申命記 第 32 章

1

(THR) Chiah ê thiⁿ ah, tio̍h àⁿ hī-khang, góa beh kóng-ōe; Gōan tōe iā tio̍h thiaⁿ góa ê chhùi só͘ kóng ê.

(BCL) 諸個天啊，著俯耳孔，我欲講話；願地也著聽我的嘴所講的。

2

(THR) Góa ê kà-sī beh chhin-chhiūⁿ hō͘ kàng-lo̍h, Góa ê ōe chhin-chhiūⁿ lō͘-chúi teh tih; Chhin-chhiūⁿ mng-mng ê hō͘ lo̍h tī iù-iù ê chháu, Chhin-chhiūⁿ tōa-hō͘ lo̍h tī chhài-soe.

(BCL) 我的教示欲親像雨降落；我的話親像露水滴，親像濛濛的雨落佇幼幼的草；親像大雨落佇菜蔬。

3

(THR) In-ūi góa beh soan-thôan Iâ-hô-hoa ê miâ; Lín tio̍h chun lán ê Siōng-tè chòe tōa.

(BCL) 因為我欲宣傳耶和華的名；恁著尊咱的上帝做大。

4

(THR) Chòe Chio̍h-pôaⁿ-ê, I só͘-chòe-ê sī ôan-chôan, I ê lō͘ lóng sī kong-pêng; Sī chin-sı̍t ê Siōng-tè, lóng bô put-gī; I sī kong-gī, koh chèng-tı̍t.

(BCL) 做石磐者，伊所做的是完全；伊的路攏是公平，是真實的上帝攏無不義，伊是公義，閣正直。

5

(THR) Chit ê koai-phiah oan-khiau ê sè-tāi ka-kī pāi-hōai; M̄-sī I ê kiáⁿ, sī in ê pē-pēng.

(BCL) 此個乖僻彎曲的世代家己敗壞；呣是伊的子，是的弊病。

6

(THR) Gû-gōng bû-ti ê peh-sìⁿ ah, Lín án-ni pò-tap Iâ-hô-hoa mah? I kiám-m̄-sī lí ê lāu-pē, bóe-lí-ê mah? I ū chhòng-chō lí, kiàn-lı̍p lí.

(BCL) 愚戇無知的百姓啊，恁按呢報答耶和華嗎？伊豈呣是你的老父、買你的嗎？伊有創造你、建立你。

7

(THR) Tio̍h kì-tit kó͘-chá ê jı̍t, Siàu-liām le̍k-tāi ê nî; Mn̄g lí ê lāu-pē, i beh chí-sī lí, Mn̄g lí ê lāu-tōa, in beh kā lí kóng.

(BCL) 著記得古早的日，數念歷代的年；問你的老父，伊欲指示你；問你的老大，欲給你講。

8

(THR) Chì-kôaiⁿ-ê pun-gia̍p hō͘ lia̍t-pang. Pun-khui sè-kan lâng ê sî, Chiū tiāⁿ-tio̍h peh-sìⁿ ê kài-hān, Chiàu Í-sek-lia̍t lâng ê siàu-gia̍h.

(BCL) 至高者分業互列邦，分開世間人的時，就定著百姓的界限，照以色列人的數額。

9

(THR) Iâ-hô-hoa ê hūn-gia̍h sī I ê peh-sìⁿ; I só͘ tit-tio̍h ê sán-giāp sī Ngá-kok.

(BCL) 耶和華的份額是伊的百姓；伊所得著的產業是雅各。

10

(THR) I tú-tio̍h i tī pha-hng ê tōe, Tī hong-hòe iá-siù háu ê khòng-iá, I ûi-se̍h i, khòaⁿ-kò͘ i, Pó-hō͘ i chhin-chhiūⁿ ba̍k-chiu-jîn.

(BCL) 伊抵著伊佇拋荒的地──佇荒癈野獸哮的曠野，伊圍踅伊，看顧伊，保護伊，親像目睭仁。

11

(THR) Koh chhin-chhiūⁿ eng-chiáu lā i ê siū, Tī eng-á ê téng-bīn ia̍t i ê sı̍t, Thí-khui sı̍t-kó͘ lâi sîn i, Chài i tī i ê sı̍t-kó͘.

