lāi it-chhè thang khiā-khí ê só͘-chāi, lâi iúⁿ-chhī in.

(BCL) 我欲對列國中導出，對逐國的內面聚集，導倒來的本所在，也欲佇以色列山諸個溪邊、境內一切通徛起的所在，來養飼。

14

(THR) Góa beh tī hó-hó ê chháu-tiûⁿ iúⁿ-chhī in, in ê iûⁿ-tiâu beh tī Í-sek-lia̍t kôaiⁿ-ūi ê soaⁿ; in beh tī hó-hó ê iûⁿ-tiâu-lāi tó-teh-khùn, iā tī Í-sek-lia̍t soaⁿ pûi-súi ê chháu-tiûⁿ chia̍h-chháu.

(BCL) 我欲佇好好的草場養飼。的羊　欲佇以色列高位的山，欲佇好好的羊　內倒睏，也佇以色列山肥娞的草場食草。

15

(THR) Chú Iâ-hô-hoa kóng, Góa beh pún-sin iúⁿ-chhī Góa ê iûⁿ, hō͘ in tó-teh-khùn.

(BCL) 主耶和華講：我欲本身養飼我的羊，互倒睏。

16

(THR) Sit-lo̍h--ê Góa beh chhē i; siū kóaⁿ-tio̍k--ê, Góa beh chhōa i tò-lâi; siū-siong--ê Góa beh pau--i; phòa-pīⁿ--ê, Góa beh i-tī i; to̍k-to̍k pûi--ê, ióng--ê, Góa beh tû-biat--i, iā beh péng-kong iúⁿ-chhī in.

(BCL) 失落者，我欲尋伊；受趕逐者，我欲導伊倒來；受傷者，我欲包伊；破病者，我欲醫治伊；獨獨肥者，勇者，我欲除滅伊，也欲秉公養飼。

17

(THR) Góa ê iûⁿ-kûn ah, lūn-kàu lín, Chú Iâ-hô-hoa án-ni kóng, Góa beh tī iûⁿ kap iûⁿ ê tiong-kan, kang ê mî-iûⁿ kap kang ê soaⁿ-iûⁿ ê tiong-kan, kiâⁿ phòaⁿ-tòan.

(BCL) 「我的羊群啊，論到恁，主耶和華按呢講：我欲佇羊及羊的中間，公的綿羊及公的山羊的中間行判斷。

18

(THR) Lí tī hó-hó ê chháu-tiûⁿ chia̍h-chháu, iáu lia̍h-chòe sió-khóa sū mah? chhun ê chháu lín kéng-jiân ēng kha thún-ta̍h--i? lín lim chheng ê chúi; chhun--ê lín kéng-jiân ēng kha phah-lô--i?

(BCL) 你佇好好的草場食草，猶掠做小可事嗎？剩的草，恁竟然用腳睭踏伊；恁飲清的水，剩的，恁竟然用腳拍濁伊。

19

(THR) Lūn-kàu Góa ê iûⁿ sī chia̍h lín ēng kha ta̍h--ê, lim lín ēng kha phah-lô--ê.

(BCL) 論到我的羊，是食恁用腳踏的，飲恁用腳拍濁的。

20

(THR) Só͘-í Chú Iâ-hô-hoa tùi in án-ni kóng, Khòaⁿ ah, Góa pún-sin tī pûi ê iûⁿ kap sán ê iûⁿ ê tiong-kan, kiâⁿ phòaⁿ-tòan.

(BCL) 「所以，主耶和華對按呢講：看啊，我本身佇肥的羊及瘦的羊的中間行判斷。

21

(THR) In-ūi lín ēng sin-khu, ēng keng-thâu khoeh--in, ēng lín ê kak tak phòa-pīⁿ--ê, tì-kàu hō͘ in sì-sòaⁿ tī gōa-bīn.

(BCL) 因為恁用身軀用肩頭夾，用恁的角觸破病者，致到互四散佇外面。

22

(THR) Só͘-í Góa beh chín-kiù Góa ê iûⁿ-kûn, bô koh chòe siū chhiúⁿ ê mı̍h; Góa ia̍h beh tī iûⁿ kap iûⁿ ê tiong-kan kiâⁿ phòaⁿ-tòan.

