申命記 第 5 章

1

(THR) Mô͘-se kiò Í-sek-lia̍t chèng-lâng, tùi in kóng, Í-sek-lia̍t ah, lín tio̍h thiaⁿ góa kin-á-jı̍t só͘ thôan hō͘ lín thiaⁿ ê lu̍t-lē hoat-tō͘, hō͘ lín thang ha̍k-sı̍p i, chip-siú lâi kiâⁿ in.

(BCL) 摩西叫以色列眾人，對講：「以色列啊，恁著聽我今仔日所傳互恁聽的律例法度，互恁通學習伊，執守來行。

2

(THR) Iâ-hô-hoa lán ê Siōng-tè tī Hô-lia̍t kap lán lı̍p-iok.

(BCL) 耶和華──咱的上帝佇何烈及咱立約。

3

(THR) Iâ-hô-hoa bô kap lán ê lia̍t-chó͘ lı̍p chit ê iok, sī kap lán chiah-ê, chiū-sī kap lán kin-á-jı̍t it-chhè o̍ah tī-chia ê lâng lı̍p-ê.

(BCL) 耶和華無及咱的列祖立此個約，是及咱諸個，就是及咱今仔日一切活佇遮的人立的。

4

(THR) Iâ-hô-hoa tī soaⁿ-téng, tùi hé-tiong bīn-tùi-bīn, kap lín kóng-ōe.

(BCL) 耶和華佇山頂，對火中，面對面及恁講話──

5

(THR) (Hit-sî góa khiā tī Iâ-hô-hoa kap lín ê tiong-kan, beh chiong Iâ-hô-hoa ê ōe thôan hō͘ lín, in-ūi lín ūi-tio̍h hit ê hé lâi kiaⁿ, bô chiūⁿ soaⁿ.)

(BCL) 彼時我徛佇耶和華及恁的中間，欲將耶和華的話傳互恁；因為恁為著彼個火來驚，無上山──主講：

6

(THR) Chú kóng, Góa sī Iâ-hô-hoa lí ê Siōng-tè, bat chhōa lí tùi Ai-kı̍p tōe, tùi chòe lô͘-châi ê ke chhut-lâi ê.

(BCL) 「『我是耶和華──你的上帝，曾導你對埃及地對做奴才的家出來的。

7

(THR) Góa í-gōa lí m̄-thang ū pa̍t ê siōng-tè.

(BCL) 「『我以外你呣通有別個上帝。

8

(THR) M̄-thang ūi ka-kī tiau-khek ngó͘-siōng, put-lūn thiⁿ-téng, tōe-ē, kap tōe-ē chúi-lāi só͘-ū ê mı̍h, lóng m̄-thang chng in ê siōng;

(BCL) 「『呣通為家己雕刻偶像，不論天頂、地下，及地下水內所有的物，攏呣通妝的像。

9

(THR) m̄-thang kūi-pài in, iā m̄-thang ho̍k-sāi in; in-ūi Góa Iâ-hô-hoa lí ê Siōng-tè, tòan-tòan m̄ iông-ún ēng pa̍t ê siōng-tè phit-phòe Góa; òan-hūn Góa ê, Góa kui-kiū i ê chōe, tùi pē kàu kiáⁿ, kàu saⁿ-sì tāi;

(BCL) 呣通跪拜，也呣通服事，因為我耶和華──你的上帝斷斷呣容允用別個上帝匹配我。怨恨我的，我歸咎伊的罪，對父到子，到三、四代；

10

(THR) thiàⁿ Góa, siú Góa kài-bēng ê, Góa si-un hō͘ i, tı̍t-kàu chheng-tāi.

(BCL) 疼我、守我誡命者，我施恩互伊，直到千代。

11

(THR) M̄-thang lām-sám chheng Iâ-hô-hoa lí Siōng-tè ê miâ; in-ūi lām-sám chheng I ê miâ ê, Iâ-hô-hoa tek-khak bô lia̍h i chòe bô-chōe.

(BCL) 「『呣通濫糝稱耶和華──你上帝的名；因為濫糝稱伊的名的，耶和華的確無掠伊做無罪。

12

(THR) Tio̍h siú an-hioh-jı̍t, lia̍h i chòe-sèng, chiàu Iâ-hô-hoa lí ê Siōng-tè só͘ bēng-lēng lí ê;

(BCL) 「『著守安息日掠伊做聖，照耶和華──你的上帝所命令你的。

13

(THR) la̍k-jı̍t-lāi tio̍h tio̍h-bôa chòe lí it-chhè ê kang;

(BCL) 六日內著著磨做你一切的工，

14

(THR) to̍k-to̍k tē-chhit jı̍t, chiū-sī ǹg Iâ-hô-hoa lí ê Siōng-tè lâi siú ê an-hioh, chit-jı̍t, lí kap lí ê kiáⁿ, cha-bó͘-kiáⁿ, lô͘-po̍k, lú-pī, gû, lû, cheng-siⁿ, í-kı̍p tiàm tī lí tiong-kan ê chhut-gōa lâng, it-chhè ê kang lóng m̄-thang chòe; hō͘ lí ê lô͘-po̍k, lú-pī, thang chhin-chhiūⁿ lí an-hioh.

