以西結書 第 20 章

1

(THR) Tē chhit--nî, gō͘-ge̍h chhoe-cha̍p, ū Í-sek-lia̍t ê tióng-ló kúi-nā lâng, lâi beh mn̄g Iâ-hô-hoa, chē tī góa ê bīn-chêng.

(BCL) 第七年五月初十，有以色列的長老幾若人來欲問耶和華，坐佇我的面前。

2

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

3

(THR) Jîn-chú ah, lí tio̍h tùi Í-sek-lia̍t ê tióng-ló kóng, kā i kóng, Chú Iâ-hô-hoa án-ni kóng, Lín lâi sī beh mn̄g Góa mah? Chú Iâ-hô-hoa kóng, Góa chí Góa ê éng-o̍ah lâi chiù-chōa, Góa m̄ hō͘ lí mn̄g.

(BCL) 「人子啊，你著對以色列的長老講，給伊講，主耶和華按呢講：恁來是欲問我嗎？主耶和華講：我指我的永活來咒誓，我呣互你問。

4

(THR) Jîn-chú ah, lí beh sím-mn̄g in, sím-mn̄g in mah? lí tio̍h hō͘ in chai in ê lia̍t-chó͘ hiah ê khó-ò͘ⁿ ê sū;

(BCL) 人子啊，你欲審問，審問嗎？你著互知的列祖許個可惡的事，

5

(THR) tùi in kóng, Chú Iâ-hô-hoa án-ni kóng, Tng Góa kéng Í-sek-lia̍t ê jı̍t, ǹg Ngá-kok ke ê hō͘-è, kia̍h-khí Góa ê chhiú, tī Ai-kı̍p tōe hō͘ in bat Góa, tùi in kia̍h-khí Góa ê chhiú, kóng, Góa sī Iâ-hô-hoa, lín ê Siōng-tè.

(BCL) 對講，主耶和華按呢講：當我揀以色列的日，向雅各家的後裔抬起我的手，佇埃及地互識我，對抬起我的手，講：我是耶和華──恁的上帝。

6

(THR) Hit-jı̍t Góa tùi in kia̍h-khí chhiú, beh chhōa in chhut Ai-kı̍p tōe, kàu Góa ūi-tio̍h in só͘ kóng, lâu ni kap bı̍t ê tōe; hit ê tōe tī bān-kok-tiong sī khah ū êng-kng--ê.

(BCL) 彼日我對抬起手，欲導出埃及地，到我為著所講流奶及蜜的地；彼個地佇萬國中是卡有榮光的。

7

(THR) Góa tùi in kóng, Lín ta̍k-lâng tio̍h khì-sak ba̍k-chiu só͘ hoaⁿ-hí hiah ê khó-ò͘ⁿ ê tāi; m̄-thang in-ūi Ai-kı̍p ê ngó͘-siōng phah lâ-sâm ka-kī; Góa sī Iâ-hô-hoa, lín ê Siōng-tè.

(BCL) 我對講，恁逐人著棄拺目睭所歡喜許個可惡的代；呣通因為埃及的偶像拍垃墋家己。我是耶和華──恁的上帝。

8

(THR) Chóng-sī in pōe-ge̍k Góa, m̄-khéng thiaⁿ Góa, m̄ pàng-sak in ta̍k-lâng ba̍k-chiu só͘ hoaⁿ-hí hiah ê khó-ò͘ⁿ ê tāi, m̄ lī-khui Ai-kı̍p ê ngó͘-siōng; Góa chiū kóng, Góa beh chiong Góa ê tōa siū-khì piàⁿ tī in ê téng-bīn, tī Ai-kı̍p tōe tùi in it-chīn chiâⁿ Góa ê siū-khì.

