申命記 第 7 章

1

(THR) Iâ-hô-hoa lí ê Siōng-tè chhōa lí jı̍p lí só͘ beh khì tit-tio̍h ê tōe, tùi lí ê bīn-chêng kóaⁿ-chhut chōe-chōe pang-kok, chiū-sī Hek lâng, Kek-ka-sat lâng, A-mô͘-lī lâng, Ka-lâm lâng, Pí-lī-sé lâng, Hi-bī lâng, Iâ-pò͘-su lâng, kiōng chhit-kok, lóng pí lí khah-tōa khah-béng;

(BCL) 「耶和華──你的上帝導你入你所欲去得著的地，對你的面前趕出多多邦國，就是赫人、革迦撒人、亞摩利人、迦南人、比利洗人、希未人、耶布斯人，共七國，攏比你卡大卡猛。

2

(THR) Iâ-hô-hoa lí ê Siōng-tè chiong in kau-hù lí, hō͘ lí phah-iâⁿ i, hit-sî lí tio̍h it-chīn bia̍t in, m̄-thang kap in lı̍p-iok, iā m̄-thang lîn-bín in;

(BCL) 耶和華──你的上帝將交付你互你拍贏伊，彼時你著一盡滅，呣通及立約，也呣通憐憫。

3

(THR) m̄-thang kap in kiat-chhin, lí ê cha-bó͘-kiáⁿ m̄-thang kè hō͘ i ê kiáⁿ, iā m̄-thang kā lí ê kiáⁿ chhōa i ê cha-bó͘-kiáⁿ.

(BCL) 呣通及結親。你的查某子呣通嫁互伊的子，也呣通給你的子娶伊的查某子；

4

(THR) In-ūi i beh hō͘ lí ê kiáⁿ o̍at-tńg bô tè Góa, khì ho̍k-sāi pa̍t ê siōng-tè; tì-kàu Iâ-hô-hoa tōa siū-khì lín, kín-kín bia̍t lín.

(BCL) 因為伊欲互你的子越轉無隨我，去服事別個上帝，致到耶和華大受氣恁，緊緊滅恁。

5

(THR) Chóng-sī lín tio̍h án-ni khóan-thāi in; thiah-húi in ê chè-tôaⁿ, phah-chhùi in tiau-khek ê thiāu, chhò in ê A-sài-lîm, ēng hé sio in só͘ chng ê ngó͘-siōng.

(BCL) 總是恁著按呢款待：拆毀的祭壇，拍碎雕刻的柱，剉的亞舍林，用火燒所妝的偶像。

6

(THR) In-ūi lín chòe sèng-kiat ê peh-sìⁿ, kui tī Iâ-hô-hoa lí ê Siōng-tè. Iâ-hô-hoa lí ê Siōng-tè tùi tōe-chiūⁿ bān peh-sìⁿ-tiong kéng lí, te̍k-pia̍t chòe I ka-kī ê peh-sìⁿ.

(BCL) 因為恁做聖潔的百姓；歸佇耶和華──你的上帝；耶和華──你的上帝對地上萬百姓中揀你，特別做伊家己的百姓。

7

(THR) Iâ-hô-hoa thiàⁿ lín, kéng lín, m̄-sī in-ūi lín ê lâng-gia̍h pí pa̍t-kok khah-chōe; in-ūi lín ê lâng-gia̍h sī bān-kok-tiong tē-it chió-ê;

(BCL) 「耶和華疼恁，揀恁，呣是因為恁的人額比別國卡多，因為恁的人額是萬國中第一少的。

8

(THR) sī in-ūi Iâ-hô-hoa thiàⁿ lín, koh in-ūi beh kiâⁿ I tùi lín lia̍t-chó͘ só͘ chiù-chōa ê, Iâ-hô-hoa chiah ēng tōa kôan-lêng ê chhiú chhōa lín chhut-lâi, tùi chòe lô͘-châi ê ke kiù-sio̍k lín, thoat-lī Ai-kı̍p ông Hoat-ló ê chhiú.

(BCL) 是因為耶和華疼恁，閣因為欲行伊對恁列祖所咒誓的，耶和華才用大權能的手導恁出來，對做奴才的家救贖恁脫離埃及王法老的手。

9

(THR) Só͘-í lí tio̍h chai Iâ-hô-hoa lí ê Siōng-tè, I sī Siōng-tè, sī sìn-sı̍t ê Siōng-tè, ūi-tio̍h thiàⁿ I siú I kài-bēng ê lâng, kiâⁿ I ê iok kap chû-ài, tı̍t-kàu chheng-tāi.