(BCL) 閣親像鷹鳥撈伊的巢，佇鷹仔的頂面拽伊的翅，展開翅股來承伊，載伊佇伊的翅股。

12

(THR) Chí-ū Iâ-hô-hoa chhōa i, Bô pa̍t ê siōng-tè kap i tī-teh.

(BCL) 只有耶和華導伊，無別個上帝及伊佇。

13

(THR) Chiū hō͘ i khia tī tōe-chiūⁿ kôaiⁿ ê só͘-chāi, Tit-tio̍h chia̍h chhân-nı̍h ê thó͘-sán; Koh hō͘ i tùi chio̍h-pôaⁿ suh-bı̍t, Tùi hé-chio̍h suh-iû;

(BCL) 就互伊騎佇地上高的所在，得著食田裡的土產；閣互伊對石磐吸蜜，對火石吸油；

14

(THR) Iā chia̍h gû-lin-iû, kap iûⁿ-lin, Pûi ê iûⁿ-á-kiáⁿ, Pa-san só͘ chhut ê mî-iûⁿ-káng kap soaⁿ-iûⁿ, Kap siōng-hó ê sió-be̍h; Iā lim phû-tô-chiap ê chiú.

(BCL) 也食牛奶油，及羊奶，肥的羊仔子，巴珊所出的綿羊及山羊，及上好的小麥；也飲葡萄汁的酒。

15

(THR) Iâ-su-lûn pûi chiū à-pà, Lí í-keng pûi, koh tōa-lia̍p, bah chin-phauh; I chiū lī-khui chhòng-chō i ê Siōng-tè, Khòaⁿ-khin kiù i ê Chio̍h-pôaⁿ.

(BCL) 耶書崙肥就鴨霸，你已經肥，閣大粒，肉真博，伊就離開創造伊的上帝，看輕救伊的石磐；

16

(THR) In ēng pa̍t ê siōng-tè kek I tò͘-khī, Ēng khó-ò͘ⁿ-ê, jiá I ê siū-khì.

(BCL) 用別個上帝，激伊妒忌，用可惡的，惹伊的受氣。

17

(THR) In chè-hiàn siâ-kúi, m̄-sī chin ê Siōng-tè, Chiū-sī in pêng-sò͘ só͘ m̄-bat ê siōng-tè, Sī sin-ê, kūn-lâi chiah ū-ê, Sī lí ê lia̍t-chó͘ só͘ bô kiaⁿ-ùi ê.

(BCL) 祭獻邪鬼呣是真的上帝，就是平素所呣識的上帝，是新的近來才有的，是你的列祖所無驚畏的。

18

(THR) Siⁿ lí ê Chio̍h-pôaⁿ, lí bô siàu-liām I, Siⁿ lí ê Siōng-tè, lí bōe-kì-tit I.

(BCL) 生你的石磐你無數念伊，生你的上帝你記得伊。

19

(THR) Iâ-hô-hoa khòaⁿ-kìⁿ, chiū òan-hūn, In-ūi I ê kiáⁿ cha-bó͘-kiáⁿ kek I ê iân-kò͘.

(BCL) 耶和華看見就怨恨，因為伊的子查某子激伊的緣故，就講：

20

(THR) Chiū kóng, Góa beh tùi in ng Góa ê bīn, Khòaⁿ in kiat-kio̍k cháiⁿ-iūⁿ; In sī koai-phiah ê cho̍k-lūi, Bô sìn-sı̍t ê kiáⁿ-jî.

(BCL) 我欲對掩我的面，看結局怎樣。是乖僻的族類，無信實的子兒。

21

(THR) In ēng hit-ê m̄-sī Siōng-tè ê, kek Góa ê tò͘-khī, Ēng in ê hu-ké ê mı̍h, jiá Góa ê siū-khì; Góa chiū ēng m̄-sī chòe peh-sìⁿ ê, kek in ê tò͘-khī; Ēng gû-gōng ê kok-bîn, jiá in ê siū-khì.