(BCL) 總是悖逆我，呣肯聽我，呣放拺逐人目睭所歡喜許個可惡的代，呣離開埃及的偶像。「我就講，我欲將我的大受氣傾佇的頂面，佇埃及地對一盡成我的受氣。

9

(THR) To̍k-to̍k Góa in-ūi Góa ê miâ ê iân-kò͘ kiâⁿ tāi-chì, bián-tit Góa ê miâ tī in só͘ khiā-khí lia̍t-pang-tiong ê bīn-chêng siū siat-to̍k; Góa chhōa in chhut Ai-kı̍p tōe, tī lia̍t-pang-tiong ê ba̍k-chiu-chêng hō͘ in bat Góa.

(BCL) 獨獨我因為我的名的緣故行代誌，免得我的名佇所徛起列邦中的面前受褻瀆，我導出埃及地，佇列邦中的目睭前互識我。

10

(THR) Án-ni, Góa chiū hō͘ in chhut Ai-kı̍p tōe, chhōa in kàu khòng-iá.

(BCL) 按呢，我就互出埃及地，導到曠野，

11

(THR) Chiong Góa ê lu̍t-lē siúⁿ-sù in, chiong Góa ê hoat-tō͘ chí-sī in; chiū-sī lâng nā kiâⁿ--i beh tùi i lâi tit-tio̍h o̍ah--ê.

(BCL) 將我的律例賞賜，將我的法度指示；就是人若行伊欲對伊來得著活者。

12

(THR) Koh Góa ēng Góa ê an-hioh-jı̍t siúⁿ-sù in, thang tī Góa kap in ê tiong-kan chòe chèng-kù; hō͘ in chai Góa Iâ-hô-hoa sī hō͘ in chiâⁿ-chòe sèng--ê.

(BCL) 閣我用我的安息日賞賜，通佇我及的中間做證據，互知我──耶和華是互成做聖者。

13

(THR) Chóng-sī Í-sek-lia̍t-ke tī khòng-iá pōe-ge̍k Góa, bô sūn-thàn Góa ê lu̍t-lē, khì-sak Góa ê hoat-tō͘, (chiū-sī lâng nā kiâⁿ--i, beh tùi i lâi tit-tio̍h o̍ah--ê), tōa-tōa hōan-tio̍h Góa ê an-hioh-jı̍t: Góa chiū kóng, beh tī khòng-iá chiong Góa ê tōa siū-khì piàⁿ tī in ê téng-bīn, bia̍t-bô in.

(BCL) 總是以色列家佇曠野悖逆我，無順趁我的律例，棄拺我的法度（就是人若行伊，欲對伊來得著活者），大大犯著我的安息日。「我就講，欲佇曠野將我的大受氣傾佇的頂面，滅無。

14

(THR) To̍k-to̍k Góa in-ūi Góa ê miâ ê iân-kò͘ kiâⁿ tāi-chì, bián-tit Góa ê miâ siū siat-to̍k tī lia̍t-pang lâng ê ba̍k-chiu-chêng, chiū-sī hiah ê khòaⁿ-kìⁿ Góa chhōa in chhut Ai-kı̍p ê lia̍t-pang.

(BCL) 獨獨我因為我的名的緣故行代誌，免得我的名受褻瀆佇列邦人的目睭前，就是許個看見我導出埃及的列邦。

15

(THR) Koh Góa tī khòng-iá tùi in kia̍h-khí Góa ê chhiú, kóng, Góa bô beh chhōa in jı̍p Góa só͘ siúⁿ-sù in lâu ni kap bı̍t ê tōe, hit ê tōe tī bān-kok-tiong khah ū êng-kng--ê.

(BCL) 閣我佇曠野對抬起我的手講，我無欲導入我所賞賜流奶及蜜的地（彼個地佇萬國中卡有榮光的）；

16

(THR) In-ūi in iàm-chiān Góa ê hoat-tō͘, bô sūn-thàn Góa ê lu̍t-lē, hōan-tio̍h Góa ê an-hioh-jı̍t, in ê sim ì-hiòng in ê ngó͘-siōng.

(BCL) 因為厭賤我的法度，無順趁我的律例，犯著我的安息日，的心意向的偶像。

17

(THR) Sui-jiân án-ni, Góa ê ba̍k-chiū iáu-kú sī sioh in, bô húi-bia̍t in, bô tī khòng-iá kā in bia̍t liáu-liáu.