(BCL) 所以，你著知耶和華──你的上帝，伊是上帝，是信實的上帝；為著疼伊、守伊誡命的人，行伊的約及慈愛，直到千代；

10

(THR) Kìⁿ-nā òan-hūn I ê lâng, I beh tng-bīn pò-èng lâi bia̍t in; òan-hūn I ê lâng, I beh tng-bīn pò-èng i, bô beh iân-chhiân.

(BCL) 見若怨恨伊的人伊欲當面報應來滅。怨恨伊的人伊欲當面報應伊，無欲延延。

11

(THR) Só͘-í lí tio̍h chip-siú góa kin-á-jı̍t só͘ bēng-lēng lí ê kài-bēng, lu̍t-lē, hoat-tō͘, lâi kiâⁿ i.

(BCL) 所以，你著執守我今仔日所命令你的誡命、律例、法度來行伊。」

12

(THR) Āu-lâi lín nā thiaⁿ chiah ê hoat-tō͘, chip-siú lâi kiâⁿ i, Iâ-hô-hoa lí ê Siōng-tè in-ūi án-ni beh kā lí kiâⁿ I tùi lí ê lia̍t-chó͘ só͘ chiù-chōa ê iok kap chû-ài.

(BCL) 「後來恁若聽諸個法度，執守來行伊，耶和華──你的上帝因為按呢欲給你行伊對你的列祖所咒誓的約，及慈愛。

13

(THR) I beh thiàⁿ lí, sù-hok lí, hō͘ lí heng-ōng; iā beh tī I tùi lí ê lia̍t-chó͘ chiù-chōa siúⁿ-sù lí ê tōe, sù-hok lí ê thai só͘-siⁿ-ê, lí ê tōe só͘-chhut-ê, kap lí ê ngó͘-kok, lí ê chiú, lí ê iû, í-kı̍p lí ê gû-á, kap lí ê iûⁿ-á-kiáⁿ.

(BCL) 伊欲疼你，賜福你，互你興旺，也欲佇伊對你的列祖咒誓賞賜你的地，賜福你的胎所生的，你的地所出的，及你的五穀、你的酒、你的油，以及你的牛仔，及你的羊仔子。

14

(THR) Lí beh tit-tio̍h sù-hok iâⁿ-kè bān peh-sìⁿ; lín tiong-kan ê lâm-lú bô chı̍t-ê bōe seng-ióng; lín tiong-kan ê cheng-siⁿ bô chı̍t-chiah bōe siⁿ-thòaⁿ.

(BCL) 你欲得著賜福贏過萬百姓；恁中間的男女無一個生養，恁中間的精牲無一隻生湠。

15

(THR) Iâ-hô-hoa beh hō͘ it-chhè ê pīⁿ-chèng lī-khui lí; lí só͘ chai Ai-kı̍p ta̍k-iūⁿ ê pháiⁿ chèng-thâu, I bô hō͘ lí tú-tio̍h chı̍t-hāng; sī beh hō͘ it-chhè òan-hūn lí ê lâng tú-tio̍h.

(BCL) 耶和華欲互一切的病症離開你；你所知埃及逐樣的歹症頭，伊無互你抵著一項，是欲互一切怨恨你的人抵著。

16

(THR) Iâ-hô-hoa lí ê Siōng-tè só͘ beh kau-hù lí ê peh-sìⁿ, lí tio̍h lóng bia̍t in; lí ê ba̍k-chiu m̄-thang khó-lîn in, lí iā m̄-thang ho̍k-sāi in ê siōng-tè; in-ūi che beh chòe hāi lí ê lô-bāng.

(BCL) 耶和華──你的上帝所欲交付你的百姓，你著攏滅；你的目睭呣通可憐。你也呣通服事的上帝，因為這欲做害你的羅網。

17

(THR) Lí nā sim-lāi siūⁿ kóng, Chiah ê kok pí góa khah-tōa, góa thái-thó ōe kóaⁿ-tio̍k in ah?