(BCL) 獨獨第七日就是向耶和華──你的上帝來守的安息。此日，你及你的子、查某子、奴僕、女婢、牛、驢、精牲，以及踮佇你中間的出外人，一切的工攏呣通做，互你的奴僕、女婢通親像你安息。

15

(THR) Lí iā tio̍h kì-tit lí chêng tī Ai-kı̍p tōe chòe lô͘-po̍k, Iâ-hô-hoa lí ê Siōng-tè ēng tōa kôan-lêng ê chhiú, chhun-chhut-lâi ê chhiú-kut, chhōa lí tùi hia chhut-lâi; in-ūi án-ni, Iâ-hô-hoa lí ê Siōng-tè bēng-lēng lí siú an-hioh-jı̍t.

(BCL) 你也著記得你前佇埃及地做奴僕；耶和華──你的上帝用大權能的手伸出來的手骨導你對遐出來。因為按呢，耶和華──你的上帝命令你守安息日。

16

(THR) Tio̍h hàu-kèng lí ê lāu-pē, lí ê lāu-bú, chiàu Iâ-hô-hoa lí ê Siōng-tè só͘ bēng-lēng lí ê, hō͘ lí tī Iâ-hô-hoa lí ê Siōng-tè só͘ siúⁿ-sù lí ê tōe-hng, jı̍t-chí kú-tn̂g, lâi hióng-siū hok-khì.

(BCL) 「『著孝敬你的老父、你的老母，照耶和華──你的上帝所命令你的，互你佇耶和華──你的上帝所賞賜你的地方日子久長，來享受福氣。

17

(THR) M̄-thang thâi-sí lâng.

(BCL) 「『呣通死人。

18

(THR) Iā m̄-thang kiâⁿ kan-îm.

(BCL) 「『也呣通行姦淫。

19

(THR) Iā m̄-thang thau-the̍h.

(BCL) 「『也呣通偷提。

20

(THR) Iā m̄-thang chòe ké ê kan-chèng, hām-hāi lí ê chhù-piⁿ.

(BCL) 「『也呣通做假的干證陷害你的厝邊。

21

(THR) Iā m̄-thang tham lí ê chhù-piⁿ ê bó͘, iā m̄-thang tham lí ê chhù-piⁿ ê chhù, kap i ê chhân-hn̂g, i ê lô͘-po̍k, i ê lú-pī, i ê gû, i ê lû, kap lí ê chhù-piⁿ it-chhè só͘ ū ê.

(BCL) 「『也呣通貪你的厝邊的某；也呣通貪你的厝邊的厝、及伊的田園、伊的奴僕、伊的女婢、伊的牛、伊的驢，及你的厝邊一切所有的。』

22

(THR) Chiah ê ōe sī Iâ-hô-hoa tī soaⁿ-téng, tùi hé-tiong hûn-tiong o͘-àm-tiong, tōa-siaⁿ hoan-hù lín chôan-hōe ê; iā bô koh ke-thiⁿ. I iā siá in tī nn̄g tè chio̍h-pi, kau-tài góa.

(BCL) 「諸個話是耶和華佇山頂，對火中、雲中、黑暗中，大聲吩咐恁全會的；也無閣加添。伊也寫佇二塊石碑，交代我。」

23

(THR) Hit-tia̍p hé-iām sio tī soaⁿ-nı̍h, lín thiaⁿ-kìⁿ hit ê tùi o͘-àm-tiong chhut-lâi ê siaⁿ, lín ê chi-phài lóng-chóng ê siú-léng, kap lín ê tiúⁿ-ló lâi chiū-kūn góa.

(BCL) 「彼霎，火焰燒佇山裡，恁聽見彼個對黑暗中出來的聲；恁的支派攏總的首領及恁的長老來就近我，

24

(THR) Lín kóng, Khòaⁿ ah, Iâ-hô-hoa lán ê Siōng-tè hián-bêng I ê êng-kng, kap I ê chì-tōa, hō͘ góan khòaⁿ; góan koh thiaⁿ-kìⁿ I ê siaⁿ-im tùi hé-tiong chhut; kin-á-jı̍t góan iā chai Siōng-tè kap lâng kóng-ōe, lâng iáu ōe o̍ah.