(BCL) 雖然按呢，我的目睭猶久是惜，無毀滅，無佇曠野給滅了了。

18

(THR) Góa tī khòng-iá tùi in ê kiáⁿ-jî kóng, Bo̍h-tit thàn lín lāu-pē ê lu̍t-lē, bo̍h-tit siú in ê hoat-tō͘, ia̍h bo̍h-tit in-ūi in ê ngó͘-siōng phah lâ-sām ka-kī.

(BCL) 「我佇曠野對的子兒講：莫得趁恁老父的律例，莫得守的法度，亦莫得因為的偶像拍垃墋家己。

19

(THR) Góa sī Iâ-hô-hoa lín ê Siōng-tè, lín tio̍h sūn-thàn Góa ê lu̍t-lē, siú Góa ê hoat-tō͘ lâi kiâⁿ--i.

(BCL) 我是耶和華──恁的上帝，恁著順趁我的律例，守我的法度來行伊，

20

(THR) Koh ēng Góa chiah ê an-hioh-jı̍t chòe-sèng; chiah ê jı̍t tī Góa kap lín ê tiong-kan chòe chèng-kù, hō͘ lín chai Góa sī Iâ-hô-hoa lín ê Siōng-tè.

(BCL) 閣用我諸個安息日做聖。諸個日佇我及恁的中間做證據，互恁知我是耶和華──恁的上帝。

21

(THR) To̍k-to̍k in ê kiáⁿ-jî pōe-ge̍k Góa, bô sūn-thàn Góa ê lu̍t-lē, ia̍h bô siú Góa ê hoat-tō͘ lâi kiâⁿ--i, (chiū-sī lâng nā kiâⁿ--i, beh tùi i lâi tit-tio̍h o̍ah--ê); in hōan-tio̍h Góa ê an-hioh-jı̍t; Góa chiū kóng, Góa beh chiong Góa ê tōa siū-khì piàⁿ tī in ê téng-bīn, tī khòng-iá it-chīn chiâⁿ Góa ê siū-khì kong-kek i.

(BCL) 獨獨的子兒悖逆我，無順趁我的律例，亦無守我的法度來行伊（就是人若行伊，欲對伊來得著活者），犯著我的安息日。「我就講，我欲將我的大受氣傾佇的頂面，佇曠野一盡成我的受氣攻擊伊。

22

(THR) Sui-jiân án-ni, Góa iáu-kú kiu Góa ê chhiú, ūi-tio̍h Góa ê miâ ê iân-kò͘ kiâⁿ tāi-chì, bián-tit Góa ê miâ siū siat-to̍k tī lia̍t-pang lâng ê ba̍k-chiu-chêng, chiū-sī hiah ê khòaⁿ-kìⁿ Góa chhōa in chhut Ai-kı̍p ê lia̍t-pang.

(BCL) 雖然按呢，我猶久勼我的手為著我的名的緣故行代誌，免得我的名受褻瀆佇列邦人的目睭前，就是許個看見我導出埃及的列邦。

23

(THR) Koh Góa tī khòan-iá, tùi in kia̍h-khí Góa ê chhiú, kóng beh hun-sòaⁿ in tī lia̍t-kok, sì-sòaⁿ in tī lia̍t-pang.

(BCL) 閣我佇曠野對抬起我的手講，欲分散佇列國，四散佇列邦；

24

(THR) In-ūi in bô thàn Góa ê hoat-tō͘, iàm-chiān Góa ê lu̍t-lē, hōan-tio̍h Góa ê an-hioh-jı̍t, ba̍k-chiu ì-hiòng in lāu-pē ê ngó͘-siōng.

(BCL) 因為無趁我的法度，厭賤我的律例，犯著我的安息日，目睭意向老父的偶像。

25

(THR) Koh Góa ēng m̄-hó ê lu̍t-lē, kap bōe-ōe tùi i lâi tit-tio̍h o̍ah ê hoat-tō͘, hō͘--in.