(BCL) 「你若心內想講，諸個國比我卡大，我豈可會趕逐啊？

18

(THR) Lí m̄-bián kiaⁿ in; tek-khak tio̍h kì-tit Iâ-hô-hoa lí ê Siōng-tè ǹg Hoat-ló kap Ai-kı̍p chôan-tōe só͘ kiâⁿ ê sū;

(BCL) 你呣免驚，的確著記得耶和華──你的上帝向法老及埃及全地所行的事，

19

(THR) chiū-sī lí chhin-ba̍k khòaⁿ-kìⁿ ê tōa chhì-liān, sîn-jiah, kî-sū, kap tōa kôan-lêng ê chhiú, kap chhun-chhut-lâi ê chhiú-kut, lóng sī Iâ-hô-hoa lí ê Siōng-tè só͘ ēng lâi chhōa lí chhut-ê; Iâ-hô-hoa lí ê Siōng-tè iā beh án-ni kiâⁿ tī lí só͘ kiaⁿ it-chhè ê peh-sìⁿ.

(BCL) 就是你親目看見的大試煉、神蹟、奇事，及大權能的手，及伸出來的手骨，攏是耶和華──你的上帝所用來導你出的。耶和華──你的上帝也欲按呢行佇你所驚一切的百姓。

20

(THR) Koh Iâ-hô-hoa lí ê Siōng-tè beh chhe tōa chiah phang, pe-kàu in tiong-kan, tı̍t-kàu in só͘ chhun lâi siám-bih-ê, bia̍t tī lí ê bīn-chêng.

(BCL) 閣耶和華──你的上帝欲差大隻蜂飛到中間，直到所剩來閃匿者滅佇你的面前。

21

(THR) Lí m̄-bián kiaⁿ in; in-ūi Iâ-hô-hoa lí ê Siōng-tè sī tōa koh thang kiaⁿ ê Siōng-tè, tī lín tiong-kan.

(BCL) 你呣免驚，因為耶和華──你的上帝是大閣通驚的上帝佇恁中間。

22

(THR) Iâ-hô-hoa lí ê Siōng-tè beh tī lí ê bīn-chêng chiām-chiām tû-bia̍t chiah ê kok; lí m̄-thang kín-kín bia̍t i kàu-chīn, kiaⁿ-liáu iá-siù ke-thiⁿ chōe-chōe lâi hāi lí.

(BCL) 耶和華──你的上帝欲佇你的面前漸漸除滅諸個國；你呣通緊緊滅伊到盡，驚了野獸加添多多來害你。

23

(THR) Iâ-hô-hoa lí ê Siōng-tè beh chiong in kau-hù lí, hō͘ in tōa-kiaⁿ jiáu-lōan, tı̍t-kàu in bia̍t-bô;

(BCL) 耶和華──你的上帝欲將交付你，互大驚擾亂，直到滅無；

24

(THR) koh beh ēng in hiah ê ông kau tī lí ê chhiú, lí beh tû-bia̍t in ê miâ tī thiⁿ-ē; tek-khak bô chı̍t-lâng ōe khiā tī lí ê bīn-chêng, tı̍t-kàu lí bia̍t-bô in.

(BCL) 閣欲用許個王交佇你的手，你欲除滅的名佇天下。的確無一人會徛佇你的面前，直到你滅無。

25

(THR) In só͘ tiau-khek in ê siōng-tè ê siōng, lín tio̍h ēng hé sio i; i ê sin-chiūⁿ ê kim-gûn lí m̄-thang tham, iā m̄-thang the̍h i chòe ka-kī-ê; kiaⁿ-liáu lí ūi chit-ê hām-lo̍h lô-bāng; in-ūi che sī Iâ-hô-hoa lí ê Siōng-tè só͘ iàm-ò͘ⁿ-ê .

(BCL) 所雕刻的上帝的像，恁著用火燒伊；伊的身上的金銀，你呣通貪，也呣通提伊做家己的，驚了你為此個陷落羅網；因為這是耶和華──你的上帝所厭惡的。

26

(THR) Kìⁿ-nā thang iàm-ò͘ⁿ ê mı̍h, lí m̄-thang tòa-jı̍p lí ê chhù, kiaⁿ-liáu lí iā chiâⁿ-chòe thang chiù-chó͘-ê, kap hiah ê mı̍h chı̍t-iūⁿ; lí tio̍h ke̍k-kî thòng-hūn, ke̍k-kî iàm-ò͘ⁿ; in-ūi sī thang chiù-chó͘-ê.

(BCL) 見若通厭惡的物，你呣通帶入你的厝；驚了你也成做通咒詛的，及許個物一樣。你著極其痛恨，極其厭惡，因為是通咒詛的。」

Bible Color Mark

• 台語漢字羅馬本
• 巴克禮全羅