阿摩司書 第 9 章

1

(THR) Góa khòaⁿ-kìⁿ Chú khiā tī chè-tôaⁿ-piⁿ; I kóng, Lí tio̍h phah thiāu-táu, hō͘ mn̂g-tēng tín-tāng; phah-chhùi i lâi siong-tio̍h chèng-lâng ê thâu-khak; in só͘ chhun ê lâng, Góa beh ēng to thâi, bô chı̍t-ê cháu ōe lī; bô chı̍t-ê ōe tit-tio̍h kiù.

(BCL) 我看見主徛佇祭壇邊；伊講：你著拍柱枓，互門椗振動，拍碎伊，來傷著眾人的頭殼；所剩的人，我欲用刀，無一個走會離，無一個會得著救。

2

(THR) In sui-jiân ku̍t kàu im-kan, Góa ê chhiú beh tùi-hia lia̍h in chhut-lâi; sui-jiân chiūⁿ kàu thiⁿ, Góa beh tùi-hia lia̍h in lo̍h--lâi;

(BCL) 雖然掘到陰間，我的手欲對遐掠出來；雖然上到天，我欲對遐掠落來；

3

(THR) sui-jiân bih tī ka-bı̍t soaⁿ-téng, Góa beh chhiau-chhē, tùi-hia lia̍h in chhut-lâi; sui-jiân siám-pī Góa ê ba̍k-chiu-chêng, bih tī hái-tóe, Góa beh tùi-hia bēng-lēng chôa, i beh kā in;

(BCL) 雖然匿佇迦密山頂，我欲搜尋，對遐掠出來；雖然閃避我的目睭前匿佇海底，我欲對遐命令蛇，伊欲咬；

4

(THR) sui-jiân siū-lia̍h tī tùi-te̍k ê bīn-chêng, Góa beh tùi-hia bēng-lēng to-kiàm, i beh thâi in; Góa beh chù-ba̍k khòaⁿ i, sī beh kàng chai-ē, m̄-sī beh kàng hok-khì.

(BCL) 雖然受掠佇對敵的面前，我欲對遐命令刀劍，伊欲；我欲注目看伊，是欲降災禍呣是欲降福氣。

5

(THR) In-ūi Chú bān-kun ê Iâ-hô-hoa bong tōe, tōe chiū siau-iûⁿ; kìⁿ-nā khiā-khí hit tiong-kan--ê beh pi-ai, chôan-tōe beh chhin-chhiūⁿ Tōa-hô tiòng--khí-lâi, ia̍h beh thè-kē chhin-chhiūⁿ Ai-kı̍p hô.

(BCL) 因為主──萬軍的耶和華摸地，地就消溶，見若徛起彼中間者欲悲哀。全地欲親像大河漲起來，亦欲退低親像埃及河。

6

(THR) Tī thiⁿ-téng khí I ê pâng-keng, tī tōe-chiūⁿ hē kiong-chhong ê tōe-ki, kiò hái-chúi lâi piàⁿ tī tōe--nih-ê, I ê miâ sī Iâ-hô-hoa.

(BCL) 佇天頂起伊的房間、佇地上下穹蒼的地基、叫海水來傾佇地裡者──伊的名是耶和華。

7

(THR) Iâ-hô-hoa kóng, Í-sek-lia̍t lâng ah, Góa kiám-bô khòaⁿ lín chhin-chhiūⁿ Kó͘-sı̍t lâng mah? Góa kiám-m̄-sī chhōa Í-sek-lia̍t lâng chhut Ai-kı̍p tōe, Hui-lī-sū lâng chhut Ka-hui-thok, A-lân lâng chhut Kiat-jíⁿ mah?