(BCL) 閣我用呣好的律例，及會對伊來得著活的法度互。

26

(THR) In ēng it-chhè ê thâu-chiūⁿ-kiáⁿ keng-kè hé; Góa chiū tī in ê chè-sū kā in phah lâ-sâm, hō͘ in hong-hòe; hō͘ in chai Góa sī Iâ-hô-hoa.

(BCL) 用一切的頭上子經過火，我就佇的祭祀給拍垃墋，互荒廢，互知我是耶和華。

27

(THR) Jîn-chú ah, lí tio̍h tùi Í-sek-lia̍t-ke kóng ōe, kā in kóng, Chú Iâ-hô-hoa án-ni kóng, Lín ê lia̍t-chó͘ tek-chōe Góa, ēng án-ni siat-to̍k Góa.

(BCL) 「人子啊，你著對以色列家講話，給講，主耶和華按呢講：恁的列祖得罪我用按呢褻瀆我；

28

(THR) In-ūi Góa chhōa in kàu Góa kia̍h-khí chhiú beh siúⁿ-sù in ê tōe; in khòaⁿ-kìⁿ ta̍k ê kôaiⁿ-soaⁿ, ta̍k-châng ām ê chhiū; chiū tī-hia hiàn in hiah ê chè-sū, hiàn kek Góa siū-khì ê lé-mı̍h, ia̍h tī-hia sio phang-phang ê seng-lé, kap kòan-tiān.

(BCL) 因為我導到我抬起手欲賞賜的地，看見逐個高山，逐欉艷的樹；就佇遐獻許個祭祀，獻激我受氣的禮物，亦佇遐燒芳芳的牲禮，及灌奠。

29

(THR) Góa chiū tùi in kóng, Lín só͘ chiūⁿ hit ê kôaiⁿ-ūi sī sím-mı̍h? i ê miâ kiò-chòe Pa-bâ, tı̍t-kàu kin-á-jı̍t.

(BCL) 我就對講：恁所上彼個高位是甚麼？（伊的名叫做巴麻直到今仔日。）

30

(THR) Só͘-í lí tio̍h tùi Í-sek-lia̍t-ke kóng, Chú Iâ-hô-hoa án-ni kóng, Lín iû-gôan chiàu lín lia̍t-chó͘ só͘ kiâⁿ-ê, phah lâ-sâm ka-kī mah? iû-gôan thàn in khó-ò͘ⁿ ê sū kiâⁿ-îm mah?

(BCL) 所以你著對以色列家講，主耶和華按呢講：恁猶原照恁列祖所行的拍垃墋家己嗎？猶原趁可惡的事行淫嗎？

31

(THR) Lín hiàn lé-mı̍h, hō͘ lín ê kiáⁿ keng-kè hé ê sî, iû-gôan chiong it-chhè ê ngó͘-siōng phah lâ-sâm ka-kī, kàu kin-á-jı̍t mah? Í-sek-lia̍t-ke ah, Góa kiám beh hō͘ lín mn̄g mah? Chú Iâ-hô-hoa kóng, Góa kí Góa ê éng-o̍ah lâi chiù-chōa, Góa tek-khak m̄ hō͘ lí mn̄g.

(BCL) 恁獻禮物互恁的子經過火的時，猶原將一切的偶像拍垃墋家己，到今仔日嗎？以色列家啊，我豈欲互恁問嗎？主耶和華講：我指我的永活來咒誓，我的確呣互你問。

32

(THR) Lín kóng, Góan beh chhin-chhiūⁿ gōa-pang lâng, chhin-chhiūⁿ lia̍t-kok ê chong-cho̍k, khì ho̍k-sāi chhâ-ê, chio̍h-ê; lín hoat-khí chit-hō sim-ì, tòan-tòan bōe chiâⁿ.