(BCL) 恁講：『看啊，耶和華──咱的上帝顯明伊的榮光及伊的至大互阮看，阮閣聽見伊的聲音對火中出。今仔日阮也知上帝及人講話，人猶會活。

25

(THR) Taⁿ góan mih-sái tio̍h sí ah? In-ūi chit ê tōa-hé beh sio-bia̍t góan; góan nā koh thiaⁿ-kìⁿ Iâ-hô-hoa lán Siōng-tè ê siaⁿ, chiū ōe sí.

(BCL) 今阮乜使著死啊？因為此個大火欲燒滅阮，阮若閣聽見耶和華──咱上帝的聲就會死。

26

(THR) In-ūi kìⁿ-ū jio̍k-thé ê, chī-chūi chhin-chhiūⁿ góan thiaⁿ-kìⁿ éng-o̍ah Siōng-tè tùi hé-tiong kóng-ōe ê siaⁿ, iáu ōe o̍ah-teh ah?

(BCL) 因為見有肉體的，是誰親像阮聽見永活上帝對火中講話的聲，猶會活啊？

27

(THR) Lí tio̍h chìn-chêng khì, thiaⁿ Iâ-hô-hoa lán ê Siōng-tè só͘ beh kóng it-chhè ê ōe; chiong Iâ-hô-hoa só͘ tùi lí kóng it-chhè ê ōe, lí tio̍h tùi góan kóng; góan beh thiaⁿ iā beh kiâⁿ i.

(BCL) 你著進前去，聽耶和華──咱的上帝所欲講一切的話，將耶和華所對你講一切的話，你著對阮講，阮欲聽也欲行伊。』

28

(THR) Lín tùi góa kóng-ōe, Iâ-hô-hoa thiaⁿ-kìⁿ lín kóng-ōe ê siaⁿ, Iâ-hô-hoa tùi góa kóng, Góa ū thiaⁿ-kìⁿ chit ê peh-sìⁿ kóng-ōe ê siaⁿ, chiū-sī in só͘ tùi lí kóng ê; in só͘ kóng ê ōe lóng hó.

(BCL) 「恁對我講話，耶和華聽見恁講話的聲。耶和華對我講：『我有聽見此個百姓講話的聲，就是所對你講的；所講的話攏好。

29

(THR) Gōan in chûn chit-hō sim, lâi kèng-ùi Góa, siông-siông siú Góa it-chhè ê kài-bēng, hō͘ in kap in ê kiáⁿ-sun éng-óan tit-tio̍h hok-khì.

(BCL) 願存此號心來敬畏我，常常守我一切的誡命，互及的子孫永遠得著福氣。

30

(THR) Lí khì kā in kóng, Lín chòe lín tò-khì lín ê pò͘-pîⁿ.

(BCL) 你去給講：恁做恁倒去恁的布棚！

31

(THR) Lūn-kàu lí, lí tio̍h khiā tī Góa chia, Góa beh chiong lí só͘ tio̍h kà-sī in it-chhè kài-bēng, lu̍t-lē, hoat-tō͘, kā lí kóng, hō͘ in tī Góa só͘ siúⁿ-sù in chòe-gia̍p ê tōe kiâⁿ i.

(BCL) 論到你，你著徛佇我遮，我欲將你所著教示一切誡命、律例、法度、給你講；互佇我所賞賜做業的地行伊。』

32

(THR) Só͘-í lín tio̍h chiàu Iâ-hô-hoa lín ê Siōng-tè só͘ bēng-lēng lín ê, tio̍h chip-siú lâi kiâⁿ i; m̄-thang phian tī chó, phian tī iū.

(BCL) 所以，恁著照耶和華──恁的上帝所命令恁的，著執守來行伊，呣通偏佇左偏佇右。

33

(THR) Iâ-hô-hoa lín ê Siōng-tè só͘ bēng-lēng lín ê lō͘, lín lóng tio̍h kiâⁿ i, hō͘ lín o̍ah-teh, tit-tio̍h hok-khì; iā hō͘ lín ê jı̍t-chí, tī lín só͘ beh sêng-chiap ê tōe, tit-tio̍h kú-tn̂g.

(BCL) 耶和華──恁的上帝所命令恁的路，恁攏著行伊，互恁活得著福氣，也互恁的日子佇恁所欲承接的地得著久長。」

Bible Color Mark

• 台語漢字羅馬本
• 巴克禮全羅