(BCL) 耶和華講：以色列人啊，我豈無看恁親像古實人嗎？我豈呣是導以色列人出埃及地，非利士人出迦斐託，亞蘭人出吉珥嗎？

8

(THR) Khòaⁿ ah, Chú Iâ-hô-hoa chù-ba̍k khòaⁿ chit ê ū-chōe ê kok, Góa beh tùi tōe-chiūⁿ bia̍t--i; chóng-sī bô beh it-chīn bia̍t Ngá-kok ê ke. che sī Iâ-hô-hoa kóng--ê.

(BCL) 看啊，主耶和華注目看此個有罪的國，我欲對地上滅伊，總是無欲一盡滅雅各的家。這是耶和華講的。

9

(THR) Khòaⁿ ah, Góa beh chhut bēng-lēng tī bān-kok-tiong pòa Í-sek-lia̍t-ke, chhin-chhiūⁿ ēng pòa-ki pòa gō͘-kak, bô chı̍t-lia̍p tēng--ê ka-la̍uh tōe.

(BCL) 看啊，我欲出命令，佇萬國中簸以色列家，親像用簸箕簸五穀，無一粒的磕落地。

10

(THR) Góa ê peh-sìⁿ tiong-kan lóng-chóng ū-chōe ê lâng kóng, Chai-ē bōe jip-tio̍h góan, ia̍h bōe tú-tio̍h góan-ê, in beh sí tī to-ē.

(BCL) 我的百姓中間攏總有罪的人講：災禍著阮，亦抵著阮的。欲死佇刀下。

11

(THR) Kàu hit-jı̍t Tāi-pı̍t í-keng tó ê pò͘-pîⁿ, Góa beh koh kā i khiā--khí-lâi, iā beh pó͘ i ê phòa-khiah, beh khí i hiah ê tó-hōai--ê, lâi kiàn-lı̍p i, chhin-chhiūⁿ chá-sî chı̍t-iūⁿ;

(BCL) 到彼日，大衛已經倒的布棚，我欲閣給伊徛起來，也欲補伊的破隙，欲起伊許個倒壞的，來建立伊，親像早時一樣。

12

(THR) hō͘ in tit-tio̍h Í-tong iáu chhun--ê chòe-gia̍p, ia̍h tit-tio̍h hiah ê ēng Góa ê miâ lâi chheng ê gōa-pang. Che sī kiâⁿ chit ê sū ê Iâ-hô-hoa só͘ kóng--ê.

(BCL) 互得著以東猶剩的做業，亦得著許個用我的名來稱的外邦。這是行此個事的耶和華所講的。

13

(THR) Iâ-hô-hoa kóng, Khòaⁿ ah, jı̍t-chí beh kàu, lôe-chhân--ê beh jip-tio̍h siu-koah--ê, ta̍h phû-tô--ê beh jip-tio̍h iā-chéng--ê; tōa-soaⁿ beh tih tiⁿ-chiú, sió-soaⁿ beh lâu ni.

(BCL) 耶和華講：看啊，日子欲到，犁田者欲著收割者；踏葡萄者欲著撒種者，大山欲滴甜酒；小山欲流奶。

14

(THR) Góa beh hō͘ Góa ê peh-sìⁿ Í-sek-lia̍t siū-lia̍h--ê tò-tńg-lâi; in beh koh khí hong-hòe ê siâⁿ lâi khiā-khí, chai phû-tô-hn̂g, lâi lim i ê chiú, choh hn̂g, lâi chia̍h i ê ké-chí.

(BCL) 我欲互我的百姓以色列受掠者倒轉來；欲閣起荒廢的城來徛起，栽葡萄園，來飲伊的酒，作園，來食伊的果子。

15

(THR) Góa beh chai-pôe in tī pún thó͘-tōe; in bô koh tú-tio̍h pu̍ih-chhut tī Góa só͘ hō͘ in ê tōe; che sī Iâ-hô-hoa lí ê Siōng-tè kóng--ê.

(BCL) 我欲栽培佇本土地，無閣抵著拔出佇我所互的地。這是耶和華──你的上帝講的。

Bible Color Mark

• 台語漢字羅馬本
• 巴克禮全羅