(BCL) 用彼個「呣是上帝」的激我的妒忌，用的虛假的物惹我的受氣。我就用「呣是做百姓」的激的妒忌，用愚戇的國民惹的受氣。

22

(THR) In-ūi tī Góa ê siū-khì-tiong ū hé to̍h-khí-lâi, Sio kàu im-kan ke̍k-chhim ê só͘-chāi, Iā sio tōe kap tōe ê chhut-sán, Iā khí-hé sio chiah ê soaⁿ ê tōe-ki.

(BCL) 因為佇我的受氣中有火起來，燒到陰間極深的所在，也燒地及地的出產，也起火燒諸個山的地基。

23

(THR) Góa beh chek-chū chai-ē tī in ê téng-bīn, Ēng Góa lóng-chóng ê chìⁿ lâi siā in.

(BCL) 我欲積聚災禍佇的頂面，用我攏總的箭來射。

24

(THR) In beh in-ūi iau-gō lâi siau-sán, Siū iām-jia̍t kap to̍k-chèng thun-bia̍t; Góa beh hō͘ in tú-tio̍h iá-siù ê chhùi-khí, Kap chôa ê to̍k.

(BCL) 欲因為枵餓來消瘦，受炎熱及毒症吞滅。我欲互抵著野獸的嘴齒，及蛇的毒。

25

(THR) Gōa-bīn ū to-kiàm, Lāi-bīn ū kiaⁿ-hiâⁿ, hō͘ lâng sí-bô, Hō͘ siàu-liân ê ta-po͘-lâng, kap chāi-sek-lú, Chia̍h-lin-ê, kap pe̍h thâu-mn̂g ê lâng, lóng bia̍t-bô,

(BCL) 外面有刀劍，內面有驚惶，互人死亡，互少年的查甫人、及在室女、食奶的、及白頭毛的人，攏滅無。

26

(THR) Góa kóng, Góa beh hō͘ in sì-sòaⁿ tī hn̄g-hn̄g, Tī lâng ê tiong-kan tû in ê miâ-jī;

(BCL) 我講，我欲互四散佇遠遠，佇人的中間除的名字。

27

(THR) Chóng-sī Góa kiaⁿ tùi-te̍k kek Góa, Kiaⁿ-liáu in ê tùi-te̍k gō͘-hōe, Kiaⁿ-liáu in beh kóng, Sī góan ê chhiú kia̍h-kôaiⁿ, M̄-sī Iâ-hô-hoa kiâⁿ chiah ê sū.

(BCL) 總是我驚對敵激我，驚了的對敵誤會，驚了欲講：是阮的手抬高，呣是耶和華行諸個事。

28

(THR) In-ūi in sī bōe hiáu-tit siūⁿ ê peh-sìⁿ, Tī sim-lāi bô chhang-miâ.

(BCL) 因為是曉得想的百姓，佇心內無聰明。

29

(THR) Gōan in ū tì-hūi, ōe bêng-pe̍k chit-ê, Ōe siūⁿ in ê kiat-kio̍k.

(BCL) 願有智慧，會明白此個，會想的結局。

30

(THR) Nā m̄-sī in ê Chio̍h-pôaⁿ bōe in, Nā m̄-sī Iâ-hô-hoa chiong in kau hō͘ lâng, Cháiⁿ-iūⁿ tùi-te̍k chı̍t-ê ōe kóaⁿ in chı̍t-chheng? Nn̄g-ê ōe hō͘ in chı̍t-bān tô-cháu ah?

(BCL) 若呣是的石磐賣，若呣是耶和華將交互人，怎樣對敵一個會趕一千？二個會互一萬逃走啊？

31

(THR) In ê chio̍h-pôaⁿ bô chhin-chhiūⁿ lán ê Chio̍h-pôaⁿ, Liân lán ê tùi-te̍k iā án-ni phêng-phòaⁿ.