(BCL) 「恁講：阮欲親像外邦人，親像列國的宗族，去服事柴的、石的。恁發起此號心意，斷斷成。」

33

(THR) Chú Iâ-hô-hoa kóng, Góa kí Góa ê éng-o̍ah lâi chiù-chōa, Góa beh ēng tōa kôan-lêng ê chhiú, kap chhun-chhut ê chhiú-kut, kap piàⁿ-chhut ê tōa siū-khì chòe lín ê ông.

(BCL) 主耶和華講：「我指我的永活來咒誓，我欲用大權能的手及伸出的手骨，及傾出的大受氣做恁的王。

34

(THR) Góa beh ēng tōa kôan-lêng ê chhiú, kap chhun-chhut ê chhiú-kut, kap piàⁿ-chhut ê tōa siū-khì tùi lia̍t-pang-tiong chhōa lín chhut, ia̍h tùi lín sì-sòaⁿ-khì hiah ê kok chū-chı̍p lín.

(BCL) 我欲用大權能的手及伸出的手骨，及傾出的大受氣，對列邦中導恁出，亦對恁四散去許個國聚集恁。

35

(THR) Góa beh chhōa lín kàu gōa-pang lâng ê khòng-iá, tī-hia tng-bīn sím-mn̄g lín.

(BCL) 我欲導恁到外邦人的曠野，佇遐當面審問恁。

36

(THR) Góa àn-cháiⁿ-iūⁿ tī Ai-kı̍p tōe ê khòng-iá sím-mn̄g lín ê lia̍t-chó͘, ia̍h beh án-ni sím-mn̄g lín; che sī Chú Iâ-hô-hoa kóng--ê.

(BCL) 我按怎樣佇埃及地的曠野審問恁的列祖，亦欲按呢審問恁。這是主耶和華講的。

37

(THR) Góa beh hō͘ lín keng-kè kóaiⁿ-á-ē, ia̍h beh hō͘ lín siū iok ê khu-sok.

(BCL) 我欲互恁經過枴仔下，亦欲互恁受約的拘束。

38

(THR) Góa beh tùi lín tiong-kan it-chīn tû hiah ê pōe-ge̍k kap tek-chōe Góa ê lâng; chhōa in chhut in kià-kha ê tōe-hng, chóng-sī in bōe-tit jı̍p Í-sek-lia̍t tōe; lín chiū chai Góa sī Iâ-hô-hoa.

(BCL) 我欲對恁中間一盡除許個悖逆及得罪我的人，導出寄腳的地方，總是得入以色列地。恁就知我是耶和華。

39

(THR) Í-sek-lia̍t-ke ah, lūn-kàu lín, Chú Iâ-hô-hoa án-ni kóng, Khì ah, ta̍k-lâng ho̍k-sāi i ê ngó͘-siōng, to̍k-to̍k āu-lâi tek-khak beh thiaⁿ Góa, bô koh ēng lé-mı̍h kap ngó͘-siōng siat-to̍k Góa ê sèng-miâ.

(BCL) 「以色列家啊，論到恁，主耶和華按呢講：去啊，逐人服事伊的偶像，獨獨後來的確欲聽我，無閣用禮物及偶像褻瀆我的聖名。

40

(THR) Chú Iâ-hô-hoa kóng, Tī Góa ê sèng-soaⁿ, chiū-sī Í-sek-lia̍t kôaiⁿ ê soaⁿ, tī-hia Í-sek-lia̍t chôan-ke ê chèng-lâng, beh tī hit ê tōe ho̍k-sāi Góa, tī-hia Góa beh chiap-la̍p lín, tī-hia Góa beh kā lín thó lé-mı̍h, kap lín khí-thâu-se̍k ê thó͘-sán, í-kı̍p lín it-chhè ê sèng-mı̍h.

(BCL) 「主耶和華講：佇我的聖山，就是以色列高的山，佇遐以色列全家的眾人欲佇彼個地服事我。佇遐我欲接納恁，佇遐我欲給恁討禮物及恁起頭熟的土產，以及恁一切的聖物。

41

(THR) Góa tùi chiah ê peh-sìⁿ-tiong chhōa lín chhut, tùi lín sì-sòaⁿ--khì ê lia̍t-kok-tiong chū-chı̍p lín; hit-sî Góa beh chiap-la̍p lín chhin-chhiūⁿ phang-hiuⁿ; Góa beh tī lín tit-tio̍h hián-bêng chòe-sèng, hō͘ gōa-pang lâng khòaⁿ-kìⁿ.

