以西結書 第 15 章

1

(THR) Iâ-hô-hoa ê ōe lîm-kàu góa kóng,

(BCL) 耶和華的話臨到我講：

2

(THR) Jîn-chú ah, phû-tô-chhiū chiū-sī chhiū-nâ-lāi chhiū-ba̍k-tiong ê chı̍t-ki, i pí ta̍k-hō chhiū ū sím-mı̍h khah-iâⁿ?

(BCL) 「人子啊，葡萄樹就是樹林內樹木中的一枝，伊比逐號樹有甚麼卡贏？

3

(THR) Kiám ōe thang tùi i chhú chhâ-liāu chòe sím-mı̍h lō͘-ēng? á-sī thang ēng i chòe khı̍t-á lâi tiàu sím-mı̍h khì-kū mah?

(BCL) 豈會通對伊取柴料做甚麼路用，抑是通用伊做杙仔來吊甚麼器具嗎？

4

(THR) Khòaⁿ ah, sī hiat tī hé--nih chòe hé-chhâ, siang-thâu í-keng hō͘ hé sio-liáu, tiong-ng ia̍h siū-sio, iáu ū sím-mı̍h lō͘-ēng ah?

(BCL) 看啊，是佇火裡做火柴，雙頭已經互火燒了，中央亦受燒，猶有甚麼路用啊？

5

(THR) Khòaⁿ ah, hó-hó ê sî, siōng-chhiáⁿ m̄-ha̍p sím-mı̍h lō͘-ēng, hô-hòng hō͘ hé sio, í-keng pháiⁿ--khì, iáu ōe ha̍p sím-mı̍h lō͘-ēng ah?

(BCL) 看啊，好好的時尚且呣合甚麼路用，何況互火燒已經歹去，猶會合甚麼路用啊？」

6

(THR) Só͘-í Chú Iâ-hô-hoa án-ni kóng, Chhin-chhiūⁿ chhiū-nâ-lāi chiah ê chhiū-tiong ê phû-tô, Góa só͘ kau-hù tī hé-tiong chòe hé-chhâ--ê, Góa ia̍h beh chiàu án-ni khóan-thāi Iâ-lō͘-sat-léng khiā-khí ê peh-sìⁿ.

(BCL) 所以，主耶和華按呢講：「親像樹林內諸個樹中的葡萄，我所交付佇火中做火柴的，我亦欲照按呢款待耶路撒冷徛起的百姓。

7

(THR) Góa beh tùi in pìⁿ-bīn; in tùi hé-tiong chhut-lâi, chóng-sī hé beh sio-bia̍t in. Góa tùi in pìⁿ-bīn ê sî, lín chiū chai Góa sī Iâ-hô-hoa.

(BCL) 我欲對變面；對火中出來，總是火欲燒滅。我對變面的時，恁就知我是耶和華。

8

(THR) Góa beh hō͘ chit só͘-chāi hong-hòe, in-ūi in kiâⁿ tāi-chì lâi hōan-chōe; che sī Chú Iâ-hô-hoa kóng--ê.

(BCL) 我欲互此所在荒廢，因為行代誌來犯罪。這是主耶和華講的。」

Bible Color Mark

• 台語漢字羅馬本
• 巴克禮全羅