(BCL) 的石磐無親像咱的石盤，連咱的對敵也按呢評判。

32

(THR) In ê phû-tô-chhiū sī tùi Só͘-to-má ê phû-tô-chhiū thôan-ê, Iā tùi Gô-mô͘-la̍h ê hn̂g chhut-ê, In ê phû-tô sī to̍k ê phû-tô, Kui-pha lóng sī khó͘-ê;

(BCL) 的葡萄樹是對所多瑪的葡萄樹傳的，也對蛾摩拉的園出的；的葡萄是毒的葡萄，歸葩攏是苦的。

33

(THR) In ê chiú sī lêng ê to̍k, Sī ok-chôa chân-hāi ê to̍k.

(BCL) 的酒是龍的毒，是惡蛇殘害的毒。

34

(THR) Che kiám-m̄-sī chek-chū tī Góa chia, Hong-ba̍t tī Góa pó-pòe ê khò͘-pâng mah?

(BCL) 這豈呣是積聚佇我遮，封密佇我寶貝的庫房嗎？

35

(THR) Sin-oan pò-èng chāi-tī Góa, Tī in ê kha ta̍h-tian ê sî; In-ūi in tú-tio̍h chai-ē ê jı̍t kūn lah, Só͘ beh tú-tio̍h ê sū ōe kín-kín kàu.

(BCL) 伸冤報應在佇我，佇的腳踏顛的時；因為抵著災禍的日近啦；所欲抵著的事會緊緊到。

36

(THR) Iâ-hô-hoa khòaⁿ-kìⁿ I ê peh-sìⁿ khùi-la̍t í-keng bô-khì, Hiah-ê khu-sok-ê, chū-iû-ê, lóng bô lâu chı̍t-ê, Chiū beh thòe in sin-oan, In-ūi I ê lô͘-po̍k lâi thè-hóe.

(BCL) 耶和華看見伊的百姓氣力已經無去，許個拘束的、自由的攏無留一個，就欲替伸冤，因為伊的奴僕來退悔。

37

(THR) I beh kóng, In ê siōng-tè, In só͘ óa-khò ê chio̍h-pôaⁿ;

(BCL) 伊欲講：的上帝，所倚靠的石盤，

38

(THR) Chiū-sī chia̍h in chè-sū ê iû, Lim in kòan-tiān ê chiú ê, taⁿ tī toh-lo̍h? Thang hō͘ in khí-lâi pang-chān lín, Pó-hō͘ lín.

(BCL) 就是食祭祀的油，飲灌奠的酒的，今佇叨落？通互起來幫助恁，保護恁。

39

(THR) Lín taⁿ tio̍h khòaⁿ, Góa , Góa chiū-sī I, Góa í-gōa bô ū Siōng-tè; Góa hō͘ lâng sí, Góa hō͘ lâng o̍ah, Góa sún-siong-i, Góa i-tī-i; Bô chı̍t-ê ōe tùi Góa ê chhiú kiù-chhut.

(BCL) 恁今著看：我，我就是伊；我以外無有上帝。我互人死，我互人活；我損傷伊，我醫治伊，無一個會對我的手救出。

40

(THR) Góa kia̍h-khí chhiú ǹg thiⁿ kóng, Góa kí Góa ê éng-o̍ah lâi kóng;

(BCL) 我抬起手向天講：我指我的永活來講：

41

(THR) Góa nā bôa Góa kng-nà-nà ê to, Góa nā chip-hêng sím-phòaⁿ, Chiū beh hêng-ho̍at Góa ê tùi-te̍k, Pò-èng òan-hūn Góa ê lâng.

(BCL) 我若磨我光爁爁的刀，我若執行審判，就欲刑罰我的對敵，報應怨恨我的人。

42

(THR) Góa beh hō͘ Góa ê chìⁿ lim huih kàu chùi, Góa ê to beh chia̍h bah, Chiū-sī siū-thâi siū-lia̍h ê lâng ê huih, Tùi-te̍k siú-léng ê thâu ê bah.