(BCL) 我對諸個百姓中導恁出，對恁四散去的列國中聚集恁，彼時我欲接納恁親像芳香；我欲佇恁得著顯明做聖互外邦人看見。

42

(THR) Góa chhōa lín jı̍p Í-sek-lia̍t tōe, chiū-sī Góa kia̍h-khí Góa ê chhiú, kóng beh siúⁿ-sù lín lia̍t-chó͘ ê tōe, hit-sî lín chiū chai Góa sī Iâ-hô-hoa.

(BCL) 我導恁入以色列地，就是我抬起我的手講欲賞賜恁列祖的地，彼時恁就知我是耶和華。

43

(THR) Tī-hia lín beh kì-tit lín ê só͘-kiâⁿ só͘ chòe, chiū-sī lín tùi hiah-ê lâi phah lâ-sâm lín ka-kī--ê; koh beh in-ūi lín só͘ kiâⁿ it-chhè ê pháiⁿ, lâi ka-kī iàm-ò͘ⁿ.

(BCL) 佇遐恁欲記得恁的所行所做，就是恁對許個來拍垃墋恁家己者，閣欲因為恁所行一切的歹來家己厭惡。

44

(THR) Chú Iâ-hô-hoa kóng, Í-sek-lia̍t-ke ah, Góa ūi-tio̍h Góa ê miâ ê iân-kò͘, bô chiàu lín ê pháiⁿ só͘-kiâⁿ, kap lín ê hú-pāi ê só͘-chòe khóan-thāi lín; lín chiū chai Góa sī Iâ-hô-hoa.

(BCL) 主耶和華講：以色列家啊，我為著我的名的緣故，無照恁的歹所行及恁的腐敗的所做款待恁；恁就知我是耶和華。」

45

(THR) Iâ-hô-hoa ê ōe lîm-kàu Góa kóng,

(BCL) 耶和華的話臨到我講：

46

(THR) Jîn-chú ah, lí ê bīn tio̍h ǹg lâm-hng, ǹg lâm-hng piàⁿ-chhut ōe, kong-kek lâm-hng chhân-iá ê chhiū-nâ lâi soan-thôan.

(BCL) 「人子啊，你的面著向南方，向南方傾出話攻擊南方田野的樹林來宣傳。

47

(THR) Tùi lâm-hng ê chhiū-nâ kóng, Tio̍h thiaⁿ Iâ-hô-hoa ê ōe; Chú Iâ-hô-hoa án-ni kóng, Khòaⁿ ah, Góa beh tī lí tiong kan khí hé, sio lí tiong-kan it-chhè chhiⁿ-chhùi ê chhiū, kap ko͘-tâ ê chhiū; béng-lia̍t ê hé-iām, tek-khak bô sit; tùi lâm kàu pak, ta̍k-bīn lóng siū sio.

(BCL) 對南方的樹林講，著聽耶和華的話。主耶和華按呢講：看啊，我欲佇你中間起火，燒你中間一切青翠的樹及枯焦的樹，猛烈的火焰的確無熄。對南到北，逐面攏受燒。

48

(THR) Hōan-nā ū hiat-khì--ê, lóng beh chai khí-hé--ê, sī Góa Iâ-hô-hoa.

(BCL) 凡若有血氣者攏欲知起火者，是我耶和華。」

49

(THR) Tùi án-ni góa kóng, Hāiⁿ ah, Chú Iâ-hô-hoa ah, lâng lóng gī-lūn góa kóng, I kiám m̄-sī teh kóng phì-jū?

(BCL) 對按呢我講：「嗐啊！主耶和華啊，人攏議論我講：伊豈呣是講譬喻？」

Bible Color Mark

• 台語漢字羅馬本
• 巴克禮全羅