(BCL) 所以，我欲拯救我的羊群，無閣做受搶的物；我亦欲佇羊及羊的中間行判斷。

23

(THR) Góa beh siat-lı̍p chı̍t ê bo̍k-chiá, chiàu-kò͘ in, i beh iúⁿ-chhī in; chiū-sī Góa ê lô͘-po̍k Tāi-pı̍t; i beh iúⁿ-chhī in, chòe in ê bo̍k-chiá.

(BCL) 我欲設立一個牧者照顧，伊欲養飼，就是我的奴僕大衛。伊欲養飼，做的牧者。

24

(THR) Góa Iâ-hô-hoa beh chòe in ê Siōng-tè; Góa ê lô͘-po̍k Tāi-pı̍t beh tī in ê tiong-kan chòe siú-léng; che sī Góa Iâ-hô-hoa kóng--ê.

(BCL) 我──耶和華欲做的上帝，我的奴僕大衛欲佇的中間做首領。這是我耶和華講的。

25

(THR) Góa beh kap in lı̍p pêng-an ê iok, hō͘ ok-siù tùi kéng-lāi tōan-cho̍at; in chiū beh an-jiân khiā-khí tī khòng-iá, khùn tī chhiū-nâ-lāi.

(BCL) 「我欲及立平安的約，互惡獸對境內斷絕，就欲安然徛起佇曠野，睏佇樹林內。

26

(THR) Góa beh hō͘ in kap Góa ê soaⁿ sì-ûi ê só͘-chāi chiâⁿ-chòe hok-khì ê gôan-thâu; Góa ia̍h beh chiàu-sî lo̍h-hō͘, beh ū si hok-khì ê tōa-hō͘.

(BCL) 我欲互及我的山四圍的所在成做福氣的源頭，我亦欲照時落雨，欲有施福氣的大雨。

27

(THR) Chhân-iá ê chhiū beh kiat ké-chí; tōe iā beh chhut-sán; in beh an-jiân khiā-khí tī pún só͘-chāi; Góa at-chı̍h in só͘ pē ê taⁿ, kiù in thoat-lī hit ê lia̍h in chòe lô͘-châi ê lâng ê chhiú; hit-sî in chiū chai Góa sī Iâ-hô-hoa.

(BCL) 田野的樹欲結果子，地也欲出產；欲安然徛起佇本所在。我遏折所背的軛，救脫離彼個掠做奴才的人的手；彼時，就知我是耶和華。

28

(THR) In bô koh chòe gōa-pang lâng só͘ chhiúⁿ ê mı̍h, tōe-chiūⁿ ê iá-siù iā bô koh thun-chia̍h in; sī beh an-jiân khiā-khí, bô lâng hō͘ in kiaⁿ-hiâⁿ.

(BCL) 無閣做外邦人所搶的物，地上的野獸也無閣吞食；是欲安然徛起，無人互驚惶。

29

(THR) Góa beh kā in heng-khí chı̍t ê chhut-miâ chai-chèng ê só͘-chāi; in tī kéng-lāi, bô koh hō͘ ki-hng só͘ bia̍t; iā bô koh siū-tio̍h gōa-pang-lâng ê lêng-jio̍k.

(BCL) 我欲給興起一個出名栽種的所在；佇境內無閣互飢荒所滅，也無閣受著外邦人的凌辱。

30

(THR) In beh chai Góa Iâ-hô-hoa in ê Siōng-tè, sī kap in tī-teh; iā chai in Í-sek-lia̍t-ke sī Góa ê peh-sìⁿ; che sī Chú Iâ-hô-hoa kóng--ê.

(BCL) 欲知我、耶和華─的上帝是及佇，也知─以色列家是我的百姓。這是主耶和華講的。

31

(THR) Lín sī Góa ê iûⁿ, sī Góa chháu-tiûⁿ ê iûⁿ; lín sī lâng; Góa iā sī lín ê Siōng-tè; che sī Chú Iâ-hô-hoa kóng--ê.

(BCL) 恁是我的羊，是我草場的羊，恁是人，我也是恁的上帝。這是主耶和華講的。」

Bible Color Mark

• 台語漢字羅馬本
• 巴克禮全羅