(BCL) 我欲互我的箭飲血到醉，我的刀欲食肉，就是受受掠的人的血，對敵首領的頭的肉。

43

(THR) Lia̍t-kok ah, lóng tio̍h kap I ê peh-sìⁿ saⁿ-kap hoaⁿ-hí; In-ūi I beh ūi I ê lô͘-po̍k ê huih sin-oan, Pò-èng I ê tùi-te̍k, Beh sio̍k I ê tōe kap I ê peh-sìⁿ ê chōe.

(BCL) 列國啊攏著及伊的百姓相及歡喜；因為伊欲為伊的奴僕的血伸冤，報應伊的對敵，欲贖伊的地，及伊的百姓的罪。

44

(THR) Mô͘-se lâi, ēng chit ê koa it-chhè ê ōe liām hō͘ peh-sìⁿ thiaⁿ; Lùn ê kiáⁿ Iok-su-a iā kap i tī-teh.

(BCL) 摩西來用此個歌一切的話唸互百姓聽，嫩的子約書亞也及伊佇。

45

(THR) Mô͘-se tùi Í-sek-lia̍t ê chèng-lâng kóng chiah ê it-chhè ê ōe bêng-pe̍k, chiū kā in kóng,

(BCL) 摩西對以色列的眾人講諸個一切的話明白，

46

(THR) Góa kin-á-jı̍t só͘ tùi lín kan-chèng it-chhè ê ōe, lín tio̍h khǹg tī sim-nı̍h; iā tio̍h hoan-hù lín ê kiáⁿ-sun chip-siú lâi kiâⁿ chit ê lu̍t-hoat it-chhè ê ōe;

(BCL) 就給講：「我今仔日所對恁干證一切的話，恁著囥佇心裡；也著吩咐恁的子孫執守來行此個律法一切的話。

47

(THR) in-ūi che tùi-tī lín m̄-sī khang-khang ê sū; sī lín ê o̍ah-miā, iā beh in-ūi chit ê sū lín ê jı̍t-chí tit-tio̍h kú-tn̂g, tī lín kè Iok-tàn beh jı̍p-khì sêng-chiap ê tōe.

(BCL) 因為這對佇恁呣是空空的事，是恁的活命；也欲因為此個事恁的日子得著久長，佇恁過約但欲入去承接的地。」

48

(THR) Tng jı̍t Iâ-hô-hoa hoan-hù Mô͘-se kóng,

(BCL) 當日，耶和華吩咐摩西講：

49

(THR) Lí chiūⁿ-khì A-pa-lîm soaⁿ, Nî-pho ê soaⁿ-thâu, kap Iâ-lī-ko tùi-bīn ê Mô͘-ap tōe, khòaⁿ Góa siúⁿ-sù Í-sek-lia̍t lâng chòe-gia̍p ê Ka-lâm tōe;

(BCL) 「你上去亞巴琳山尼波的山頭，及耶利哥對面的摩押地，看我賞賜以色列人做業的迦南地。

50

(THR) lí beh sí tī lí só͘ chiūⁿ-khì ê soaⁿ, lâi tò-chó͘, chhin-chhiūⁿ lí ê hiaⁿ A-lûn sí tī Hô-jíⁿ soaⁿ, lâi tò-chó͘ chı̍t-iūⁿ;

(BCL) 你欲死佇你所上去的山，來倒祖，親像你的兄亞倫死佇何珥山，來倒祖一樣。

51

(THR) in-ūi lín tī Sîm ê khòng-iá, Ka-te-su ê Bí-lī-pa ê chúi, tī Í-sek-lia̍t lâng tiong tek-chōe Góa, in-ūi tī Í-sek-lia̍t lâng tiong bô chun Góa chòe sèng.

(BCL) 因為恁佇尋的曠野，加低斯的米利巴的水，佇以色列人中得罪我，因為佇以色列人中無尊我做聖。

52

(THR) Lí thang tùi-bīn khòaⁿ hit ê tōe, chóng-sī bōe-tit-thang jı̍p-khì kàu Góa só͘ siúⁿ-sù Í-sek-lia̍t lâng ê tōe.

(BCL) 你通對面看彼個地，總是得通入去到我所賞賜以色列人的地。」

Bible Color Mark

• 台語漢字羅馬本
• 巴克禮全羅